Danîa 5:7 - Yálá laawoo hɛɓɛ (dc)

⁷ Tɔɔmun ə tomą kpɔ a nwoo kɛnɛ̨ yɛ diɛ: «Ka mo, nuąi da kɛ kwɛli hvilɛn ɉii pɛmɛ̨nɛ̨n gɔwɠaa diɛ da Kilimąą nuą, ə lɛɛ da tɔlikpɛ nuą di pa.» Tɔɔmun ə mo Babilonə Kilimąą nuą tii diɛ, yɛ diɛ: «Nui lɔpee, ɉɛɓɛ́i ŋɛ̨i bɛ̨ɛ̨ bɛlɛ ɓa, a pɛli moi, ə ɉukulɔ mą́ą́, ŋą́ nini kɔ́lɔ həɠə too gwąną, ŋą́ hɛni kwɛɛn doo gwąną, ə lɛɛ, mąą nu a tɔɔi ɉaaɓa kɛɛnąą hɔlɔɓo nwɔ́ tɔɔlaai hu.»

Yálá laawoo hɛɓɛ

⁷ Tɔɔmun ə tomą kpɔ a nwoo kɛnɛ̨ yɛ diɛ: «Ka mo, nuąi da kɛ kwɛli hvilɛn ɉii pɛmɛ̨nɛ̨n gɔwɠaa diɛ da Kilimąą nuą, ə lɛɛ da tɔlikpɛ nuą di pa.» Tɔɔmun ə mo Babilonə Kilimąą nuą tii diɛ, yɛ diɛ: «Nui lɔpee, ɉɛɓɛ́i ŋɛ̨i bɛ̨ɛ̨ bɛlɛ ɓa, a pɛli moi, ə ɉukulɔ mą́ą́, ŋą́ nini kɔ́lɔ həɠə too gwąną, ŋą́ hɛni kwɛɛn doo gwąną, ə lɛɛ, mąą nu a tɔɔi ɉaaɓa kɛɛnąą hɔlɔɓo nwɔ́ tɔɔlaai hu.»

Bible

⁷ È dɛli kpɛ́-ƃelai, bóniŋ kɛ́-ƃelai da dáre-ƃelai, worɛ̂ tɛ̀ɛ. Tãi ǹûai ŋí dí pà lai, è mò dîa ǹyɛɛi, “Ŋ̀óoi ŋí bɔ̃yɛ̂ɛi bɛrɛ-kaŋ ŋí mai, ǹuui pâi ǹônoi ḿî é zu-kula ḿâi, ŋa pâi ƃaa kɛ́-maa tɛɛ̂i maa nuui pɔ́, ŋá yɛkɛ pɔ̃yɛ mu-kpɔluɔɔ tóo m̀a, ŋá gôo yɔlɛ too gɔŋ ma, ŋá tela gɛ́ a ŋ́gɔlɛ ma-nuui veerɛ ɣelei gâloŋ-laai su.”

Danîa 5:7 ပူးပေါင်းရင်းမြစ်များ

Zɛnɛse 41:8

Yələ ɓɔɔ kɛa, ɉįi tii tɔɔmun ə gaa, ə́ liihɛlɛn doo mą, ə nɛɛ mą ə nwɔ pənən gɛ nuą da nwɔ kilimąą nuąi təli, ɉįi tii ə gaa ə ɉukulɔ diɛ. Kɛlaa, dɔ̨nɔ̨ kpɛli hvo pɛli mukulaa lɛi tɔɔmun ma.

Lɛɛ gbɔwɔ ɓa 7:11

Tɔɔmun ə nɛɛmą ə Eziptə, gilimąą nuą, dɔlukpɛ nuą da bənən gɛ nuą təli, ɛlɛɛ, diɛ kpɛli di da kɛ.

Hanwon 1:9

Mąąhɔlɔɓo, da kɛ ə́ nwun ma a nwun nanɛ̨ɛ̨ ɓɔlɔ, diɛ ɓo ə́ kɔn ma a kwɛɛn.

Wɛli 1:10

Ə́ kumɔ̨ lɛlɛɛi, nwəli kwɛliɠaa lɔwai, gbɛɛgɔw kwɛɛn ŋɛ̨i ə́ kɔ́nma aa ə́ kɔ́n mąą hon.

