Danîa 8:11 - Yálá laawoo hɛɓɛ (dc)

¹¹ Mįnɛ̨ logoloi tii, ə tɛ kpɔ ə həli yələkɔlɔn ɉu hɛnŋaa nwun nąmu ɓa. Ə lɛɛ, ɉaláá hɛn ŋɛ̨i da naa həli a hvoló kəlee, mįnɛ̨i lon tii ə yili naa həɠə, ə Yálá hee pɛlɛ́i ŋɛ̨i gaa ɓɛ lɔi mɛ̨i, ə muhəɠə naa ɓa.

Yálá laawoo hɛɓɛ

¹¹ Mįnɛ̨ logoloi tii, ə tɛ kpɔ ə həli yələkɔlɔn ɉu hɛnŋaa nwun nąmu ɓa. Ə lɛɛ, ɉaláá hɛn ŋɛ̨i da naa həli a hvoló kəlee, mįnɛ̨i lon tii ə yili naa həɠə, ə Yálá hee pɛlɛ́i ŋɛ̨i gaa ɓɛ lɔi mɛ̨i, ə muhəɠə naa ɓa.

Bible

¹¹ È ŋ̀elei su kɔkuluƃa-ŋai kélee Láa Túɛ-nuui maa fôo. È ŋɔɣele kélee sala kula mɛni-ŋai kpèra é Ŋ̀âla-pɛrɛ Kɛ́tɛi maa tĩa kara.

Danîa 8:11 ပူးပေါင်းရင်းမြစ်များ

Azaya 37:23

Gbɛɛ ɓə tii ə́ nalan yɛ mɛlɛ kpɛɛ mąi? Gbɛɛ ɓə tii ə́ kɛi ə́ woo həɠə mąi? Ɛlɛɛ, yɛ́ ɲɛ̨itɛ kulɔ lai? Israɛlə nwɔ Mąąhəɠəmun ɓə.

Azaya 37:29

Mąąhɔlɔɓo, yáá kpɛlin mą́ą́ a líiholi, ɛlɛɛ, ə́ wɔ tɛɠɛɓoɉu wooɠaai daa too wə́lii, gáá kwɛli tooi ə́ hunwɛ̨i, ŋą́ hoo la kwɛli too ə́ la, gáá pənəi ŋį́ li a yɛ́ a bələi tii ə́ həɠə la.

Ɉeremi 48:26

Ka lɔɔ tɔɔ na, ə gɛlɛ, hvo gaai, ə gbɔwɔ gɛnɛ̨ ə dɛɛ Yai-Laa ɓa. Ya ka mąąkɔ̨nwɔ̨i maɠi hu, yaa kpɛli aa kɛ a yɛlɛ mąą hɛn.

Ɉeremi 48:42

Daa Moabə huwolo, lɔi hvəli kɛa, mąąhɔlɔɓo, ə́ ə́ nwun dɛ, ə́ dɛɛ Yai-Laa ɓa.

Izikiɛ 46:14

Yii a Yálá kɔ́ mɛ̨nį yələ wala pɔ tɛi tɛi, da Eifa ɓɛlaɓo ɉu mɛ̨ida, yá gɔ́ a ɉeei tɔ̨nɔ̨; nwulɔ nwɛi, da hin ɓɛlaɓo ɉu haaɓa, ə́ ɉeei tɔ̨nɔ̨ tɛɛ a nɛɠɛ hunwɔ yɔwɔ hɛn. Yai-Laa kɔ́ hɛn ni, yili kaa a yələ kəlee tiɓo, kpɛɛ hvo mą.

Danîa 11:22

Kɔ kpulu lɔpee ta yee hvo pai pɛlii ma. Gaa pai kɔlaɠa kəlee ɲąąwoloi, ə lɛɛ, nuąi ŋɛ̨i Yálá ə mįnɛ̨ həɠə diɛ, gaa pai di wɔ tɔɔmun dɔ̨nɔ̨ paai.

