Danîa 3:1 - Yálá laawoo hɛɓɛ (dc)

¹ Tɔɔmun Nabukodonosorə ə mąąnįnįn ɉaɠaa ta pɛli a hɛni, dɔɔmɛ̨i yɛ ɓo a mɛtɛlɛ pow haaɓa, mɛlaŋa kɛnɛ̨ pələ yɛ ɓo a mɛtɛlɛ haaɓa. Ə dɔɔ ɓɛi ŋɛ̨i da kɛ mą: Dura, nɛ̨ŋɛ̨ hu, Babilonə nɔi.

Yálá laawoo hɛɓɛ

¹ Tɔɔmun Nabukodonosorə ə mąąnįnįn ɉaɠaa ta pɛli a hɛni, dɔɔmɛ̨i yɛ ɓo a mɛtɛlɛ pow haaɓa, mɛlaŋa kɛnɛ̨ pələ yɛ ɓo a mɛtɛlɛ haaɓa. Ə dɔɔ ɓɛi ŋɛ̨i da kɛ mą: Dura, nɛ̨ŋɛ̨ hu, Babilonə nɔi.

Bible

¹ Ɣele tɔ̂nɔ da, Gâloŋ Nɛbukinaza è pɔɔkɔ̂ɔŋ da kpɛ̀tɛ a gôo. Ŋɔkôya è kɛ̀ a kɔ́ɔ pîlani buu lɔ́ɔlu mɛi náaŋ. Ŋɔŋa kɛ̂tɛ kɛ́ ƃò a kɔ́ɔ pîlani lɔ́ɔlu m̀ɛi náaŋ. È zèe Dura ditiŋ su Babelɔŋ kpiniŋ su.

Danîa 3:1 ပူးပေါင်းရင်းမြစ်များ

Tɔɔɓɛlaa dɔlɔɔ 12:28

Giliŋąhiɛ taaləi tii kɛi ə mo, ə nįŋɛ̨ lon mąąnįnįn veelɛ pɛli a hɛni. Yɛ nuą diɛ: «Kaa wɔlɔ lamun lii Ɉerusalɛmə, Israɛlə nuą. Yálái ka kulɔ Eziptə, ya ka.»

Mąątɛ̨nɛ̨ 135:15

Lɔiɠaa di wɔ haliɠaai kaa a hɛni da wali, nu kanŋaa ɓə da bɛli a di yee;

Lɛɛ gbɔwɔ ɓa 20:23

Mąą hvo nɛ̨ɛ̨li, ka hvo mą́ą́ mɛ̨nį kɛ yɛ halii di bɛli a wali kwɛli, awala kɛ ti, a hɛni. Ɛlɛɛ, mąą hvo nɛ̨ɛ̨li ka hvo ɉaliɠaa tii ta pɛli.

Lɛɛ gbɔwɔ ɓa 32:31

Moisə ə pənə ə li Yai-Laa pɔ, yɛ mą: «Nuąi ŋɛ̨i daa nɛ̨ŋɛ̨n gɛnɛ̨ həɠə, daa di kpɔɔ hali pɛli a hɛni.

Azaya 2:20

Ɲələi tii a həli, ɉaliɠaai di bɛli a wali da hɛni, diɛ kwɛli hvilɛn mą, da nɛɛ kpəɠəiɠaa da lɔwɠaa di yəi.

Azaya 30:22

Mąą nįnįn ɉaɠaaɠaai da kɛ nwali ya pui diɛ, da yiiɠaai kwɛli yɔw nuą da bu, diɛ ɉɛni-yá pu diɛ, mąąnɛ̨ɛ̨ ka gəlee kaa a hɛn mąąliɓiɛɠaa, ka di pili, yɛ bələi da hɛn ɲɔ̨nwɔ̨ɔ̨ pili la ɛlɛɛ, yɛ́ diɛ: 'Ka kulɔ ɓɛ!

Azaya 46:6

Nu taɠaa da di wɔ hɛni hu kala, diɛ wali kɔ́ɔn, diɛ yɛlɛ kɛmun ɉala, hali pɛli mɛ̨nį ɓa, ɛlɛɛ, diɛ di mąąwiɛ, diɛ pɛlɛ di liiɓa, diɛ kwɛli hvilɛn diɛ.

Ɉeremi 10:9

Ɉaliɠaa tii da di mąą tí a wali kwɛli ya yii da həɠə la Tarsisə da hɛni ya, yii da ɉəɠə Ufazə yɛlɛ nuą ɓə da bɛli, da kwɛli yɔw nuą. Diɛ di mąą yili a həɠə kpɔlu, a wala kɛ tii pala həɠə. Ɉaliɠaa tii kaa lɔ a yɛlɛ nuą kɛ kóló.

Ɉeremi 16:20

Akɛti nu a mɔ̨ɔ̨ pɛli yáláɠaa pɛlii a gbɔwɔ nwɔɔ? Ya pa, ɉɛnŋaa tii di hvo ɓaa yáláɠaa.»

Danîa 2:48

Yili pulu, tɔɔmun ə heei kɛnɛ̨ tɛɛ Daniɛlə pɔ, ə bɛlɛ hɛn gɔw kɛnɛ̨ ɓa. Tɔɔmun ə Daniɛlə kɛ a Guvɛnɛɛli Babilonə lɔi nwun na, ə pənə ə gɛ a gilimaa nuą kpɔ di kaa Babilonə lɔi hu di nwun nąmu.

Danîa 2:49

Daniɛlə ə nɛ̨ɛ̨mąą hvə tɔɔmun ma, ə gɛ, di Babilonə lɔi ɲąąwooɓoɔ ɲɛ̨i tɔwɔ laa tɛɛ mɛlaa: Sadrakə, Mesakə da Abɛdə-Nego di pɔ. Yii ɓaa Daniɛlə nwɛi, ya ɓə kɛ a tɔɔmun niɛwoo kɛ mun.