Azaya 47:13

Da kɛ ə́ wəlii woo ɲąąnwąnąi a liɛwoo tamąą, Nuąi tii di pa kɛa wɛ, diɛi tii da kɛ mɛ̨nį kwɛlii yələ kwəi, diɛ tɔlukpɛ a pɛmɛ̨lɛ̨n-gɔwɠaa, ɲąnįn dɔɔ pələ tɛi tɛi, mɛ̨nįɠaai pai kɛi ɲąnįn tii yeemu, ɉukulɔ, nuą kpɔ di di muhəɠə kɛa, di ə́ ɓalo.

Ɉeremi 50:35

Yai-Laa woo ka, yɛ diɛ: Kɔ kɔ́ ɓɔwa kaa Kalde nuą hu hɛɓɛ́-hɛɓɛ́i, ə mą kɛ Babilonə nuą da di ɲɛ̨itɔwɔ nuą, bɛlɛɛ nwɔ mɛ̨nį kɔ́lɔn nuą diɛ.

Izikiɛ 16:11

Ŋį́ ə́ mąą yili hɛnŋą́ą́ kɛ yɛ́; ŋį́ da too ə́ yee kwąną; ŋį́ da too ə́ kɔ́nma.

Danîa 1:20

Yii kpɔ hvilɛn na kili mɛ̨nį, da nwun gɛ ɉu mɛ̨nį ɓa, tɔɔmun ə nwɔ tɔlikpɛ nuąi kpɔ di kaa laa, da nuąi da kɛ kwɛli hvilɛn ɉi pɛmɛ̨nɛ̨n gɔwɠaa diɛ, ə gəlee mąąnin gɛ, kɛlaa, ə Daniɛlə da mɛlaa di wɔ woo ŋąąpənə kaa, viɛlaɓoɔ gee mɛ̨i pow, ə tɛɛ nuąi tii kəlee diɛ.

Danîa 1:4

Mąąnɛ̨ɛ̨ di kɛ a hilɛlɛai kiliin ɉii ɲɔ̨nwɔ̨ɔ̨ hvo diɛ, di lɛlɛɛ, kili yɛ ɓo diɛ, diɛ ɓo a mɛ̨nį kɔ́lɔn nuą, di nwun ə ɓo di hu. Di kɛ a nuąi da pɛli di kɛ ɲə́i dɔɔ-pɛlɛ́ mu. Diɛ ɓə di kaa pai di kalan ɉi a Kalde woo, da ɉɛɓɛ́ kɔ́w.

Danîa 2:2

Tɔɔmun ə nɛɛmą, ə nwɔ tɔlikpɛ nuąi təli, ə mą kɛ nwɔ hali nąmįnąai, da nuąi da kɛi kwɛli hvilɛn ɉii pɛmɛ̨nɛ̨n gɔwɠaa diɛ, ə lɛɛ, da nwɔ Kilimąą nuą; ə gɛ, ɉįi tii ə gaa, di gili too ŋą. Nuąi tii kəlee di pa, di həli tɔɔmun ma.

Danîa 2:27

Daniɛlə ə mo tɔɔmun ma, yɛ mą: «Mɛ̨nį loɔ ŋɛ̨i tɔɔmun gaa bɔ ə ɉukulaa kɔ́lɔn, gaa a mɛ̨nį yii, kilimąą nuą ə mą kɛ, nuąi da kwɛli hvilɛn pɛmɛ̨nɛ̨n gɔwɠaa diɛ, da tɔlikpɛ nuą di hva pɛli mą ɉukulɔi tɔɔmun ma.

Danîa 2:48

Yili pulu, tɔɔmun ə heei kɛnɛ̨ tɛɛ Daniɛlə pɔ, ə bɛlɛ hɛn gɔw kɛnɛ̨ ɓa. Tɔɔmun ə Daniɛlə kɛ a Guvɛnɛɛli Babilonə lɔi nwun na, ə pənə ə gɛ a gilimaa nuą kpɔ di kaa Babilonə lɔi hu di nwun nąmu.

Danîa 2:6

Kɛlaa, a kɛ ka ɉįi tii ɓo mą́ą́, ka bɛlɛ mukulaa ɓa, ŋą́ hɛn gɔw kɛnɛ̨ tɛɛ ka pɔ a mɛ̨inɛ̨ɛ̨, ə lɛɛ, ka mąąwiɛ hɔlɔɓo ɲə́i. Yili ɓa, ka ɉįi tii mo mą́ą́, ka bɛlɛ mukulaa ɓa.»

Danîa 4:14

«Mɛ̨nį kpən dəɛi ŋɛ̨i kaa a Yálá woo, yii malakaɠaa di pa mo, ə gɛ, nuą di gɔlɔn diɛ, Yálá ɓə gaa tɔɔlaaɠaa kəlee nwun mɛ̨i. Nui Yálá kaa bɔ, ya ɓə a tɔɔlaa tɛɛ bɔ, Yálái tii a pɛli mą, ə tɔɔi kɛnɛ̨ tɛɛ nui nuą ɲɛ̨i tɛɠɛ ɓoɔ ɉu, bɔ.

