Danîa 5:2 - Yálá laawoo hɛɓɛ (dc)

² Yii kɛa ə nɔɔ tii kpələ, ə mo yɛ diɛ: Di pa a ɉɛni hɛn ɲąŋąɠaa da nwali kwɛli hɛn ɲąŋąɠaai ŋɛ̨i nąn Nabukodonosorə ə ɉəɠə Yálá hee pɛlɛ́ mu Ɉerusalɛmə daai, ə gɛ, tɔɔmun da nwɔ wɛli nɛ̨ąą, ə mą kɛ nɛ̨ąni da nwɔ nu kpɛa-kpɛai di di kpələ ɉu.

Yálá laawoo hɛɓɛ

² Yii kɛa ə nɔɔ tii kpələ, ə mo yɛ diɛ: Di pa a ɉɛni hɛn ɲąŋąɠaa da nwali kwɛli hɛn ɲąŋąɠaai ŋɛ̨i nąn Nabukodonosorə ə ɉəɠə Yálá hee pɛlɛ́ mu Ɉerusalɛmə daai, ə gɛ, tɔɔmun da nwɔ wɛli nɛ̨ąą, ə mą kɛ nɛ̨ąni da nwɔ nu kpɛa-kpɛai di di kpələ ɉu.

Bible

² Tãi dí kɛ̀ ŋwã̂ai kpelêi lai, è mò a gɛɛ dí pá a ǹâŋ ŋɔgôo da gáne kpele kɔpu-ŋai nyii è ziɣe ŋ̀âla-pɛrɛ kɛ́tɛi mu Zerusâlɛŋ a gɛɛ ǹyaa, ǹɔii-lonii, ŋɔnɛnîi, da ŋɔnɛyâa pɛlɛ-pɛlɛɛi dí ŋwã̂ai kpéle zu.

Danîa 5:2 ပူးပေါင်းရင်းမြစ်များ

Samia Veerɛi 9:7

Davidə yɛ mą: «Hvo ɲɔw, gáá bɔ ŋą́ kpɔnmąą tɛɛ ə́ pɔ a wɛlikɛmąąlaa, ə́ nąn Ɉonatan mąą mɛ̨nį ɓa. Gáá pai ə́ kalá Saulə nwɔ lɔiɠaai kəlee pənəi ŋą́ dɛɛ ə́ pɔ, ə lɛɛ, yɛ́ kpįnįi ŋɛ̨i, gu kaa kɛi gu yee lɔi kɔ́wɔ tɔ̨nɔ̨ a yələ kəlee.»

Tɔɔɓɛlaa veelɛ 24:13

Ə li a Yai-Laa yəi bɛlɛ́n ɉɛnŋąą kəlee da tɔɔmun ɲəi bɛlɛ́n ɉɛngu kəlee. Ɉaláá kulɔ hɛnɠaa kpɔ Israɛlə tɔɔmun Salomɔn ə di pɛli, ə gəlee kala. Mɛ̨nį Yai-Laa ə mo, nąą ə hvɛɛla.

Tɔɔɓɛlaa veelɛ 25:15

Tɔɔmun mąąkpɛ kɔ́kulááɠaa di nwun nąmu, ɉɛnŋaai kɛ a hɛni da wali kwɛli ə ɉəɠə, ə bɛlɛ lansan kələn hɛnɲąŋąɠaa, da nuą mąąhəɠə hɛnɲąŋąɠaa ɓa.

Kɔlɔnikɔ Veerɛi 11:20

Yili pulu, Roboamə ə Absalɔn lon nɛ̨ɛ̨nu Maaka həɠə a nɛ̨ą. Ə Abiya, Atai, Ɉiza da Selomitə di kaa mą.

Kɔlɔnikɔ Veerɛi 15:16

Tɔɔmun Asa ə nee Maaka yee kulɔ ŋą tɔɔ leenɛ̨ą laai hu, Mąąhɔlɔɓo, ə hali pɛli a Asera laa. Asa ə ɉali ɲɔ̨nwɔ̨ɔ̨ mąą nįnįn tii hu yali, ə ɉuwolo-wolo, ə gələn Sedrɔn ɓoloon ɉu.

