Danîa 6:20 - Yálá laawoo hɛɓɛ (dc)

²⁰ Yələ ɓɔi lɔwai, tɔɔmun ə homo ɲala kwənąn naaləi.

Yálá laawoo hɛɓɛ

²⁰ Yələ ɓɔi lɔwai, tɔɔmun ə homo ɲala kwənąn naaləi.

Bible

²⁰ Tãi è lɛ̀ɣɛ la ǹóai kɔlɛ mai, è Danîa tòli ɣelêi-pere ǹyɛɛ mai, “Danîa, Gɛ-Ɣele-ma Ɣalai ya tíi kɛ̂i mì a ɣele kélee fii-tɔ̀ɔ fé yâi, aâ íŋuŋ ma ƃó a íkula ǹyala-sulu-ŋai lá?”

Danîa 6:20 ပူးပေါင်းရင်းမြစ်များ

Zɛnɛse 18:14

Akɛtii, mɛ̨nį ta a pɛli kɛi a nwalawalaa Yálá yəi? Gwɛlan tii pai, ŋą́ pənə ŋą́ pa ɓɛ ə́ pɔ a ɓɛlɔwai, Sara a lon ɉulɔnu hɔlɔɓo.»

Kɔlɔnikɔ Maa-ŋuŋ 16:11

'Ka Yai-Laa ɲɛ̨ilaa kwɛli da nwɔ huwalawala! 'Ka nwɔ huwalawala kwɛli!

Mąątɛ̨nɛ̨ 119:112

Ŋą́ tɔɔ a nwą́ną́i, gɛ́ ə́ wɔ tɔn nwooɠaai pɔ yíiɓo, Və́la li a yələ kəlee.

Mąątɛ̨nɛ̨ 146:2

Gáá lɔ pai kɛi Yai-Laa mąątɛnɛ̨ mɛ̨nį hu, nwɔ́ yɛnɛ̨ɛ̨ kəlee yee mu, nwɔ́ yɛnɛ̨ɛ̨ kpəlii woloi aa lɛɛ, gáá lɔ pai hvɛli kɛi nwɔ́ Yálái ɓa a yələ kəlee.

Mąątɛ̨nɛ̨ 73:23

A tɛ̨ą, gáá lɔ ə́ pulu a yələ kəlee, ə́ ɉón a mamįiyee;

Ɉeremi 32:17

«Ée Yai-Laa nwɔ́ Yálá! Yɛ́ ɓə yələ kɔ́lɔn da lɔi di pɛli a ə́ wɔ yeewalawalaa, a ə́ yee kɔ̨nwɔ̨n ɉuwalawalaa, ə́ yee a pɛli mɛ̨nį kəlee ɓa.

Danîa 3:15

Yii hu kɛa, ka ka kɛ pələ pɛli, ɓɛlɔwai ka káá pai vɛli kɛ hɛnŋaa tii woo mɛ̨n ɉii la, mąąnɛ̨ɛ̨, ka ka maa pɛlɛ, ka kwɛli hvilɛn mąąnįnįn ɉaɠaa ŋɛ̨i ŋą́ bɛli ma. Ka wala gɛ, ŋaaɓa, daa ma ka pili fuulu nwɔ̨n ɉu. Ə lɛɛ, ala yii pai ka kulɔi ɲə́i, ŋą́ pa ŋą́ gaa.»

Danîa 3:17

Akɛ mąąnɛ̨ɛ̨ ə́ ku pili vuulu nwɔ̨n tii hui, Yálái ŋɛ̨i ku kaa tiɓo kɛi ma, a pɛli ə ku kulɔ laa, ə ku kulɔ nwɔ̨nɔ̨ ə́ yee mu.

Danîa 6:16

Kɛlaa, nuąi tii, di bɛlɛ nwɔ̨nɔ̨ gee ɓa, di pa diɛ tɔɔmun ma: «Oo Tɔɔmun, ə́ kili kaa ɉu yɛ́ diɛ, Medi nuą da Pɛrsə nuą di wɔ tɔ́n, tɔɔmun a ɲee pɔɔ too ɉu, hva kɛa ɉəɠə mą.»

Danîa 6:19

Tɔɔmun ə li ɲəi bɛlɛ́ laaləi, mąą kpinįi tii hu, tɔɔmun və kɔ̨nɔ̨n nɔpee ta mįi, hvo kpɛli hvaa mą nwɔ wɛli Nɛ̨ɛ̨nu ta hvo laa gwɛlɛ, ə lɛɛ, hvo pɛli yii.

