Danîa 6:7 - Yálá laawoo hɛɓɛ (dc)

⁷ Yili pulu, nwun nąmįnąa da nɔi nu kpɛa-kpɛa di lɔ di kee hu, də li tɔɔmun bɔ, diɛ mą: «Tɔɔmun Dariusə, ə́ yii ə kwɛa, kɛi a mo tii Yálá ə kɛ!

Yálá laawoo hɛɓɛ

⁷ Yili pulu, nwun nąmįnąa da nɔi nu kpɛa-kpɛa di lɔ di kee hu, də li tɔɔmun bɔ, diɛ mą: «Tɔɔmun Dariusə, ə́ yii ə kwɛa, kɛi a mo tii Yálá ə kɛ!

Bible

⁷ Kúkelee kú gbɛ̀tɛ kúai a ǹɔii kpîniŋ mɛi-ƃelai láa túɛ-ƃelai, ǹɔii kpiniŋ tɛi-tɛi mɛi-ƃelai, ǹɔii kpiniŋ mɛi-ƃelai kɔlɛ ma-ƃelai, da ítii kɛ́-ƃela kpaya-kpayai kpéli-ŋai, kú fáa ma a gɛɛ núu da fé ɣâla da kpɛ́ni fɛ̀li fɛ̂ɛ nɔ́ yá gâloŋ é lɛ́ɛ lá zu fólo buu saaƃa é tɛ́ɛ. Núu da a m̀ɛnii ŋí kùla ŋ̀ôlii, kú maa nûui píli nyala-sulu loai su.

Danîa 6:7 ပူးပေါင်းရင်းမြစ်များ

Mąątɛ̨nɛ̨ 10:9

Aa pələ hɛlɛn dɛ, nooɔ kpɔ kɛnɛ̨, yɛ yala a kɛ nwolo hu; a bələ hɛlɛn dɛ kpɔ kpąąn, yɛ wolo mąąwɛlimun ma. A wolo mą, yɛ ɲala a nwɔ tumɔi.

Mąątɛ̨nɛ̨ 2:2

Yɛnɛ̨ɛ̨ tɔɔɓɛlaa daa di muhəɠə a kɔ́, lɔi ɲɛ̨itɔwɔ nuą diɛ nwun dɔɔ ɲɔ̨nwɔ̨ɔ̨ kɛ, a Yai-Laa da nui ə dɔɔwulɔ hiɛ mą, di laa.

Mąątɛ̨nɛ̨ 59:3

'Gúlɔ mɛ̨nį ɲɔ̨n gɛ nuą yəi, 'málo, nuąi di hva ɲɔw ɲąmą pui, di yəi.

Mąątɛ̨nɛ̨ 59:5

Və́ ɉɔ́n gɛ li; ə mą kɛ tii, di kaa gilɛ həɠəi, diɛ di hee dɔ́wɔ́. 'Ə́ ɲįnąąɓo! 'Pá ə́ náá kwiɛn, Ee, ɓɛ kaa li!

Mąątɛ̨nɛ̨ 62:4

Ka káá pai lɛɛi kpuluun ɉi, ka kəlee, nu tɔ̨nɔ̨ paa mɛ̨nį ɓa, ə lɛɛ ɉu mįnɛ̨ lɔwai ə həli la? Yɛ pɛlɛ́ nwąnąi aa hviən, da kɛi bu, a wala kɛ tii, yɛ kumún yɛ ə pui?

Mąątɛ̨nɛ̨ 83:5

Diɛ kɛ diɛ: «'Ka pa ka gu di huwu pu, gu di kpɛɛ lɔi mɛ̨i, di hvo kɛa Israɛlə laa mɛ̨n yɛnɛ̨ɛ̨ ɓɛ.»

Mąątɛ̨nɛ̨ 94:20

Yá pɛli mɔ̨ɔ̨ tɔɔi hvulu kiti tee nuą pulu, diɛi da hee mɛ̨i laa kɛ di wɔ tɔn naa hu?

Danîa 2:4

Gilimaa nuąi tii, di tɔɔmun nwoo ŋąąpənə Aramə woo hu, diɛ mą: «Oo tɔɔmun! Ə́ yii ə kwɛa, kɛi a mo tii, Yálá ə kɛ! Ɉiin tii ə́ gaa, mo kuɔi ŋɛ̨i a ə́ wɔ tínuą kuɔ, a kɛ tii, kwa pɛli ku ɉukulɔ yɛ́.»

