Danîa 7:24 - Yálá laawoo hɛɓɛ (dc)

²⁴ Mįnɛ̨ pow tii, gaa a tɔɔɓɛlaa pow, yiiɠaai pai di muhəɠəi dɔɔlaai tii hu. Tɔɔlaa takpɛli kaa pai muhəɠəi yili pulu, yii gɛ pələ hva kɛ yɛ dɔlɔɔɠaai tii, gaa pai tɔɔɓɛlaa haaɓa tooi.

Yálá laawoo hɛɓɛ

²⁴ Mįnɛ̨ pow tii, gaa a tɔɔɓɛlaa pow, yiiɠaai pai di muhəɠəi dɔɔlaai tii hu. Tɔɔlaa takpɛli kaa pai muhəɠəi yili pulu, yii gɛ pələ hva kɛ yɛ dɔlɔɔɠaai tii, gaa pai tɔɔɓɛlaa haaɓa tooi.

Bible

²⁴ Zua-mĩla puui ƃa gâloŋ-ŋai pâi kɛ̂i kâloŋ-laa kɛ̂i ǹɔii ŋí su a tãi tɔnɔi. Dítãi a kpɛ̀ɛ, kâloŋ da kpɛ́ni a pâi pâi ŋɔtûa-perei kɛ́ ƃò a da kpɛ́ni maa-ŋuŋ-ŋai díwɔ̂i ma. A pâi gâloŋ puui ŋí zaaƃa yée mɛi ɣâlei.

Danîa 7:24 ပူးပေါင်းရင်းမြစ်များ

Danîa 11:36

«Yii lɔpee a nɛɛ tɔɔmun ma, ya ɓə gaa pai gɛi. Hu ɲąŋą kɛnɛ̨ kaa pai kɛi ɉu, yə gbɔwɔ kaa yɛ kɛ gɛnɛ̨ɛ dɛɛ alaɠaa diɛ, gaa pai kɛi mɛ̨nį ɓoi alaɠaa di wɔ Yálá ɓa, hva kpɛli ɲɔw. Gɛ mɛ̨nįɠaa kəlee hu kaa pai kɛi nɛɛi, ə lɛɛ la ɉu Yálá nwɔ líiɲąnwąnąi pa hvóló yɛ ɉəli. Nąąlɔwai, yii Yálá ə gbən dee, a naahvɛɛ.

Danîa 2:41

Yɛ́ kpinįi, ə́ ɉɛn tii kɔ́wɔ kaa, da gɔwɔkpiɛ, bələ tɔ̨nɔ̨ yɛ ɓo a ləɠi-pɔlɔ, bələ tɔ̨nɔ̨ yɛ ɓo a kwɛli, dɔɔlaai tii ŋąą kaa pai kwɛlɛi ɉu. Kɛlaa, hɛn da kaa pai kɛi dɔɔlaai tii hu, nwalawalaa yɛ kwɛli, mąąhɔlɔɓo, ə́ kwɛli da ləɠi-pɔlɔ kaa, ɉumoɔ a gee.

Danîa 7:20

Ŋą́ kɛ nwɔ̨nɔ̨ bɔ ŋą́ mɛ̨nį ta kɔ́lɔn yɛ hvilɛn na ɉuwɔi tii mįnɛ̨ kaa pow ma. Ə lɛɛ, dɔ̨nɔ̨i ŋɛ̨i tɔɔ nwun ma, ɉaaɓa diɛ too, ə lɛɛ, mįnɛ̨ tɔ̨nɔ̨i tii ɲɛ̨ikɔw ə kɛ mą yɛ nu, laaləi yɛ ɓo mą, yɛ woo kpɛa-kpɛaɠaa ɓo, yai kɛnɛ̨ ə tɛɛ mɛlaa diɛi.

Danîa 7:23

Nui tii ə mo mą́ą́, yɛ mą́ą́: «Ɉuwɔ nąąn gɛɛnąąai tii, gaa a tɔɔlaa ta, yii gaa pai heei lɔi mɛ̨i, hva kɛ yɛ dɔɔlaa yiiɠaai tii. Dɔɔlaai tii kaa pai lɔi mɛ̨i kəlee ŋąą woloi, ə gɔwɔ hiɛ ɉu, ə ɉu huwɔɔ.

M̀ɛni-lɛɛi 12:3

Ya ɓə, mɛ̨nį takpɛli ə pənə ə kɛ yələ kwəi, mąąɲɔw-hɛn kɛnɛ̨ ta ə kulɔ yələ kwəi, gbɔluɔ yɛ nwɔ̨n. Nwun ganįn ə ɓo ɲą mɛ̨ihveelɛ, ɛlɛɛ, mįnɛ̨ ə ɓo pow, tɔɔɓɔlɔ mɛ̨ihveelɛ ə ɓo nwun ganįn dɛitɛi tii ɓa.

M̀ɛni-lɛɛi 13:1

Yili pulu, ŋą́ huwɔ ta kaa yɛ kulɔ gboloyá hu, mįnɛ̨ ə ɓo nwuɔ̨ pow, nwun ganįn ə ɓo mɛ̨ihveelɛ, mįnɛ̨ɠaa tii, tɔɔɓɔlɔ pow ə ɓo di nwuɔ̨, ɛlɛɛ, laa pɛ̨ɛ̨ nwun ganįnŋaa tii diɛ, a Yálá lalan naaɠaa.

M̀ɛni-lɛɛi 17:3

Ya ɓə Kili ə gbə́ŋə́, ə li a ɲą́ą́ nɔi pun ɉu. Ɛlɛɛ, ŋą́ nɛ̨ɛ̨nu ta kaa, ɉeɛ huwɔ kpɔluɔ gbələtətə ta mɛ̨i, Yálá lalan naaɠaa pɛ̨ɛ̨ nąą kəlee, ɛlɛɛ, nwu ganįn ə ɓo mɛ̨ihveelɛ, mįnɛ̨ ə ɓo pow.