Danîa 9:3 - Yálá laawoo hɛɓɛ (dc)

³ Ŋą́ hin nɔ, ŋą́ mąąwɛli heeɓo yɛ haa a too nu ɓa, gɛ́ ɲee laa hee Yálá ɓa, gɛ́ vɛli, gɛ́ nɛ̨ɛ̨mąą hvo mą.

Yálá laawoo hɛɓɛ

³ Ŋą́ hin nɔ, ŋą́ mąąwɛli heeɓo yɛ haa a too nu ɓa, gɛ́ ɲee laa hee Yálá ɓa, gɛ́ vɛli, gɛ́ nɛ̨ɛ̨mąą hvo mą.

Bible

³ Nya ƃe ŋá luu sia ḿâ ŋá maloŋ tôo-maa seɣe too ḿâ ŋá suŋ-siɣe ŋá tínaŋ Ǹuu-namui Ɣâla pɔ́ naa pere ŋá vɛli a gbanaŋɔɔ.

Danîa 9:3 ပူးပေါင်းရင်းမြစ်များ

Samia Veerɛi 12:16

Davidə ə Yálá mąąnɛ̨ɛ̨ nokoloi tii mąą mɛ̨nį ɓa. Ə hin nɔ, ə lɔ ɲəi bɛlɛ́n, a kpįnį hvo laa ɲai gbin ɲa, ə laa nɔi ɓa.

Ɛsdrasə 10:6

Ɛsdrasə ə həɠə ɓɛi tii ə kɛ laa Yálá nwɔ pɛ́lɛ́i laaləi; ə li Ɛliasivə lon Yehohanan yəi bɛlɛ́n, lɔi ə mo laa, hvo kɔ̨nɔ̨n mįi, hvo ya kpələ. Mąąhɔlɔɓo, nuą ŋɛ̨i həɠə nuwɔ laa hu, ə kɛi di kɛ nɛ̨ŋɛ̨n mąą wɔlɔ ɓo.

Ɛsdrasə 8:21

Ŋą́ loloɓo Ahawa ya kwɛlɛ, gɛ diɛ, ku hin nɔ, ə gɛ, ku ku mąą yɛɛ Yálá lííla, ə gə ə hvaa mą ku ɉiɛ kulɔ a nɛlɛɛ kwa ku lonnii da ku tiɛ̨ɠaa.

Ɛsdrasə 9:5

Yələwulii haláá kulɔi lɔwai, kpɔlɔɔn tii ŋį́ mo, ŋį́ muhəɠə, nwɔ́ həɠəɠaa tii nee ŋį́ ɉuɓɛla, ŋį́ di too gwána, ŋį́ pu nwun gbəla, ŋį́ ɲee haŋą Yai-Laa nwɔ́ Yálá pɔ pələ.

Nehemi 9:1

Ɲąnįn tii nwɔ hvóló pow hveelɛ kɔ́w nąą ɲələ, Israɛlə nu huwu di mąąwɛli heeɓo, di muluun gbala pu di nwuɔ̨, di hin nɔ.

Zôo 42:6

Yili ɓa, nwóó ka ti kpoloon ɉú, Ŋą́ą́ ɉɔ́n gɔlɔn bɛ́lɛɛ ka!

Mąątɛ̨nɛ̨ 35:13

Ɓɛlɔwai di kɛ la ɲɔ̨n ɉu, ŋį́ kɛi mąąwɛli heeɓo, gɛ́ hin nɔ, gɛ́ Yálá hvɛli gwə́i pələ.

Azaya 22:12

Mąą yələi tii, Nąmu Yai-Laa Mɛ̨nį Kəlee ŋą Hééɓomun, ə kɛ bɔ kɛ, ka wɔlɔ, ka ka woolaa, ka ka nwun gbəlaan mo, ɛlɛɛ, ka mąąwɛli hee ɓo.

Ɉeremi 33:3

«Vɛ́li, ŋą́ ə́ woo mu hon, gáá pai mɛ̨nį kpɛa kpɛa kulɔi pɔ̨nɔ̨ŋa ə́ ɲɛ̨i ɓa, a mɛ̨nįɠaai di looɔ, yiiɠaai hvo gɔlɔn.