Danîa 11:31

Yai tii, gaa pai kɔ́kulááɠaa tɔɔi, ə gɛ, di kɔ́ pɛlɛ Yálá nwɔ taai ŋɛ̨i mąątínɛ̨n ŋąą a hįi ma, di kaa pai mɛlɛkpɛɛ ma. Ɉaláái ŋɛ̨i da gulɔ Yálá ɓa a hvoló kəlee, di kaa pai tɔ́n dɔɔi yili ɓa, di ‹mɛ̨nį kɔ́hɔɓoɔ laa ɉaláá kulɔi.›

Danîa 12:11

Ə həɠə volói ŋɛ̨i di hvo kɛa pai haláá kulɔi la Yálá ɓa a hvoló kəlee, ə həli volói di kaa pai mɛ̨nį kɔ́hɔɓoɔ kaai la ɉaláá kulɔi, hvóló waa tɔ̨nɔ̨ pulu nwun veelɛ yee mɛ̨inąąn (1290) ɓə pai kulɔi ɉu.

Danîa 5:23

Yaa ə́ muhəɠə Yálá ŋɛ̨i gaa hɛn gəlee nwun mɛ̨i naa ɓa, yaa ɲəi bɛlɛ́n ɉɛnŋaa həɠə, yɛ́, ə́ wɔ wɛli nɛ̨ąąi, ə́ nɛ̨ąni da ə́ wɔ nu kpɛa-kpɛaɠaai, kaa lɔɔ kpələ ɉu. Yili pulu, yáláɠaai ŋɛ̨i di kaa a: wali kwɛli, hɛni, ɓala kwɛli, kwɛli, wulu da kwɛni maahaɠaaɠaa, diɛi di hva kɛɛ kaa, di hva mɛ̨nį mɛ̨n, kili hvo diɛ, kaa kwɛli hvilɛn diɛ, ka hvo gɛ li ka hvo mąąwiɛ tɛɛ Yálá pɔ, yaai ə́ nɔw kaa ɲəi, da ə́ kɛ mɛ̨nįɠaa kəlee.

Danîa 7:25

Gaa pai kɛi woo ɲɔ̨n moi a Yálá Yii Gaa Hɛn Gəlee Nwun Mɛi naa, yɛ Yálái tii nwɔ nuą laanɔ̨nwɔ̨ɓo, gaa nwɔ kwəi a pɛli pai kɛi lɔwai mąąhvalin ɉii, da Yálá nwɔ tɔ́n. Ə lɛɛ, di kaa pai Yálá nwɔ nuą tɛɛi bɔ, di kwɛlan ɉaaɓa da gbulɔ kɛ ɲee mu.

Danîa 8:12

Yálá nwɔ nu kpului tii da ɉaláái ŋɛ̨i di kɛi gulɔ a hvoló kəlee, di lɛɛ mįnɛ̨i tii yee mu, nwąnąlɔi tii ə kɛi gulɔ mąą mɛ̨nį ɓa. Mįnɛ̨i tii ə tɛ̨ą too lɔi ɓa, ə yeetɛɛmąą hɔlɔɓo gɛ mɛ̨nįɠaa hu.

Danîa 8:24

Nwɔ huwalawala kaa pai kɛnɛ̨i, kɛlaa, ɉuwalawalai tii hva kulɔ gbɔwɔ kpinį hu. Gaa pai kɛi kɛɛ kalai, yii nuą kili hva kɛ mą. Yi lɔpee a ɲee too ɉu, a kɛ, gaa pai huwalawala nuą tamąą tooi, ə lɛɛ, ɲee ə tɛɛ Yálá nwɔ nuąi diɛ.

