Danîa 7:11 - Yálá laawoo hɛɓɛ (dc)

¹¹ Ŋą́ lɛɛ lɔ nwɔ̨nɔ̨ naa kaai, nwoo kpɛa-kpɛai tii ɉuwɔ mįnɛ̨i ə kɛi mo mąą mɛ̨nį ɓa, ɲɛ́í ə lɛɛ ɉuwɔi tii ɓa, di baa, di bowa too nwɔ̨n ɉu, ə gɛ, ə kələn.

Yálá laawoo hɛɓɛ

¹¹ Ŋą́ lɛɛ lɔ nwɔ̨nɔ̨ naa kaai, nwoo kpɛa-kpɛai tii ɉuwɔ mįnɛ̨i ə kɛi mo mąą mɛ̨nį ɓa, ɲɛ́í ə lɛɛ ɉuwɔi tii ɓa, di baa, di bowa too nwɔ̨n ɉu, ə gɛ, ə kələn.

Bible

¹¹ Ŋá kɛ̀ nɔ́ naa kâai, kpɛ́ni fêi vɛnɛ-sɛŋ ǹáaŋ ɣelei ŋí m̀ĩla-loŋ ŋí è kɛ̀ yoŋka woo-ŋa ƃôi. Ŋá lɛ̀ɛ naa kâai é lɛ́ɛ la zu dí vɛnɛ-sɛŋ páa, dí géreŋ.

Danîa 7:11 ပူးပေါင်းရင်းမြစ်များ

Danîa 11:45

Gaa pai nwɔ tɔɔ həɠə pəlɛɠaai tɔɔi gboloyá da ɲee mąąhəɠɛɛ yii gaa nɔi lɛlɛɛ hu, di lɔwai, naa ɓə haa kaa pai həlii laa ma, nui lɔpee ta hva kpɔmąą tɛɛ bɔ.»

Danîa 7:12

Ɉuwɔ haaɓa yiiɠaai tii, di di wɔ huwalawala kulɔ di yəi, kɛlaa, di di yii Yələ ta kɛ mą, ə lɛɛ la ɉu, lɔwai ta yɛ ɉəli.

Danîa 7:8

Ɲɛ̨́i ə lɛɛ lɔ ɉuwɔi tii mįnɛ̨ɠaa diɛ, nogolo ta yɛ tɔɔ di lɔwai. Ɓɛlɔwai nogoloi tii ə kɛi tɛ la, ɉuwɔi tii mįnɛ̨ haaɓa ə kulɔ ɉu. Ɉuwɔ mįnɛ̨ logoloi ŋɛ̨i tɛ a nįnɛ̨, ɲɛ̨ikɔw ə kɛ mą yɛ nu, naaləi yɛ ɓo mą, yɛ mɛ̨nį kpɛa-kpɛa ɓo.

Danîa 8:25

Gaa pai kɛi a ɲɛlɛɛ mɛ̨nįɠaa kɛi, yɛ pɛli mą da kpɛliɠaa ɓowoi. Nwɔ huɲąŋą kɛnɛ̨ laa hu, gaa pai nu tamąą paai, diɛi gaa di wɔ kwəi di mąą kwənąn ŋaai, yili pulu, gaa pai kɔ́ pɛlɛi tɔɔɓɛlaa di wɔ Tɔɔmun ma. Nąąlɔwai ɓə gaa pai tooi la, nui lɔpee ta laa hva kɛ ɉu.

Tɛsalonikə veelɛ 2:8

nąąlɔwai ɓə mɛlɛtoomun tii a kulɔ la pono ŋą, ɛlɛɛ, gu Ną́mu Jesus ə nwun napili a naa-hvaŋą, ə ɉu kala, a nwɔ kɛɛ ponoi gaa pai la, ɉu.

