Danîa 8:25 - Yálá laawoo hɛɓɛ (dc)

²⁵ Gaa pai kɛi a ɲɛlɛɛ mɛ̨nįɠaa kɛi, yɛ pɛli mą da kpɛliɠaa ɓowoi. Nwɔ huɲąŋą kɛnɛ̨ laa hu, gaa pai nu tamąą paai, diɛi gaa di wɔ kwəi di mąą kwənąn ŋaai, yili pulu, gaa pai kɔ́ pɛlɛi tɔɔɓɛlaa di wɔ Tɔɔmun ma. Nąąlɔwai ɓə gaa pai tooi la, nui lɔpee ta laa hva kɛ ɉu.

Yálá laawoo hɛɓɛ

²⁵ Gaa pai kɛi a ɲɛlɛɛ mɛ̨nįɠaa kɛi, yɛ pɛli mą da kpɛliɠaa ɓowoi. Nwɔ huɲąŋą kɛnɛ̨ laa hu, gaa pai nu tamąą paai, diɛi gaa di wɔ kwəi di mąą kwənąn ŋaai, yili pulu, gaa pai kɔ́ pɛlɛi tɔɔɓɛlaa di wɔ Tɔɔmun ma. Nąąlɔwai ɓə gaa pai tooi la, nui lɔpee ta laa hva kɛ ɉu.

Bible

²⁵ A pâi ǹûai kîrii a ŋɔwôya tare-ŋai. À ǹyée pìli mɛni da kélee su, ŋ̀aa-see a pâi kɛ̂i. A pâi kɛ̂i a su-mɛni kɛ̂tɛ nuu. A pâi ǹûai kîrii da díkili kɛ mà, é dísu-kara. A pâi tɔɔ̂i gâloŋ-ŋai mɛi Kâloŋ ma. Zu a pâi karâi. Kɛ́lɛ núu-kpune kɛ́ mɛni fé pâi kɛ̂i la.

Danîa 8:25 ပူးပေါင်းရင်းမြစ်များ

Zôo 34:20

Di haa pələ kaa lɔ tanɔ̨n kpinį tɔ̨nɔ̨ yeemu, nuą da di ɲąąkpɔn, di naa kɛ ɉuwu ɉuwu, di taɠa laa, a tɔɔmun kulɔ tɔɔ kpəlin ɉu ə doo, yii nu ta yee hvo ɉu.

Ɉeremi 48:26

Ka lɔɔ tɔɔ na, ə gɛlɛ, hvo gaai, ə gbɔwɔ gɛnɛ̨ ə dɛɛ Yai-Laa ɓa. Ya ka mąąkɔ̨nwɔ̨i maɠi hu, yaa kpɛli aa kɛ a yɛlɛ mąą hɛn.

Woolaa 4:6

Nwɔ́ nu huwui hɔn aa ɲɔ̨n aa tɛɛ Sodomə nwɛi ɓa. Yai nwun ɲąą ə lɔ a nu ɲɛ̨i yalii mą tanɔ̨n, nu ta hvo pɛli gulɔi ɉu.

Danîa 11:12

Ɲeetɛɛmaai tii ɉɛɠɛɛ pələ tɔɔmun a gɛ, a gbɔwɔ ŋąą kɛnɛ̨ yili hu. Kɛlaa, pələ ma a kɔ́kuláá kpulu tamąą paa la, ya hvəi pai yeetɛɛmąą kɛi.

Danîa 11:45

Gaa pai nwɔ tɔɔ həɠə pəlɛɠaai tɔɔi gboloyá da ɲee mąąhəɠɛɛ yii gaa nɔi lɛlɛɛ hu, di lɔwai, naa ɓə haa kaa pai həlii laa ma, nui lɔpee ta hva kpɔmąą tɛɛ bɔ.»

Danîa 7:26

Yili pulu ɓə Yálá kaa pai giti teei la, ə nwɔ yeetɛɛmąą kulɔ ɲəi, ə lɛɛ, ə nwun na pili.

