Danîa 12:6 - Yálá laawoo hɛɓɛ (dc)

⁶ Ɉəɠə kwəlɛɛ namui ŋɛ̨i kɛ hɛlɛn ni ɲa mɛ̨i, nu hveelɛi tii dɔ̨nɔ̨ yɛ mą: «Mįnɛ̨ lɔwai ɓə gwəi pili mąą mɛ̨nįɠaa ŋɛ̨i kaa pai kpