Danîa 2:12 - Yálá laawoo hɛɓɛ (dc)

¹² Nwoo tii mɛ̨n tɔɔmun ə mo, ə níiɲąnwąną kpɔ kɛnɛ̨. Ə mo, yɛ diɛ: «Gilimaa nuą ŋɛ̨i di kaa ɓɛ Babilonə daai, ka di hon, ka di paa.»

Yálá laawoo hɛɓɛ

¹² Nwoo tii mɛ̨n tɔɔmun ə mo, ə níiɲąnwąną kpɔ kɛnɛ̨. Ə mo, yɛ diɛ: «Gilimaa nuą ŋɛ̨i di kaa ɓɛ Babilonə daai, ka di hon, ka di paa.»

Bible

¹² Nya ƃe gâloŋ è ǹíi ŋwâna é m̀ó a gɛɛ dí ŋɔtáre-ƃelai kélee páa Babelɔŋ.

Danîa 2:12 ပူးပေါင်းရင်းမြစ်များ

Zôo 5:2

Kilikpɛɛɲəimun a haa a liikələn gwəi; tolo yɛ hupumun baa.

Mąątɛ̨nɛ̨ 76:10

A ɓɛlɔwai Yálá a muhəɠə la, giti mɛ̨nį ɓa, yɛ nɔi lonnii mąąwɛliɛ kəlee ɓalo.

Hanwon 16:14

Tɔɔmun nii a holi, nu paa nuą too hiɛ li, Kɛlaa, kilimąą mun a tɔɔmun ɉu hon.

Hanwon 19:12

Tɔɔmun a níiholi, gaa yɛ Yala a kɛi kpəɠi, Kɛlaa, a ɲɛ̨i lɛlɛɛ hee yɛ́, gaa yɛ nɛnɲá.

Hanwon 20:2

Tɔɔmun nwɔ liikələn gwəi kaa yɛ yala a kɛi kpəɠi. Nui a tɔɔmu níiholi, a kɔ́ pɛlɛ gbɔwɔ nwɔ yɛnɛ̨ɛ̨ ɓa.

Hanwon 29:22

Nui níiholi laa nɛ̨ɛ̨, a hvaa too. Nui níi kələn ŋąą gwəi, a nɛ̨ŋɛ̨n diɲɛ gee mɛ̨i.

Danîa 2:24

Yili pulu, Ariɔkə ŋɛ̨i tɔɔmun ə kɛ mą: «Babilonə daa kilimąą nuą paa,» Daniɛlə ə li bɔɔli, yɛ mą: «Kilimąą nuą di kaa Babilonə daai, hvo kɛ ə́ kaa di paai. Li a ŋą́ą́ tɔɔmun bɔɔli, ŋą́ nwɔ hįi hukulɔ mą.»

Danîa 2:5

Tɔɔmun ə pənə ə mo gilimaa nuąi tii diɛ, yɛ diɛ: «Mɛ̨nį ŋą́ą́ giti tee gwə́i, ya ka: Akɛ ɉįi tii ŋą́ gaa, ka wala mo, ka hvo mukulaa lɛ mą́ą́, ŋą́ ka kəlee ka hu tee-tee, ə lɛɛ, ŋą́ ka wɔ pɛlɛ́ɠaai wolo, naa ə lɛɛ a kala pilii.

Danîa 3:13

Tɔɔmun Nabukodonosorə lii ə kələn gwəi kpɔ kɛnɛ̨, ə mo, yɛ di pa a: Sadrakə, Mesakə da Abɛdə-Nego ni, nííla. Di nɛɛmą di pa a diɛ.

Danîa 3:19

Nąąlɔwai, tɔɔmun Nabukodonosorə lii ə kələn gbɔ gwəi kɛnɛ̨, Sadrakə, Mesakə da Abɛdə-Nego ni pɔ. Ə mo, yɛ diɛ: «Ka vuulu nwɔ̨n ŋaatɛ kpɔ gee mɛ̨i mɛ̨ihveelɛ, ka dɛɛ bɔlɔ pɔlɔɠaa diɛ.»

Danîa 5:19

Gɛnɛ̨ laai tii Yálá ə dɛɛ bɔ mąą mɛ̨nį ɓa hįi kəlee, nu huwu lɔpee gəlee, hįi woo lɔpee gəlee ɓo nuą, di kɛi ɲɔw ma. Nui kɛ a kɛ bɔ ə baa, a baa, nui a kɛ bɔ ə nɛɛ a vulú, ə nɛɛ a vulú. Nui a kɛ bɔ a tɔɔi tɛɛ bɔ, akɛ nwɔ̨nɔ̨ bɔ ə daɠaa mąąyɛɛ.

Maafîu 2:16

Yii kɛa Herodə ə gbaɠala kaa yɛ, kilimąą nuą daa mowo, nii ə hvoli kpɔ a mɔlɔ. Ə nuą tɔɔ Bɛtleɛmə daai da gwɛlɛ taaɠaa kəlee hu, ə gɛ, di lɛapɛlɛɛ yiiɠaai di kaa kwɛlan gaa tɔ̨nɔ̨ a wala kɛ tii hveelɛ, di di paa, yɛ pələi maageɠaa di nokoloi kaa mɛ̨nį gilaa pono tɛɛ la bɔ.

Maafîu 5:22

Kɛlaa, nwɛ́i gáá moi kaa, nui lɔpee a niiɲąnwąną nu ta ɓa, mąąnɛ̨ɛ̨ di gití tee. Nui nwɔ̨nɔ̨ a kɛ nu ta ɓa: ‹Ə́ kili hvo ə́ yəi›, mąąnɛ̨ɛ̨ di dɛɛ nu kpɛa-kpɛa pɔ di ɉutɔɔ. Nui nwɔ̨nɔ̨ a kɛ nu ta ɓa: ‹Ɓowo mun›, mąąnɛ̨ɛ̨ di bili ɉahanąmą nwɔ̨n ɉu.