Danîa 4:17 - Yálá laawoo hɛɓɛ (dc)

¹⁷ Nwului tii ə́ gaa, yaai tii kɛ gɛnɛ̨i, nwalawalaa, gweaa yɛ tɛ yələkɔlɔn ma, yaai yɛnɛ̨ɛ̨ naakəlee nuą da pɛli kɛ gaai;

Yálá laawoo hɛɓɛ

¹⁷ Nwului tii ə́ gaa, yaai tii kɛ gɛnɛ̨i, nwalawalaa, gweaa yɛ tɛ yələkɔlɔn ma, yaai yɛnɛ̨ɛ̨ naakəlee nuą da pɛli kɛ gaai;

Bible

¹⁷ Ɣâla-taa kela-ŋa ƃé pà dí m̀ɛnii ŋí duŋ tòo a gɛɛ ŋ̀éniɛi su-ƃelai kélee dí gɔ́lɔŋ Ŋ̀wála-wâla kélee Ɣalai ƃe gáa kâloŋ-laa kélee mɛi. A wála-wala tɛ̀ɛ núu kélee pɔ́ yɛ̂ɛ berei a wɛ̂li lai. A nɛ̃ɛ ma maa nuui é kɛ́ a núu doo-mu.”

Danîa 4:17 ပူးပေါင်းရင်းမြစ်များ

Tɔɔɓɛlaa dɔlɔɔ 21:25

Nu ta hvo ta kɛ hɔlɔɓo li, yɛ pɛli mɛ̨nį ɲɔ̨n gɛi Yai-Laa ɲɛ̨i ɓa, gɛnɛ̨ yee yɛ həli Akabə nwɛi pɔ. Mąąhɔlɔɓo, nɛ̨ą Ɉezabɛlə ə nwun ɉu lan.

Kɔlɔnikɔ Veerɛi 28:22

Ɓɛlɔwai Asiri kɔlaɠai pɛlɛɛ la kɛ mą, tɔɔmun Akazə ə pɛlɛ nwɔ̨nɔ̨ yɛ nwɔ mąąluwu nɛ̨ŋɛ̨n da kɛ mą Yai-Laa ɲɛ̨i ɓa.

Mąątɛ̨nɛ̨ 103:19

Yai-Laa aa nwɔ tɔɔ kpəlin hvilɛn yələkɔlɔn ɉu, nwɔ tɔɔlaai heɛ hɛn gəlee mɛ̨i.

Mąątɛ̨nɛ̨ 12:8

Gaa tii, Yai-Laa, Ə́ wɛi, Yá kulɔ Ə́ woo ɓa. Yá ku mąąkɔ̨nwɔ̨, a yələ kəlee, nu taaleei tii yəi.

Mąątɛ̨nɛ̨ 9:16

Hį́i takpɛliɠaa di wɔ lɔwai di dee, diɛ kpinįi, daa too ɉu, maaləi di dɛ, di kɔ́wɔ ɓə kɔ́ la.

Lɛɛ gbɔwɔ ɓa 9:16

Kɛlaa, ŋą́ ə́ lɛɛ a ə́ hvulú, ŋą́ nwɔ́ huwalawala laa lɛ yɛ́, əgɛ Náá ə tɛ lɔi mɛ̨i nąą kəlee.

Azaya 6:3

Di kɛi pələ pili di kee ɓa, diɛ kɛ mą: «Yai-Laa Mɛ̨nį Kəlee ŋą Hééɓomun, ə́ mąąhəɠɛɛi, ə́ mąąhəɠɛɛi, ə́ mąąhəɠɛɛi, ə́ wɔ mąąwiɛ aa lɔi mɛ̨i nąą kəlee laahvɛɛ!»

Azaya 6:8

Ŋą́ Ną́mu woo mɛ̨n, yɛ kɛ diɛ: «Gbɛɛ ɓə ŋą́ dí? Gbɛɛ ɓə pai kɛi a nwɔ́ wɛlɛɛ ɓomun?» Gɛ́ mą: «Ɲą́ą́ ɓə, 'dí!»

Izikiɛ 25:17

Gáá nwą́ną kulɔi diɛ a nííɓa, gɛ́ di hutɔɔ a liiholi; bələ ɓə da gili kɔ́lɔn na, diɛ kɛ, ɲą́ą́ Yai-Laa, ɲą́ą́ ka tii nwą́ną kulɔi diɛ.»

