Danîa 8:23 - Yálá laawoo hɛɓɛ (dc)

²³ Mįnɛ̨ nąąn tii di wɔ tɔɔlaai kpɛɛi lɔwai ɓə, nɛ̨ŋɛ̨n ɉəɠə nuą da di kɛ nɛ̨ŋɛ̨n naahvɛɛ la. Nąąlɔwai, tɔɔmun da a muhəɠə, ɉuɲąŋą kənə nwəlɛɛ nuą ɓowoi.

Yálá laawoo hɛɓɛ

²³ Mįnɛ̨ nąąn tii di wɔ tɔɔlaai kpɛɛi lɔwai ɓə, nɛ̨ŋɛ̨n ɉəɠə nuą da di kɛ nɛ̨ŋɛ̨n naahvɛɛ la. Nąąlɔwai, tɔɔmun da a muhəɠə, ɉuɲąŋą kənə nwəlɛɛ nuą ɓowoi.

Bible

²³ “Da pâi sɔnyɔ̂ŋ kpɛɛ pôlu ma-ŋa kɛ̂i dítãi é lɛ́ɛ pâi kpɛɛ̂i. Ǹyaŋ à kɛ̀ tí, fɛ̂ɛ dí mɛni kula-maa kpânaŋ sɔlɔ ƃó. À kɛ̀ tí, núu da kpɛ́ni a pâi dípɔɔ ŋá siɣêi. Ǹúui ŋí a pâi kɛ̂i a kíri-nuu, loo mɛni támaa kpɛtɛ târe kɛ́ ƃò ǹyêei.

Danîa 8:23 ပူးပေါင်းရင်းမြစ်များ

Zɛnɛse 15:16

Ə́ huwuhu nuą ɉəɠə gee pɔ nąąn gɛɛnąą ɓə pai kɛi ɓɛ nɔi ŋɛ̨i hu, mąąhɔlɔɓo, Amɔrə nuą di hvo ni di wɔ nwąnąlɔ laahvɛɛ li, ə gɛ, ŋį́ di kpɛ.»

Hanwon 1:6

A hanwon ɉɔɔ hanwon ɉu, ə ɉu pɔ̨nɔ̨, yɛ kilimąą nuą woo da di wɔ hanwonŋaa hu pɔ̨nɔ̨.

Izikiɛ 38:16

Ə́ kaa pai pai, yɛ́ wolo nwɔ nu huwui a Israɛlə ɓa; yɛ́ pɛlɛ nɔi kəlee mɛ̨i yɛ nąnąąn. Mɛ̨nįi tii kaa pai həlii a yɛnɛ̨ɛ̨ ɲąą kpɛɛ yələ; gáá pai gɛi yɛ́ wolo nwɔ́ lɔi ɓa, lɔiɠaa diɛ pɛli gɔ́lɔn ɉi, ɓɛlɔwai gáá pai nwɔ mąąhəɠəlaa tooi la pɔ̨nɔ̨ ɲą, di ɲɛ̨i ɓa, a ə́ pulu kulɔ pələ, yɛ́i a Gɔgə.

Izikiɛ 38:8

Ɉu aa kwɛa, mąąnɛ̨ɛ̨ kɛ ku ə́ mąą mɛ̨nį ɲɛ̨i kulɔ; yili kaa pai kɛi tii, gwɛlanŋaa laa a hvɛɛ; lɔi ta hu, da ɉu nuą taɠa, mąąhɔlɔɓo, kɔ́ kɔ́ ɓɔwa a tɛɛ laa. Di həɠə lɔi ta hu, yii kɛ naa hvɛɛ a nu kan, di di ɲąąkpɔn Israɛlə yeeɠaa mɛ̨i; ɲeeɠaai tii daa kɛ lɛɛ a lɔi pun a ɉu kwɛa. Di nuąi tii kulɔ lɔiɠaa lɔwai, di kəlee di kaa pai kɛi liilaa hu.

Danîa 10:14

Yii hu kɛa, ŋą́ pa, ə gɛ, mɛ̨nį pai həlii ə́ huwu ɓa, ŋą́ ɉukulɔ yɛ́, mąąhɔlɔɓo, ɉįi ŋɛ̨i yaa gaa, vilɛn ŋąą nɔwai tii mąą mɛ̨nį ɓa.»

Danîa 11:21

«Nui pai mąąhvalin ɉii, a kɛ a nui tɔɔlaa mąąwiɛ hvo mą. Ɉulɔnui tii, ɓɛlɔwai nɔi a kɛ la liilaa hu, nąąlɔwai ɓə a dɔɔlaa hɛɠɛ la a gbanalaa túwɔ́.

Danîa 11:24

Ɓɛlɔwai nɔi kaa pai kɛi la liilaa hu, nąąlɔwai, gaa pai kɛi lii goɓitaaɠaai ɲąąnɛ̨ɛ̨, ɉu, yii kpɔ galaɓɔlɔni di hvo gɛ li, yɛ gɛ. Gaa pai tooi nuą mɛ̨i, ə di yəi hɛnŋaa həɠə, yɛ ɲąą kwɛlɛ nwɔ nuą diɛ. Taaɠaai mąątínɛ̨n ŋąą a hįi, gaa pai kɛi diɛ: ə kɔ́ pɛlɛ diɛ. Kɛlaa, mɛ̨nįɠaai tii ɉu hvo pai kwɛai.

Danîa 7:11

Ŋą́ lɛɛ lɔ nwɔ̨nɔ̨ naa kaai, nwoo kpɛa-kpɛai tii ɉuwɔ mįnɛ̨i ə kɛi mo mąą mɛ̨nį ɓa, ɲɛ́í ə lɛɛ ɉuwɔi tii ɓa, di baa, di bowa too nwɔ̨n ɉu, ə gɛ, ə kələn.

