Danîa 2:37 - Yálá laawoo hɛɓɛ (dc)

³⁷ «Oo Tɔɔmun! Yɛ́ ɓə ə́ kaa a tɔɔɓɛlaa di wɔ tɔɔmun, mąąhɔlɔɓo, Yálá yii gaa yələkɔlɔn ɉu, aa tɔɔlaa, huwalawala, da hvaŋą, ə lɛɛ, mąąwiɛ tɛɛ ə pɔ.

Yálá laawoo hɛɓɛ

³⁷ «Oo Tɔɔmun! Yɛ́ ɓə ə́ kaa a tɔɔɓɛlaa di wɔ tɔɔmun, mąąhɔlɔɓo, Yálá yii gaa yələkɔlɔn ɉu, aa tɔɔlaa, huwalawala, da hvaŋą, ə lɛɛ, mąąwiɛ tɛɛ ə pɔ.

Bible

³⁷ Yá, óo Gâloŋ, yá ƃa Gâloŋ, kâloŋ-ŋa kélee mɛi. Ɣâla nyii gáa ɣelei a gɛ́ ya kɛ́ a ǹɔii mɛi-nuu. A kponoi kpanaŋ, wála-wala-laa da ƃaa kɛ́-maa kɛ́ a ípɔɔ.

Danîa 2:37 ပူးပေါင်းရင်းမြစ်များ

Tɔɔɓɛlaa veelɛ 25:28

Ewilə-Merodakə ə kɛi hvaa Yoyakin pɔ a wɛlikɛ mąą laa, ə heei kɛnɛ̨ tɛɛ Yoyakin pɔ a ɲee muhəɠɛɛ ə tɛɛ dɔɔɓɛlaa kpɔ tii da diɛni di kɛ nuwɔ laa yɛnɛ̨ɛ̨ tɔ̨nɔ̨i tii hu di wɛiɠaa diɛ.

Kɔlɔnikɔ Veerɛi 36:23

«Pɛrsə tɔɔmun Sirusə woo ka, yɛ: Yələ kɔ́lɔn ɉu Yálá Yai-Laa, aa yɛnɛ̨ɛ̨ ɓɛ tɔɔlaaɠaa kəlee tɛɛ bɔ́! Ya ɓə, Yaa kpįnįi tii, yɛ, ŋį́ pɛlɛ́ tɔɔ mą Ɉerusalɛmə yai gaa Ɉuda lɔi hu. Ká nɛlɛ ɓə gaa a Ɲálái tii ŋą nu huwu ta? Gɛ́, nwɔɔ Yálái Yai-Laa ə lɛɛ bɔ, mąą nui ə tɛɛ ə li Ɉerusalɛmə daai!»

Ɛsdrasə 1:2

«Pɛrsə tɔɔmun Sirusə woo ka: Tɔɔlaai kpɔ ɓɛ lɔi mɛ̨i nąą kəlee, Yai-Laa, yələkɔlɔn ɉu Yálá, aa gəlee tɛɛ bɔ́. Aa dí, yɛ ŋį́ pɛlɛ́ tɔɔ mą, Ɉerusalɛmə daai, Ɉuda lɔi hu.

Ɛsdrasə 7:12

«Artasɛrsɛsə, tɔɔɓɛlaa di wɔ tɔɔmun, gáá yələkɔlɔn ɉu Yálá nwɔ tɔ́n gɔlɔn mun a haláá laa həli mun Ɛsdrasə túwɔ́ ɓoi, yɛ li la tɔwɔ pələ.»

Mąątɛ̨nɛ̨ 62:11

'Ka hvo ka kili lɛɛ nwąnąlɔ ɓa, 'ka hvo kɛ lɔ gilɛ ŋą, toomɛ̨i kɛ mɛ̨nį ɓa. Hɛn ə mą kɛ̨nɛ̨ ka yəi, 'ka hvo ka kili lɛɛ mą.

