Danîa 3:25 - Yálá laawoo hɛɓɛ (dc)

²⁵ Tɔɔmun ə pənə yɛ diɛ: «Yaan, nu nąąn mə gáá gaai laa nwɔ̨n ɉu, diɛ hiɛ, di naa ta hvo yili li, nwɔ̨n bɔɔ kpɛli hvo diɛ. Di nąąn gɛɛnąą tii, ɲɛ̨ilaai kaa yɛ alaɠaa lon ɉulɔnu.»

Yálá laawoo hɛɓɛ

²⁵ Tɔɔmun ə pənə yɛ diɛ: «Yaan, nu nąąn mə gáá gaai laa nwɔ̨n ɉu, diɛ hiɛ, di naa ta hvo yili li, nwɔ̨n bɔɔ kpɛli hvo diɛ. Di nąąn gɛɛnąą tii, ɲɛ̨ilaai kaa yɛ alaɠaa lon ɉulɔnu.»

Bible

²⁵ Ǹyɛɛ dîai, “Ka gáa! Ŋa kpalolo náaŋ kâai siâi ŋ̀ɔŋ su, ɣɛli fé da ma. Ŋ̀ɔŋ fé tela da kerenîi. Ǹúui ǹáaŋ ɣelei káa yɛ̂ɛ ǹúui kùla Ɣâla-taai.”

Danîa 3:25 ပူးပေါင်းရင်းမြစ်များ

Zôo 1:6

Yələ ta, malakaɠaa di kɛi li Yai-Laa lííla, ɓilihi yaa kpɛli ə lɛɛ di lɔwai, di pa.

Zôo 38:7

Ɓɛlɔwai yələ ɓɔi bɛmɛ̨lɛ̨n-gɔwɠaa di kɛi wələ too la, ɛlɛɛ, Yálá nwɔ malakaɠaa diɛ tomą a wələ.

Zôo 5:19

A ə́ kulɔ mɛ̨nį ɲɔ̨n gəlee hu gee mɛ̨i mɛ̨ida, mɛ̨ihveelɛ naa, mɛ̨nį ɲɔ̨n ɲee hva kɛa pɛli yɛ́.

Mąątɛ̨nɛ̨ 34:7

Ə mą kɛ mąąwɛlimun mə, a Yai-Laa təli lɔ, aa mąn nwoo mu hon, yɛ gulɔ ganąn mɛ̨nįɠaa hu.

Hanwon 30:4

Gbɛɛ ɓə aa ta tɛ yələi, aa pənə aa yɛɛ? Gbɛɛ ɓə aa ta hvaŋą hon aa ɲee laa kpulu mą? Gbɛɛ ɓə aa ta yá pu mąą həɠə hu, aa gbulɔn? Gbɛɛ lɔi ɲɛn naa? Mąą nu laa ɓaa gbɛɛ? Non naa ɓaa pai kɛi a gbɛɛ? Gbaɠala lɛ mą́ą́ akɛ ə́ gɔlɔn?

Azaya 43:2

Yá kɛi tɛɛ yaɠaa hu, gáá ə́ pɔ, yá kɛi yaɠaa teen, hvá lɛɛ da hu, ə́ mą hiɛ nwɔ̨n ɉɛ̨ąi, hva ə́ kələn, nwɔ̨n nən və kɛa pai ə́ tiɠi kɛi, yɛ həli ə́ hu pələ kəlee;

Ɉeremi 1:19

Di kaa pai kɔ́ pɛlɛi yɛ́, kɛlaa di yee hvo pai pɛlii yɛ́. Mąąhɔlɔɓo, gáá ə́ pulu, gɛ́ ə́ nwun mąąkɔ̨nwɔ̨. Yai-Laa woo li.»

Ɉeremi 1:8

'Hvó ɲɔw, gáá ə́ pɔ, gɛ́ ə́ kulɔ mɛ̨nįi. Yai-Laa woo li.»

Ɉeremi 15:21

Gáá ə́ kulɔi nwąnąlɔɔ nuą yəi, gɛ́ ə́ kulɔ wəya nuą yee kɔ́n ma.

