Danîa 2:2 - Yálá laawoo hɛɓɛ (dc)

² Tɔɔmun ə nɛɛmą, ə nwɔ tɔlikpɛ nuąi təli, ə mą kɛ nwɔ hali nąmįnąai, da nuąi da kɛi kwɛli hvilɛn ɉii pɛmɛ̨nɛ̨n gɔwɠaa diɛ, ə lɛɛ, da nwɔ Kilimąą nuą; ə gɛ, ɉįi tii ə gaa, di gili too ŋą. Nuąi tii kəlee di pa, di həli tɔɔmun ma.

Yálá laawoo hɛɓɛ

² Tɔɔmun ə nɛɛmą, ə nwɔ tɔlikpɛ nuąi təli, ə mą kɛ nwɔ hali nąmįnąai, da nuąi da kɛi kwɛli hvilɛn ɉii pɛmɛ̨nɛ̨n gɔwɠaa diɛ, ə lɛɛ, da nwɔ Kilimąą nuą; ə gɛ, ɉįi tii ə gaa, di gili too ŋą. Nuąi tii kəlee di pa, di həli tɔɔmun ma.

Bible

² Nya ƃe è ŋɔtɛli kpɛ́-ƃelai, bóniŋ kɛ́-ƃelai, duɛ-mɛni ƃó-ƃelai da dáre-ƃelai tòli a gɛɛ dí pá a dí zu-kula mì. Tãi dí pà la dí tɔ́ɔ ŋɛ́i,

Danîa 2:2 ပူးပေါင်းရင်းမြစ်များ

Zɛnɛse 41:8

Yələ ɓɔɔ kɛa, ɉįi tii tɔɔmun ə gaa, ə́ liihɛlɛn doo mą, ə nɛɛ mą ə nwɔ pənən gɛ nuą da nwɔ kilimąą nuąi təli, ɉįi tii ə gaa ə ɉukulɔ diɛ. Kɛlaa, dɔ̨nɔ̨ kpɛli hvo pɛli mukulaa lɛi tɔɔmun ma.

Lɛɛ gbɔwɔ ɓa 7:11

Tɔɔmun ə nɛɛmą ə Eziptə, gilimąą nuą, dɔlukpɛ nuą da bənən gɛ nuą təli, ɛlɛɛ, diɛ kpɛli di da kɛ.

Azaya 19:3

Eziptə kili a kpɛɛ ɲəi, gɛ́ nwɔ kilikɛɲəi hu kala, di kaa pai kɛi di nwun dɔɔi a haliɠaa da kwɛlɛɛngɛ-nuą, diɛ ɲɛ̨ąkpɛ nuą mąąni kɛ, ə mą kɛ tɔlukpɛ nuą.

Azaya 8:19

Akɛtii da kɛ kaa: «'Ka ɲɔ̨muątaa tɔlukpɛnuą mąąni kɛ, 'ka tɔlukpɛnuą, ɲɛ̨ąkpɛnuą, da kpɛɛn bili nuą di mąąni kɛ, akɛ tii, mąą hvo nɛ̨ɛ̨li nuą diɛ di wɔ haliɠaa mąąni kɛ, ɛlɛɛ, diɛ ɲɔ̨muą hvɛli nu hulúɠaa mąą mɛ̨nį ɓa?»

Danîa 1:20

Yii kpɔ hvilɛn na kili mɛ̨nį, da nwun gɛ ɉu mɛ̨nį ɓa, tɔɔmun ə nwɔ tɔlikpɛ nuąi kpɔ di kaa laa, da nuąi da kɛ kwɛli hvilɛn ɉi pɛmɛ̨nɛ̨n gɔwɠaa diɛ, ə gəlee mąąnin gɛ, kɛlaa, ə Daniɛlə da mɛlaa di wɔ woo ŋąąpənə kaa, viɛlaɓoɔ gee mɛ̨i pow, ə tɛɛ nuąi tii kəlee diɛ.

