Danîa 8:15 - Yálá laawoo hɛɓɛ (dc)

¹⁵ Ɲą́ą́ Daniɛlə, ɉįi tii ŋą́ gaa, ŋą́ kɛ bɔ ŋą́ mukulaa kɔ́lɔn, ŋaaɓa, ŋą́ nu ta kaa tɔɔni nííla,

Yálá laawoo hɛɓɛ

¹⁵ Ɲą́ą́ Daniɛlə, ɉįi tii ŋą́ gaa, ŋą́ kɛ bɔ ŋą́ mukulaa kɔ́lɔn, ŋaaɓa, ŋą́ nu ta kaa tɔɔni nííla,

Bible

¹⁵ Ŋá kɛ̀ tɔɔ̂ni ŋ́gɛ ǹaa maa kpɛ̂ɛ a gɛɛ ŋá m̀ɛnii ŋá káa kɛ̀ kɛ̂i. È kɛ̀ nɔ́ tí ŋá sɛŋ da káa tɔɔ̂ni ŋɛ́i túɛ yɛ̂ɛ núu.

Danîa 8:15 ပူးပေါင်းရင်းမြစ်များ

Azaya 9:6

Nwɔ heeɓolaai, yee kɔnwɔ̨n ɉu a ɓɛlɛɛ, ɛlɛɛ, kpɛɛ hvo nwɔ tɔɔlaa ɓa. Yii ɓaa nąn Davidə nwɔ tɔɔkpəlin, Ya ɓə pai vilɛn ɉii gbilin, tɛ̨ą mɛ̨nį da tələnmolaa mɛ̨i, ə həɠə yiihu ɓa, ə lɛɛ la ɉu, wɔ. Yili ɓə Yai-Laa Mɛ̨nį Kəlee ŋą Hééɓomun kaa pai gɛi, nwɔ wɛlikɛmąą kɛnɛ̨ɛ̨ hu.

Danîa 10:16

Kɛlaa, ŋą́ hɛn da kpɛli kaa, gɛ pələ ə ɓo yɛ nu, ə pa, ə ɲee hee náá wulun ma, gɛ́ tɛɠa pɛli hvaai. Nui ŋɛ̨i kɛ tɔɔni ɲɛ̨i tɔwɔ, ŋą́ mo mą, gɛ́ mą: «Nwɔ́ mɛ̨nį Nąmu, gɛɛ ɲɛ̨i ŋą́ą́ gaa, aa gwə́i pili mą́ą́, hvaŋą hvo kpɛli lɛɛ li ɲə́i.

Danîa 10:18

Ɲąąɓa, yii tii gɛ pələ ə kɛ ɲɛ nu, ə ɲee hee mą́ą́, ə gɛ, ŋą́ pənə ŋą́ hvaŋą hɔlɔɓo.

Danîa 10:5

Ŋą́ lɛɛ lɔ ɲɛ̨́i laai, ŋą́ nu ta kaa həɠə kwɛlɛɛ yɛ ɓo mą, ɉąą yiliɛ a hɛni kpɔkpɔɔ həɠə ɓɛla.

Danîa 12:8

Ɲą́ą́ Daniɛlə, ŋą́ nwooɠaa tii mɛ̨n, kɛlaa, və́ mukulaa kɔ́lɔn. Yili ɓə gɛ, ŋą́ mąąnin gɛ kɛ, gɛ́ mą: «Nwɔ́ mɛ̨nį Nąmu, mɛ̨nįɠaa tii ŋąą kaa pai kpɛɛi ləi?»

Danîa 7:13

Ɉįi tɔ̨nɔ̨i tii hu lɔ nwɔ̨nɔ̨, ŋą́ hɛn da kaa ə ɓo yɛ hulɔnu lon, yɛ ɓo tulɔ kpiliɠilin mɛ̨i, yɛ pa. Pai tii ə mo, ə mąą lɛɠɛ ɉulɔgolo pɔlɔ-pɔlɔ tii ɓa, ə lɛɛ, di mąą lɛɠɛ ma.

Danîa 7:28

Yili ɓə kɛ a nwɛlɛɛ tii kpɛlai. Ɲą́ą́ Daniɛlə, gwə́i ə pili mą́ą́, mą́ą́ yɛ kpɛlin, ɲɛ̨́i lai maa ə hvalin gáá nwooɠaai tii kəlee naa kili lɛɛi ŋą́.

Danîa 8:1

Tɔɔmun Bɛlsasarə nwɔ tɔɔlaa gwɛlan ɉaaɓa lɔwai, ɲą́ą́ Daniɛlə, ŋą́ hįi takpɛli kaa nwɔ̨nɔ̨.