Danîa 8:25

Gaa pai kɛi a ɲɛlɛɛ mɛ̨nįɠaa kɛi, yɛ pɛli mą da kpɛliɠaa ɓowoi. Nwɔ huɲąŋą kɛnɛ̨ laa hu, gaa pai nu tamąą paai, diɛi gaa di wɔ kwəi di mąą kwənąn ŋaai, yili pulu, gaa pai kɔ́ pɛlɛi tɔɔɓɛlaa di wɔ Tɔɔmun ma. Nąąlɔwai ɓə gaa pai tooi la, nui lɔpee ta laa hva kɛ ɉu.

Danîa 9:25

Yii mąąnɛ̨ɛ̨ ə́ kili ə kɛ ɉu, ə́ gbaɓala kaa, ya ka: Ə həɠə ɓɛlɔwai ŋɛ̨i di nwɛlɛɛ ŋɛ̨i ɓo la, yɛ hvilɛn na ka kulɔ mɛ̨nį luwɔlaa hu ɓa, da Ɉerusalɛmə taa tɔɔ mɛ̨nį a nįnɛ̨, ə mą kɛ, tɔɔmun yii Yálá ə ɉəɠə ɉu ə mąątí gulɔ mɛ̨nį pɔ̨nɔ̨ŋa, a kɛ a lɔwai mɛ̨ihveelɛ heei kwɛlan mɛ̨ihveelɛ. Yili pulu, lɔwai heei pow mɛ̨ida kɔ́w hveelɛ heei kwɛlan mɛ̨ihveelɛ hu, daa-lee kɛnɛ̨ da nwɔ hįi, da di tɔɔ. Kɛlaa, nɔwaiɠaai tii da kɛ a mɛ̨nį walawala.

Lonon mo 28:3

'Mo diɛ, yɛ́ diɛ: Kɔ̨nɔ̨nŋąąi mąąnɛ̨ɛ̨ ka Yai-Laa kɔ́ la, diɛ ka: kwɛlan dɔ̨nɔ̨ ɓɛlaa lon veelɛ, kpɛɠii hvo kɛ diɛ; hvóló tɛitɛi haláá hɛn ni, kaa gulɔ a haláái da gəlee kələn, yələ kəlee mɛ̨nį li.

Lukə 21:24

Di kaa pai di paai a ɓɔwa, di kaa pai damąą kɛi a luwɔɠaa lɔi tamąą hu, nuąi di hvo laa li Yálá la, di kaa pai di kɔ́wɔ hiɛi Ɉerusalɛmə taa hu, ə lɛɛ la ɉu, nuąi di hvo laa li Yálá la di wɔ huwalawala nwɔ lɔwai ə kpɛɛ.»

Tɛsalonikə veelɛ 2:4

yai a tɔɔ, hɛn kpɔ da kɛ mą: yálá gəlee la, yɛ kɔ pɛlɛ kwɛli hvilɛn mɛ̨nį kəlee ɓa, yaa kpinįi, yɛ li kpɔ yɛ hee Yálá ŋą pɛlɛ́i mu, yɛ gbɔwɔ kɛ a Yálá.

Hebreu 2:10

Bələ ɓə, ə nɛ̨ɛ̨ la tii, nui hɛn gəlee pɛli, yai hɛn gəlee kaa ɲəi, mą, ə hvaa mą, ə pələ kulɔ a lon damąą, ə di lɔ mąąwiɛlaa hu, ə mɛ̨nį kəlee laa kulɔ a nui ɓalo mɛ̨nį bələ kulɔ, ŋą mɔ̨nɔ̨.

M̀ɛni-lɛɛi 17:14

Di kaa pai kɔ́ pɛlɛi Mɛlaa Lon ma, ɛlɛɛ, Mɛlaa Lon ɲee kaa pai tɛɛi diɛ, mąąhɔlɔɓo, ya ɓə gaa a nąmuɠaa kəlee di Nąmu, hééɓoɠaa di wɔ Hééɓomun, ɛlɛɛ, yaa, da nuą ə di təli, ə di həɠə ɉu, ɛlɛɛ, tələnmo nuą, da diɛni di yee kaa pai tɛɛi mą.»