Danîa 5:28 - Yálá laawoo hɛɓɛ (dc)

²⁸ ‹Parsin› mukulaa ɓaa: Di kaa pai ə́ wɔ tɔɔlaai ɲąąkwɛlɛi Medi nuą, da Pɛrsə nuą di lɔwai.»

Yálá laawoo hɛɓɛ

²⁸ ‹Parsin› mukulaa ɓaa: Di kaa pai ə́ wɔ tɔɔlaai ɲąąkwɛlɛi Medi nuą, da Pɛrsə nuą di lɔwai.»

Bible

²⁸ Pasiŋ, zu-kulâi ƃa aâ íkâloŋ-laai ŋáa kɔlɛ. Gbua tɔ̂nɔ káa a Midia-ŋai pɔ́ɔ, gbeli kɛ́ ƃò a Pɛsia-ŋai pɔ́ɔ.”

Danîa 5:28 ပူးပေါင်းရင်းမြစ်များ

Kɔlɔnikɔ Veerɛi 36:23

«Pɛrsə tɔɔmun Sirusə woo ka, yɛ: Yələ kɔ́lɔn ɉu Yálá Yai-Laa, aa yɛnɛ̨ɛ̨ ɓɛ tɔɔlaaɠaa kəlee tɛɛ bɔ́! Ya ɓə, Yaa kpįnįi tii, yɛ, ŋį́ pɛlɛ́ tɔɔ mą Ɉerusalɛmə yai gaa Ɉuda lɔi hu. Ká nɛlɛ ɓə gaa a Ɲálái tii ŋą nu huwu ta? Gɛ́, nwɔɔ Yálái Yai-Laa ə lɛɛ bɔ, mąą nui ə tɛɛ ə li Ɉerusalɛmə daai!»

Azaya 13:17

Gáá pai Medi nuą ɲąątɔɔi diɛ, di wɛi, di mąąkpaan vo wali ɓa, diɛ hɛni hviiɓo.

Azaya 21:2

Mɛ̨nį kponąą ta ka ŋɛ̨i, di nɛ mą́ą́ hįi pələ. Pulu kulɔmun, yɛ pulu kulɔ mɛ̨nį kɛ, kɛɛ kalamun yɛ kɛɛ kala. Elamə nuą, 'ka tɛ! Medi nuą, 'ka ka wɔ kɔlaɠai pɛlɛ! Gáá woo laa wooɠaa kəlee kpɛɛi.

Azaya 47:11

Mɛ̨nį ɲąąnwąnąą pai laai yɛ́, hvó pai pɛli mąą laai, ə́ kala mɛ̨nį kaa pai həlii yɛ́, hvá pɛli ə́ mąąkɔ̨nwɔ̨i ɲəi, gaa a tɛ̨ą, mɛ̨nį ɲąąnwąnąą kaa pai həli lɔ yɛ́ ə́ tɛɠii.

Ɉeremi 25:13

Mɛ̨nįɠaa ŋɛ̨i gáá moi yɛ́, yɛ hvilɛn na nɔi ŋɛ̨i ɓa, yii kpɔ bɛ̨ɛ̨i hɛɓɛ hu, gáá gəlee kɛi yɛ bələi ŋą́ mo la. Mɛ̨nįɠaa kpɔ Ɉeremi ə di lɛɛ tɔwɔ yɛ mo, yɛ hvilɛn na nɔiɠaa tii diɛ, ŋį́ gəlee kɛ.

Ɉeremi 51:28

'Ka nɔiɠaa ɲąąkpɔn Yálá nwɔ kɔ́i kɔ́ mɛ̨nį ɓa, diɛ wolo ma, Medi tɔɔɓɛlaa di wɔ lɔi ɲąą woo ɓo nuą, nɔi hu kóló kɛ nuą kpɛa kpɛaɠaa da nɔiɠaai kpɔ ɲee mu.

Danîa 2:32

Maa nįnįn ɉaɠaa tii, nwun galən ə kɛ a hɛni leelee, gəŋə da ɲeeɠaa diɛ ɓo a wali kwɛli, goo da nwɛlɛɠaa diɛ ɓo a ɓala kwɛli.

Danîa 2:39

Ya pa həɠəi laa, tɔɔmun da kpɛli kaa pai heei yii gɛ pələ hva kɛ yɛ pələi ə́ kɛnɛ̨ɛ la. Yili pulu, ɉaaɓa kɛɛnąą a pa, yɛ ɓo a ɓala kwɛli, yii pai tɔɔlaa kɛi yɛnɛ̨ɛ̨ nąą kəlee.

Danîa 6:28

Ya ɓə a nu nwun mąąɓo, yɛ gulɔ haa hu. Ya ɓə a kpalo mɛ̨nį kɛ, da kwəi pili mąa mɛ̨nįɠaa, yələkɔlɔn ɉu, da lɔi mɛ̨i. Ya ɓə Daniɛlə nwun mąąɓo, Ya bə gulɔ yalaɠaa yəi.»

Danîa 6:8

Ə́ wɔ tɔɔlaai hu, nwun nąmįnąa kəlee, ɉɛn gɔw laaikɛ nuą kəlee, da nɔi nu kpɛa-kpɛa, dɔɔmun gwɛlɛ nuą, da guvɛnɛɛliɠaa kəlee, daa pɛli ɉu diɛ: Ə́ hvaa mą, tɔ́n ə tɔɔ, hvóló pow haaɓa kuu mu, di noloɓo nɔi nąą kəlee, nui lɔpee ta hvo kwɛli hvilɛn ala takpɛli ɓa, ə mą kɛ nu ta ɓa, a kɛ yɛ́ tɔɔmun yɛ́ hvəi. Nui a wala dɔ́n tii hon, di pili ɲala kwənąn ɉu.

Danîa 8:20

Mɛlaa hilɛi tii kɛ ə́ gaa nįnɛ̨ yɛ ɓo nwuɔ̨ hveelɛi, mįnɛ̨ hveelɛi tii kaa a tɔɔɓɛlaa hveelɛ, dɔ̨nɔ̨ kaa a Medi tɔɔlaa, dɔ̨nɔ̨ yɛ ɓo a Pɛrsə tɔɔlaa.

Danîa 9:1

Asuerusə ɲɛ̨i di huwu ɓa kɛ a Medi nu huwu, non ɉulɔnu Dariusə, yaai kɛ a Kalde nuą di wɔ tɔɔmun,

Gɛlaɠaa 2:9

Yaan, nu taɠaa kaa gu lɔwai di həɠə: Partə lɔi hu, Medi lɔi hu da Elamə lɔi hu, daɠaa di həɠə Mesopotami lɔi hu, Ɉude lɔi hu da Kapadosə lɔi hu, daɠaa di həɠə Pɔn lɔi hu, da Asi lɔi hu,