Danîa 3:17 - Yálá laawoo hɛɓɛ (dc)

¹⁷ Akɛ mąąnɛ̨ɛ̨ ə́ ku pili vuulu nwɔ̨n tii hui, Yálái ŋɛ̨i ku kaa tiɓo kɛi ma, a pɛli ə ku kulɔ laa, ə ku kulɔ nwɔ̨nɔ̨ ə́ yee mu.

Yálá laawoo hɛɓɛ

¹⁷ Akɛ mąąnɛ̨ɛ̨ ə́ ku pili vuulu nwɔ̨n tii hui, Yálái ŋɛ̨i ku kaa tiɓo kɛi ma, a pɛli ə ku kulɔ laa, ə ku kulɔ nwɔ̨nɔ̨ ə́ yee mu.

Bible

¹⁷ À kɛ̀ Ŋ̀âlai kwa tíi kɛ̂i mii a pâi kúkulâi ŋ̀ɔŋ kpɔ̂lui su, a pâi kúlâi íyêei, óo Gâloŋ!

Danîa 3:17 ပူးပေါင်းရင်းမြစ်များ

Zɛnɛse 17:1

Ɓɛlɔwai Abramə kaa kwɛlan ə kɛ a kwɛlan bow mɛ̨inaa-kɔw mɛ̨inąąn, Yai-Laa ə gbɔwɔ lɛ mą, yɛ mą: «Ɲą́ą́ ɓə gaa a Huwalawala Kəlee Nąmu Yálá, mąąnɛɛ ə́ hiɛ ɲɛ̨́i ɓa a ɉaŋąą, hɔn və kɛ yɛ́.

Zɛnɛse 18:14

Akɛtii, mɛ̨nį ta a pɛli kɛi a nwalawalaa Yálá yəi? Gwɛlan tii pai, ŋą́ pənə ŋą́ pa ɓɛ ə́ pɔ a ɓɛlɔwai, Sara a lon ɉulɔnu hɔlɔɓo.»

Zôo 34:29

Kɛlaa, Yálá a wala muhəɠə, gbɛɛ ɓə a pɛli hvaai bɔ? A ɲɛ̨ilai now, gbɛɛ ɓə a pɛli mɛ̨i həɠəi? Ya pa, a ɲɛ̨i pili lɔiɠaa mɛ̨i, da nu kanŋaa.

Zôo 5:19

A ə́ kulɔ mɛ̨nį ɲɔ̨n gəlee hu gee mɛ̨i mɛ̨ida, mɛ̨ihveelɛ naa, mɛ̨nį ɲɔ̨n ɲee hva kɛa pɛli yɛ́.

Mąątɛ̨nɛ̨ 115:3

Ku wɔ Yálái kaa yələ kɔ́lɔn ɉu, mɛ̨nįi lɔpee a nɛ̨ɛ̨ mą, a gɛ.

Mąątɛ̨nɛ̨ 37:39

Tələnmo nuą ɓalo mɛ̨nį a həɠə Yai-Laa pɔ, ya ɓə gaa a di mąąkpɛ pɛlɛ́ wala wala, ɓɛlɔwai mɛ̨nį wala wala ta a di kaa la.

Mąątɛ̨nɛ̨ 37:40

Yai-Laa a di mąąkpɔn mąąɓo; yɛ di yee la hvólóon, a di kulɔ nu ɲɔ̨nwɔ̨ɔ̨ɠaa yəi; yɛ di ɓalo, mąąhɔlɔɓo, Yai-Laa ɓə di gɛ a di mąąkilɛi.

Mąątɛ̨nɛ̨ 73:20

Ną́mu yáá di mąąnįnįn gəlee kpɛɛ daa kwəi, kpɔlɔ yɛ nu a hįį kaa.

Azaya 12:2

Málo Yálá ka, gílitɔɔi mą, mą́ą́ hvo kɛa kpɛlin ɉii, mąąhɔlɔɓo, Yai-Laa! Yai-Laa ɓə gaa a váŋą, da nwɔ wələ; Yá ɓə a málomun.

Azaya 54:14

Ə́ hamu a kɛ a vilɛn ŋąą tələnmolaa mɛ̨i, di hva kɛa too ə́ mɛ̨i, hva kɛa ɲɔw, ə́ mąą hva kɛa kpɛlin, ə́ mąąɲɔw mɛ̨nį ta hva kɛa lɛɠɛ yɛ́.

Ɉeremi 1:8

'Hvó ɲɔw, gáá ə́ pɔ, gɛ́ ə́ kulɔ mɛ̨nįi. Yai-Laa woo li.»

Ɉeremi 15:20

Gáá ə́ kɛi nuą tii lííla, yɛ pɛlɛ́ nwąnąąi dɔɔ a kwɛli, yii hva dumo dɔɔi, di kaa pai kɔ́ pɛlɛi yɛ́, Kɛlaa, di yee hvo pai lɔi yɛ́. Gáá ə́ pɔ, gɛ́ ə́ nwun mąąɓo, gɛ́ ə́ hvólóon na ɓo. Ɲą́ą́ Yai-Laa nwóó li!

Ɉeremi 15:21

Gáá ə́ kulɔi nwąnąlɔɔ nuą yəi, gɛ́ ə́ kulɔ wəya nuą yee kɔ́n ma.

