Danîa 4:26 - Yálá laawoo hɛɓɛ (dc)

²⁶ Ɲąnin bow kɔ́w hveelɛ tɛɛ pulu, tɔɔmun ə kɛi hiɛ-hiɛ ɓo nwɔ toɔ kwəli hu Babilonə daai,

Yálá laawoo hɛɓɛ

²⁶ Ɲąnin bow kɔ́w hveelɛ tɛɛ pulu, tɔɔmun ə kɛi hiɛ-hiɛ ɓo nwɔ toɔ kwəli hu Babilonə daai,

Bible

²⁶ Dí mò yâ a gɛɛ í ŋ̀úrii ŋumei da zame lɛ́ɛ. Nyíŋi su-kulâi ƃa, íkâloŋ-laai a pâi pâi pôlu ŋɔ́nɔ ípɔ yà gɔ̀lɔŋ a gɛɛ Ɣâla ƃe gáa ŋ̀éniɛi su sãai kélee mɛi.

Danîa 4:26 ပူးပေါင်းရင်းမြစ်များ

Danîa 2:18

Ə gɛ, Yálái ŋɛ̨i gaa yələkɔlɔn ɉu, di mɛ̨nįi tii hu lɛ mą, ə di ɲɛ̨imąąwɛli kaa, ə mɛ̨nį loɔ tii kulɔ diɛ pɔ̨nɔ̨ŋa, ə ɠɛ, Daniɛlə da mɛlaa, ə mą kɛ, kilimąą nuą yiiɠaai di kaa Babilonə daai, di hvo pa di paa.

Danîa 2:19

Nąąlɔwai, Yálá ə hvaa mą, ə mɛ̨nį loɔ tii lɛ Daniɛlə ɓa a kpinį hįi pələ. Daniɛlə ə nɛɛmą, Yálá yii gaa yələkɔlɔn ɉu, ə ɉɛɠɛɛ ɓo.

Danîa 2:37

«Oo Tɔɔmun! Yɛ́ ɓə ə́ kaa a tɔɔɓɛlaa di wɔ tɔɔmun, mąąhɔlɔɓo, Yálá yii gaa yələkɔlɔn ɉu, aa tɔɔlaa, huwalawala, da hvaŋą, ə lɛɛ, mąąwiɛ tɛɛ ə pɔ.

Danîa 4:15

«Yɛ́ Bɛltsasarə, ɉįi ŋą́ gaa, ɲą́ą́ tɔɔmun Nabukodonosorə, yaa li, gɛ́ ə́ ɉukulaa lɛ mą́ą́. Mąąhɔlɔɓo, gilimaa nuąi di kaa nwɔ́ tɔɔlai hu, di hva pɛli yili ɓa, yɛ ɓə ya pɛli mą, mąąhɔlɔɓo, Yálá Hulú Nii kaa ə́ mɛ̨i.»

Danîa 4:23

Kɛi ŋɛ̨i di mo mą, nwungbə da ɉamu di lɛɛ nɔi ɓa, ə́ wɔ tɔɔlaai kaa pai lɛɛi ə́ yəi, akɛ ya gɔlɔn yɛ́ diɛ, Yálá gaa yələkɔlɔn ɉu, ya ɓə gaa hɛn gəlee nwun mɛ̨i. Ɉu.

Danîa 4:31

Gwɛlan mɛ̨ihveelɛi tii tɛɛ pulu, ɲą́ą́ Nabukodonosorə, ŋą́ ɲɛ̨i hee yələi, nu kili ə pa mą́ą́, Yálá yii gaa hɛn gəlee nwun mɛ̨i, ŋą́ mąąwiɛ tɛɛ bɔ. Yálá ŋɛ̨i haa hvo mą, yaai nwɔ yeetɛɛmąą kaa hɛn gəlee mɛ̨i, yaai nwɔ tɔɔlaa kpɛɛ hvo mą, ŋą́ kɛnɛ̨ laa da mąąwiɛ tɛɛ bɔ.

Danîa 5:20

Kɛlaa, ɉu mɛ̨nį ə kɛnɛ̨, yɛ gbɔwɔ ɲąą kɛnɛ̨, gili walawalaa, yili ɓə gɛ, Yálá ə gulɔ dɔɔ kpəlin ɉu, ə mąąyɛɛ.

Danîa 5:21

Yálá ə gulɔ nuą lɔwai, ə gili kɛ yɛ huwɔ kili, da lɔwɔ huwɔɠaa diɛ ɓo di kee ɓa, yɛ kala nwunu mįi yɛ Nįŋɛ̨, luwuluwu tulɔ ə lɛɛ pui ma, ə lɛɛ la ɉu Yálá yii gaa hɛn gəlee nwun mɛ̨i, tɔɔmun Nabukodonosorə ə gɔlɔn yɛ diɛ: Yálái tii ɓə nwɔ yeetɛɛmąą kaa tɔɔlaa kəlee mɛ̨i, yaai a nu hee ɓɛi gaa bɔ.

Maafîu 21:20

Ɓɛli kaai galan nɛa di mo; di kwəi ə pili diɛ. Diɛ Jesus ɓa: «Ə kɛ pələ kɛ ləi yaai mɔɔlaa wului ŋɛ̨i a kpala kpɔlɔ tii ŋąąɓa?»

Maafîu 5:34

Nwɛ́i gáá moi kaa, ka hvo ka kwɛla: a yələkɔlɔn, mąąhɔlɔɓo, Yálá nwɔ tɔɔ kpəlin ɉeei li.

Lukə 15:18

Yili ɓa, gáá pənəi ŋą li ną́n bɔ. Gáá lii kɛi mą: «Ną́n, ŋą́ą́ nɛ̨ŋɛ̨n ɉəɠə Yálá ɓa, ə lɛɛ, ŋą́ą́ nɛ̨ŋɛ̨n ɉəɠə yɛ́!

Lukə 15:21

Non ə mo kɛa mą, yɛ mą: ‹Ną́n, ŋą́ą́ nɛ̨ŋɛ̨n ɉəɠə Yálá ɓa, ŋą́ą́ nɛ̨ŋɛ̨n ɉəɠə yɛ́. Mą́ą́ hvo kpɛli nɛ̨ɛ̨li hvo gáá a ə́ lon da.›