Kɔlɔnikɔ Veerɛi 36:10

Gwɛlan gbɛɛi lɔwai, tɔɔmun Nabukodonosorə kuláaɠaa tɔɔ, di ɉon diɛ li la Babilonə, di bɛlɛ Yai-Laa nwɔ pɛlɛ́i mu hɛnŋąą nɛlɛɛɠaa ɓa; ə nąn non Sedesiasə hee a dɔɔmun Ɉuda da Ɉerusalɛmə mɛ̨i.

Kɔlɔnikɔ Veerɛi 36:18

Yálá yəi bɛlɛ́n ɉɛnŋąą kəlee, gbɛa-kpɛaa mąn, bɛlɛɛɠaa mąn, Yai-Laa ŋą pɛlɛ́i mu hɛn gɔwɠaa, tɔɔmun ŋą pɛlɛ́i mu hɛn gɔwɠaa, ə mą kɛ, galanɉonŋąą di wɛi, di gəlee həɠə di li la Babilonə.

Ɛsdrasə 5:14

Ya ɓə gɛ, ɉɛnɲąŋąɠaai ŋɛ̨i wɔlɔ kɛ Yálá yəi bɛlɛ́n Ɉerusalɛmə daai, yɛ ɓo a hɛni da wali, Nabukodonosorə ə wɔlɔ ɉəɠə, ə li la Babilonə, ə bu nwɔ haliɠaai yəi bɛlɛ́n. Tɔɔmun Sirusə ə ɉɛnŋąąi tii kulɔ ɉali pɛ́lɛ́i tii mu, nui ŋɛ̨i da kɛ mą Sɛsbasarə yai ə ɉee a nɔi nwun nąmu, ə ɉəɠə ə dɛɛ bɔ.

Ɉeremi 27:7

Lɔiɠaa kəlee kaa pa tí mą, yaa da non, da non nwɔ lon; yili pulu nwɔ lɔi yaa kpɛli, nwɔ yələ a pa həlii, lɔi tamąą da tɔɔɓɛlaa huwalawalaaɠaa diɛ hee mɛ̨i.

Ɉeremi 50:35

Yai-Laa woo ka, yɛ diɛ: Kɔ kɔ́ ɓɔwa kaa Kalde nuą hu hɛɓɛ́-hɛɓɛ́i, ə mą kɛ Babilonə nuą da di ɲɛ̨itɔwɔ nuą, bɛlɛɛ nwɔ mɛ̨nį kɔ́lɔn nuą diɛ.

Ɉeremi 52:19

Gəgənŋaa, lansan kələn ɉɛnɲąŋąa, nuą mąąhəɠə gəgən gbɛa-kpɛaɠaa, gwɛli ləɠiɠaa, ləɠi tɔɔ hɛnŋaa, gbələ gəgənŋaa, da gəgən pɛlɛɛɠaa; yiiɠaa kpɔ tii kɛ a hɛni da wali, tɔɔmun mąąkpɛɛ kulaaɠaa nwun nąmu ə gəlee həɠə.

Danîa 1:2

Ną́mu Yálá ə hvaa mą, Babilonə tɔɔmun, Nabukodonosorə ɲee ə tɛɛ Yoyakimə ɓa, yai kɛ a Ɉuda tɔɔmun. Yili pulu, ɉɛnŋaai ŋɛ̨i kɛ Yálá hee pɛlɛ́ mu, ə bələ tɔ̨nɔ̨ həɠə, ə li a diɛ Sinearə lɔi hu, ə di pu nwɔ haliɠaai yəi bɛlɛ́n, ə ɉɛnŋaai tii pu nwɔ haliɠaai di wɔ hɛn gɔw kɛɛnąą.

