Danîa 9:6 - Yálá laawoo hɛɓɛ (dc)

⁶ Ə́ wɔ loloɓo nuąi ŋɛ̨i ə́ di tɔɔ, diɛ ə́ mąą mɛ̨nį laa həli kuɔ tɔɔɓɛlaa diɛ, da ku ɲɛ̨itɔwɔ nuą, ə mą kɛ ku kalaɓɔlɔni da ku huwuhu nuą kəlee, ku hvo kɛ ku wəli tɔɔ li noloɓo nuąi tii diɛ.

Yálá laawoo hɛɓɛ

⁶ Ə́ wɔ loloɓo nuąi ŋɛ̨i ə́ di tɔɔ, diɛ ə́ mąą mɛ̨nį laa həli kuɔ tɔɔɓɛlaa diɛ, da ku ɲɛ̨itɔwɔ nuą, ə mą kɛ ku kalaɓɔlɔni da ku huwuhu nuą kəlee, ku hvo kɛ ku wəli tɔɔ li noloɓo nuąi tii diɛ.

Bible

⁶ Kúfe kúwoli tɔɔ̂i ílono kɛ́-ƃelai dîa nyii-ŋai kúpɔ ílaai sui, kwa kúkâloŋ-ŋai, kúlaa túɛ-ƃelai, kúnâŋ pɔlɔ-ŋai da kúlɔii lônii-ŋai kpéli-ŋai kélee.

Danîa 9:6 ပူးပေါင်းရင်းမြစ်များ

Tɔɔɓɛlaa veelɛ 18:12

Yili ə kɛ tii, mąąhɔlɔɓo, di hvo di wəli tɔɔ Yai-Laa di wɔ Yálái woo ɓa. Di Yai-Laa nwɔ mįnɛ̨i hu woo lɛɛ, mɛ̨nįi kpɔ Yai-Laa nwɔ tímun Moisə ə mo diɛ, di hvo di wəli tɔɔ mą.

Kɔlɔnikɔ Veerɛi 33:10

Yai-Laa ə mɛ̨i ɓo Manase ɓa da nwɔ nuąi, yiliɠaa di hvo di wəli tɔɔ nwoo ɓa.

Ɛsdrasə 9:7

Ə həɠə ku nąnni di wɔ lɔwai ɓa, ə həli la háákələi ɓa, túwɔ́ pələ ɲɔ̨n kwaa gulɔ, aa kɛnɛ̨. Kuɔ, ku wɔ tɔɔɓɛlaa, da ku wɔ haláá laa həli nuą, ku kɛ nɛ̨ŋɛ̨nŋąą ɓə gɛ, kuɔ too yɛnɛ̨ɛ̨ tɔɔɓɛlaa yee ŋą, kuɔ kɛ a ɓɔwa kwɛaa kɔ̨nɔ̨n luwɔlaa hu, too mɛ̨i yee kɔ́nma, da nwumɛ̨, yɛ pələi gaa la háákələi.

Nehemi 9:30

«Kwɛlan damąą yee mu, ə́ mɔ̨nɔ̨ mįi di mu, ə́ kɛi di təli ə́ pɔ pələ, ə́ wɔ Kilii haalai yai kɛ ə́ wɔ loloɓo nuą hu. Kɛlaa, di hvo gə di hvo di wəli tɔɔ ə́ woo ɓa. Yili ɓə gə, yɛ́ di kwɛlɛ lɔi takpɛliɠaa diɛ.

Nehemi 9:32

«Yii hu kɛa, ku wɔ Yálá, yɛ́i ə́ kaa a Yálá kɛnɛ̨ɛ, vaŋą kɛnɛ̨ɛ, mąą ɲɔwɔ, mįnɛ̨i ka ɉəɠə ya bɔ mɛ̨nį kɛ da ə́ woo; mɔ̨nɔ̨i ŋɛ̨i aa laa ku wɔ, hvo gaa a mɛ̨nį hviikpɛɛ. Kuɔ-o, ku wɔ tɔɔɓɛlaai, ku ŋąąwoo ɓo nuą, ku wɔ haláá laa həli nuą, da ə́ wɔ loloɓo nuąi, da ku ną́nni, ə mą kɛ nɔi lonnii kəlee, ə həɠə Asiri tɔɔɓɛlaa di wɔ hvólói ɓa, ə həli la háákələi ɓa.

