Danîa 7:10 - Yálá laawoo hɛɓɛ (dc)

¹⁰ Nwɔ̨n ə kɛi kulɔ nííla, yɛ tɛɛ yɛ, ya lee, nwɔ kɛlaɠaa di kɛ a nu waa nwun damaa, nu waa nwun damaa diɛ ɓo gwɛlɛ, kiti tee nuą di pa di hee, hɛɓɛ́ɠaa laa ə ɓo.

Yálá laawoo hɛɓɛ

¹⁰ Nwɔ̨n ə kɛi kulɔ nííla, yɛ tɛɛ yɛ, ya lee, nwɔ kɛlaɠaa di kɛ a nu waa nwun damaa, nu waa nwun damaa diɛ ɓo gwɛlɛ, kiti tee nuą di pa di hee, hɛɓɛ́ɠaa laa ə ɓo.

Bible

¹⁰ Ŋɔŋ è kɛ̀ súlunîi ŋ̀ɛ́i túɛ yɛ̂ɛ yá a kɛ̀ súlunîi. Núu wála támaa dí kɛ̀ tíi kɛ̂i mì. Núu wála puu seêi puu (100,000) dí tɔ̀ɔ ŋ̀ɛ́i túɛ. Dí mɛni-sâa ƃó mɛnii kɔ́ɔ pìlaŋ dí maa kɔlɔ-ŋai lá ƃó.

Danîa 7:10 ပူးပေါင်းရင်းမြစ်များ

Tɔɔɓɛlaa dɔlɔɔ 22:19

Mise ə pənə nwɔ̨nɔ̨ yɛ mą: «Ə́ wəli tɔɔ, ə́ Yai-Laa woo mɛ̨n, ŋį́ Yai-Laa kaa heeni nwɔ tɔɔ kpəlin hu, huwala walaɠaai yələkɔlɔn ɉu, gəlee tinɛ̨n ŋąą mą.

Kɔlɔnikɔ Veerɛi 18:18

Mise yɛ mą: «Ə həli kan kaa, ka ká wəli tɔɔ ka Yai-Laa woo mąn. Ŋą́ Yai-Laa kaa ə ɓo heeni ŋą tɔɔkpəlin mɛ̨i yələ kɔ́lɔn ɉu, nwɔ kɔlaɠaɠaa kəlee di ɓo tɔɔni ɲee kəlee hu;

Zôo 25:3

Nu a pɛli mɔ̨ɔ̨ nwɔ kɔlaɠai lonon ɉii? Gbɛɛ ɓə nwɔ kɛɛ ponoi hva ɓɛla mɛ̨i?

Mąątɛ̨nɛ̨ 103:21

'Ka Yai-Laa laa mąąwiɛ, kaai a nwɔɔ kɔlaɠaɠaa, kaai a nwɔ kalanɉonŋaa, kaa niiɓa kɛi.

Mąątɛ̨nɛ̨ 18:8

Nąąlɔwai, lɔi hu ə pu mą, ə kpɛlin, yeeɠaa kɔ́wɔ hvilɛn ɉiiɠaa di kpɛlin, di hu ə pu diɛ, ɓɛlɔwai ə níi ɲąnwąną la.

Mąątɛ̨nɛ̨ 50:3

Ku wɔ Yálái ə pa wɛ! Hvo kɛa naapilɛ! Nwɔ̨n gaa ɲɛ̨itɔwɔ, yɛ kɛɛ kələn; tulɔ hvaŋą kɛnɛ̨ ə ɓo gwɛlɛ nąą kəlee.

Mąątɛ̨nɛ̨ 68:17

Yee nwun damąą ɲąɠaa, lə mɛ̨nį ɓa ka tɛɠɛɓo, Yálá nwɔ yeei hu, a ɲeei tii Yálá kaa bɔ ə hee mɛ̨i? A tɛ̨ą, Yai-Laa kaa pai heei laa, a yələ kəlee mɛ̨nį.

Azaya 30:27

Ka ka ɲɛ̨i hee! Yai-Laa laa ka tii həɠəi kpɔ kwɛaala yɛ pa. Nwɔ liiholii kɛnɛ̨i, yɛ nu hu wolo, líiholi woo kaa kulɔi na, nɛn gaa yɛ kɛɛ kələn nwɔ̨n.

Azaya 30:33

Gbaɠa-nwɔ̨n a kɛ a dɔɔ nąą tɔwɔ, a kɛ lɔ nwɔ̨nɔ̨ a bɛliɛ tɔɔmun mąą mɛ̨nį ɓa. Gwɛi a kɛ a diąą gee mɛ̨i kpɔ kɛnɛ̨, kɛɛnąą kɛnɛ̨ ta ɓa, nwɔ̨n ɉee mɛ̨nį ɓa. Yai-Laa nɔ̨ɔ̨ ɓə pai nwɔ̨n dooi ɉu, yɛ gbąnąą hunwɔ̨.

