Danîa 9:27 - Yálá laawoo hɛɓɛ (dc)

²⁷ Gwɛlan mɛ̨ihveelɛ lɔwai tii yee mu, da nu kpulu kɛnɛ̨ di kaa pai mįnɛ̨ walawala həɠəi. Kwɛlan ɉaaɓa da gbulɔ yee mu, gaa pai gɛi haláá kulɔ mɛ̨nį da Yálá kɔ́ mɛ̨nįɠaa hu. Gɛɛ kalamun gɛnɛ̨i tii kaa pai nwɔ mɛ̨nį ɲɔ̨nŋaai tii kɛi kpɔ a mąąhulaa, gɛɛ nɔwai ŋɛ̨i di ɲɛɠɛ ɉu hvo kɛ həlii ma.»

Yálá laawoo hɛɓɛ

²⁷ Gwɛlan mɛ̨ihveelɛ lɔwai tii yee mu, da nu kpulu kɛnɛ̨ di kaa pai mįnɛ̨ walawala həɠəi. Kwɛlan ɉaaɓa da gbulɔ yee mu, gaa pai gɛi haláá kulɔ mɛ̨nį da Yálá kɔ́ mɛ̨nįɠaa hu. Gɛɛ kalamun gɛnɛ̨i tii kaa pai nwɔ mɛ̨nį ɲɔ̨nŋaai tii kɛi kpɔ a mąąhulaa, gɛɛ nɔwai ŋɛ̨i di ɲɛɠɛ ɉu hvo kɛ həlii ma.»

Bible

²⁷ A pâi gɛ̂i da núu támaa dí díwoo kɛ́ zu tɔnɔ góraŋ lɔ́ɔlu mɛi feerɛi ŋí yée mu. Góraŋ lɔ́ɔlu mɛi feerɛ ŋí a ƃèla nɔ́ zâmai é dísâla kula mɛni-ŋai kpéra. Gɛ̀ ní a pâi zɛŋ nyɔ́mɔɔ kɛ́tɛi seêi Ŋ̀âla-pɛrɛ Kɛ́tɛi tôŋ su. A pâi lɛɛ̂i naa é lɛ́ɛ la zu Ɣâla é ǹúui zɛŋ nyɔ́mɔɔi ŋí sèe naai su kara.”

Danîa 9:27 ပူးပေါင်းရင်းမြစ်များ

Azaya 28:15

Ka káá kɛi diɛ: «Kwa haa ni kwaa mįnɛ̨ həɠə, kwa ɲąmuątaa ni kwaa mįnɛ̨ həɠə; gɛɛ kala ɲɔ̨n tii ə mą pa pai, hvo pai həlii kuɔ; mąąhɔlɔɓo, kwaa lɛɛ kɛ a ku mąąkɔ̨nwɔ̨ hɛn, kuɔ nu ɓowɔɔ kɛ a ku mąąkilɛi.»

Azaya 28:22

Ka hvo kɛa tɔɔ yiihu, kaa kɛ ka káá yɛlɛmąą kɛi, di hvo pa ka yili yɛli hu yala kaa; mąąhɔlɔɓo, ŋąą mɛ̨n Nąmu Yai-Laa Mɛ̨nį Kəlee ŋą Hééɓomun la, yɛ a nɔi nąą kəlee kala mɛ̨nį gili tee gwəi.

Azaya 42:6

Ɲą́ą́i a Yai-Laa, ŋį́ ə́ təli tələnmolaa hu, ŋį́ ə́ hon a ə́ yee, ŋį́ ə́ tɔɔ a dee, gɛ́ ə́ kɛ a ɲą́ą́ kwa nu huwuɠaa ku lɔwai pɔnnaa kpɛɛmun, a huwu takpɛliɠaa di wɔ kɛɛpnon.

Azaya 53:11

Mɔ̨nɔ̨i tii laa mɛ̨i mąą mɛ̨nį ɓa gaa pai kɛɛpono kaai, ɛlɛɛ yɛ lamu la yɛnɛ̨ɛ̨, yai tii gɔlɔn ŋąą a təlimo mun, gaa pai nuą kɛi a təlimonuą, yai tii a nwɔ́ tí mun, nu kpulu kɛnɛ̨ɛ̨ yɛ dɔ̨nɔ̨ hɔlɔɓo, mąąhɔlɔɓo, ə nwun ɉee di wɔ kwɛli tee laa kəlee mu.

