Danîa 9:17 - Yálá laawoo hɛɓɛ (dc)

¹⁷ Ną́mu Yálá, nɛɛnaa ŋɛ̨i gáá vəi yɛ́, gɛ́ ə́ hvɛli, ə́ wəli tɔɔ nwóó ɓa. Ə́ laa mąą mɛ̨nį ɓa, Ną́mu Yálá, ə́ ɲɛ̨i lɛlɛɛ hee ə́ hee pɛlɛ́ ɓa, yii di kaa mɛlɛkpɛɛi mąą.

Yálá laawoo hɛɓɛ

¹⁷ Ną́mu Yálá, nɛɛnaa ŋɛ̨i gáá vəi yɛ́, gɛ́ ə́ hvɛli, ə́ wəli tɔɔ nwóó ɓa. Ə́ laa mąą mɛ̨nį ɓa, Ną́mu Yálá, ə́ ɲɛ̨i lɛlɛɛ hee ə́ hee pɛlɛ́ ɓa, yii di kaa mɛlɛkpɛɛi mąą.

Bible

¹⁷ Kúɣâlai, íyee sée íyee mu-nuui ŋɔfɛli-wooi da ŋɔpɛlɛ gɔ́ɔ mu wooi mu. Íyee see íkwaa maa waa wóloɔi ŋí mɛni mu.

Danîa 9:17 ပူးပေါင်းရင်းမြစ်များ

Tɔɔɓɛlaa dɔlɔɔ 8:28

Oo! Yai-Laa nwɔ́ Yálá, Ə́ wəli tɔɔ ə́ hvɛli woo da ə́ mąąnɛ̨ɛ̨ wooi ə́ wɔ tímun gaa naa həli yɛ́, mą. Ə́ wəli tɔɔ yɛ́ tímun tomą woo da ŋą vɛli wooi gaa naa həli yɛ́ háákələi, nwɔ́ Yálá.

Nehemi 1:6

Ə́ wəli tɔɔ kpɔ kani, ɛlɛɛ, ə́ ə́ ɲəi hee, yɛ tímun nwɔ mąąwɛli wooi mɛ̨n. Volóɠaa ŋɛ̨i yee mu, gáá moi yɛ́ hvóló da kpinį, yɛ́ tínuą Israɛlə lonnii mąą mɛ̨nį ɓa, ŋą́ą́ hvaa di kɛ nɛ̨ŋɛ̨n mąą mɛ̨nį ɓa, yaai ku ɉəɠə yɛ́; ɲą́ą́ kwa gala mɔlɔni kwaa nɛ̨ŋɛ̨n ɉəɠə yɛ́.

Mąątɛ̨nɛ̨ 119:135

Ə́ ɲɛ̨i lɛlɛɛ hee ə́ wɔ tímun ma, Ə́ liiɓa mɛ̨nįɠaa lɛ mą́ą́.

Mąątɛ̨nɛ̨ 4:6

Ɉaláái dɔn ə ɉuhvɛli, 'ka gulɔ a tələnmolaa, ɛlɛɛ, 'ka ka kilitɔɔ Yai-Laa ɓa.

Mąątɛ̨nɛ̨ 67:1

Nwələ ɲɛ̨itɔwɔmun, gwɛnįn vɛli.

Mąątɛ̨nɛ̨ 67:2

Yálá, 'ku mąąwɛli kaa, ə́ lúwɔ́ too kuɔ! 'Ə́ ə́ ɲɛ̨i lɛlɛɛ hee kuɔ

Mąątɛ̨nɛ̨ 74:3

Daa kpoloonŋaa ŋɛ̨i lii vɛ-vɛ, 'pa, ə́ ə́ ɲɛ̨i pili di mɛ̨i; ə́ yowo aa bɛlɛ́ mąąhəɠɛɛ mu hɛn gəlee kala.

Mąątɛ̨nɛ̨ 80:1

Nwələ ɲɛ̨itɔwɔ mun, Yágbudɛn vələ mɛ̨i. Asafə nwɔ kɛla hvaa a wələ.

Mąątɛ̨nɛ̨ 80:19

A kɛ kɛa tii, ku hva ku mąąkwɛa yɛ́ a yələ ta; 'ku laahɔnmo yɛnɛ̨ɛ̨, akɛti kwa ə́ təli a ə́ laa.

Mąątɛ̨nɛ̨ 80:3

Ə́ wɔ kuláálaai ə muhəɠə, ə tɔɔ, Ɛfraimə, Bɛnɉamɛn da Manase di tɔwɔ, 'pa ə́ ku ɓalo.

Mąątɛ̨nɛ̨ 80:4

Ee Yálá! 'Pənə ə́ ku hee ku kpanɲą, 'ə́ ə́ ɲɛ̨i lɛlɛɛ hee kuɔ, ku kaa pai ɓalo.

Mąątɛ̨nɛ̨ 80:7

Ku kwɛlɛ nuą diɛ di kwəi kwɛli ku mąą mɛ̨nį hu, ku yowoɠaa diɛ yɛlɛ kulɔi ku hu kpɔ a nelee.

Azaya 48:11

Ɲą́ą́ gbinįi mąą mɛ̨nį lɔ ɓə gɛ gɛ́ yili kɛ tii, mąą honɛɛli kɛ di hvo náá ɓɛlɛ too. Vá nwɔ mąąwiɛ tɛɛ nu takpɛli pɔ.

Woolaa 3:56

Ə́ kaa dómą woo ŋɛ̨i mɛ̨n ɉi; hvó kɛ ə́ kaa ə́ wəli laa kpului ɲįŋɛ̨ woo da nwɔ́lɔ woo tɔwɔ.

Woolaa 5:18

Siɔn yee mąą a wɛli kɛa; lɔwɔ-yilɛɠaa diɛ gilɛ həɠə mą.

Danîa 9:19

Ną́mu Yálá, ə́ wəli tɔɔ kuɔ! Ną́mu Yálá, ku mąąhvaalɛɛ! Ną́mu Yálá, ə́ kiliŋąhiɛ kuɔ! Ə́ laa mąą mɛ̨nį ɓa, Ną́mu Yálá, daai ŋɛ̨i da ɉu nuą, diɛi di kaa a ə́ wɔɔ, ə́ wɔ naa kɛ di mąą mɛ̨nį hu, hvo ɉu kwɛa.»

Ɉaan 16:24

Ka hvo ta hɛn da hvɛli li náá hu. Ka hɛn da hvɛli ka ɉɔlɔɓo, ya ɓə a gɛ ka wɔ kwəinɛ̨ɛ̨ laa ə kulɔ.»

Korɛntə veelɛ 1:20

Ɛlɛɛ, mɛ̨nįɠaa kpɔ Yálá ə naakwɛlanmo, yai tii ɓə di kɛ a «ee!» gbɔwɔ kpinį hu. Yili mąą mɛ̨nį ɓa, yaa ti ɉaalai ɓə, gwa kɛ la Yálá ɓa: «mįiną!» Yaa ti mąąwiɛ mɛ̨nį ɓa.

M̀ɛni-lɛɛi 21:23

Daa-lee tii mąą kpaan və kɛ hvóló ɓa, ə mą kɛ, ɲąnįn, ɉu pono mɛ̨nį ɓa, gbala ə tɔɔ, Yálá ŋą mąąwiɛlaa ə kɛli ɉu pono, ɛlɛɛ, ŋą kpalan nən maa a Mɛlaa Lon.