Danîa 7:8

Ɲɛ̨́i ə lɛɛ lɔ ɉuwɔi tii mįnɛ̨ɠaa diɛ, nogolo ta yɛ tɔɔ di lɔwai. Ɓɛlɔwai nogoloi tii ə kɛi tɛ la, ɉuwɔi tii mįnɛ̨ haaɓa ə kulɔ ɉu. Ɉuwɔ mįnɛ̨ logoloi ŋɛ̨i tɛ a nįnɛ̨, ɲɛ̨ikɔw ə kɛ mą yɛ nu, naaləi yɛ ɓo mą, yɛ mɛ̨nį kpɛa-kpɛa ɓo.

Danîa 8:11

Mįnɛ̨ logoloi tii, ə tɛ kpɔ ə həli yələkɔlɔn ɉu hɛnŋaa nwun nąmu ɓa. Ə lɛɛ, ɉaláá hɛn ŋɛ̨i da naa həli a hvoló kəlee, mįnɛ̨i lon tii ə yili naa həɠə, ə Yálá hee pɛlɛ́i ŋɛ̨i gaa ɓɛ lɔi mɛ̨i, ə muhəɠə naa ɓa.

Danîa 9:25

Yii mąąnɛ̨ɛ̨ ə́ kili ə kɛ ɉu, ə́ gbaɓala kaa, ya ka: Ə həɠə ɓɛlɔwai ŋɛ̨i di nwɛlɛɛ ŋɛ̨i ɓo la, yɛ hvilɛn na ka kulɔ mɛ̨nį luwɔlaa hu ɓa, da Ɉerusalɛmə taa tɔɔ mɛ̨nį a nįnɛ̨, ə mą kɛ, tɔɔmun yii Yálá ə ɉəɠə ɉu ə mąątí gulɔ mɛ̨nį pɔ̨nɔ̨ŋa, a kɛ a lɔwai mɛ̨ihveelɛ heei kwɛlan mɛ̨ihveelɛ. Yili pulu, lɔwai heei pow mɛ̨ida kɔ́w hveelɛ heei kwɛlan mɛ̨ihveelɛ hu, daa-lee kɛnɛ̨ da nwɔ hįi, da di tɔɔ. Kɛlaa, nɔwaiɠaai tii da kɛ a mɛ̨nį walawala.

Gɛlaɠaa 12:23

Kɛlaa, nąąlɔwai ti kpɔlɔ, gu Ną́mu nwɔ malaka ta ə gɛlɛ, mąąhɔlɔɓo, hvo kɛ Yálá mąąwiɛ li. Ɲąą ɓa, koló ə pu ɉu, ə haa.

Tɛsalonikə veelɛ 2:3

Nu ta hvo kɛ gaa ká ɲąahɛn ɉii a pələi lɔpee gəlee; hvo kɛli ni nuą di lənə laa na pələ ɓa, ɛlɛɛ, hvo kɛli Yálá mɛ̨nį Mɛlɛtoomun, ə gbɛa gbɔwɔ lɛ, yai a nwun na pili-lon,

Tɛsalonikə veelɛ 2:8

nąąlɔwai ɓə mɛlɛtoomun tii a kulɔ la pono ŋą, ɛlɛɛ, gu Ną́mu Jesus ə nwun napili a naa-hvaŋą, ə ɉu kala, a nwɔ kɛɛ ponoi gaa pai la, ɉu.

M̀ɛni-lɛɛi 17:14

Di kaa pai kɔ́ pɛlɛi Mɛlaa Lon ma, ɛlɛɛ, Mɛlaa Lon ɲee kaa pai tɛɛi diɛ, mąąhɔlɔɓo, ya ɓə gaa a nąmuɠaa kəlee di Nąmu, hééɓoɠaa di wɔ Hééɓomun, ɛlɛɛ, yaa, da nuą ə di təli, ə di həɠə ɉu, ɛlɛɛ, tələnmo nuą, da diɛni di yee kaa pai tɛɛi mą.»

M̀ɛni-lɛɛi 19:16

Laa ta pɛ̨ɛ̨i kɛ ŋą həɠəi ɓa, da nwɛlɛ mɛ̨i, diɛ kɛ mą: «Hééɓoɠaa di wɔɔ Hééɓomun, nąmuɠaa di Nąmu.»