Azaya 55:3

'Ka ka wəli tɔɔ, 'ka pa bɔ́ pələ; 'ka ka wəli tɔɔ, ka ɓalo, gáá pai mįnɛ̨ laai gwa kaa ni gu lɔwai, a hvóló kəlee da nwɔɔ; mɛ̨inɛ̨ɛ̨ɠaai ŋį́ di laakwɛlanmo Davidə ɓa, gɛ́ di kɛ.

Ɉeremi 7:30

Yai-Laa woo ka, yɛ diɛ: Ɉuda nuą daa di yee lɔ mɛ̨nį ɲɔ̨n ɉu, yii mɛlɛ hvo gwə́i. Daa nwɔ́ pɛlɛ́i kɔ́hɔɓo, daa lɔ laa a haliɠaa diɛ gɔ́.

Danîa 11:31

Yai tii, gaa pai kɔ́kulááɠaa tɔɔi, ə gɛ, di kɔ́ pɛlɛ Yálá nwɔ taai ŋɛ̨i mąątínɛ̨n ŋąą a hįi ma, di kaa pai mɛlɛkpɛɛ ma. Ɉaláái ŋɛ̨i da gulɔ Yálá ɓa a hvoló kəlee, di kaa pai tɔ́n dɔɔi yili ɓa, di ‹mɛ̨nį kɔ́hɔɓoɔ laa ɉaláá kulɔi.›

Danîa 11:36

«Yii lɔpee a nɛɛ tɔɔmun ma, ya ɓə gaa pai gɛi. Hu ɲąŋą kɛnɛ̨ kaa pai kɛi ɉu, yə gbɔwɔ kaa yɛ kɛ gɛnɛ̨ɛ dɛɛ alaɠaa diɛ, gaa pai kɛi mɛ̨nį ɓoi alaɠaa di wɔ Yálá ɓa, hva kpɛli ɲɔw. Gɛ mɛ̨nįɠaa kəlee hu kaa pai kɛi nɛɛi, ə lɛɛ la ɉu Yálá nwɔ líiɲąnwąnąi pa hvóló yɛ ɉəli. Nąąlɔwai, yii Yálá ə gbən dee, a naahvɛɛ.

Danîa 12:11

Ə həɠə volói ŋɛ̨i di hvo kɛa pai haláá kulɔi la Yálá ɓa a hvoló kəlee, ə həli volói di kaa pai mɛ̨nį kɔ́hɔɓoɔ kaai la ɉaláá kulɔi, hvóló waa tɔ̨nɔ̨ pulu nwun veelɛ yee mɛ̨inąąn (1290) ɓə pai kulɔi ɉu.

Danîa 7:25

Gaa pai kɛi woo ɲɔ̨n moi a Yálá Yii Gaa Hɛn Gəlee Nwun Mɛi naa, yɛ Yálái tii nwɔ nuą laanɔ̨nwɔ̨ɓo, gaa nwɔ kwəi a pɛli pai kɛi lɔwai mąąhvalin ɉii, da Yálá nwɔ tɔ́n. Ə lɛɛ, di kaa pai Yálá nwɔ nuą tɛɛi bɔ, di kwɛlan ɉaaɓa da gbulɔ kɛ ɲee mu.

Danîa 8:13

Ŋą́ malaka ta woo mɛ̨n, malaka yii ŋɛ̨i kɛi mɛ̨nį ɓo, yɛ yili ɓa: «Ɉaláá ŋɛ̨i da kɛi gulɔi a yələ kəlee da ɉaláá kulɔi, ɓɛi kɛɛ kalamun nwɔ nwąnąlɔ aa hee naa mɛ̨i, da Yálá nwɔ nu kpului ŋɛ̨i tooni nɔi ɓa diɛ bɔlɔn mɛ̨i, mįnɛ̨ lɔwai ɓə yili kaa pai kpɛlai la ma?»

Osia 3:4

Bələ ɓə Israɛlə lonnii kaa pai lɛɛi la a ɉukwɛaa, tɔɔmun va kɛ di yəi, da di ɲɛ̨itɔwɔ mun, da haláá kulɔ mɛ̨nį, da haláá həɠə mɛ̨nį, ɛlɛɛ da haláá kulɔi, da Yálá mąąnikɛ hɛnŋąą.

Lonon mo 7:62

Hɛni kpələ kɔ́wɔ tɔ̨nɔ̨, yɛ ɓo a kilə pow (10), naa hvɛɛ a wulɔ kun nɛ̨ɛ̨;

Maafîu 24:15

«Yili ɓə gaa mą, ɓɛlɔwai ka káá pai nwun napili mɛ̨nį mąą ɲɔ̨wuɔ, kaai la tɔɔ ni ɓɛi da Yálá mąą mɛ̨nį ɓo laai, yɛ pələi Yálá kwəi mɛ̨nį hukulɔ mun Daniɛlə ə mo la. Nui gaa mɛ̨nįɠaa ŋɛ̨i kalan ɉii ə gbaɠala kaa a nəlɛɛ!

