Danîa 8:22 - Yálá laawoo hɛɓɛ (dc)

²² Ɓɛlɔwai mįnɛ̨ tɔ̨nɔ̨i tii ə yali la, mįnɛ̨ nąąn tii tɔɔ nwuɔ̨ a dɔ̨nɔ̨i tii pɔɔi, gaa a tɔɔlaa nąąn, yii pai kulɔi nɔi tɔ̨nɔ̨i tii hu. Kɛlaa, di wɔ huwalawala hva kɛ yɛ mįnɛ̨ tɔ̨nɔ̨i tii nwɛi.

Yálá laawoo hɛɓɛ

²² Ɓɛlɔwai mįnɛ̨ tɔ̨nɔ̨i tii ə yali la, mįnɛ̨ nąąn tii tɔɔ nwuɔ̨ a dɔ̨nɔ̨i tii pɔɔi, gaa a tɔɔlaa nąąn, yii pai kulɔi nɔi tɔ̨nɔ̨i tii hu. Kɛlaa, di wɔ huwalawala hva kɛ yɛ mįnɛ̨ tɔ̨nɔ̨i tii nwɛi.

Bible

²² M̀ĩla náaŋ kpɔ́ tí kùla dítɔɔ dɔnɔi pɔ́ɔ ŋá ɣalei ƃa gâloŋ-laai ǹáaŋ pâi m̀u-siɣei. Kɛ́lɛ wála-wala-laa támaa fé pâi kɛ̂i maa kâloŋ-ŋai yêei yɛ̂ɛ bɔlɔ-ŋai.

Danîa 8:22 ပူးပေါင်းရင်းမြစ်များ

Danîa 11:4

Ɓɛlɔwai gaa pai nwɔ tɔɔlaai heei la, nwɔ tɔɔlaai tii kaa pai woloi ə taɠa-taɠa yɛnɛ̨ɛ̨ nwono nąąn gəlee hu. Ɉuwuhu mun da hvo pai heei dɔɔ kpəlin ɉu, dɔɔlaa ŋąą a kwɛlɛ nu takpɛliɠaa diɛ, kɛlaa, yiliɠaa di wɔ tɔɔlaa hva həli nwɛi pɔ.

Danîa 7:6

Yili pulu, ŋą́ ɲɛ̨i hee lɔ nwɔ̨nɔ̨, ŋą́ huwɔ takpɛli kaa, yɛ ɓo yɛ kwɛ́li, goon yɛ ɓo bulu nąąn, yɛ nwɛ̨nį. Ɉuwɔ tii nwun galən ə kɛ ŋą nąąn, di yeetɛɛmąą tɛɛ bɔ.

Danîa 7:7

Yili pulu, ɉįi tɔ̨nɔ̨i tii hu, ŋą́ ɉuwɔ naa gɛɛ naa kaa, maa ɲɔwɔ kpɔ kɛnɛ̨, ɉuwalawalaa ɲee tɛɛ mɛlaa diɛ, ɲin ə kɛ a kwɛli, gbɛa-kpɛa, ə kɛi naa mįi, yɛ hɛnŋaa huwɔɔ, yiiɠaai lɛɛ, ə tɛ gəlee mɛ̨i. Nwɔ kɛ pələi kulaa kɛ, mɛlaa haaɓai tii di wɛi mu, mįnɛ̨ yɛ ɓo nwuɔ̨ pow.

Danîa 8:21

Molu hilɛi tii ə́ gaa, gaa a Grɛkə tɔɔlaa. Mįnɛ̨ tɔ̨nɔ̨i tii kɛ tɔɔni ɲəi kɔ́w lɔwai, yili kaa Grɛkə tɔɔlaa hutɔɔmun dɔlɔɔ.

Danîa 8:23

Mįnɛ̨ nąąn tii di wɔ tɔɔlaai kpɛɛi lɔwai ɓə, nɛ̨ŋɛ̨n ɉəɠə nuą da di kɛ nɛ̨ŋɛ̨n naahvɛɛ la. Nąąlɔwai, tɔɔmun da a muhəɠə, ɉuɲąŋą kənə nwəlɛɛ nuą ɓowoi.

Danîa 8:3

Ŋą́ ɓɛlaa hilɛ ta kaa tɔɔni ɲa leei tii kwɛlɛ, mįnɛ̨ yɛ ɓo nwuɔ̨ hveelɛ. Mįnɛ̨ hveelɛ tii kwɛakwɛai kɛ, kɛlaa, dɔ̨nɔ̨ kwɛai kɛ dɛɛ mɛlan ma, gwɛa laa mun tii ɓə lɛɛ pulu yɛ tɛ.

Danîa 8:8

Molu hilɛi tii ə kɛnɛ̨ laa hɔlɔɓo, kɛlaa, ɓɛlɔwai ɲee ə walawala la, mįnɛ̨ kɛnɛ̨ tɔ̨nɔ̨i tii kɛ nwuɔ̨, ə yali. Mįnɛ̨ nąąn dakpɛli ə pənə ə tɔɔ, yiliɠaai diɛ ɓo a kaakaa hɛn. Dɔ̨nɔ̨ ə tɔɔ voló həɠəi pələ, dɔ̨nɔ̨ ə tɔɔ voló tooi pələ, dɔ̨nɔ̨ ə tɔɔ ɲələi pələ, dɔ̨nɔ̨ ə tɔɔ ɉɛɠɛɛ pələ.

Zakari 6:1

Ŋą́ kwɛlɛɛn gɛɛ takpɛli kaa nwɔ̨nɔ̨, ŋą́ wotolo nąąn gaa, diɛ li yee hveelɛ lɔwai, ɲeeɠaai tii di kɛ a ɓala kwɛli.