Izikiɛ 36:37

«Mɛ̨ni kəlee ŋą Hééɓomun Yálá woo ka; yɛ: Yii gáá pai gɛi, ya ka; Gáá pai gbɔ́ɔ́ lɛɛi laa, Israɛlə nwɔ pɛlɛ́i yɛ gwɛ́li, gɛ́ pɛli ɉon ɉii a wɛlikɛmąąlaa, gáá pai di tamąi, yɛ nu taatɛlɛɛ kpulu,

Danîa 6:10

Nwoo tii ɓoɔ pulu, tɔɔmun ə hvaa mą, ə ɲee pɔɔ too dɔ́n tii hu.

Danîa 9:2

nwɔ tɔɔlaa gwɛlan dɔlɔɔ hu, gwɛlan bow mɛ̨ihveelɛi ŋɛ̨i di vaa ɓo a Ɉerusalɛmə taa wolo kwɛlan, yii mąą mɛ̨nį pɛ̨ɛ̨ Yálá lawoo hɛɓɛ́ hu, yɛ pələi Yai-Laa yaa kpinį ə mo la gwəi mɛ̨nį hukulɔ mun Ɉeremi ɓa, ɲą́ą́ Daniɛlə ɲá hee, gɛ́ mukulaa kwɛli.

Danîa 9:20

Ŋą́ kɛi lɔ Yálá hvɛli, gɛ́ hvaa gɛ́ hɔnŋaa diɛ da Israɛlə nu huwu di wɛi, ɲee ŋɛ̨i Yálá ə kəi gbɔwɔ lɛ dona nwɔ nuąi diɛ, ŋą́ kɛi Yálá hvɛli, ɲee tii mąą mɛ̨nį ɓa.

Danîa 9:4

Ŋą́ kɛi Yálá hvɛli, gɛ́ hvaa gɛ́ nɛ̨ŋɛ̨nŋaa diɛ Yálá ɲɛ̨i ɓa, gɛ́ kɛ mą: «Éé Ną́mu Yálá, ə́ kɛnɛ̨, ə́ yee wia, nuąi da ə́ wɔ tɔ́nŋaai hon, ə́ wɔ mįnɛ̨ həɠɛɛ a kɛ di pɔ, nuąi da ə́ wɛli la kɛ, ə́ wɔ tələnmolaa yɛɛ ɓo di mɛ̨i.

Zooɛ 1:13

haláá laa həli nuą, ka ka hąą yili, ka ka woolaa. Kaai ka kɛ tíɓo kɛi ɉaláá kulɔi, ka ɲiŋɛ̨, ka pa ka mąąwɛli həɠə too ka kwaną, ka yii ɉu. Kaai ɓaa nwɔ́ Yálá nwɔ tínuą, Yálá kɔ́ lɛɠɛ da gɔ́ lɔɔ hvo kɛa hɔlɔɓoi, ka wɔ Yálái yəi bɛlɛ́n.

Zooɛ 2:12

Yii hu kɛa! Yai-Laa woo li: Ka pənə ka pa bɔ́ ka kwəi tɔ̨nɔ̨ mɛ̨i. Ka hín nɔ, ka wɔlɔ, ka ka woolaa.

Zôna 3:5

Ninivə daai nuą kəlee di Yálá woo tii kaa a tɛ̨ą, di kəlee diɛ diɛ: «Ka gu hin nɔ.» Ə gɔwɔ tɔɔ hɛn gɔw nąmįną diɛ, ə həli la yeehvowolo nuą diɛ, nu kəlee ə mąąwɛli hee ɓo yɛ da haa too nu ɓa.

Maafîu 17:21

Kɛlaa, ɲį́nɛ̨n ɉuwui ŋɛ̨i, hvo kɛli Yálá hvɛliɛ di hįn nɔɔ ɓə a ɉəɠə nu pulu.»

Lukə 2:37

Yili pulu, ə too galanən naa hu, ɛlɛɛ la ɉu, gaa kwɛlan ə kɛ pow mɛ̨ihaaɓa kɔ́w nąąn ə kɛi lɔ pa Yálá hee pɛlɛ́ mu a hvóló kəlee yɛ hin, nɔ yɛ Yálá hvɛli.

Gɛlaɠaa 10:30

Kɔrnɛyɛ ə nwoo ɲąąpənə yɛ mą: «Aa kɛ a hvoló haaɓa, kpɔlɔ a ɓɛlɔwai, hvóló mąąlaa, ŋį́ kɛ ɲə́i bɛlɛ́n gɛ́ Yálá hvɛli, kpɔlɔ ɲąąɓa, ŋį́ nu ta kaa tɔɔni níí la, mąąhəɠəɠaa yɛ kwələ kpɔ pə-pə.