Danîa 9:18 - Yálá laawoo hɛɓɛ (dc)

¹⁸ Nwɔ Yálá, ə wəli tɔɔ, ə́ nwóó mɛ̨n, mɔ̨nɔ̨ yii gaa həlii ku wɔ taai ŋɛ̨i ɓa, yɛ́ kpinįi naa kaa, daai ŋɛ̨i kaa a ə́ wɔɔ. Kwa kɛi nɛ̨ɛ̨mąą hvə yɛ́, ku kili hvo tooli ku kɛ mɛ̨inɛ̨ɛ̨ɠaa diɛ, kɛlaa ku kilitɔɔi ə́ wɔ wɛlikɛmąą kpon ɉu kwɛaa ɓa.

Yálá laawoo hɛɓɛ

¹⁸ Nwɔ Yálá, ə wəli tɔɔ, ə́ nwóó mɛ̨n, mɔ̨nɔ̨ yii gaa həlii ku wɔ taai ŋɛ̨i ɓa, yɛ́ kpinįi naa kaa, daai ŋɛ̨i kaa a ə́ wɔɔ. Kwa kɛi nɛ̨ɛ̨mąą hvə yɛ́, ku kili hvo tooli ku kɛ mɛ̨inɛ̨ɛ̨ɠaa diɛ, kɛlaa ku kilitɔɔi ə́ wɔ wɛlikɛmąą kpon ɉu kwɛaa ɓa.

Bible

¹⁸ Íwoli tɔ́ɔ kûa, óo Ɣâla. Íŋɛi lá ƃó í kúkaa daa-lee wóloɔɔi ŋí bilêŋ ŋá nyii ílaa seeɛ̂i mai. Kúfe í marê kɛ̂i nɔ́ ítɔ̃yâ-laai ǹyaa tɔnɔ mɛni ma kɛ́lɛ ímaloŋ kâa kɛ́tɛi mɛni ma.

Danîa 9:18 ပူးပေါင်းရင်းမြစ်များ

Tɔɔɓɛlaa dɔlɔɔ 8:29

Ə́ ɲɛ̨i kɛ bɛlɛ́i ŋɛ̨i ɓa a yələ kəlee, gɛɛnąą ŋɛ̨i ə́ kɛ diɛ: ‹Náá kaa pai kɛi ɓɛ›, vɛli ɓoi yɛ́ tímun gaa naa həli yɛ́ gɛɛnąą ŋɛ̨i ɓa ə́ wəli tɔɔ mą.

Tɔɔɓɛlaa veelɛ 19:16

Ə́ wəli tɔɔ, Yai-Laa ə́ nwóó mɛ̨n, ə́ ɲəlaaɓo ə́ gáá, Senakeribə nwɔ nuą ə di tɔɔ, diɛ Yálá hvulú lalan, gaa.

Mąątɛ̨nɛ̨ 116:1

Yai-Laa wɛli kaa mą́ą́, mąąhɔlɔɓo a ɲee hee nwɔ́ nɛ̨ɛ̨mąąhvə woo mu.

Mąątɛ̨nɛ̨ 25:6

Yai-Laa, bələi yá kulɔla ə́ woo ɓa, yɛ́ nu ɲɛ̨imąąwɛlikaa, Ə́ kiliŋąhiɛ yili ɓa a yələ kəlee.

Lɛɛ gbɔwɔ ɓa 3:7

Yai-laa yɛ mą: «Bələi di kaa nwɔ́ nuąi mɔ̨nɔ̨ ɓoi la Eziptə, ŋą́ą́ nąą kaa, ŋą́ą́ di wɔlɔ woo mɛ̨n, di mɔ̨nɔ̨ ɓo nuą yee mu. Ŋą́ą́ di wɔ mɔ̨nɔ̨i kaa.

Azaya 37:17

Yai-Laa! 'Ə́ wəli tɔɔ, ə́ nwóó mąn! 'Ə́ ɲɛ̨́i laaɓo, Yai-Laa, Senakeribə kaa, mɛ̨nįɠaai gaa moi ə́ di mąn, yai aa nuą tɔɔ diɛ Yálái hvulúmąą lalan.

Azaya 43:7

Nuąi kpɔ tii náá kaa diɛ, a diɛi tii ŋį́ di pɛli, gɛ́ di kɛ yɛnɛ̨ɛ̨, gɛ́ di pɛli nwɔ́ mąąwiɛ mąą mɛ̨nį ɓa!

Azaya 64:6

Nu ta hvo tómąi a Ə́ laa, nu ta hvo mun kpɛli nwun ɉi, yɛ mɛ̨nįi tii too Yɛ́, mąąhɔlɔɓo, Yáá ə́ ɲɛ̨ilai now kuɔ, Yáá ku wɔ túwɔ́ pələ ɲɔ̨n lɛɛ laa ɲee aa tɛɛ kuɔ, yɛ ku kala kpɔ tɛ̨ɛ̨ tɛ̨ɛ̨.

Ɉeremi 14:7

Yii kuɔ nɛ̨ŋɛ̨nŋaa kaa ku hɔn moi, Ə́ wɛ́i Yai-Laa ə́ kɛ mɛ̨nį kɛ ɉu; ə́ laa mąą mɛ̨nį ɓa A tɛ̨ą, kwaa lənə yɛ́ gee mɛ̨i pow lee pow, kwaa ku hɔn gɛ a yɛ́.

