Danîa 5:18 - Yálá laawoo hɛɓɛ (dc)

¹⁸ Oo tɔɔmun, Yálá yii gaa hɛn gəlee nwun mɛ̨i, ə tɔɔlaa, kɛnɛ̨ laa, ɓɛlɛ kɛ maa da mąąwiɛ tɛɛ ə́ nąn Nabukodonosorə pɔ.

Yálá laawoo hɛɓɛ

¹⁸ Oo tɔɔmun, Yálá yii gaa hɛn gəlee nwun mɛ̨i, ə tɔɔlaa, kɛnɛ̨ laa, ɓɛlɛ kɛ maa da mąąwiɛ tɛɛ ə́ nąn Nabukodonosorə pɔ.

Bible

¹⁸ “Ŋ̀wála-wâla kélee Ɣalai è ínâŋ kɛ̀ a núu kɛ́tɛ, é mù wùyɛ é wála-wala-laa tɛɛ bɔ́.

Danîa 5:18 ပူးပေါင်းရင်းမြစ်များ

Tɔɔɓɛlaa veelɛ 25:28

Ewilə-Merodakə ə kɛi hvaa Yoyakin pɔ a wɛlikɛ mąą laa, ə heei kɛnɛ̨ tɛɛ Yoyakin pɔ a ɲee muhəɠɛɛ ə tɛɛ dɔɔɓɛlaa kpɔ tii da diɛni di kɛ nuwɔ laa yɛnɛ̨ɛ̨ tɔ̨nɔ̨i tii hu di wɛiɠaa diɛ.

Mąątɛ̨nɛ̨ 47:2

Nu kanŋaa, 'ka ka yee lɔwa, 'ka tómą Yálá pɔ pələ a kwəinɛ̨ɛ̨.

Mąątɛ̨nɛ̨ 7:17

Nwɔ ɲɛ̨nį mɛ̨nį, a pənə ə lɛɛ nwuɔ̨, nwɔ wɛa mɛ̨nįi tii ə pənə ə yɛɛ a nwun.

Mąątɛ̨nɛ̨ 9:2

Yai-Laa, gáá ə́ hɛɠɛɛɓoi, gwə́i tɔ̨nɔ̨ mɛ̨i, gaa pai ə́ kɛ mɛ̨nį ɲɛ̨i kɛnɛ̨ɛ̨ɠaa kəlee hu kulɔ.

Mąątɛ̨nɛ̨ 92:8

Nwąnąlɔ nuą, di wɔ yɛnɛ̨ɛ̨ ɲąą ə mą nɛ̨ɛ̨ yɛ kala tiliin, mɛ̨nį ɲɔ̨n gɛ nuą kɛ mɛ̨nį hu ə mą kɛ nɛ̨ɛ̨i, gaa lɔ a di nwun na pili mɛ̨nį, ɲali bulu hvo mą.

Ɉeremi 25:9

gáá nuą tɔɔi, di ɲələi pələ lɔiɠaa kəlee ɲąąkpɔn nwɔ́ tí mun Babilonə tɔɔmun Nabukodonosorə yee mu. Ɲą́ą́ Yai-Laa nwóó li! Gáá nuą tɔɔi di pa di wolo nɔi ŋɛ̨i ɓa, da ɉu hee ɓo nuą kəlee, bɛlɛɛ gwɛlɛ lɔiɠaa kəlee diɛ. Gáá di kɛlɛi di paa pələ pɔ. Gáá nɔi mąąpənəi a lɔi pun a yələ kəlee, a mąą ɲɔw lɔi, a lɔi kpoloon.

Ɉeremi 27:5

Ɲą́ą́ ɓə lɔi pɛli, da nu kanŋaa, ə mą kɛ, huwɔɠaai lɔi mɛ̨i, a nwɔ́ yee walawala laa da váŋa, nui a nɛ̨ɛ̨ mą́ą́, ya ɓə ŋą́ dɛɛ bɔ.

Ɉeremi 27:7

Lɔiɠaa kəlee kaa pa tí mą, yaa da non, da non nwɔ lon; yili pulu nwɔ lɔi yaa kpɛli, nwɔ yələ a pa həlii, lɔi tamąą da tɔɔɓɛlaa huwalawalaaɠaa diɛ hee mɛ̨i.

Woolaa 3:35

Daa kɛi nu kan nwɔ tɛ̨ą mɛ̨ni kpɛlaan Hɛn-Gəlee-Mɛ̨imun ɲɛ̨i ɓa,

Woolaa 3:38

Kɛlɛi Hɛn-Gəlee-Mɛ̨imun naaləi lɔ ɓə, ɲąąnwąnąą da ɲąąnɛ̨ɛ̨ da kulɔ laa-ee!