Danîa 6:26

Mɛ̨nįgaai tii tɛɛ pulu, tɔɔmun Dariusə ə hɛɓɛ́ pɛ̨ɛ̨, ə naa həli hįi kəlee ɓa, nɔiɠaa kəlee hu, hįi woo kəlee ɓo nuą diɛ, diɛi di kaa lɔi mɛ̨i naa kəlee, yɛ diɛ: «Gɛ́ liilaa ə tɛɛ ka pɔ kpɔ kɛnɛ̨!

Danîa 6:27

Gáá tɔ́n dɔɔi ɓɛi kpɔ nwɔ́ tɔɔlaai ə həli laa, naa nuą kəlee diɛ, gɛ diɛ: Mąąnɛ̨ɛ̨ nu kəlee di ɲɔw Daniɛlə nwɔ Yálái ɓa, di mąąwiɛ. Mąąhɔlɔɓo: «Ya ɓə gaa a Yálá hvulú, Ya ɓə a Yai-Laa. Nwɔ tɔɔlaai hva kpɛɛ. Nwɔ heeɓolaa kpɛlai hvo mą.

Osia 12:6

«Yai-Laa Mɛ̨nį Kəlee ŋą Hééɓomun Yálái ti a Yai-Laa.» Bələ ɓə mąąnɛ̨ɛ̨ di vɛli la.

Lonon mo 11:23

Yai-Laa yɛ Moisə ɓa: «Gaa ə́ kwəi Yai-Laa yee hvo walawala li? Ə́ ɲɛ̨i hee laa, akɛ mɛ̨nįi ŋį́ mo, nwóó hvo pai gulɔi mą.»

Lukə 1:37

Mąąhɔlɔɓo, mɛ̨nį ta hvo walawala li Yálá yəi.»

Lukə 18:1

Jesus ə ɉanwon ŋɛ̨i hɔɔ diɛ, əgɛ, ə nɛ diɛ, yɛ diɛ: ka hvo kpəla Yálá hvɛliɛ ɓa.

Gɛlaɠaa 6:4

Ku wɛi, ku kaa ku ɲɛ̨i lɛɛi Yálá hvɛliɛ da Yálá lawoo laa həliɛ ɓa.»

Lomaŋ 2:7

Nuąi di kanąn ŋąą mɛ̨nį lɛlɛɛ kɛɛ ɓa, diɛ mąąwiɛ kwɛli, diɛ ɓə Yálá kaa pai yɛnɛ̨ɛ̨ tɛɛi di pɔ kpɛɛ hvo mą.

Korɛntə veelɛ 1:10

Yaa tii ɓə ku kulɔ ɉaa taa ləi tii yəi, yaa lɔ ɓə nwɔ̨nɔ̨ pai ku kulɔ ɲəi kɛi; yaa tii ɓə ku wɔɔ kilitɔɔmąą laa kaa mą, ya lɔ ɓə pai ku kulɔ ɲəi kɛi.

Kolosə 4:2

Ká ká hvaŋąlɔ Yálá hvɛliɛ hu, ə ɲee kɛ káá, káá pɛli mɛ̨inɛ̨ɛ̨ hu kɔlɔn ɉii.

Timote veelɛ 1:12

Yili mąą mɛ̨nį ɓa ɓə, gáá mɔ̨nɔ̨ɠaa ŋɛ̨i mįi la, a liikpələ laa. Kɛlaa, yili ŋą nwumɛ̨ hvo mą́ą́, mąąhɔlɔɓo, nui ŋį́ gílítɔɔ mą, ŋį́ gɔlɔn, ɛlɛɛ, náái na, gɛ́, mɛ̨nį ŋɛ̨i ə galihvaɓo mą́ą́, a pɛli ə ɲee kąnąn mą, ə lɛɛ la ɉu, ɲələi tii ə ɉəli.

Hebreu 7:25

Ɛlɛɛ, nuąi da di mąąlɛɠɛ Yálá ɓa, yaa ɉáálai, a pɛli mą ə di nwun mąąɓo, gbala ə tɔɔ, yaa tii gaa lɔ laa a yələ kəlee, yɛ di mąą mɛ̨nį laa həli a nɛlɛɛ kɔlɔi.

Zĩi 1:25

Kɛlaa yaamun, nui a ɲɛ̨i hee dɔn gbɔ-kpɔɔ hu, yai a nu lɛɛ gbɔwɔ ɓa, hva ɲɛ̨i hee lɔ ɉu, ɉee wɛli ɓa, mąą nu a bɔ mɛ̨nį kɛi, a nwun na nɛ̨ɛ̨ hɔlɔɓo bɔ yíiɓoɔ hu.

Zûu 1:24

Yálá, yai a pɛli ə kpɔnmąą tɛɛ ka pɔ ka hva too, ə ɲɛ̨i kɛ kaa, ə ka həli nwɔ mąąwiɛ hvolói ɓa a nuąi hɔn və diɛ kwəinɛ̨ɛ̨ hu,