Hanwon 8:15

Ɲą́ą́ ɉáálai ɓə tɔɔɓɛlaa da tɔɔlaa kɛ la, ɉáálai ɓə kiti tee nuą da dee la a ɉaŋąą.

Azaya 10:8

Hvo gaai, gaa kɛi diɛ; «Ŋą́ kɔ́ kuláaɠaai di hvo mɔ̨ɔ̨ ɓɔ́ a tɔɔɓɛlaa?

Azaya 47:5

'Ə́ mąą yɛɛ! Woo tɔ̨nɔ̨ kpɛli hvo kulɔ ə́ la! 'Lɔ kpinį pɛlɛ́ mu, Kalde nɛ̨ɛ̨gbɛla! Mąąhɔlɔɓo, di hvo kɛa pai kɛi ə́ laa ɓa: «Tɔɔ lɔiɠaa ɲąąwooɓomun.»

Ɉeremi 28:14

Ɉeremi yɛ mą: «Hvó gaai, Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka, yɛ diɛ: ‹Kwɛli kpɔ̨nɔ̨ ɓə gáá lɔi kəlee tooi ŋą, diɛ lɛɛ Babilonə tɔɔmun Nabukodonosorə ye mu, di kaa pai tí mą, ə mą kɛ, lɔwɔ huwɔɠaa ɓə, gáá di lɛɛi ɲee kɔ́nma.›»

Ɉeremi 34:1

Ɓɛlɔwai Nabukodonosorə Babilonə tɔɔmun, nwɔ kɔlaɠai, da yɛnɛ̨ɛ̨ tɔɔɓɛlaai kpɔ nwɔ heeɓolaa ə kɛ di mɛ̨i, da nuąi daa kɛ kɔ́ pɛlɛ Ɉerusalɛmə ɓa, da gwɛlɛ taaɠaa kəlee, nwooi ŋɛ̨i ə həɠə Yai-Laa pɔ, yɛ həli Ɉeremi ɓa, yɛ kɛ mą:

Izikiɛ 26:7

Mąąhɔlɔɓo, mɛ̨nįi Yai-Laa ka wɔ Yálá kaa moi ya ka: Gáá pai Babilonə tɔɔmun, tɔɔɓɛlaa di wɔɔ tɔɔmun, Nabukodonosorə, gáá pai doli, ə həɠə ɲánwuɔ̨ pələ, ə kɔ́ pɛlɛ Tirə ɓa; gaa pai pai a hooɠaa, a kɔ́ kɔ́-wotoloɠaa, a nuąi hoo mɛ̨i, da lɔi ta kpɛliɠaa, a kɔ́kuláá kpulu kɛnɛ̨.

Danîa 1:2

Ną́mu Yálá ə hvaa mą, Babilonə tɔɔmun, Nabukodonosorə ɲee ə tɛɛ Yoyakimə ɓa, yai kɛ a Ɉuda tɔɔmun. Yili pulu, ɉɛnŋaai ŋɛ̨i kɛ Yálá hee pɛlɛ́ mu, ə bələ tɔ̨nɔ̨ həɠə, ə li a diɛ Sinearə lɔi hu, ə di pu nwɔ haliɠaai yəi bɛlɛ́n, ə ɉɛnŋaai tii pu nwɔ haliɠaai di wɔ hɛn gɔw kɛɛnąą.

Danîa 2:31

«Nwɔ́ tɔɔmun, ə́ hɛn da kaa hįi pələ, gɛnɛ̨, yɛ ɓo yɛ mąąnįnįn ɉaɠaa. Maa nįnįn ɉaɠaa tii kɛnɛ̨i kɛ, yɛ lən kpɔ kɛnɛ̨. Dɔɔi kɛ ə́ lííla, ɲɛ̨i maa ɲɔwɔ.

