Danîa 9:14 - Yálá laawoo hɛɓɛ (dc)

¹⁴ Yili ɓə gɛ, yáán, ə́ tee mɛ̨nį nwąnąąɠaa tii diɛ, di laa kuɔ. Yili ɓa, ku Ną́mu Yálá, ə́ haŋąąi ə́ kɛ mɛ̨nįɠaa kəlee hu, kɛlaa, ku wɛi, ku hvo kɛ ku kili lɛɛ li ə́ wɔ liɛwooɠaa hu.

Yálá laawoo hɛɓɛ

¹⁴ Yili ɓə gɛ, yáán, ə́ tee mɛ̨nį nwąnąąɠaa tii diɛ, di laa kuɔ. Yili ɓa, ku Ną́mu Yálá, ə́ haŋąąi ə́ kɛ mɛ̨nįɠaa kəlee hu, kɛlaa, ku wɛi, ku hvo kɛ ku kili lɛɛ li ə́ wɔ liɛwooɠaa hu.

Bible

¹⁴ Óo Ǹuu-namui Ɣâla, íkɛ̀ a íkpîŋ kpɛtɛɛ a gɛɛ í kúkula maa kɛ́, ǹyaŋ í gɛ̀ kpɛ́ni fêi ya m̀ɛnii kɛ̂ nyii zãai. Kɛ́lɛ kúfe kúwoli tɔɔ-ni yâ.

Danîa 9:14 ပူးပေါင်းရင်းမြစ်များ

Kɔlɔnikɔ Veerɛi 12:6

Israɛlə ɲɛ̨itɔwɔnuą da tɔɔmun ni, di pɛlɛ, diɛ diɛ: «Yai-Laa tələnmoɔi.»

Ɛsdrasə 9:15

Yai-Laa, Israɛlə nwɔ Yálá, ə́ tələnmoɔi, háákələi hvólói ŋɛ̨i yee mu, yá ku kaa ku ɓo ni a ku húlú, yɛ́ ɓə nu kpəli woloi ŋɛ̨i kulɔ ɉu. Kwaa pa ə́ lííla a ku wɔ nɛ̨ŋɛ̨nŋąąi, ɛlɛɛ yaan, mɛ̨nį a kɛ ŋɛ̨i, nui lɔpee ta hva pɛli tɔɔi ə́ lííla.»

Nehemi 9:33

Ə́ wɛi, mɛ̨nįɠaa kpɔ həli ku wɔ, ə́ tələnmoɔ ɉu, hvo gaai, ə́ ə́ wɔ tɛ̨ą lɛ ku wɔ. Kɛlaa, ku wɔ ɓə túwɔ́ a nwąnąlɔ pələ.

Mąątɛ̨nɛ̨ 111:7

Ɲeepɔ kolóɠaa kaa a tɛ̨ą, ɉaŋąą; nwɔ tɔn nwooɠaai kəlee kaa a tɛ̨ą mɛ̨nį.

Mąątɛ̨nɛ̨ 116:5

Yai-Laa lii nɛ̨ɛ̨i gwəi, dələnmoɔ, gu wɔ Yálái a nu ɲɛ̨imąąwɛli kaa.

Mąątɛ̨nɛ̨ 119:137

Yai-Laa, ə́ haŋąąi, ɛlɛɛ, yii lɔpee yá mo, ɉaŋąą.

Mąątɛ̨nɛ̨ 51:14

'Málo mɛ̨nį ŋą kwəinɛ̨ɛ̨ too ɉú. 'Lii kpələ kili tɛɛ bɔ́.

Lɛɛ gbɔwɔ ɓa 9:27

Eziptə tɔɔmun ə Moisə da Aarɔn di təli, yɛ diɛ: «Yii ŋɛ̨i nwɛi, ŋą́ą́ nɛ̨ŋɛ̨n ɉəɠə, tɛ̨ą hvo bɔ́, Yai-Laa ya ɓə tɛ̨ą kaa ɓɔ. Kwa nwɔ́ lɔi hu nuą kəlee kwaa kɛ a hɔn mąą nuą.