Izikiɛ 31:11

gáá dɛɛi lɔiɠaa nwun nąmu pɔ, yɛ ɉon yɛ bələi nwɔ lii ɲɔ̨n gwəi laa kaa la. Ŋą́ą́ ə́ kpɛ.

Danîa 4:17

Nwului tii ə́ gaa, yaai tii kɛ gɛnɛ̨i, nwalawalaa, gweaa yɛ tɛ yələkɔlɔn ma, yaai yɛnɛ̨ɛ̨ naakəlee nuą da pɛli kɛ gaai;

Danîa 4:19

Oo tɔɔmun, yɛ́ ka tii! Yaa kɛnɛ̨, ə́ yee a walawala, ə́ wɔ kɛnɛ̨ laa aa tɛ yɛ həli yələkɔlɔn ma, ə́ wɔ yeetɛɛmąą laa aa həli lɔi nąą kəlee.

Danîa 4:2

Kpini ta, ŋą́ hįi kaa, ɉįi tii ə mą́ą́ ɲɔw, ə ɉu pu mą́ą́, ə gwə́i pili.

Danîa 4:32

Lɔi mɛ̨i heeɓo nuą kəlee di kaa lɔ yɛ hɛn yii mɛlɛ hvo mą, yii lɔpee Yálá kaa bɔ, ya ɓə a gɛ yələkɔlɔn ɉu malakaɠaa diɛ, ə mą kɛ lɔi mɛ̨i heeɓo nuą kəlee. Nui lɔpee ta hva pɛli kpəɲan ɉii Yálá kɛ mɛ̨nį tɔwɔ, yɛ kɛ mą: «Lə ɓə ŋɛ̨i ə kaa gɛi?»

Danîa 4:34

Yii hu kɛa, ɲą́ą́ Nabukodonosorə, Yálái ŋɛ̨i gaa a yələkɔlɔn ɉu tɔɔmun, gáá mąąwiɛi, gɛ́ naa mąątɛ̨nɛ̨, gɛ kɛnɛ̨ laa tɛɛ bɔ. Yálái tii kɛ mɛ̨nįɠaa kəlee kaa a tɛ̨ą, nwɔ kpaaləɠaa kəlee haŋąąi. Nuąi da hiɛ a hu ɲąŋą kɛnɛ̨ pələ, a di mąąyɛɛ.

Danîa 5:21

Yálá ə gulɔ nuą lɔwai, ə gili kɛ yɛ huwɔ kili, da lɔwɔ huwɔɠaa diɛ ɓo di kee ɓa, yɛ kala nwunu mįi yɛ Nįŋɛ̨, luwuluwu tulɔ ə lɛɛ pui ma, ə lɛɛ la ɉu Yálá yii gaa hɛn gəlee nwun mɛ̨i, tɔɔmun Nabukodonosorə ə gɔlɔn yɛ diɛ: Yálái tii ɓə nwɔ yeetɛɛmąą kaa tɔɔlaa kəlee mɛ̨i, yaai a nu hee ɓɛi gaa bɔ.

Danîa 6:22

Daniɛlə ə tɔɔmun nwoo ŋąąpənə, yɛ mą: «Oo Tɔɔmun, ə́ yii ə kwɛa, kɛi a mo tii Yálá ə kɛ!

Gɛlaɠaa 26:13

Tɔɔmun! Gɛ́ɛ́ bələ pɔ, a hvoló haŋąnŋąą; ŋį́ kɛɛ pono ta kaa a həɠə yələi pələ, gwələ pələ yee tɛɛ hvóló nwɛi ɓa; nən ə mą́ą́ ə mą́ą́ pono, ə mą kɛ, kwa nuąi kɛ bələ pɔ.

Gɛlaɠaa 26:19

«Tɔɔmun Agripa! Yili ɓə gɛ, gwɛlɛɛn gɛɛ ti ŋį́ gaa yɛ həɠə yələi pələ, və́ nwún gulɔ mu.

Gɛlaɠaa 7:48

«Kɛlaa ə mą kɛ tii, hɛn gəlee mɛ̨imun, hva hee nu tɔɔ pɛlɛ́ mu. Yɛ bələi Yálá kwəi mɛ̨nį hukulɔ mun ə mo la, yɛ kɛ:

Dutɛrɔnome 32:8

Ɓɛlɔwai Yai-Laa ə nu huwuɠaa kwɛlin dɛɛ la di pɔ, ə nu huwuɠaa hee lɔiɠaa ɲɛn dɔɔ, yɛ bələi nonnii tamąąi la, ə gəlee nwun mɛ̨imun gɛ mą;