Ɉeremi 14:9

Lə mɛ̨nį ɓa ə́ kaa túwɔ́i yɛ nui aa kpɔlɔɔn? Yɛ kɔkulaai ɲee hva kɛa lɔ nu kulɔi mɛ̨nįi? Ə lɛɛ yaan, ə́ kaa ku lɔwai Yai-Laa! Diɛ ə́ laa noloɓo ku mɛ̨i! Hvo kɛ ə́ kaa ə́ yee teei kuɔ.

Ɉeremi 15:16

Yai-Laa Mɛ̨nį Kəlee ŋą Hééɓomun Yálá! Ya lɔ ɓaa, ŋą́ kwiɛn a ə́ laa woo, ŋį́ níí laa, ŋį́ mukpələ. Ə́ laa woo ə kɛi gwə́inɛɛ, yɛ níí nɛ̨ɛ̨ gwə́i. Mąąhɔlɔɓo, náá kwɛlanmoɔi yɛ́.

Ɉeremi 25:29

Gáá mɛ̨nį ɲąąnwąnąą tɛɛi, gáá gbala tɔɔi daai da Náá ɓo ɉu, mą. Ɛlɛɛ, káán ka nwun yɛ kulɔ ɉu, yili hva kɛ tii, gáá kɔ-kɔ ɓɔwa təlii yɛnɛ̨ɛ̨ nąą kəlee mɛ̨i. Mɛ̨nį Kəlee ŋą Hééɓomun Yai-Laa woo li.»

Ɉeremi 36:7

Gbəli hu, di kaa pai nɛɛmąą hvəi Yai-Laa ɓa, di tɛitɛi diɛ di pulu tɔɔ di túwɔ́ pələ ɲɔ̨nŋaa diɛ. Mąąhɔlɔɓo, Yai-Laa a níiholi, ɲɔ̨nwɔ̨ɔ̨i. Niiholii Yai-Laa kwəi yɛ hvilɛn na nu huwui ŋɛ̨i ɓa, gɛnɛ̨i.»

Ɉeremi 37:20

Tɔɔmun! Ną́mu, ə́ wəli tɔɔ nwóó ɓa. Nɛ̨ɛ̨ yɛ́, hvó pənə hvó dɛ́ɛ́ ɉɛɓɛ́ kɛ mun Yehonatan nwɔ kóló kɛi, və́ pa nee haa laa.»

Izikiɛ 36:22

Yili mąą mɛ̨nį ɓa, 'mo Israɛlə nwɔ pɛlɛ́i ɓa, yɛ́ mą; Mɛ̨nį kəlee ŋą Hééɓomun Yálá woo ka, yɛ: Ka mąą mɛ̨nį hvəi gáá mɛ̨nįi ŋɛ̨i kɛi la, kaai a Israɛlə lonnii; kɛlaa, gáá gɛi tii, náá mąąhəɠɛɛi ka mɛlɛ too nɔiɠaai ka li di hu, mąą mɛ̨nį ɓa.

Izikiɛ 36:32

Ka mąą mɛ̨nį hvo gáá gɛi la, mąąnɛ̨ɛ̨ ka kili ə kɛ tii ɉu. Mɛ̨nį kəlee ŋą Hééɓomun Yálá woo li. Ka nwumɛ̨, mąąnɛ̨ɛ̨ ka nwumɛ̨ ka túwɔ pələ mąą mɛ̨nį hu, Israɛlə nwɔ pɛlɛ́i!

Danîa 9:7

Ną́mu Yálá ə́ wɛi, hɔn və yɛ́, yii ɓaa ku wɛi, yii mąąnɛ̨ɛ̨ ku gɛ, ya ɓaa: Ku ku kpɔɔmąąyɛɛ, yɛ pələi háákələi hvólói kaa la, kuɔi kpɔ ku kaa a Ɉerusalɛmə daai nuą, Ɉuda lɔi hu nuą, ə mą kɛ Israɛlə lɔi hu nuą, di ma kɛ kwɛa la, ə mą kɛ kpuɔ la, diɛi ŋɛ̨i ə́ di taɠa di kee ɓa, gɛ mɛ̨nį di hvo lɛɛ li yɛ́ a woo tɔ̨nɔ̨ Nąmu, mąą mɛ̨nį ɓa.

Lonon mo 6:27

«Da Yai-Laa təli tii a naa, Israɛlə lonnii mɛ̨i, yaa tii a Yai-Laa a lúwɔ́ too Israɛlə lonnii diɛ.»

Korɛntə dɔlɔɔ 1:2

gbɔn ɓa, yai gaa Korɛntə daai, da nuąi Yálá aa di mąąhəɠə, Jesus Kristə hu, diɛi di təliɛ di kɛ mɛ̨nį ɓa a nu mąąhəɠɛɛɠaa, ə pɛlɛ la nuąi kpɔ da kɛ gu Nąmu Jesus hvɛlii a naa, ɓɛi lɔpee, yɛ ɓo a di Nąmu da kuɔ kpɛlimąn ku wɔɔ;