Danîa 3:26

Yili pulu, Nabukodonosorə ə mąą lɛɠɛ vuulu laaləi, ə mo a nwoo kɛnɛ̨ yɛ diɛ: «Sadrakə, Mesakə, Abɛdə-Nego, Yálá yii gaa hɛn gəlee nwun mɛ̨i nwɔ kóló kɛ nuą, ka kulɔ nwɔ̨n ɉu ka pa!» Sadrakə, Mesakə, Abɛdə-Nego, di kulɔ nwɔ̨n ɉu.

Danîa 6:16

Kɛlaa, nuąi tii, di bɛlɛ nwɔ̨nɔ̨ gee ɓa, di pa diɛ tɔɔmun ma: «Oo Tɔɔmun, ə́ kili kaa ɉu yɛ́ diɛ, Medi nuą da Pɛrsə nuą di wɔ tɔ́n, tɔɔmun a ɲee pɔɔ too ɉu, hva kɛa ɉəɠə mą.»

Danîa 6:23

Ee! Nwɔ́ Yálái ə nwɔ malaka tɔɔ, ə pa ə ɲalaɠaa laaləi hon, di hvo mɛ̨nį lɔpee ta kɛ a ɲą́ą́. Mąąhɔlɔɓo, hvo kɛ ɉɔn gaa li mɛ̨nįi ŋɛ̨i hu, ə lɛɛ, və́ nwɔ̨nɔ̨ a hɔn maa mun ə́ ɲɛ̨i ɓa. Oo nwɔ́ Tɔɔmun, və́ kɛ mɛ̨nį ɲɔ̨n gɛ li.»

Danîa 6:27

Gáá tɔ́n dɔɔi ɓɛi kpɔ nwɔ́ tɔɔlaai ə həli laa, naa nuą kəlee diɛ, gɛ diɛ: Mąąnɛ̨ɛ̨ nu kəlee di ɲɔw Daniɛlə nwɔ Yálái ɓa, di mąąwiɛ. Mąąhɔlɔɓo: «Ya ɓə gaa a Yálá hvulú, Ya ɓə a Yai-Laa. Nwɔ tɔɔlaai hva kpɛɛ. Nwɔ heeɓolaa kpɛlai hvo mą.

Mise 7:7

Kɛlaa nwɛ́i, ɲɛ̨́i kaa Yai-Laa tɔwɔ, gílitɔɔi ɓə Yálá ɓa, málomun ni. Nwɔ́ Yálá kaa pai nwóó mu hon ɉii.

Lukə 1:37

Mąąhɔlɔɓo, mɛ̨nį ta hvo walawala li Yálá yəi.»

Gɛlaɠaa 20:24

Nwɔ́ kɛ yɛnɛ̨ɛ̨ hvəə gánąnŋąą mą kpɛli tíikpə, yiimun gánąnŋąą mą, ya ɓaa: gólói gu Ną́mu Jesus ə dɔ́ɔ́ mą, ŋį́ gɛ, ŋį́ naakulɔ. Góloi ti ɓaa: Ŋą́ Yálá nwɔ mɛ̨inɛ̨ɛ̨ mąą wəlɛɛ lɛlɛɛ mąą kɛlahvaaɓo.

Gɛlaɠaa 21:13

Kɛlaa, ə ku woo ŋąapənə yɛ kuɔ: «Lə mɛ̨nį ɓa ka káá wɔlɔi, káá níi yali gwə́i? Ɉɛ̨́ą yiliɛi, di ɲíli, ə mą kɛ di báá Ɉerusalɛmə gu Ną́mu Jesus laa mąą mɛ̨nį ba.»

Lomaŋ 8:31

Lə mɛ̨nį ɓə gwa pɛli nwɔ̨nɔ̨ moi? Akɛ Yálá tɔɔi gu pulu, gbɛɛ ɓə a pɛli kɔ́ pɛlɛi guɔ?

Korɛntə veelɛ 1:10

Yaa tii ɓə ku kulɔ ɉaa taa ləi tii yəi, yaa lɔ ɓə nwɔ̨nɔ̨ pai ku kulɔ ɲəi kɛi; yaa tii ɓə ku wɔɔ kilitɔɔmąą laa kaa mą, ya lɔ ɓə pai ku kulɔ ɲəi kɛi.

Hebreu 7:25

Ɛlɛɛ, nuąi da di mąąlɛɠɛ Yálá ɓa, yaa ɉáálai, a pɛli mą ə di nwun mąąɓo, gbala ə tɔɔ, yaa tii gaa lɔ laa a yələ kəlee, yɛ di mąą mɛ̨nį laa həli a nɛlɛɛ kɔlɔi.

Samuɛlə dɔlɔɔ 17:37

Yai-Laa, yai ə gulɔ yala da kwɛli di yee ɲąnin nɔwai, ya ɓə pai gulɔi Filisti kpolowai ŋɛ̨i yəi.» Saulə yɛ Davidə ɓa: «'Li! Yai-Laa ə lɛɛ ə́ pɔ.»

Samuɛlə dɔlɔɔ 17:46

Háákələi kpɔ-kpɔɔ, Yai-Laa kaa ə́ lɔi ɲə́ə́ ŋą. Gáá ə́ paai, ŋą́ ə́ nwun dee ə́ ŋą. Háákələi kpɔ-kpɔɔ, Filisti nuą di wɔ kɔlaɠai powa kaa lɛɛ a yələi nwɛ̨niɠaa da lɔwɔ huwɔɠaa kɔ̨nɔ̨n. Hį́i kəlee kili kaa pui ɉu diɛ kɛ Yálá kaa Israɛlə yəi.