Danîa 5:20 - Yálá laawoo hɛɓɛ (dc)

²⁰ Kɛlaa, ɉu mɛ̨nį ə kɛnɛ̨, yɛ gbɔwɔ ɲąą kɛnɛ̨, gili walawalaa, yili ɓə gɛ, Yálá ə gulɔ dɔɔ kpəlin ɉu, ə mąąyɛɛ.

Yálá laawoo hɛɓɛ

²⁰ Kɛlaa, ɉu mɛ̨nį ə kɛnɛ̨, yɛ gbɔwɔ ɲąą kɛnɛ̨, gili walawalaa, yili ɓə gɛ, Yálá ə gulɔ dɔɔ kpəlin ɉu, ə mąąyɛɛ.

Bible

²⁰ Kɛ́lɛ tãi è ǹíi pène la é pɛ́lɛ sɔnyɔ̂ŋ kɛ̂i da ŋɛi-tɛi, gâloŋ-laai è kùla ǹyêei é tóo.

Danîa 5:20 ပူးပေါင်းရင်းမြစ်များ

Tɔɔɓɛlaa veelɛ 17:14

Kɛlaa, di hvo mɛ̨nįi tii mɛ̨n, di di kili walawala lɔ yɛ di nąnni, diɛi wɔlɔ lənə Yai-Laa di wɔ Yálái ɓa.

Kɔlɔnikɔ Veerɛi 32:25

Kɛlaa Ezekiasə hvo Yálá nwɔ mɛ̨inɛ̨ɛ̨ tii hukɔlɔn mą, ɛlɛɛ, nwɔɔ hu mɛ̨nį kɛnɛ̨ laa mąą mɛ̨nį, əgɛ, di liiholi hee Ɉuda da Ɉerusalɛmə ɓa.

Kɔlɔnikɔ Veerɛi 36:13

Yɛ nwɔ̨nɔ̨ gwɛlitee tɔɔmun Nabukodonosorə yəi, ɛlɛɛ yaan, aa kɛ gwɛla Yálá ɲɛ̨i ɓa, yili yəi. Sedesiasə ə nwun ɉuwalawala, ə kili walawala laa kulɔ, hvo kpɛli gɛ, hvo pənə hvo pa, Israɛlə nwɔ Yálá Yai-Laa pɔ.

Lɛɛ gbɔwɔ ɓa 18:11

Ŋą́ą́ laa na kɛa, gɛ́ diɛ: Yai-Laa kɛnɛ̨i dɛɛ haliɠaa kəlee diɛ, ə nwɔ kɛnɛ̨ laa lɛ Eziptə nuąi kɛi Israɛlə nuą mɔ̨nɔ̨ ɓo diɛ.»

Lɛɛ gbɔwɔ ɓa 9:17

Yáá kpəɲąn nwɔ̨nɔ̨ nwɔ́ nu huwui li mɛ̨nį hu.

Lɛɛ gbɔwɔ ɓa 9:7

Eziptə tɔɔmun ə nuą tɔɔ diɛ li Israɛlə lonnii pɔɔli kaai, nuą di pa diɛ mą, Israɛlə lonnii di wɛi ta hvo haa li. Bələi mąn ə kɛ la tii, ə gili walawala, hvo ɓo diɛ.

Hanwon 16:18

Kpɔwɔ ɲąą kɛnɛ̨ a kɛɛ kala, ɲɛ̨itɛ yɛ nu hukala.

Hanwon 16:5

Kpɔwɔ ŋąą kɛnɛ̨ nuą kəlee wɛli kpɛɛi Yai-Laa ɓa, di hvo pai lɛɛi lɔ tii, di hutɔɔ mɛ̨nį hva ɉəɠə mą.

Azaya 47:1

Yɛi ɓaa a Babilonə nɛ̨ɛ̨gbɛla, 'ə́ mąą yɛɛ kpɔ kɛnɛ̨! 'Laa munuun gbala hu! 'Ka həɠə dɔɔ kpəlin ɉu, 'ka hee luwu hu, Kalde nɛ̨ɛ̨gbɛlaɠaa, mąąhɔlɔɓo, di hvo kɛa pai kɛi ə́ laa ɓa: «Nɛ̨ɛ̨nu lɛlɛɛ, kwəinɛ̨ɛ̨ kulɔ nɛ̨ɛ̨nu.»

Ɉeremi 13:18

'Mó dɔɔmun da dɔɔmun nee diɛ, yɛ diɛ: Ká hee pɔlɔ hu nɔi ɓa! Mąąhɔlɔɓo, ka wɔɔ tɔɔɓɔlɔ ɲɛ̨i tɔɔi, aa kulɔ ka nwuɔ̨ aa too!

Ɉeremi 19:15

Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka, yɛ diɛ: «Mɛ̨ni ɲąąnwąnąą kpɔ ŋą́ą́ gili tee gwə́i, yɛ hvilɛn na daa ŋɛ̨i ɓa, gáá pai naai mą da gwɛlɛ taaɠaa kəlee. Mąąhɔlɔɓo, daa di kili walawala, di hvo gɛi di hvo di wəli tɔɔ nwóó ɓa.»