Nehemi 9:34

Kuɔ tɔɔɓɛlaa, ku ŋąąwoo ɓo nuą, ku wɔ haláá laa həli nuą, da ku ną́nni, di hvo ə́ wɔ tɔ́n bɔ túwɔ́ ɓo li, di hvo di kili lɛɛ li ə́ wɔ tíɓoɠaai hu, da ə́ liɛwooɠaai ə́ kɛi gɛ diɛ.

Ɉeremi 26:5

ká wala ká wəli tɔɔ nwɔ́ tínuą, da gwə́i mɛ̨nį hukulɔ nuą woo ɓa, diɛi ŋą́ kɛ di tɔɔ ká pɔɔli a yələ kəlee, ɛlɛɛ, yaan, ka hva kpɔ kɛ ka wəli tɔɔi diɛ.

Ɉeremi 29:19

Mąąhɔlɔɓo, di hvo di wəli tɔɔ li nwóó ɓa. Ɲą́ą́ Yai-Laa nwóó li! Ya pa, ŋą́ kɛi nwɔ́ tínuą tɔɔ di pɔ, diɛ gwə́i mɛ̨nį hukulɔ diɛ, vįi hvo kpɛɛ li; kɛlaa di kɛɛ mɔ̨ɔ̨ ŋɛ̨i, di hva mɛ̨nį mɛ̨n. Ɲą́ą́ Yai-Laa nwóó li!

Ɉeremi 44:16

«Bələi mąn ə́ kaa yili ɓoi la tii ku wɔ Yai-Laa laa hu, ku hvo ku wəli tɔɔi mą.

Ɉeremi 7:13

Yai-Laa woo ka, yɛ diɛ: Yili ɓa, kaa kpɛli mąn, kaa túwɔ́ a ɲɔ̨nwɔ̨ɔ̨. Ŋą́ mo kaa, ŋį́ pənə ŋį́ mąą lɔ, kɛlaa, ka hvo gɛ li ka hvo ka wəli tɔɔ! Ŋą́ą́ ka təli hveelɛ hveelɛ, ka hvo gɛ li ka hvo hvaa nwóó mu.

Ɉeremi 7:24

Kɛlaa, ya ka tii, di hvo gɛ li di hvo di wəli tɔɔ mą, di hvo bɔ mɛ̨nį kɛ; di túwɔ́ a di liiɓa, a di wɔ wəlii kpɔlɔ ɲɔ̨nwɔ̨ɔ̨. Di ɲɛ̨i kɛ mąąnɛ̨ɛ̨ di ɉee mą́ą́, daa tinɛ̨n di pulu pələ ɓə di ɉee mą́ą́.

Danîa 9:10

Ɓɛlɔwai ə́ kɛi ə́ wɔ tɔ́n tɛɛ laa ku pɔ, ə́ wɔ loloɓo nuąi haalai, ku hvo kɛ ku wəli tɔɔ li ə́ woo ɓa, ku kulɔ ə́ woo mu.

Danîa 9:9

Kɛlaa, yɛ́ ku Ną́mu ku wɔ Yálá, ə́ wɔ ɲɛ̨imąąwɛli kaa hu, ya ku mąąhvaalɛɛ, pələi mąn kwaa ku kwɛli tee la kɛ yɛ́.

Maafîu 23:37

«Ɉerusalɛmə taa! Oo Ɉerusalɛmə, yɛ́i yá Yálá kwəi mɛ̨nį hukulɔ nuą paa, yiiɠaai Yálá a di tɔɔ ə́ pɔ, yɛ́ di hɔɔ a kwɛni diɛ. Ŋą́ kɛ bɔ ŋį́ ə́ lonnii kəlee ŋąąkpɔn yɛ pələi tɛ́ɛ́ kɔ́nwɔ̨lee a nonnii kəlee ŋąąkpɔn na goon mu.

Gɛlaɠaa 13:27

Kɛlaa yaamun Ɉerusalɛmə nuą da ɲɛ̨itɔwɔ nuą, di hvo Jesus kɔ́lɔn ni, di baa. Yálá kwəi mɛ̨nį hukulɔ nuą wooɠaai da moi a vįitɔɔ yələ tɛitɛi, diɛ di pɔ mɛ̨nį kɛ la tii.