Danîa 12:1

Malaka ə mo mą́ą́, yɛ mą: nąąlɔwai a pa həli, malaka Misɛlə yii gaa a ə́ huwuhu nuą mɛ̨i kaa mun, yɛ ɓo a malaka nwun nąmu, a pa. Nąąlɔwai, a kɛ a liihɛlɛn yii ɲɔ̨nwɔ̨mąn hvo ta kɛ li, ə həɠə yɛnɛ̨ɛ̨ pɛli hvóló ɓa, ə həli la yiihu ɓa. Nąąlɔwai ə́ huwuhu nuą yiiɠaai di laa pɛ̨ɛ̨ yɛnɛ̨ɛ̨ kpɛɛ hvo mą hɛɓɛ́ hu, di nwun maa a ɓo.

Danîa 7:22

ə lɛɛ la ɉu, ɉulɔgolo pɔlɔ-pɔlɔ tii ə pa, Yálá yii gaa hɛn gəlee nwun mɛ̨i, ə nwɔ nuą da mįnɛ̨i tii ni, di lɔwai tɔɔ. Nąąlɔwai tii hu ɓə, Yálá nwɔ nuą di dɔɔlaa həɠə la.

Danîa 7:26

Yili pulu ɓə Yálá kaa pai giti teei la, ə nwɔ yeetɛɛmąą kulɔ ɲəi, ə lɛɛ, ə nwun na pili.

Zakari 14:5

Kaa kaa pai kɛi pui kaa li nɛ̨ŋɛ̨ lɔi hu, yai gaa ɲeeɠaa lɔwai, mąąhɔlɔɓo, nɛ̨ŋɛ̨ lɔi tii ɲee lɔwai, gaa pai həlii kpɔ Asalə, ka káá pai pui lɔ yɛ bələi ka pu la, a ɲələi nɔi ə kpɛlin na, a Ɉuda tɔɔmun Oziasə nwɔ yələi. Yili pulu, Yai-Laa nwɔ́ Yálái kaa pai pai, nwɔ nu mąąhəɠɛɛɠaa kəlee di ɓo bɔ.

Maafîu 25:31

«Ɓɛlɔwai Nu Lon gaa pai pai la, nwɔ tɔɔlaai hu, da malakaɠaa kəlee, gaa pai heei nwɔ tɔɔ kpəlin mąąwiaa hu;

Dutɛrɔnome 33:2

«Yai-Laa ə kulɔ Sinai yee ɓa pələ yɛ pa. Yɛ bələi hvóló a ɓɛla la, ə həɠə Seirə pələ, ə ɓɛla nwɔ nuą mɛ̨i, yɛ həɠə Paran yeeɠaa lɔwai ə pa nwɔ nuąi pɔ, nwɔ malakaɠaa di ɓo bɔ; nwɔ tɔ́n yɛ ɓo ɲəi yɛ kpalan nən.

Hebreu 1:14

Malakaɠaa tii, di hvo mɔ̨ɔ̨ a hvaŋą diɛ di wɔ mąątíí kɛ, diɛ di tí mɛ̨nį lɛlɛɛ kɛ mɛ̨nį ɓa, nuąi pai ɓalo mɛ̨nį hɔlɔɓoi a di kwɛlin, diɛ?

Hebreu 12:22

Kɛlaa, ká wɛi, káá ká mąąlɛɠɛ Siɔn yee ɓa, da Yálá hvulú nwɔ taalee kɛnɛ̨i, a Ɉerusalɛmə yai yələi, da malaka kpulu waa tamąąi di ɲąąkpɔnŋąą hɛli hu,

Zûu 1:14

Ə həɠə Adamə ɓa ə həli la Henɔkə ɓa, káláɓɔlɔ heekpəlin na mɛ̨ihveelɛ li. Kɛlaa Yálá ə mɛ̨nį ta pu Henɔkə la yɛ hvilɛn na nuą tii diɛ, yai ə kɛ diɛ: 'Ka ka wəli tɔɔ! Ną́mu kaa pai pai da nwɔ malaka kpulu waa tamąą;

M̀ɛni-lɛɛi 11:18

Hįi lɔiɠaa daa di kpɔwɔ liikələn di kwəi, kɛlaa, ə́ wɔ liiɲąnwąną aa too pono ɲą. Haa nuą kiti tee yələ ka, yɛ́ tínuąi a ə́ kwəi mɛ̨nį hukulɔ nuą, di hvɛla kulɔ yələ ka, ə pɛlɛ la nu mąąhəɠɛɛɠaa diɛ da nuąi da ɲɔw ə́ laa ɓa, bɛlɛɛɠaa da mąn gbɛa-kpɛaa mąn, a nuąi daa yɛnɛ̨ɛ̨ kala, di kala yələ.»

M̀ɛni-lɛɛi 5:11

Ya ɓə ŋą́ ɲɛ̨́i hee, ŋį́ malaka kpulu tamąą woo mɛ̨n dɔɔkpəlin gwɛlɛ, ɉuwɔɠaa, ɛlɛɛ, da galanɉonŋaa. Di kɛ a gwala-kpala heei tamąą, ɛlɛɛ, waa heei tamąą.