Ɉeremi 48:18

Kulɔ ə́ wɔɔ mąąwiɛ laa hu, ə́ yɛɛ ə́ hee muluun ɉu. Divɔn nuą, kaan, Moabə hukala mun gaa tɛi a kɔ́, yɛ pɛlɛ yɛ́. Gaa ə́ mąąkpɛ hiinŋaa pui.

Izikiɛ 30:6

Mąąhɔlɔɓo, mɛ̨nįi Yai-Laa kaa moi ya ka: nuąi kɛi kpɔmąą tɛɛ Eziptə pɔ, daa too; ɉɛn kɛ a vąŋą, yɛ nwun dɛ ɉu, a too, ə həɠə Migdolə ə həli la Siɛnə gəlee kaa pai tooi a kɔ́ kɔ́ ɓɔwa laa pɔɔ. Yai-Laa, ka wɔ Yálái ɓə mo ti.

Izikiɛ 31:10

«Yili mąą mɛ̨nį ɓa, mɛ̨nįi Mɛ̨nį kəlee ŋą Hééɓomun Yálá kaa moi ya ka: Yɛ bələi ə nwun dɛ la, ə nwun dɛ, ə ɉee tulɔ kpinįn ma, ə nwun dɛ, a kpɔɔ ɲąą kɛnɛ̨,

Danîa 11:36

«Yii lɔpee a nɛɛ tɔɔmun ma, ya ɓə gaa pai gɛi. Hu ɲąŋą kɛnɛ̨ kaa pai kɛi ɉu, yə gbɔwɔ kaa yɛ kɛ gɛnɛ̨ɛ dɛɛ alaɠaa diɛ, gaa pai kɛi mɛ̨nį ɓoi alaɠaa di wɔ Yálá ɓa, hva kpɛli ɲɔw. Gɛ mɛ̨nįɠaa kəlee hu kaa pai kɛi nɛɛi, ə lɛɛ la ɉu Yálá nwɔ líiɲąnwąnąi pa hvóló yɛ ɉəli. Nąąlɔwai, yii Yálá ə gbən dee, a naahvɛɛ.

Danîa 4:26

Ɲąnin bow kɔ́w hveelɛ tɛɛ pulu, tɔɔmun ə kɛi hiɛ-hiɛ ɓo nwɔ toɔ kwəli hu Babilonə daai,

Danîa 4:28

Nwooi tii ə lɛɛ lɔ tɔɔmun na, woo ta ə hɛɠɛ yələi yɛ mą: «Tɔɔmun Nabukodonosorə, ə́ wɔ wɛlɛɛ ka: Ə́ wɔ tɔɔlaai aa kulɔ ə́ yəi.

Danîa 8:8

Molu hilɛi tii ə kɛnɛ̨ laa hɔlɔɓo, kɛlaa, ɓɛlɔwai ɲee ə walawala la, mįnɛ̨ kɛnɛ̨ tɔ̨nɔ̨i tii kɛ nwuɔ̨, ə yali. Mįnɛ̨ nąąn dakpɛli ə pənə ə tɔɔ, yiliɠaai diɛ ɓo a kaakaa hɛn. Dɔ̨nɔ̨ ə tɔɔ voló həɠəi pələ, dɔ̨nɔ̨ ə tɔɔ voló tooi pələ, dɔ̨nɔ̨ ə tɔɔ ɲələi pələ, dɔ̨nɔ̨ ə tɔɔ ɉɛɠɛɛ pələ.

Lukə 18:14

Jesus yɛ diɛ: «Gáá moi kaa, nįįhɔ̨nwɔ̨ kulɔ mun tii, ɓɛlɔwai ə kɛi li la bɛlɛ́ laaləi, da Yálá di lɔwai pɛliɛ kɛa kɛ. Kɛlaa, Farisiɛ̨ tii nwɛi hvo kɛ tii, mąąhɔlɔɓo, nui lɔpee a nwun dɛ, da nwun ɲɛ̨ɛ̨, nui a gbɔwɔ mąą yɛɛ, da mąą tɛ.»

Hebreu 3:13

Kɛlaa yaamun, ká ká keeni hvaŋąlɔ a yələɓɔ pələ tɛitɛi, yii kpɔ ni háákələi kaa ɉui, əgɛ, ká ta hvo pa gili walawala, nɛ̨ŋɛ̨n yɛ mowo.

Samuɛlə dɔlɔɔ 6:6

Ka hvo ka kili walawala yɛ bələi Eziptə nuą da di wɔ tɔɔmun ni di gɛ la. Di mɔ̨nɔ̨ ɓoi Yálá ə mo, yili ɓə gɛ diɛ nwɔ nuąi lɛɛ la laa diɛ li.