Danîa 2:44

Dɔɔɓɛlaaɠaai tii di wɔ lɔwai hu, Yálá kaa pai tɔɔ ta heei yii hva taɠa, ə lɛɛ, dɔɔlaai tii hva tɛɛ hįi takpɛli pɔ. Dɔɔlaai tii ɓə pai dɔɔlaagaai tii kəlee ŋąą yɛɛi, yaa kpinįi leelei tii, a lɛɛ kɛa laa a yələ kəlee.

Danîa 4:19

Oo tɔɔmun, yɛ́ ka tii! Yaa kɛnɛ̨, ə́ yee a walawala, ə́ wɔ kɛnɛ̨ laa aa tɛ yɛ həli yələkɔlɔn ma, ə́ wɔ yeetɛɛmąą laa aa həli lɔi nąą kəlee.

Danîa 4:22

Yálá kaa pai ə́ kulɔ́i nuą lɔwai, ka lɔwɔ huwɔɠaa kaa ɓo ka kee pɔ, ə́ kaa pai kɛi kala nwunu mįi yɛ Nįŋɛ̨, luwuluwu tulɔ kaa pai ə́ kɛlɛi, ə́ kaa pai kwɛlan mɛ̨ihveelɛ kɛi gɔlɔi tii hu; ə lɛɛ la ɉu, ə́ gɔlɔn yɛ́ diɛ: Yálá yii gaa hɛn gəlee nwun mɛ̨i, ya ɓə gaa tɔɔlaa kəlee nwun mɛ̨i, ə lɛɛ, nui Yálá kaa bɔ, ya ɓə a tɔɔlaa tɛɛ bɔ.

Danîa 4:25

Mɛ̨nįɠaai tii kəlee laa ə hvɛɛ tɔɔmun Nabukodonosorə ɓa.

Danîa 4:3

Yili ɓə gɛ, ŋą́ nwɛlɛɛ tɔɔ, ə gɛ, kilimąą nuąi di kaa Babilonə lɔi hu, di pa, di ɉįi tii hukulɔ.

Danîa 4:32

Lɔi mɛ̨i heeɓo nuą kəlee di kaa lɔ yɛ hɛn yii mɛlɛ hvo mą, yii lɔpee Yálá kaa bɔ, ya ɓə a gɛ yələkɔlɔn ɉu malakaɠaa diɛ, ə mą kɛ lɔi mɛ̨i heeɓo nuą kəlee. Nui lɔpee ta hva pɛli kpəɲan ɉii Yálá kɛ mɛ̨nį tɔwɔ, yɛ kɛ mą: «Lə ɓə ŋɛ̨i ə kaa gɛi?»

Danîa 4:34

Yii hu kɛa, ɲą́ą́ Nabukodonosorə, Yálái ŋɛ̨i gaa a yələkɔlɔn ɉu tɔɔmun, gáá mąąwiɛi, gɛ́ naa mąątɛ̨nɛ̨, gɛ kɛnɛ̨ laa tɛɛ bɔ. Yálái tii kɛ mɛ̨nįɠaa kəlee kaa a tɛ̨ą, nwɔ kpaaləɠaa kəlee haŋąąi. Nuąi da hiɛ a hu ɲąŋą kɛnɛ̨ pələ, a di mąąyɛɛ.

Danîa 5:18

Oo tɔɔmun, Yálá yii gaa hɛn gəlee nwun mɛ̨i, ə tɔɔlaa, kɛnɛ̨ laa, ɓɛlɛ kɛ maa da mąąwiɛ tɛɛ ə́ nąn Nabukodonosorə pɔ.

Danîa 7:14

Di yeetɛɛmąą kɛnɛ̨ laa, da tɔɔlaa tɛɛ bɔ. Híín lɔpee gəlee, hįi wooi lɔpee gəlee ɓo nuą, di kɛ a nwɔ kóló kɛ nuą. Nwɔ heeɓo laa ə kɛ a yii kpɛɛ hvo mą, yii hva tɛɛ, nwɔ tɔɔlaai kala hvo mą a yələ kəlee da nwɔɔ.