Maafîu 26:28

Mąąhɔlɔɓo, yii kaa a ɲą́mą yii gaa a mįnɛ̨ nįnɛ̨ ɲąmą, yii gaa pai pui nu taamąą di wɔ nɛ̨ŋɛ̨nŋaa mąąhvaalɛɛ mɛ̨nį ɓa.

Maafîu 27:51

Nąąlɔwai ɉəɠə ɓɛla ŋɛ̨i kɛ Yálá hee pɛlɛ́ mu, ɉu ə ɓɛla ə həɠə yələi ə yɛɛ gɔwɔ la. Lɔi ə kpɛlin, kwɛni kpɛa-kpɛaɠaa diɛ ɓɛla.

Markə 13:14

Nwoo ŋɛ̨i Jesus kaa moi, yɛ kɛ mą: «Ɓɛlɔwai ka káá pai Kristə ɲowo kaai la yɛ Yálá hee pɛlɛ́ kɔ́hɔɓo.» (Nui gaa Jesus wooi tii kalan ɉu, hvo kɛli ə gbaɠala kaa.) Jesus ə pənə, ə mo yɛ diɛ: «Nąąlɔwai, nuąi da kɛ Ɉude lɔi hu, hvo kɛli di pu di tɛ yeeɠaa ɓa.

Lukə 21:20

«Ɓɛlɔwai ka káá pai kɔlaɠa kaai la a Ɉerusalɛmə taa mąą tinɛ̨n, ka gɔlɔn kaa diɛ, daa woloi lɔwai aa həli.

Lukə 21:24

Di kaa pai di paai a ɓɔwa, di kaa pai damąą kɛi a luwɔɠaa lɔi tamąą hu, nuąi di hvo laa li Yálá la, di kaa pai di kɔ́wɔ hiɛi Ɉerusalɛmə taa hu, ə lɛɛ la ɉu, nuąi di hvo laa li Yálá la di wɔ huwalawala nwɔ lɔwai ə kpɛɛ.»

Lomaŋ 11:26

Bələ ɓə Israɛlə lonni kəlee nwun mąą kaa pai ɓoi la, yɛ pələi Yálá laa woo ə mo la yɛ kɛ: «Nwun mąąɓomun kaa pai kulɔi Siɔn daa, ə gɛ, Ɉakɔbə huwu hu nuą yiiɠaai kulɔ nwoo mu laa kɛ, di kulɔ laa.

Lomaŋ 5:15

Kɛlaa, Adamə nwɔ hɔn ɲɔ̨n, hvo kɔ́ɔn ni Yálá nwɔ mɛ̨inɛ̨ɛ̨ ɓa. Nu tamąą haa a nu tɔ̨nɔ̨ laa pɔɔ, yili kaa tɛ̨ą. Kɛlaa, Yálá nwɔ mɛ̨inɛ̨ɛ̨ kɛnɛ̨ɛ̨i, ɛlɛɛ, mɛ̨inɛ̨ɛ̨ gɛ nu tamąą ɓa, ə gɛ diɛ nu tɔ̨nɔ̨ gbən háálai, ya ɓaa a Jesus Kristə.

Lomaŋ 5:19

Yɛ bələi nu tɔ̨nɔ̨ nwɔ kulɔ nwoo mu laa, ə nu kəlee kɛ la a nɛ̨ŋɛ̨n ɉəɠə nuą, bələ lɔ ɓə nu tɔ̨nɔ̨ nwɔ lɛɛ nwoo mu laa, a nu kəlee kɛ la a tələnmo nuą.

Hebreu 9:28

Pələ lɔ ɓə ə kɛ la, Kristə yaa kpɛlimąn, ə gbɔwɔ kulɔ a haláá taanɔ̨n gbən, ə nu tamąą di wɔɔ nɛ̨ŋɛ̨nŋaa kulɔ diɛ; ɛlɛɛ, gaa lɔ nwɔ̨nɔ̨ pənəi ə pa tii taanɔ̨n a veelɛnąą, yili hvo hvilɛn ni nɛ̨ŋɛ̨n mąą mɛ̨nį ɓa, kɛlaa, gaa pai, nuąi di kaa mąąkpɔn ɉii, di nwun mąąɓo mɛ̨nį ɓa.