Danîa 5:11

Hulɔnu ta kaa ɓɛ ə́ wɔ tɔɔlaai hu, yii Yálá hvulú Nii kaa mɛ̨i. Ə́ nąn nwɔ lɔwai hu, ə gaa, ɉulɔnui tii nwɔ kili da nwɔ nwun gɛ ɉu laa hu pɔ̨nɔ̨ɔi kɛ, yɛ ɓo yɛ alaɠaa di wɔ kili. Ya ɓə ə́ nąn Nabukodonosorə ə ɉee a tɔlikpɛ nuą da nuąi da kɛ kwɛli hvilɛn ɉii pɛmɛ̨nɛ̨n gɔwɠaa diɛ, ə mą kɛ Kilimąą nuą, da hali nąmįnąa di nwun nąmu. Ə nąn ŋɛ̨i kɛ a tɔɔmun ya ɓə gɛ tii.

Danîa 5:13

Nąąlɔwai, di Daniɛlə təli ə pa tɔɔmun nííla, tɔɔmun ə mo mą, yɛ mą: «Yɛ́ ɓə da kɛ ə́ laa ɓaa Daniɛlə, nuąi ŋɛ̨i ną́n ə di həɠə Ɉuda lɔi hu, yɛ pa a diɛ, da ɓaa yɛ́?

Danîa 5:18

Oo tɔɔmun, Yálá yii gaa hɛn gəlee nwun mɛ̨i, ə tɔɔlaa, kɛnɛ̨ laa, ɓɛlɛ kɛ maa da mąąwiɛ tɛɛ ə́ nąn Nabukodonosorə pɔ.

Danîa 5:23

Yaa ə́ muhəɠə Yálá ŋɛ̨i gaa hɛn gəlee nwun mɛ̨i naa ɓa, yaa ɲəi bɛlɛ́n ɉɛnŋaa həɠə, yɛ́, ə́ wɔ wɛli nɛ̨ąąi, ə́ nɛ̨ąni da ə́ wɔ nu kpɛa-kpɛaɠaai, kaa lɔɔ kpələ ɉu. Yili pulu, yáláɠaai ŋɛ̨i di kaa a: wali kwɛli, hɛni, ɓala kwɛli, kwɛli, wulu da kwɛni maahaɠaaɠaa, diɛi di hva kɛɛ kaa, di hva mɛ̨nį mɛ̨n, kili hvo diɛ, kaa kwɛli hvilɛn diɛ, ka hvo gɛ li ka hvo mąąwiɛ tɛɛ Yálá pɔ, yaai ə́ nɔw kaa ɲəi, da ə́ kɛ mɛ̨nįɠaa kəlee.

Danîa 5:3

Nąąlɔwai, ɉɛni hɛn ɲąŋąɠaai ŋɛ̨i di ɉəɠə Ɉerusalɛmə daai Yálá hee pɛlɛ́ mu, Yálá yəi bɛlɛ́n, di paa la, tɔɔmun da nwɔ wɛli nɛ̨ąąi, ə mą kɛ nɛ̨ąni da nwɔ nu kpɛa-kpɛai diɛ di kpələ ɉu.

Danîa 5:30

Gbini tɔ̨nɔ̨i tii hu, Kalde nuą di tɔɔmun Bɛlsasarə paa.

Danîa 5:4

Ɓɛlɔwai kɛa di pilɛ la nɔɔ hu, di wɔ yáláɠaai ŋɛ̨i kɛ a hɛni, wali kwɛli, ɓala kwɛli, wulu da kwɛni maa haɠaa, diɛ di mąąwiɛ.

Lonon mo 7:79

Ɉɛn ə paa la ya ɓaa: Wali tea tɔ̨nɔ̨, yɛ ɓo a kilə nwun dɔ̨nɔ̨ ɲee haaɓa (130), wali kpələ kɔ́wɔ tɔ̨nɔ̨ yɛ ɓo a kilə pow mɛ̨ihveelɛ (70), yɛ bələi bɛlɛ́ mąąhəɠɛɛ mu hɛn gɔɔn bələ kaa la. Ɉɛn ɲąŋą hveelɛi tii laa hvɛɛ a lɛɠɛ, ɲɔwɔɔn ŋąą a wulɔ, Yálá kɔ́ hɛn ni.