Danîa 8:24 - Yálá laawoo hɛɓɛ (dc)

²⁴ Nwɔ huwalawala kaa pai kɛnɛ̨i, kɛlaa, ɉuwalawalai tii hva kulɔ gbɔwɔ kpinį hu. Gaa pai kɛi kɛɛ kalai, yii nuą kili hva kɛ mą. Yi lɔpee a ɲee too ɉu, a kɛ, gaa pai huwalawala nuą tamąą tooi, ə lɛɛ, ɲee ə tɛɛ Yálá nwɔ nuąi diɛ.

Yálá laawoo hɛɓɛ

²⁴ Nwɔ huwalawala kaa pai kɛnɛ̨i, kɛlaa, ɉuwalawalai tii hva kulɔ gbɔwɔ kpinį hu. Gaa pai kɛi kɛɛ kalai, yii nuą kili hva kɛ mą. Yi lɔpee a ɲee too ɉu, a kɛ, gaa pai huwalawala nuą tamąą tooi, ə lɛɛ, ɲee ə tɛɛ Yálá nwɔ nuąi diɛ.

Bible

²⁴ Ŋɔwála-walai su a pâi kɛ̂i a gbanaŋɔɔ. Kɛ́lɛ vé pâi kɛ̂i a gbîŋ wala-wala. A pâi mɛni kpɛtɛɛ nyɔ́mɔɔ támaa kɛ̂i. M̀ɛnii kélee a pâi ǹyée seêi m̀ui, ŋ̀aa-see a pâi kâi a ǹɛ́lɛɛ mì. A pâi ŋ̀wála-wala-ƃelai da Ɣâla ŋɔnûai su-karâi.

Danîa 8:24 ပူးပေါင်းရင်းမြစ်များ

Mąątɛ̨nɛ̨ 37:35

Nui hvo Yálá kɔ́lɔn, ŋį́ gaa yɛ gilitɔɔ vaŋą ɓa, yɛ nwun dɛ yɛ Liban hɛan;

Danîa 11:23

Ɓɛlɔwai da nuą di kaa pai di yee lɔi la gee hu, gaa pai gbanalaa ta kɛi, ə huwalawala hɔlɔɓo, da nu kpulu logolo.

Danîa 12:7

Nui ŋɛ̨i ɉəɠə kwəlɛɛ ə kɛ mą, ə ɲee hveelɛi tɛ yələi, ŋą́ nwoo mɛ̨n yɛ kɛ diɛ: «Ŋą́ gwɛla a Yálái ŋɛ̨i gaa lɔ a vulú yələ kəlee naa hu, gɛ́ diɛ: Hvo kɛli kwɛlan ɉaaɓa da gbulɔ. Mɛ̨nįɠaa ŋɛ̨i kaa pai kpɛɛi a kɛ Yálá nwɔ nuąi di wɔ huwalawala a kala kpɔ tɛ̨ɛ̨tɛ̨ɛ̨.»

Danîa 7:25

Gaa pai kɛi woo ɲɔ̨n moi a Yálá Yii Gaa Hɛn Gəlee Nwun Mɛi naa, yɛ Yálái tii nwɔ nuą laanɔ̨nwɔ̨ɓo, gaa nwɔ kwəi a pɛli pai kɛi lɔwai mąąhvalin ɉii, da Yálá nwɔ tɔ́n. Ə lɛɛ, di kaa pai Yálá nwɔ nuą tɛɛi bɔ, di kwɛlan ɉaaɓa da gbulɔ kɛ ɲee mu.

Danîa 8:10

Mįnɛ̨ lon tii ə kwɛa yɛ tɛ yələkɔlɔn ma. Tɛi tii ə mo laa, ə yələkɔlɔn ɉu hɛnŋaa bələ tɔ̨nɔ̨ da pɛmɛ̨nɛ̨n gɔw bələ, tɔ̨nɔ̨ kulɔ ə bu nɔi ɓa, ə tɛ di mɛ̨i.

Danîa 8:11

Mįnɛ̨ logoloi tii, ə tɛ kpɔ ə həli yələkɔlɔn ɉu hɛnŋaa nwun nąmu ɓa. Ə lɛɛ, ɉaláá hɛn ŋɛ̨i da naa həli a hvoló kəlee, mįnɛ̨i lon tii ə yili naa həɠə, ə Yálá hee pɛlɛ́i ŋɛ̨i gaa ɓɛ lɔi mɛ̨i, ə muhəɠə naa ɓa.

Danîa 8:12

Yálá nwɔ nu kpului tii da ɉaláái ŋɛ̨i di kɛi gulɔ a hvoló kəlee, di lɛɛ mįnɛ̨i tii yee mu, nwąnąlɔi tii ə kɛi gulɔ mąą mɛ̨nį ɓa. Mįnɛ̨i tii ə tɛ̨ą too lɔi ɓa, ə yeetɛɛmąą hɔlɔɓo gɛ mɛ̨nįɠaa hu.

Danîa 8:23

Mįnɛ̨ nąąn tii di wɔ tɔɔlaai kpɛɛi lɔwai ɓə, nɛ̨ŋɛ̨n ɉəɠə nuą da di kɛ nɛ̨ŋɛ̨n naahvɛɛ la. Nąąlɔwai, tɔɔmun da a muhəɠə, ɉuɲąŋą kənə nwəlɛɛ nuą ɓowoi.

M̀ɛni-lɛɛi 16:6

gbala ə tɔɔ, daa nu mąąhəɠɛɛɠaa da ə́ kwəi mɛ̨nį hukulɔ nuą ɲąmą pu, ɲąmą lɔ ɓə yáán ə́ dɔɔ di la, diɛ gbələ. Yili kpɔ ɓə di gwɛli!»

M̀ɛni-lɛɛi 17:17

Mąąhɔlɔɓo, Yálá aa ɉuwɔi tii kwəi kili pɔ mɛ̨nį kɛɛ too di lii hu, a gwəi kili tanɔ̨n, ya ɓaa, di di hvaŋą da di wɔɔ huwalawalalaa lɔ ɉuwɔi tii ŋą tíɓo hu, ə lɛɛ ɉu, Yálá laa woo pɔ mɛ̨nį ə kɛ.

M̀ɛni-lɛɛi 17:6

Ŋą́ nɛ̨ɛ̨nui tii kaa, mąąhəɠə nuą da Jesus ŋą kɛlaɠaa di ɲąmą aa ɉon yɛ lɔɔ. Gaai ŋį́ mo, gwə́i ə pili kpɔ mą́ą́ kɛnɛ̨.

M̀ɛni-lɛɛi 19:2

Mąąhɔlɔɓo, ŋą kitiɠaai laahvɛɛi a tɛ̨ą, ɛlɛɛ, da tələnmolaa. Aa nwɛlikɛ nɛ̨ɛ̨nu kɛnɛ̨i kiti tee, yai kɛli lɔi kəlee kɔhɔɓo a ŋą wɛlikɛɛ, ɛlɛɛ, aa ŋą tínuą ɲąmą kwələ kulɔ mą.»