Danîa 1:4

Mąąnɛ̨ɛ̨ di kɛ a hilɛlɛai kiliin ɉii ɲɔ̨nwɔ̨ɔ̨ hvo diɛ, di lɛlɛɛ, kili yɛ ɓo diɛ, diɛ ɓo a mɛ̨nį kɔ́lɔn nuą, di nwun ə ɓo di hu. Di kɛ a nuąi da pɛli di kɛ ɲə́i dɔɔ-pɛlɛ́ mu. Diɛ ɓə di kaa pai di kalan ɉi a Kalde woo, da ɉɛɓɛ́ kɔ́w.

Danîa 2:10

Gilimaa nuą di tɔɔmun nwoo ŋąąpənə nwɔ̨nɔ̨, diɛ mą: «Mɛ̨nįi ŋɛ̨i tɔɔmun gaa ɉu hvɛlii kuɔ, nui lɔpee ta hvo ɓɛ lɔi mɛ̨i, yii a pɛli mą. Ə ma kpɛli kɛ, tɔɔmun da aa ta kɛ laa, gɛnɛ̨, ɲee walawalaa, hvo ta mɛ̨nįi ŋɛ̨i ɲɔ̨nwɔ̨mąn ɉu hvɛli li nwɔ tɔlikpɛ nuą diɛ, da nuąi da kwɛli hvilɛn pɛmɛ̨nɛ̨n gɔwɠaa ɓa, ə mą kɛ nwɔ Kilimąą nuą diɛ.

Danîa 2:27

Daniɛlə ə mo tɔɔmun ma, yɛ mą: «Mɛ̨nį loɔ ŋɛ̨i tɔɔmun gaa bɔ ə ɉukulaa kɔ́lɔn, gaa a mɛ̨nį yii, kilimąą nuą ə mą kɛ, nuąi da kwɛli hvilɛn pɛmɛ̨nɛ̨n gɔwɠaa diɛ, da tɔlikpɛ nuą di hva pɛli mą ɉukulɔi tɔɔmun ma.

Danîa 3:8

Nąąlɔwai tii hu kpɔlɔɔ, Kalde nuą taɠaa, də li di Ɉuifəɠaa maa ɲaba lɔ.

Danîa 4:3

Yili ɓə gɛ, ŋą́ nwɛlɛɛ tɔɔ, ə gɛ, kilimąą nuąi di kaa Babilonə lɔi hu, di pa, di ɉįi tii hukulɔ.

Danîa 4:6

Gɛ́ ma: «Bɛltsasarə, yɛ́i ə́ kaa a dɔlikpɛ nuą nwun nąmu, gíli ka ɉu gɛ́ diɛ, Yálá yii gaa a Vulú, nwɔ́ Nii kaa ə́ mɛ̨i. Yálái tii ɓə mɛ̨nį loɔ ta lɔpee hvo walawala li ɲəi. Ɉiin ŋɛ̨i ŋą́ gaa, gɛ́ ə́ ɉukulɔ mą́ą́.

Danîa 5:7

Tɔɔmun ə tomą kpɔ a nwoo kɛnɛ̨ yɛ diɛ: «Ka mo, nuąi da kɛ kwɛli hvilɛn ɉii pɛmɛ̨nɛ̨n gɔwɠaa diɛ da Kilimąą nuą, ə lɛɛ da tɔlikpɛ nuą di pa.» Tɔɔmun ə mo Babilonə Kilimąą nuą tii diɛ, yɛ diɛ: «Nui lɔpee, ɉɛɓɛ́i ŋɛ̨i bɛ̨ɛ̨ bɛlɛ ɓa, a pɛli moi, ə ɉukulɔ mą́ą́, ŋą́ nini kɔ́lɔ həɠə too gwąną, ŋą́ hɛni kwɛɛn doo gwąną, ə lɛɛ, mąą nu a tɔɔi ɉaaɓa kɛɛnąą hɔlɔɓo nwɔ́ tɔɔlaai hu.»

Samuɛlə dɔlɔɔ 6:2

Filisti nuą di di wɔ haláá laa həli nuą, da dɔlikpɛ nuą mąąnin gɛ, diɛ diɛ: «Lə ɓə kwa pɛli gɛi a Yai-Laa nwɔ kəhii ŋɛ̨i? Bələi kwa pɛli gɛi la kuɔ pɛli dɛɛi ɓɛi ə həɠə laa; ka bələ lɛ kuɔ?»