Danîa 3:11

Ə́ woo ta ɓo, ə́ naa mɛ̨i, yɛ́ diɛ: ‹Nui a wala gɛ, da mąą nu pili fuulu nwɔ̨n ɉu.›

Danîa 3:2

Tɔɔmun Nabukodonosorə ə nɛɛmą ə nwɔ nu kpɛa-kpɛaɠaa, nwɔ hɛn gɔw laaikɛ nuą, nwɔ guvɛnɛɛliɠaa, giti tee nuą, ɉɛn gɔw mɛ̨i kaa nuą, giti pɛlɛ mu nuą, mɛ̨nį hutɔɔ nuą da nwɔ kobitaa nwun nąmįnąɠaa kəlee təli, ə gɛ, di pa, mąąnįnįn ɉaɠaa ŋɛ̨i ə bɛli, di kwɛli hvilɛn ma, di nįnɛ̨ kulɔ.

Danîa 3:27

Nu kpɛa-kpɛaɠaa, ɉɛn gɔw laaikɛ nuą, guvɛnɛɛliɠaa da tɔɔmun gwɛlɛ nuą, di lɛɠɛ nu haaɓai tii diɛ, di di kaa, nwɔ̨n və kpɛli pɔɔ lɔpee ta kɛ diɛ, nwɔ̨n və hɛn da kɛ a di nwun nəɠa, hvo hɛn da kɛ a di mąą həɠə, nwɔ̨n gun gbɛli hvo kɛ di kɔ́lɔ ɓa.

Danîa 3:6

Nui a wala gɛ hvo mąa pɛlɛ, hvo kwɛli hvilɛn ma, da bili kpɔlɔɔ yiihu fuulu nwɔ̨n ɉu.»

Danîa 6:16

Kɛlaa, nuąi tii, di bɛlɛ nwɔ̨nɔ̨ gee ɓa, di pa diɛ tɔɔmun ma: «Oo Tɔɔmun, ə́ kili kaa ɉu yɛ́ diɛ, Medi nuą da Pɛrsə nuą di wɔ tɔ́n, tɔɔmun a ɲee pɔɔ too ɉu, hva kɛa ɉəɠə mą.»

Danîa 6:22

Daniɛlə ə tɔɔmun nwoo ŋąąpənə, yɛ mą: «Oo Tɔɔmun, ə́ yii ə kwɛa, kɛi a mo tii Yálá ə kɛ!

Mise 6:5

Yɛ́i a nwɔ́ nu huwu, ə́ kiliŋąhiɛ, mɛ̨nįi kɛ Moabə tɔɔmun Balakə kwəi yɛ hvilɛn na yɛ́ mą, ɛlɛɛ, bələi Beɔrə lon Balaamə ə nwoo pulu pənə la. Ə həɠə Sitimə, ə həli la Gilgalə, bələi Yai-Laa yee ə tɛɛ la ɲowoɠaa diɛ, ka káá pai gbaɠala kaai.

Nahumə 2:12

Ɲalaɠaa pɛlɛi kaa mį? Ɓɛi ɲala lonnii di kɛi di kɔ̨nɔ̨n ɉɔlɔɓo laai, ɓɛlɔwai ɲala ə kɛi li la huwɔ kpɛi; nu ta hvo kɛi ɲala lon mąąɲɔw.

Maafîu 12:14

Di kulaa, Farisiɛ̨ɠaa də li, di di nwun dɔɔ, bələi mąąnɛ̨ɛ̨ di Jesus hon na di baa, diɛ bələ kwɛli.

Maafîu 26:4

Pələi mąąnɛ̨ɛ̨ di Jesus hon na loo hu di baa.

Markə 15:1

Yələ wala piinɛ̨ɛ̨, ɉaláá laa həli nuą nwun nąmįną da Ɉuifə kalanɉonŋąą, ə mą kɛ, dɔ́n galamɔ̨ɔ̨ɠaa da tɔ́nvili nąmįną kəlee di di nwun dɔɔ. Yili pulu, di Jesus hon di ɲili, də li di dɛɛ Pilatə pɔ.

Ɉaan 12:10

Ɉaláá laa həli nuą kpɛa-kpɛa di Lazarə baa mɛ̨nį kili tee di kwəi.