Osia 8:10

Di mą hamą pilɛɠaa ɲąąkwɛlɛ nɔiɠaa hu, gáá kɛa pai di ɲąąkpɔn ɉii, ɛlɛɛ ɉu hvo pai kwɛai, di mąą kaa pai kɛi kpalin ɉii, tɔɔɓɛlaa di wɔ tɔɔmun nwiɛ mu.

Maafîu 6:13

Hvo ku lɛɛ laa ku hvo too ɲąą hɛn mɛ̨nį hu. Kɛlaa, ku kulɔ mɛ̨nį ɲɔ̨n ɉu. Mąąhɔlɔɓo, ə́ pɔɔ ɓa tɔɔlaa, da heeɓolaa da mąąwiɛ, əlɛɛ la ɉu wɔ. Mįįną.›

Ɉaan 19:11

Jesus ə́ nwoo pulu pənə yɛ mą: «Hvá pɛli kɛ mɛ̨nį lɔpee ta kɛi a ɲą́ą́, akɛ hvo həli li həɠə yələi. Yili ɓə gaa mą, nui nɔ́wɔ́ tɔɔ yɛ́, nwɔ nɛ̨ŋɛ̨n kɛnɛ̨i ə́ nwɛi ɓa.»

M̀ɛni-lɛɛi 1:5

ɛlɛɛ, yɛ həɠə Jesus Kristə yəi, yai a kɛlai a kulɔ nwoo ɓa, yai a nu dɔlɔɔi nwun yɛ kulɔ haa nuą lɔwai, ɛlɛɛ, lɔi mɛ̨i hééɓolaa kəlee di wɔɔ Hééɓomun. A nui gu wɛli kaa mą, yai gu kulɔ gu wɔ nɛ̨ŋɛ̨nŋaa yəi a ɲąmą,

M̀ɛni-lɛɛi 17:14

Di kaa pai kɔ́ pɛlɛi Mɛlaa Lon ma, ɛlɛɛ, Mɛlaa Lon ɲee kaa pai tɛɛi diɛ, mąąhɔlɔɓo, ya ɓə gaa a nąmuɠaa kəlee di Nąmu, hééɓoɠaa di wɔ Hééɓomun, ɛlɛɛ, yaa, da nuą ə di təli, ə di həɠə ɉu, ɛlɛɛ, tələnmo nuą, da diɛni di yee kaa pai tɛɛi mą.»

M̀ɛni-lɛɛi 19:16

Laa ta pɛ̨ɛ̨i kɛ ŋą həɠəi ɓa, da nwɛlɛ mɛ̨i, diɛ kɛ mą: «Hééɓoɠaa di wɔɔ Hééɓomun, nąmuɠaa di Nąmu.»

M̀ɛni-lɛɛi 4:11

«Oo! Ku Ną́mu, ku wɔɔ Yálá, yɛ́ ɓə ə́ mąąnɛ̨ɛ̨i ku, mąąwiɛlaa, kɛnɛ̨laa da hvaŋą laa kɛ yɛ́, mąąhɔlɔɓo, yɛ́ ɓə hɛn gəlee pɛli, Yɛ́ ɓə hvaa mą diɛ kɛ yɛnɛ̨ɛ̨, ɛlɛɛ diɛ yɛnɛ̨ɛ̨ kɛ.»

M̀ɛni-lɛɛi 5:12

Di kɛli mo kpɔ a di woo kɛnɛ̨ɛ̨ diɛ kɛ mą: «Mɛlaa Lon di gulɔ a haláá, yaa lɔ ɓə mąąlaa kaa ɲəi, yɛ pɛli huwalawalalaa, hɛn nąmu laa, kilikɛɲəi laa hvaŋą, mąąwiɛlaa da mąątɛ̨nɛ̨ɛ̨ hɔlɔɓoi.»