Danîa 8:9 - Yálá laawoo hɛɓɛ (dc)

⁹ Mįnɛ̨ nąąn tii, dɔ̨nɔ̨ maapoo ə tɔɔ mą a mįnɛ̨ logolo, mįnɛ̨ lon tii ə kɛnɛ̨ yɛ yɛɛ ɉɛɠɛɛ pələ, yɛ li voló həɠəi pələ, ə lɛɛ yɛ li nɔi lɛlɛɛ hu pələ.

Yálá laawoo hɛɓɛ

⁹ Mįnɛ̨ nąąn tii, dɔ̨nɔ̨ maapoo ə tɔɔ mą a mįnɛ̨ logolo, mįnɛ̨ lon tii ə kɛnɛ̨ yɛ yɛɛ ɉɛɠɛɛ pələ, yɛ li voló həɠəi pələ, ə lɛɛ yɛ li nɔi lɛlɛɛ hu pələ.

Bible

⁹ M̀ĩla nina tɔnɔ è ŋɔ́nɔ kùla mĩla-ŋai ŋí dɔnɔ su é tɔ́ɔ. È kùla a guro-te kɛ́lɛ nàa kɛ́ɛ tíi, è ƃɔ̀lɔ wála-wala kɛ̀ ƃò ǹyêei. Ŋɔwála-walai è kɛ̀ a zeriɛɛ séɣai-pere, vóloi liî-pere, da Gono Tee Lɔii ma pere.

Danîa 8:9 ပူးပေါင်းရင်းမြစ်များ

Mąątɛ̨nɛ̨ 105:24

Yálá ə nwɔ nu huwui hu kɛ̨nɛ̨ lɔ poto poto, di hvąŋą ə tɛɛ di yowoɠaa diɛ.

Mąątɛ̨nɛ̨ 48:2

Yai-Laa kɛnɛ̨i, mąąwiai lɔ a yələ kəlee, gu wɔ Yálái nwɔ taaleei hu, nwɔ yee mąąhəɠɛɛi nwuɔ̨.

Ɉeremi 3:19

Ɲą́ą́, ŋį́ kɛi mo gwə́i, gɛ́ kɛ diɛ: «Ŋą́ kɛ kpɔ bɔ ŋį́ ə́ kɛ nón ɉinąąlɔwai a lon ɉulɔnu tɔlɔɔ, lɔi yii nu kəlee ɲɛ̨i kaa kulɔi bɔ, ŋį́ dɛɛ kɛ ə́ pɔ; a lɔi yii nɛlɛɛ mɛlaa lɔiɠaa lɔwai. Ə kɛ gwəi, ka káá pai kɛi mą́ą́: ‹Ku Nán!› Ka hva kɛa ka pulu tɔɔ mą́ą́.»

Izikiɛ 20:15

Ŋą́ pənə nwɔ̨nɔ̨ ŋą́ gwɛ́la diɛ nɔi pun ɉu, ɲéé tɛɛ yələi; gɛ́ diɛ, və́ pai ka lɔi nɔi tii ŋą́ dɛɛ ka pɔ, ɉu. A nɔi tii ɓɛi hɛn gəlee da lɛlɛ laa, nɛlɛ yee tɛɛ lɔi kəlee diɛ.

Izikiɛ 20:6

Mąą yələi tii, ŋą́ gwɛ́la diɛ, ɲéé tɛɛ yələi, gɛ́ diɛ gáá di kulɔi Eziptə lɔi hu. Gɛ́ li a diɛ, nɔi tii ŋą́ ɉu mąąkpɛɛ a ka wɔɔ, ɉu. Ɓɛi hɛn gəlee a lɛlɛ laa nɔi. Nɛlɛ yee tɛɛi lɔi kəlee ɓa.

Danîa 11:16

Gɔ too mun tii, yii a nɛɛ mą, ya ɓə gaa pai gɛi, mąąhɔlɔɓo, hɛn da hva kpəɲan dɔwɔ. A kpɛɛ kɛa a gɛɛ kɛnɛ̨ɛ tii kalaa, nɔi nɛlɛi kɛɛnąą ɓə a hee laa.

Danîa 11:21

«Nui pai mąąhvalin ɉii, a kɛ a nui tɔɔlaa mąąwiɛ hvo mą. Ɉulɔnui tii, ɓɛlɔwai nɔi a kɛ la liilaa hu, nąąlɔwai ɓə a dɔɔlaa hɛɠɛ la a gbanalaa túwɔ́.

Danîa 7:8

Ɲɛ̨́i ə lɛɛ lɔ ɉuwɔi tii mįnɛ̨ɠaa diɛ, nogolo ta yɛ tɔɔ di lɔwai. Ɓɛlɔwai nogoloi tii ə kɛi tɛ la, ɉuwɔi tii mįnɛ̨ haaɓa ə kulɔ ɉu. Ɉuwɔ mįnɛ̨ logoloi ŋɛ̨i tɛ a nįnɛ̨, ɲɛ̨ikɔw ə kɛ mą yɛ nu, naaləi yɛ ɓo mą, yɛ mɛ̨nį kpɛa-kpɛa ɓo.

Zakari 7:14

Ŋą́ di pili lɔi huwui lɔpee gəlee hu, a ɓɛi di hvo kpɛli kɛ nąą kɔ́lɔn, nɔi hu ə kala di pulu, nu hvo kɛi tɔɔ laa, nu hvo kpɛli kɛi tɛɛ laa, nɔi lɛlɛɛi tii, di mąą pənə a lɔi pun.»