Piɛrə veelɛ 2:18

Da kpɔɔ ɲąą kɛnɛ̨ wooɠaa ɓo da kili kpɛɛ yəi woo. Nuąi daa gɛ pələ kwɛli mą daa kulɔ mɛ̨nį ɲɔ̨n gɛ nuą yee mu, nɛɛ kalan gɛ nuą ti, da gɛ pələ kwɛli mą, di pənə nwɔ̨nɔ̨ diɛ di hon bələ kwɛli a mɛ̨nį ɲɔ̨n giliŋąhiɛi gaa diɛ.

Zûu 1:16

Nɛɛ kalan gɛ nuą tii, mɛ̨nį ta hva di kwəinɛ̨ɛ̨. Di kaa lɔ di woo laa hu, di kpɔwɔ nwɔ kiliŋąhiɛ lɔ ɓə da hiɛ la. Kpɔwɔ ɲąą kɛnɛ̨ wooɠaa kaa di la. Da kɛi nu ta tɔ̨nɔ̨ kulɔ ya lɔ ɓə da mąąwiɛ la.

M̀ɛni-lɛɛi 18:8

Yili mąą mɛ̨nį ɓa, mɛ̨nį ɲąąnwąnąąɠaai naa dɔwɔ, di kaa pai pu mɛ̨i lɔ a hvóló tanɔ̨n, diɛ ɓaa: Haa, haa wɔlɔ, da pulu, ɛlɛɛ, nwɔ̨n mə pai yaai tii gələn ɉii. Mąąhɔlɔɓo, Ną́mu Yálá, yai pai gití teei, vaŋą kɛnɛ̨i.»

M̀ɛni-lɛɛi 19:20

Di ɉuwɔi tii hon a kɔluwɔ, ɛlɛɛ, da nɛɛ loloɓomun tii, yai kɛli gbalo mɛ̨nįɠaa kɛ niila, ɛlɛɛ, da nuąi ə di ɲąąhɛn, ə gɔlɔn ɉii kɛ diɛ, diɛ kwɛli hvilɛn mąą nįnįn ma. Di gəlee pili nwɔ̨n maɠa hu a di hvúlú.

M̀ɛni-lɛɛi 20:10

Ɛlɛɛ, nąnį, yai a di ɲąąhɛnmun, da bili nwɔ̨n máɠa hu, ɉuwɔi tii pɔ, da ŋą loloɓomun. Ɛlɛɛ, di kaa pai mɔ̨nɔ̨ mįi laa, a kpinį da hvóló, ɲɛ̨n deei hva kɛ mą.

M̀ɛni-lɛɛi 20:12

Yili pulu, ŋį́ haa nuą kaa, nu kpɛa-kpɛaa da lɛapɛlɛɛ, di ɓo tɔɔni dɔɔkpəlin niila, ɛlɛɛ, di hɛɓɛ́ɠaa laaɓo. Di hɛɓɛ́ takpɛli laa ɓo, yai a yɛnɛ̨ɛ̨ hva kpɛɛ hɛɓɛ́, ɛlɛɛ, di haa nuą kiti tee yɛ bələ di tuwɔ la, kpɔlɔɔ yɛ bələi ə kɛ la ɉɛɓɛ́ɠaa hu.

M̀ɛni-lɛɛi 20:4

Ɛlɛɛ, yili pulu, ŋį́ tɔɔkpəlinŋaa kaa, nuąi kɛli pa heei ɉui, di mąąlaa tɛɛ di pɔ, diɛ pɛli, kiti teei. Ŋą́ pənə nwɔ̨nɔ̨, nuąi di di nwun dee Jesus ŋą kɛla woo mąą mɛ̨nį ɓa, ɛlɛɛ, Yálá laawoo mąą mɛ̨nį ɓa, ɛlɛɛ, da nuąi di hvo gɛ di hvo kwɛli hvilɛn ɉuwɔi tii mąą nįnįn ma, naa hvo nwɔ̨nɔ̨ kɛ di dɔwɔla, ə mą kɛ, di yee ɓa, ŋą́ di nįiɠaa kaa, daa pənə daa nwun, ɛlɛɛ, da Kristə ni, di tɔɔlaa kɛ kwɛlan nwaa tɔ̨nɔ̨ yee mu.