Danîa 7:20

Ŋą́ kɛ nwɔ̨nɔ̨ bɔ ŋą́ mɛ̨nį ta kɔ́lɔn yɛ hvilɛn na ɉuwɔi tii mįnɛ̨ kaa pow ma. Ə lɛɛ, dɔ̨nɔ̨i ŋɛ̨i tɔɔ nwun ma, ɉaaɓa diɛ too, ə lɛɛ, mįnɛ̨ tɔ̨nɔ̨i tii ɲɛ̨ikɔw ə kɛ mą yɛ nu, laaləi yɛ ɓo mą, yɛ woo kpɛa-kpɛaɠaa ɓo, yai kɛnɛ̨ ə tɛɛ mɛlaa diɛi.

Danîa 7:25

Gaa pai kɛi woo ɲɔ̨n moi a Yálá Yii Gaa Hɛn Gəlee Nwun Mɛi naa, yɛ Yálái tii nwɔ nuą laanɔ̨nwɔ̨ɓo, gaa nwɔ kwəi a pɛli pai kɛi lɔwai mąąhvalin ɉii, da Yálá nwɔ tɔ́n. Ə lɛɛ, di kaa pai Yálá nwɔ nuą tɛɛi bɔ, di kwɛlan ɉaaɓa da gbulɔ kɛ ɲee mu.

Danîa 7:8

Ɲɛ̨́i ə lɛɛ lɔ ɉuwɔi tii mįnɛ̨ɠaa diɛ, nogolo ta yɛ tɔɔ di lɔwai. Ɓɛlɔwai nogoloi tii ə kɛi tɛ la, ɉuwɔi tii mįnɛ̨ haaɓa ə kulɔ ɉu. Ɉuwɔ mįnɛ̨ logoloi ŋɛ̨i tɛ a nįnɛ̨, ɲɛ̨ikɔw ə kɛ mą yɛ nu, naaləi yɛ ɓo mą, yɛ mɛ̨nį kpɛa-kpɛa ɓo.

Danîa 8:22

Ɓɛlɔwai mįnɛ̨ tɔ̨nɔ̨i tii ə yali la, mįnɛ̨ nąąn tii tɔɔ nwuɔ̨ a dɔ̨nɔ̨i tii pɔɔi, gaa a tɔɔlaa nąąn, yii pai kulɔi nɔi tɔ̨nɔ̨i tii hu. Kɛlaa, di wɔ huwalawala hva kɛ yɛ mįnɛ̨ tɔ̨nɔ̨i tii nwɛi.

Danîa 8:24

Nwɔ huwalawala kaa pai kɛnɛ̨i, kɛlaa, ɉuwalawalai tii hva kulɔ gbɔwɔ kpinį hu. Gaa pai kɛi kɛɛ kalai, yii nuą kili hva kɛ mą. Yi lɔpee a ɲee too ɉu, a kɛ, gaa pai huwalawala nuą tamąą tooi, ə lɛɛ, ɲee ə tɛɛ Yálá nwɔ nuąi diɛ.

Danîa 8:25

Gaa pai kɛi a ɲɛlɛɛ mɛ̨nįɠaa kɛi, yɛ pɛli mą da kpɛliɠaa ɓowoi. Nwɔ huɲąŋą kɛnɛ̨ laa hu, gaa pai nu tamąą paai, diɛi gaa di wɔ kwəi di mąą kwənąn ŋaai, yili pulu, gaa pai kɔ́ pɛlɛi tɔɔɓɛlaa di wɔ Tɔɔmun ma. Nąąlɔwai ɓə gaa pai tooi la, nui lɔpee ta laa hva kɛ ɉu.

Lonon mo 24:24

Gáá ya ŋą kələnŋąą kaai, diɛ həɠə Kitimə, di kaa pai heei Asurə mɛ̨i, diɛ hee Ebɛrə mɛ̨i. Kɛlaa gɛɛ kalamun tii yaa kpɛli, nwun na kaa pai pilii.»

Maafîu 23:32

Akɛti, ka ka nąnni túwɔ́ pələ ɲɔ̨n tii laa kulɔ lɔ.

Dutɛrɔnome 28:50

Di kaa pai kɛi a nu huwu ɲɛ̨i walawalaa, di hva hulɔgolo mąąwiɛ, di hva nu nwunu ɲɛ̨imąąwɛli kaa.

Tɛsalonikə dɔlɔɔ 2:16

diɛ ɓə da kpɛ̨ąn ku tɔwɔ, diɛ ku hvo ɓalo woo laa həli huwu takpɛliɠaa diɛ, ɛlɛɛ, yələ kəlee, diɛ di wɔ nɛŋɛ̨nŋaai laa kulɔ la tii. Kɛlaa, lííholi aa too di mɛ̨i a gbəlamąą.

Timote dɔlɔɔ 4:1

Yálá nwɔ Kilii a mo kpɔ a neelee yɛ, vóló gbɛla mąąɠaa ŋɛ̨i hu, nu tamąą kaa pai laa na pələ lɛɛi, diɛ hvilɛn di ɓowo nuą woo pulu, ɛlɛɛ da kalan ɉuwuɠaai a həɠə ɲinɛ̨nŋaa pɔ;

M̀ɛni-lɛɛi 19:20

Di ɉuwɔi tii hon a kɔluwɔ, ɛlɛɛ, da nɛɛ loloɓomun tii, yai kɛli gbalo mɛ̨nįɠaa kɛ niila, ɛlɛɛ, da nuąi ə di ɲąąhɛn, ə gɔlɔn ɉii kɛ diɛ, diɛ kwɛli hvilɛn mąą nįnįn ma. Di gəlee pili nwɔ̨n maɠa hu a di hvúlú.