Danîa 8:19

Yili pulu, yɛ mą́ą́: «Mɛ̨nii pai kɛi ɓɛlɔwai Yálá nwɔ líiɲąnwąną kaa pai kpɛɛi la, gáá nɛi yɛ́.

Zakari 1:9

Gɛ́ mą: «Nwɔ́ mɛ̨nį nąmu, yii mukulaa ɓaa a lə? Malakai tii kɛi bələ ɓo mą́ą́, yɛ mą́ą́: ɉɛnŋąąi di mąąnįnįn ni, gáá pai di lɛi yɛ́.»

Maafîu 13:36

Jesus ə kulɔ nu kpulu lɔwai, ə li bɛlɛ́n. Nwɔ kalan nɛai di lɛɛ bulu, di mąąni kɛ diɛ mą: «Gala kɔ́w ɲɔ̨nwɔ̨ɔ̨ mąą hanwon ŋɛ̨i ə Ɉɔɔi, mukulaa ɓaa a lə?»

Maafîu 24:15

«Yili ɓə gaa mą, ɓɛlɔwai ka káá pai nwun napili mɛ̨nį mąą ɲɔ̨wuɔ, kaai la tɔɔ ni ɓɛi da Yálá mąą mɛ̨nį ɓo laai, yɛ pələi Yálá kwəi mɛ̨nį hukulɔ mun Daniɛlə ə mo la. Nui gaa mɛ̨nįɠaa ŋɛ̨i kalan ɉii ə gbaɠala kaa a nəlɛɛ!

Maafîu 24:30

A kɛ tii, Nu Lon pa mɛ̨nį kɔ́lɔn ɉɛnŋąa da laa yələ kwəi. Lɔi mɛ̨i nuą kəlee da di woo laa. Ɛlɛɛ, diɛ Nu Lon kaa heeni tulɔ kpinįn ɉu, yɛ pa huwalawala kɛnɛ̨ da mąąwiɛ hu.

Markə 13:14

Nwoo ŋɛ̨i Jesus kaa moi, yɛ kɛ mą: «Ɓɛlɔwai ka káá pai Kristə ɲowo kaai la yɛ Yálá hee pɛlɛ́ kɔ́hɔɓo.» (Nui gaa Jesus wooi tii kalan ɉu, hvo kɛli ə gbaɠala kaa.) Jesus ə pənə, ə mo yɛ diɛ: «Nąąlɔwai, nuąi da kɛ Ɉude lɔi hu, hvo kɛli di pu di tɛ yeeɠaa ɓa.

Markə 4:12

Əgɛ, yɛ pələi Yálá laawoo hɛɓɛ́ ə mo la, yɛ mą: «‹Da kɛɛ kaa, di hva mąąkpɛɛ; wəli kaa diɛ mɛ̨nį yɛ too ɉu, kɛlaa, di hva aa kaa; əgɛ, di hvo pa tinɛ̨n di hvo kpəla mɛ̨nį ɲɔ̨n mą, di mąąhvaa hvo lɛɛ!›»

Zasua 5:14

Ɉulɔnui tii yɛ Ɉosue ɓa: «Və́ a ka yówó, gwa kaani gu hvo tɔɔ li. Gáá a Yai-Laa nwɔ kɔlaɠa nwun nąmu, ŋį́ pa lɔ yiihu.» Ɉosue ə pɛlɛ gɔwɔ mu, ə kwɛli hvilɛn mą, yɛ mą: «Nwɔ́ɔ́ mɛ̨nį nąmu, lə mɛ̨nį ɓə yɛ́ ə́ mo ə́ wɔ luwɔi ɓa?»

M̀ɛni-lɛɛi 1:13

ɛlɛɛ nwulɔ nwɔ̨n ɉee hɛn mɛ̨ihveelɛi tii lɔwai, ŋą́ nu ta kaa laa yɛ nu lon. Həɠə kwɛaa ɓə kɛ gwąną, ɉɛ̨ątɔɔ a hɛni kɔlɔ.

M̀ɛni-lɛɛi 13:18

Mɛ̨nį hukpɛ kili nwɛi nąą ka kɛa; nui nwun gaa ɉu, ya ɓə a pɛli ə ɉuwɔi tii laa hɛɓɛ́ kɔw ɉeekpəlina kɛi, mąąhɔlɔɓo, ɉeekpəlina kɛɛ, a kɛ a nu kan naa; ɛlɛɛ, gwɛdɛn gɔwi tii ɓaa nwun-mɛ̨ida-ɲee-mɛ̨ida-kɔw-mɛ̨ida.