Ɉeremi 12:1

Yai-Laa! Ə́ haŋąąi! Gwa yɛ́ gu hva pɛli kiti kɛi. Kɛlaa, mɛ̨nį ta kaa laa, gɛ́ gu mo; lə ɓə kɛ yaai, nɛ̨ŋɛ̨n ɉəɠə nuą kɛ mɛ̨nį hu a nɛɛ? Lə ɓə kɛ yaai nuą da di woo kala, di kəlee di kaa di nɛɛ hu?

Ɉeremi 31:28

Háá ɓa háá, bələi ŋą́ ɲɛ̨́i ɲɔ̨nwɔ̨ɔ̨ hee la diɛ, gɛ́ di kulɔ a di nwun, gɛ́ di pu, gɛ́ di laa pɛlɛ nɔi ɓa, diɛ lɛɛ a taa kpoloon, gɛ́ di mąąwɛli, gɛ́ mɛ̨nį ɲąąnwąnąą laa diɛ; bələ lɔ ɓə gáá ɲɛ̨́i lɛlɛɛ heei la diɛ, ŋą́ di tɔɔ, ŋą́ di kɔ́wɔ hvilɛn. Ɲą́ą́ Yai-Laa nwóó li!»

Ɉeremi 4:17

Di kaa yɛ tíi mąąkpɛ nuą, daa Ɉerusalɛmə taa mąątinɛn, diɛ həɠə pələ kəlee pɔ, mąąhɔlɔɓo, aa kulɔ nwóó mu. Ɲą́ą́ Yai-Laa nwóó li.

Ɉeremi 44:27

Gáá ɲɛ̨i ɲɔ̨nwɔ̨ɔ̨ heei káá, gɛ́ ká mɔ̨nɔ̨ ɓo. Ɉuda nuąi heeni Eziptə lɔi hu, di kaa pai haai a kɔ́ da pulu, əlɛɛɉu, gəlee di kpɛɛ.

Woolaa 1:5

Mɔ̨nɔ̨ ɓo nuą yee aa tɛɛ mą, ɲowoɠaa kwəi aa nɛ̨ɛ̨. Yai-Laa aa mɔ̨nɔ̨ laa mɛ̨i, nwɔ túwɔ́ pələ ɲɔ̨n damąą mąą mɛ̨ni ɓa. Ɲowoɠaa daa li a nonnii kəlee luwɔlaa hu.

Izikiɛ 16:43

Hvó gɛ hvó ə́ kili lɛɛ ə́ muhəɠə yələ hu, yɛ́ nwą́nąlɔ lɔ mɛ̨nįɠaai tii hu. Yili ɓə pai gɛi ɲą́ą́ gbɛli mąn, gɛ́ ə́ túwɔ pələi tii gbolo yɛɛ a ə́ nwun. Mɛ̨nį kəlee ŋą Hééɓomun Yálá woo li. Hvo mɔ̨ɔ̨ ɓowo mɛ̨nį kɛi a gili kpɛɛ ɲəi túwɔ pələɠaai tii kəlee?

Danîa 4:34

Yii hu kɛa, ɲą́ą́ Nabukodonosorə, Yálái ŋɛ̨i gaa a yələkɔlɔn ɉu tɔɔmun, gáá mąąwiɛi, gɛ́ naa mąątɛ̨nɛ̨, gɛ kɛnɛ̨ laa tɛɛ bɔ. Yálái tii kɛ mɛ̨nįɠaa kəlee kaa a tɛ̨ą, nwɔ kpaaləɠaa kəlee haŋąąi. Nuąi da hiɛ a hu ɲąŋą kɛnɛ̨ pələ, a di mąąyɛɛ.

Danîa 9:7

Ną́mu Yálá ə́ wɛi, hɔn və yɛ́, yii ɓaa ku wɛi, yii mąąnɛ̨ɛ̨ ku gɛ, ya ɓaa: Ku ku kpɔɔmąąyɛɛ, yɛ pələi háákələi hvólói kaa la, kuɔi kpɔ ku kaa a Ɉerusalɛmə daai nuą, Ɉuda lɔi hu nuą, ə mą kɛ Israɛlə lɔi hu nuą, di ma kɛ kwɛa la, ə mą kɛ kpuɔ la, diɛi ŋɛ̨i ə́ di taɠa di kee ɓa, gɛ mɛ̨nį di hvo lɛɛ li yɛ́ a woo tɔ̨nɔ̨ Nąmu, mąą mɛ̨nį ɓa.