Danîa 2:46 - Yálá laawoo hɛɓɛ (dc)

⁴⁶ Nąąlɔwai, tɔɔmun Nabukodonosorə ə pɛlɛ nɔi ɓa, ə kwɛli hvilɛn Daniɛlə ɓa. Yili pulu, ə mo yɛ diɛ: «Ka pa a haláá hɛn gu dɛɛ Daniɛlə pɔ da wulɔ kun nɛ̨ɛ̨.»

Yálá laawoo hɛɓɛ

⁴⁶ Nąąlɔwai, tɔɔmun Nabukodonosorə ə pɛlɛ nɔi ɓa, ə kwɛli hvilɛn Daniɛlə ɓa. Yili pulu, ə mo yɛ diɛ: «Ka pa a haláá hɛn gu dɛɛ Daniɛlə pɔ da wulɔ kun nɛ̨ɛ̨.»

Bible

⁴⁶ Nya ƃe Gâloŋ Nɛbukinaza è laa kpɔ́ ǹɔii ma kpalaɣa Danîa ŋɛ́i a ƃaa kɛ́-maa pere. È mò a gɛɛ dí sama-sɛŋ da kéreŋ-sɛŋ kúŋ nɛ̃ɛ tɛɛ Danîa pɔ́.

Danîa 2:46 ပူးပေါင်းရင်းမြစ်များ

Ɛsdrasə 6:10

Ə gɛ, diɛ yələkɔlɔn ɉu Yálá liilaa haláá kulɔ, ɛlɛɛ, diɛ Yálá hvɛli tɔɔmun da nonnii di yii hvóló mąą mɛ̨nį ɓa.

Danîa 3:5

Yɛ diɛ: Ɓɛlɔwai ka káá pai Nįŋɛ̨ mįnɛ̨ tulu woo mɛ̨n ɉii la, da ɓɔɔ tulu, ə lɛɛ da gologwɛni, ə mą kɛ bɛlɛgwəi gwɛnįn, da kornəmusə tulu woo, da hvɛli kɛ hɛnŋaa lɔpee gəlee woo, ka pɛlɛ nɔi ɓa, ka kwɛli hvilɛn tɔɔmun nwɔ mąąnįnįn ɉaɠaai ŋɛ̨i ɓa.

Danîa 3:7

Yili ɓə gɛ, ɓɛlɔwai nuą di vɛli kɛ hɛnŋaa tii woo mɛ̨n na, di pɛlɛ nɔi ɓa, di kwɛli hvilɛn tɔɔmun nwɔ mąąnįnįn ɉaɠaa tii kɛ a hɛni, ma.

Danîa 8:17

Gabriɛlə ə lɛɠɛ mą́ą́, ɓɛlɔwai ə kɛi mąą lɛɠɛ la mą́ą́, ŋą́ ɲɔw kpɔ kɛnɛ̨, ŋą́ pɛlɛ nɔi ɓa gɔwɔ mu. Yɛ mą́ą́: «Daniɛlə, pələi mąn kaa la a nu, mąąnɛ̨ɛ̨ ə́ gbaɠala kaa yɛ́ diɛ, yɛnɛ̨ɛ̨ ɲąąkpɛɛi lɔwai mɛ̨nį ka ŋɛ̨i ə́ gaa.»

Levetekɔ 26:31

Gáá pai ka wɔ taa kpɛa-kpɛa lɛɛi a taa kpoloon, gɛ́ ka wɔ kɛɛnąą mąąhəɠɛɛɠaai mąąwɛli; vá kɛa ka wɔ lansan kun mɛ̨n.

Lukə 17:16

Ə pa ə pɛlɛ Jesus kɔ́wɔ mu, ə ɉɛɠɛɛ ɓo. Ɉulɔnui tii ə kɛ a Samari mun.

Gɛlaɠaa 10:25

Piɛrə kɛɛ pai, Kɔrnɛyɛ ə pa, ə nɛ̨nɛ̨ɓo, ə pu nwungbəla, a mąąwiɛ pələ.

Gɛlaɠaa 14:13

Ɉeusə mąąwiɛ pɛlɛ́ a kɛ daa kpala, nwɔ haláá laa həli mun ə pa a niŋɛ̨ hilɛɠaa di mąąyiliɛ a wulu powa lɛlɛɛɠaa, daa kpala; da daa nuą di woo ə laa mą, diɛ kɛ di halaa kulɔ la gɛlaɠaa diɛ.

Gɛlaɠaa 28:6

Ə kɛ nuą kwəi, Polə kaa pai hvɛɛi, ə too a powa. Di nąą mąąkpɔn a ɉu kwɛaa, yii kɛa di gaa diɛ mɛ̨nį ta hvo Polə ɓa, di di woo mąąhvalin, diɛ kɛ: «Yálá ta ka.»

M̀ɛni-lɛɛi 11:16

Nu pɔlɔ-pɔlɔ pow-hveelɛ-kɔw-nąąn tii heeni di wɔ tɔɔkpəlinŋaai hu Yálá liila, da pɛlɛ nɔi ɓa, di gwɛli hvilɛn Yálá ɓa,

M̀ɛni-lɛɛi 19:10

Ya ɓə, ŋą́ pɛlɛ gɔ́wɔ mu, gɛ́ kɛ ŋį́ gwɛli hvilɛn mą, kɛlaa, yɛ mą́ą́: «'Hvo kɛ ə́ kaa gɛi tii! Gáá lɔ a tímun, ə́ mąą mɛ̨nį ɓa, ɛlɛɛ, da ə́ nąn nonnii, diɛi di yee kąnąnŋąą Jesus ŋą kɛla wooi ɓa.» Yálá ɓə mąąnɛ̨ɛ̨i ə́ gwɛli hvilɛn mą, gbala ə tɔɔ, Jesus ŋą kɛla wooi, ya ɓaa a mɛ̨nįi pai kɛi ŋą kili.

M̀ɛni-lɛɛi 22:8

Ɲą́ą́ Ɉaan, ŋį́ mɛ̨nįɠaa tii mɛ̨n, ɛlɛɛ, ɲɛ̨́i ə tɔɔ ɉu. Yii kɛa ŋį́ gaa, ŋį́ mɛ̨n na, ŋį́ pɛlɛ níiɓa, əgɛ, ŋį́ gwɛli hvilɛn, malakai tii mɛ̨nįɠaa lɛ mą́ą́ gɔwɔ mu.