Danîa 3:18

Akɛ yili hvəi, Oo tɔmun! Laa na yɛ́ diɛ, ku hvo pai gɛi, ku hvo kwɛli hvilɛn ə́ wɔ yáláɠaai diɛ, ku hvo mąąwiɛ tɛɛi ə́ wɔ mąąnįnįn ɉaɠaai pɔ.»

Danîa 3:24

Nąąlɔwai, tɔɔmun Nabukodonosorə kwəi ə pili mą, ə muhəɠə kpɔlɔɔ tii ɉa, ə mo gwɛlɛ nuą diɛ, yɛ diɛ: «Éé! Kɛlɛi, nu haaɓa ɓə gu di yili, gu di pili nwɔ̨n ɉu ee?» Yiliɠaai diɛ mą: «Oowəi tɔɔmun, pələ ɓə ə kɛ la, yɛ pələi tii ə́ mo la.»

Danîa 3:28

Nabukodonosorə ə mo, yɛ diɛ: «Mąąwiɛ kaa Sadrakə, Mesakə da Abɛdə-Nego ni di wɔ Yálái ɓa, yaai nwɔ malaka tɔɔ, yɛ pa nwɔ kɛlaɠaai nwun mąąɓoi. Di wɔ Yálái tii ɓə di di kilitɔɔ mą, dɔ́n ŋɛ̨i tɔɔmun ə dɔɔ, di gala, di hvaa mą, di kɔ́lɔ laanɔ̨nwɔ̨ ə ɓo, yili hviɛlaɓoɔi di ɲɛ̨i ɓa, ə tɛɛ, kwɛli hvilɛn ŋąą ala takpɛli ɓa, akɛ di wɔ Yálái hvəi.

Danîa 6:23

Ee! Nwɔ́ Yálái ə nwɔ malaka tɔɔ, ə pa ə ɲalaɠaa laaləi hon, di hvo mɛ̨nį lɔpee ta kɛ a ɲą́ą́. Mąąhɔlɔɓo, hvo kɛ ɉɔn gaa li mɛ̨nįi ŋɛ̨i hu, ə lɛɛ, və́ nwɔ̨nɔ̨ a hɔn maa mun ə́ ɲɛ̨i ɓa. Oo nwɔ́ Tɔɔmun, və́ kɛ mɛ̨nį ɲɔ̨n gɛ li.»

Markə 16:18

Di kaa pai kɛi kaaləɠaa hon ɉi a di yee, ə mą kɛ daa pili mąą hɛn da kpələ, hva hɛn da kɛ a diɛ; da di yee laa ɲɔ̨n gɛ nuą mɛ̨i, di kɔ́lɔi a pono.»

Lukə 1:35

Malaka ə nwoo pulu pənə, yɛ mą: «Kili-Mąąhəɠɛɛ kaa pai yɛɛi ə́ mɛ̨i, Hɛn Gəlee mɛ̨imun ə ə́ mɛ̨i kpulu a nwɔ huwalawala nįnįn, yili ɓə gaa mą, non tii kaa pai kɛi a nu mąąhəɠɛɛ, diɛ kɛ naa ɓaa a Yálá Lon.

Gɛlaɠaa 28:5

Kɛlaa, Polə ə gaalə kulɔ ɲee ɓa, ə doo nwɔ̨n ɉu, mɛ̨nį ɲɔ̨n nɔpee ta hvo kɛ a Polə.

Lomaŋ 1:4

Kɛlaa, di gu Ną́mu Jesus Kristə laa hee a Yálá Lon, Kili-Mąąhəɠɛɛ nwɔ hvaŋąi haalai, yai nwun, ə gulɔ haa yəi.

Piɛrə dɔlɔɔ 3:13

Ɛlɛɛ, gbɛɛ ɓə a pɛli mɛ̨nį ɲɔ̨n gɛi a káá, akɛ, ká ká hvaŋąlɔ mɛ̨nį lɛlɛɛ kɛɛ ɓa?