Izikiɛ 7:24

Lɔiɠaai di ɲɔ̨nwɔ̨ɔ̨ di ɓɛlaa diɛ, diɛ ɓə gáá pai a diɛ, diɛ di wɔ pɛlɛ́ɠaai həɠə. Gáá pai yeewalawala nuą di wɔ kpɔwɔ ŋąą kɛnɛ̨ mąąyɛɛi, gɛɛnąąɠai di kɛi di mąąhəɠə laa, da nąą laa pu.

Danîa 11:21

«Nui pai mąąhvalin ɉii, a kɛ a nui tɔɔlaa mąąwiɛ hvo mą. Ɉulɔnui tii, ɓɛlɔwai nɔi a kɛ la liilaa hu, nąąlɔwai ɓə a dɔɔlaa hɛɠɛ la a gbanalaa túwɔ́.

Danîa 2:21

Ya ɓə a mɛ̨nįɠaa maa hvalin, yɛ lɔwaiɠaa mąą pənə. Yɛ tɔɔɓɛlaa həɠə di wɔ tɔɔ kpəlin ɉu, ə lɛɛ, ya ɓə a tɔɔmun ɉee. Yɛ kili tɛɛ nuą pɔ, diɛ kɛ a kilimąą nuą. Yɛ mɛ̨nį kɔ́lɔn ŋąą tɛɛ nwun gɛ ɉu nuą pɔ, ə lɛɛ,

Danîa 4:2

Kpini ta, ŋą́ hįi kaa, ɉįi tii ə mą́ą́ ɲɔw, ə ɉu pu mą́ą́, ə gwə́i pili.

Danîa 4:25

Mɛ̨nįɠaai tii kəlee laa ə hvɛɛ tɔɔmun Nabukodonosorə ɓa.

Danîa 7:25

Gaa pai kɛi woo ɲɔ̨n moi a Yálá Yii Gaa Hɛn Gəlee Nwun Mɛi naa, yɛ Yálái tii nwɔ nuą laanɔ̨nwɔ̨ɓo, gaa nwɔ kwəi a pɛli pai kɛi lɔwai mąąhvalin ɉii, da Yálá nwɔ tɔ́n. Ə lɛɛ, di kaa pai Yálá nwɔ nuą tɛɛi bɔ, di kwɛlan ɉaaɓa da gbulɔ kɛ ɲee mu.

Lomaŋ 13:1

Mąąnɛ̨ɛ̨ nu kəlee di lɛɛ nwun nąmįną woo mu, mąąhɔlɔɓo, nwun nąmu ta hvo hee li Yálá tɛɠii. Nwun nąmįnąi di kaa yɛnɛ̨ɛ̨, Yálá ɓə gəlee hee.

Korɛntə dɔlɔɔ 1:28

Hɛn yɛnɛ̨ɛ̨ dɔlɔ hvo mą, diɛ viiɓo, yii mąn hvo yɛnɛ̨ɛ̨, ya ɓə Yálá ə ɉəɠə, yɛ ɉɛn yɛnɛ̨ɛ̨, vaŋą hukala a diɛ.

Timote dɔlɔɔ 5:21

Mɛ̨nįi gáá ə́ tíi la a nwą́nąi Yálá ɲɛ̨i ɓa, Jesus Kristə ɲɛ̨i ɓa, da malakaɠaa, ya ɓaa: 'Ə́ kili lɛɛ niɛwooɠaa tii hu a nwalawala laa, 'hvó huyɛɠɛɓo kɛ, hvo da kulɔ ɉu, nu ta mąą mɛ̨nį ɓa.

M̀ɛni-lɛɛi 4:8

Ɉuwɔ nąąn tii kəlee koon ə kɛ diɛ mɛ̨ida mɛ̨ida, di ɲɛ̨i kɔ́w ə ɓo di nąą kəlee, di pulu pələ, da di tɔwɔ pələ. Kpinį pɛlɛɛ hvóló ɓa, di hvo kɛli kpɛla kɛi diɛ: «Ə́ mąąhəɠɛɛi, ə́ mąąhəɠɛɛi, ə́ mąąhəɠɛɛi, gu Nąmu, yai a Hééɓo Kəlee Nąmu Yálá, Yai kɛ laa, yai laa, ɛlɛɛ, Yai pai!»

Samuɛlə dɔlɔɔ 2:8

A mąąwɛli mun muhəɠə, ə gulɔ muluun ɉu. Yɛ yeehowolo mun gulɔ tulun ŋą. Yɛ di heei gulɔ tɔɔbɛlaa lɔwai, yɛ di hee kpəlin mąąwia mɛ̨i. Mąąhɔlɔɓo, Yai-Laa ɓə lɔi nąą kəlee kaa ɲəi. Ya ɓə lɔi kɔ́wɔ hvilɛn.