Danîa 7:20 - Yálá laawoo hɛɓɛ (dc)

²⁰ Ŋą́ kɛ nwɔ̨nɔ̨ bɔ ŋą́ mɛ̨nį ta kɔ́lɔn yɛ hvilɛn na ɉuwɔi tii mįnɛ̨ kaa pow ma. Ə lɛɛ, dɔ̨nɔ̨i ŋɛ̨i tɔɔ nwun ma, ɉaaɓa diɛ too, ə lɛɛ, mįnɛ̨ tɔ̨nɔ̨i tii ɲɛ̨ikɔw ə kɛ mą yɛ nu, laaləi yɛ ɓo mą, yɛ woo kpɛa-kpɛaɠaa ɓo, yai kɛnɛ̨ ə tɛɛ mɛlaa diɛi.

Yálá laawoo hɛɓɛ

²⁰ Ŋą́ kɛ nwɔ̨nɔ̨ bɔ ŋą́ mɛ̨nį ta kɔ́lɔn yɛ hvilɛn na ɉuwɔi tii mįnɛ̨ kaa pow ma. Ə lɛɛ, dɔ̨nɔ̨i ŋɛ̨i tɔɔ nwun ma, ɉaaɓa diɛ too, ə lɛɛ, mįnɛ̨ tɔ̨nɔ̨i tii ɲɛ̨ikɔw ə kɛ mą yɛ nu, laaləi yɛ ɓo mą, yɛ woo kpɛa-kpɛaɠaa ɓo, yai kɛnɛ̨ ə tɛɛ mɛlaa diɛi.

Bible

²⁰ M̀ĩla è kɛ̀ ŋ̀ûa puu. Ŋá lɛ̀ɛ nɔ́ maa kpɛɛ̂i, m̀îla loŋ tɔnɔ é kúla é tɔ́ɔ mĩla puui sâmai. Ǹaa kɛ́ɛ tíi, m̀ĩla puui zaaƃa è kùla ŋ̀ûa é tóo ǹɔii ma. M̀ĩla maa pɔlɔ-pɔlɔi ŋí ŋɛ́i-gao è kɛ̀ ma ǹá kɛ́ ƃò yɛ̂ɛ yoŋka tée-nuu. M̀ĩla-loŋ ŋí è kɛ̀ a maa pɔlɔ-pɔlɔɔ é tɛ́ɛ gbéli-ŋai dîa.

Danîa 7:20 ပူးပေါင်းရင်းမြစ်များ

Danîa 7:11

Ŋą́ lɛɛ lɔ nwɔ̨nɔ̨ naa kaai, nwoo kpɛa-kpɛai tii ɉuwɔ mįnɛ̨i ə kɛi mo mąą mɛ̨nį ɓa, ɲɛ́í ə lɛɛ ɉuwɔi tii ɓa, di baa, di bowa too nwɔ̨n ɉu, ə gɛ, ə kələn.

Danîa 7:19

Yili pulu, ŋą́ kɛ bɔ ɉuwɔ nąąn gɛɛnąąi tii mąą mɛ̨nį kulaa mɛlaa di wɛi mu, ŋą́ mąą mɛ̨nį ɉukulaa kɔ́lɔn, yaai tii kɛ maa ɲɔwɔ, ɲin yɛ ɓo a kwɛli, ɲee ɲąnin yɛ ɓo a ɓala kwɛli, yɛ naa mįi, yɛ hɛnŋaa huwɔɔ, yii kpəli woloi lɛɛ, yɛ ɓɔlɔn mɛ̨i.

Danîa 7:21

Ɲɛ̨́i ə lɛɛ mįnɛ̨i tii ɓa, ə kɔ́ pɛlɛ Yálá nwɔ nuą diɛ, ə yeetɛɛmąą kɛ di mɛ̨i,

Danîa 7:23

Nui tii ə mo mą́ą́, yɛ mą́ą́: «Ɉuwɔ nąąn gɛɛnąąai tii, gaa a tɔɔlaa ta, yii gaa pai heei lɔi mɛ̨i, hva kɛ yɛ dɔɔlaa yiiɠaai tii. Dɔɔlaai tii kaa pai lɔi mɛ̨i kəlee ŋąą woloi, ə gɔwɔ hiɛ ɉu, ə ɉu huwɔɔ.

Danîa 7:7

Yili pulu, ɉįi tɔ̨nɔ̨i tii hu, ŋą́ ɉuwɔ naa gɛɛ naa kaa, maa ɲɔwɔ kpɔ kɛnɛ̨, ɉuwalawalaa ɲee tɛɛ mɛlaa diɛ, ɲin ə kɛ a kwɛli, gbɛa-kpɛa, ə kɛi naa mįi, yɛ hɛnŋaa huwɔɔ, yiiɠaai lɛɛ, ə tɛ gəlee mɛ̨i. Nwɔ kɛ pələi kulaa kɛ, mɛlaa haaɓai tii di wɛi mu, mįnɛ̨ yɛ ɓo nwuɔ̨ pow.

Danîa 7:8

Ɲɛ̨́i ə lɛɛ lɔ ɉuwɔi tii mįnɛ̨ɠaa diɛ, nogolo ta yɛ tɔɔ di lɔwai. Ɓɛlɔwai nogoloi tii ə kɛi tɛ la, ɉuwɔi tii mįnɛ̨ haaɓa ə kulɔ ɉu. Ɉuwɔ mįnɛ̨ logoloi ŋɛ̨i tɛ a nįnɛ̨, ɲɛ̨ikɔw ə kɛ mą yɛ nu, naaləi yɛ ɓo mą, yɛ mɛ̨nį kpɛa-kpɛa ɓo.

M̀ɛni-lɛɛi 12:3

Ya ɓə, mɛ̨nį takpɛli ə pənə ə kɛ yələ kwəi, mąąɲɔw-hɛn kɛnɛ̨ ta ə kulɔ yələ kwəi, gbɔluɔ yɛ nwɔ̨n. Nwun ganįn ə ɓo ɲą mɛ̨ihveelɛ, ɛlɛɛ, mįnɛ̨ ə ɓo pow, tɔɔɓɔlɔ mɛ̨ihveelɛ ə ɓo nwun ganįn dɛitɛi tii ɓa.