Danîa 6:13 - Yálá laawoo hɛɓɛ (dc)

¹³ Yili pulu, də li, dɔ́n ŋɛ̨i da tɔɔmun ni di dɔɔ, di pənə di ɉu lɛ tɔɔmun ma, diɛ mą: «Kuɔ tɔɔmun, kɛlɛi yɛ́ kpinįi ɓə ə́ yee pɔɔ too dɔ́n ŋɛ̨i hu-e! Yaai moɔi yɛ kɛ mą: ‹Holo pow haaɓa kuu mu, nui a kwɛli hvilɛn ala takpɛli ɓa, a wala kɛ tii nu ta ɓa, akɛ yɛ́ tɔɔmun yɛ́ hvəi, da mąą nu pili yala kwənąn ɉu?›» Tɔɔmun ə di woo ŋąąpənə, yɛ diɛ: «Pələ ɓə gu mo la. Gaa a Medi nuą da Pɛrsə nuą di wɔ tɔ́n, hva həɠə mą.»

Yálá laawoo hɛɓɛ

¹³ Yili pulu, də li, dɔ́n ŋɛ̨i da tɔɔmun ni di dɔɔ, di pənə di ɉu lɛ tɔɔmun ma, diɛ mą: «Kuɔ tɔɔmun, kɛlɛi yɛ́ kpinįi ɓə ə́ yee pɔɔ too dɔ́n ŋɛ̨i hu-e! Yaai moɔi yɛ kɛ mą: ‹Holo pow haaɓa kuu mu, nui a kwɛli hvilɛn ala takpɛli ɓa, a wala kɛ tii nu ta ɓa, akɛ yɛ́ tɔɔmun yɛ́ hvəi, da mąą nu pili yala kwənąn ɉu?›» Tɔɔmun ə di woo ŋąąpənə, yɛ diɛ: «Pələ ɓə gu mo la. Gaa a Medi nuą da Pɛrsə nuą di wɔ tɔ́n, hva həɠə mą.»

Bible

¹³ Dí m̀o gâloŋ mà dîyɛɛi, “Danîa kpɔ́ kɛ̀ gɔ́-soŋ-ŋai sáma dí kɛ́ kùla Zudai fé ŋ̀óli tɔɔ̂i yâ a dɔnɔ kpîŋ. Vé kpîŋ ŋ̀óli tɔɔ̂i dɔ̂ŋ-woo ma í mò dí bɔ̃yɛɛi. Gáa niî Ŋɔɣâlai fɛlîi gîei saaƃa fólo ma.”

Danîa 6:13 ပူးပေါင်းရင်းမြစ်များ

Danîa 1:6

Nuąi tii lɔwai, Ɉuda huwuhu hilɛlɛa nąąn di kɛ laa, diɛ kɛ di laa ɓaa: Daniɛlə, Hanania, Misaɛlə da Azaria.

Danîa 2:25

Ariɔkə ə li kpɔlɔɔ tii a Daniɛlə tɔɔmun bɔɔli. Ariɔkə ə mo tɔɔmun ma, yɛ mą: «Nuwɔɠaai ŋɛ̨i ə́ di hon Ɉuda lɔi hu yɛ́ pa a diɛi, ŋą́ą́ nu ta kaa di lɔwai, yɛ a pɛli ə mɛ̨nįi tii hukulɔ.»

Danîa 3:11

Ə́ woo ta ɓo, ə́ naa mɛ̨i, yɛ́ diɛ: ‹Nui a wala gɛ, da mąą nu pili fuulu nwɔ̨n ɉu.›

Danîa 3:12

Yaan, Ɉuifə taɠaa kaa ɓɛ ku lɔwai, diɛ ɓaa: Sadrakə, Mesakə da Abɛdə-Nego, yiiɠaai ə́ ɲɛ̨itɔwɔ laa tɛɛ di pɔ, Babilonə lɔi hu. Nuąi tii, di hvo ə́ woo tii kaa li a mɛ̨nįi lɔpee ta, di hvo gɛ li, di hvo kwɛli hvilɛn ə́ wɔ yáláɠaai diɛ, da ə́ wɔ mąąnįnįn ɉaɠaai ŋɛ̨i ə́ bɛli.»

Danîa 3:8

Nąąlɔwai tii hu kpɔlɔɔ, Kalde nuą taɠaa, də li di Ɉuifəɠaa maa ɲaba lɔ.

Danîa 5:13

Nąąlɔwai, di Daniɛlə təli ə pa tɔɔmun nííla, tɔɔmun ə mo mą, yɛ mą: «Yɛ́ ɓə da kɛ ə́ laa ɓaa Daniɛlə, nuąi ŋɛ̨i ną́n ə di həɠə Ɉuda lɔi hu, yɛ pa a diɛ, da ɓaa yɛ́?

Gɛlaɠaa 17:7

Ɉasɔn ɓə kɛ a di nwɛ̨ą nąmu. Nuą kpɔ ŋɛ̨i ka káá di kaai, gəlee túwɔ́ pələ kaa tanɔ̨n, di hvo túwɔ́i yɛ bələi Romə lɔi nwun nąmu nwɔ tɔ́n kaa la, mąąhɔlɔɓo, di kaa kɛi diɛ: Tɔɔmun dakpɛli kaa laa diɛ kɛ mą: Jesus.»

Gɛlaɠaa 5:29

Kɛlaa, Piɛrə da mɛlan di di woo ŋąapənə, diɛ mą: «Mąąnɛ̨ɛ̨ nu ə Yálá woo hon ə tɛɛ nu woo ɓa.