Danîa 3:14

Tɔɔmun yɛ diɛ: «Akɛti tɛ̨ą ɓaa mɛ̨nįi ŋɛ̨i nuą ŋɛ̨i kaa moi a ka laai, diɛ kɛ mą: Ka hvo kwɛli hvilɛn ɉii nwɔ́ yáláɠaai diɛ, ka hvo mąąwiɛ tɛɛ nwɔ́ mąąnįnįn ɉaɠaai pɔ, yii ŋą́ bɛli?

Danîa 3:30

Yili pulu, tɔɔmun ə Sadrakə, Mesakə da Abɛdə-Nego ni di tɔɔi ta kɛ mą Babilonə lɔi hu.

Danîa 5:23

Yaa ə́ muhəɠə Yálá ŋɛ̨i gaa hɛn gəlee nwun mɛ̨i naa ɓa, yaa ɲəi bɛlɛ́n ɉɛnŋaa həɠə, yɛ́, ə́ wɔ wɛli nɛ̨ąąi, ə́ nɛ̨ąni da ə́ wɔ nu kpɛa-kpɛaɠaai, kaa lɔɔ kpələ ɉu. Yili pulu, yáláɠaai ŋɛ̨i di kaa a: wali kwɛli, hɛni, ɓala kwɛli, kwɛli, wulu da kwɛni maahaɠaaɠaa, diɛi di hva kɛɛ kaa, di hva mɛ̨nį mɛ̨n, kili hvo diɛ, kaa kwɛli hvilɛn diɛ, ka hvo gɛ li ka hvo mąąwiɛ tɛɛ Yálá pɔ, yaai ə́ nɔw kaa ɲəi, da ə́ kɛ mɛ̨nįɠaa kəlee.

Danîa 5:4

Ɓɛlɔwai kɛa di pilɛ la nɔɔ hu, di wɔ yáláɠaai ŋɛ̨i kɛ a hɛni, wali kwɛli, ɓala kwɛli, wulu da kwɛni maa haɠaa, diɛ di mąąwiɛ.

Osia 2:8

Yili mąą mɛ̨nį ɓa, gáá pai ə́ wɔ pələɠaa pui a ɲąąlənŋaa, ŋį́ gala yili ɉu, ɛlɛɛ, hva kɛa ə́ tɛɛ pələ kaa.

Osia 8:4

Di tɔɔɓɛlaa hee di hvo mą́ą́nin gɛ, di di ɲɛ̨itɔwɔ nuą hee, və́ kɛ hvaa li mą. Di haliɠaa pɛli di kpɔwɔ ɓa, a di yəi waliɠaa, da di yəi hɛniɠaa, diɛ kpinįi, di hu yɛ pɛli kalai la.

Habakukə 2:19

Kpalo ɓɛlaai kaa! Kaa ɓə ka hee, kaa kɛ kwɛi kpuwɔ ɓa: «Ə́ ɲɛ̨ilaa ɓo!» Kaa kɛ kwɛni kpuwulu ɓa: «Ə́ muhəɠə!» Yaan, ɉɛnŋąą tii di hva pɛli mɛ̨nį ta lɛi kaa. Ə mą kpɛli kɛ, kaa hɛni ya, da wali ya hiɛ diɛ, di hvo a di hvulú!

Gɛlaɠaa 17:29

«Yii kani gu kaa a Yálá huwu, mąą hvo nɛ̨ɛ̨li, gu hvo kɛ diɛ, Yálá kɛ pələ kaa yɛ hɛni, yɛ wali kwɛli, a wala kɛ ti, yɛ kwɛni, a hɛn da ɉaɠa a yɛlɛ́, a nu kanŋaa di wɔɔ kilikɛɲəi laa.

Gɛlaɠaa 19:26

ɛlɛɛ yaan, ya ka tii ka káá nąą kaai, awala kɛ tii, káá bələ mɛ̨n, hvo lɔ a Efɛsə yaa tɔ̨nɔ̨, kɛlaa Asi lɔi nąą kəlee, Polə aa pili nu kpulu kɛnɛ̨ɛ̨ wəlii a nwɔ kalan nwooi, yai a kɛ la diɛ: ‹Ɲáláɠaai gwa kɛ di pɛlii a gu yee, di hvo a yáláɠaa.›

Dutɛrɔnome 7:25

Di wɔ hali mąą nįnįnŋaai mąąnɛ̨ɛ̨ ka di kələn; ɛlɛɛ, nwali kwɛli, da ɉɛnii tii bɛlɛɛ di kɔ́lɔ ɓai, ka ɲɛ̨i hvo kulɔ bɔ, əgɛ, ka da həɠə, hvo pa kɛ a hɛlɛn ka tɔwɔ. Mąąhɔlɔɓo, yili a kɛ a mɛ̨nį ɲɔ̨nwɔ̨ɔ̨ kɛnɛ̨ Yai-Laa ka wɔ Yálái ɲɛ̨i ɓa.

M̀ɛni-lɛɛi 9:20

Yii ɓaa nu kan gbəli, a diɛi di hvo haa li mɛ̨nį ɲąąnwąnąąɠaa tii hu, di hvo gɛ di hvo di yee kulɔ di wɔɔ tuwɔ pələ ɲɔ̨nŋaa hu, di kɛli lɔ kwɛli hvilɛn ɲįnɛ̨nŋaa diɛ, haliɠaa diɛ, diɛi a hɛni, a wali-kwɛli, a ɓala-kwɛli, a kwɛnį, awala kɛ tii, a wulu; diɛi di hva kɛɛ kaa, di hva mɛ̨nį mɛ̨n, di hva hiɛ.