Danîa 5:11

Hulɔnu ta kaa ɓɛ ə́ wɔ tɔɔlaai hu, yii Yálá hvulú Nii kaa mɛ̨i. Ə́ nąn nwɔ lɔwai hu, ə gaa, ɉulɔnui tii nwɔ kili da nwɔ nwun gɛ ɉu laa hu pɔ̨nɔ̨ɔi kɛ, yɛ ɓo yɛ alaɠaa di wɔ kili. Ya ɓə ə́ nąn Nabukodonosorə ə ɉee a tɔlikpɛ nuą da nuąi da kɛ kwɛli hvilɛn ɉii pɛmɛ̨nɛ̨n gɔwɠaa diɛ, ə mą kɛ Kilimąą nuą, da hali nąmįnąa di nwun nąmu. Ə nąn ŋɛ̨i kɛ a tɔɔmun ya ɓə gɛ tii.

Danîa 5:15

Kilimąą nuąi di kaa ɓɛ da nuąi da kwɛli hvilɛn pɛmɛ̨nɛ̨n gɔwɠaa diɛ, daa pa ɓɛ, ə gɛ, ɉɛɓɛ́i ŋɛ̨i bɛ̨ɛ̨, di mo, di ɉukulɔ. Kɛlaa, di hvo pɛli nwoo kɔ́w tɔ̨nɔ̨ kpɛli mukulɔi.

Danîa 5:16

Ŋą́ą́ mɛ̨n diɛ, ya pɛli mą ə́ ɉukulɔ, ə lɛɛ, yɛ́ mɛ̨nį walawalaɠaa hon bələ kpaɠala lɛ. Yiihu kɛa, akɛ ya pɛli ə́ ɉɛɓɛ́i ŋɛ̨i ɓo, ə́ ɉukulaa lɛ mą́ą́, ŋą́ nini kɔ́lɔ həɠə too ə́ kwąną, ŋą́ hɛni kwɛan doo ə́ kwąną, ŋą́ nwɔ́ tɔɔlaai ɲąąwooɓo ɉaaɓa kɛɛnąą tɛɛ ə́ pɔ.»

Danîa 5:29

Ɲąąɓa, Bɛlsasarə ə mo, yɛ diɛ: «Di nini kɔ́lɔ həɠə too Daniɛlə kwąną, di hɛni kwɛan doo gwąną, ə lɛɛ, di noloɓo kɛɛnąą kəlee, diɛ mą: ‹Dɔɔlaa nwɔ ŋaawooɓo ɉaaɓa kɛɛnąą kaa ɲəi.›»

Lonon mo 22:17

Gaa lii ə́ mąąwiɛi kɛnɛ̨, ɛlɛɛ, yii kpɔ ə́ kaa lii vɛli mą, a gəlee kɛ yɛ́. Pa kani gwə li, ə́ nu huwui tii nɛ̨ŋɛ̨n naa.›»

Lonon mo 22:7

Moabə nu kpɛa-kpɛa, da Madian nu kpɛa-kpɛa di hvilɛn bələ ɓa. Hɛn kpɔ da pɛli dɔlu kpɛmun hvɛla kulɔi la, di ɉəɠə. Di li di həli Balaamə ɓa. Di Balakə wooɠaa tii laa həli mą.

Lonon mo 24:11

Yii gɛ pələ kaa tii, kulɔ ɲɛ̨́i mu, 'li ə́ pɔɔli. Ŋą́ mo gɛ́ gáá pai ə́ mąąwiɛi kɛnɛ̨, kɛlaa Yai-Laa aa ə́ hvɛɠɛ ɉu.»

Samuɛlə dɔlɔɔ 17:25

Di kɛi kɛ mą: «Nui kulɔ ɓɛ li, ka gaa! Ə kɛi pa Israɛlə paa pɔlɔn dɔɔ mɛ̨nį ɓa, mɛ̨nį ə kulɔ la yaa li. Nui a ɉulɔnui tii paa, tɔɔmun a hɛn gɔw kɛnɛ̨ tɛɛ mąą nu pɔ, ə pənə ə non dɛɛ bɔ a nɛ̨ą, yili pulu, ə mąą nu nwɔ pɛlɛ́i laa kulɔ mɛ̨nį kəlee hu Israɛlə lɔi hu.»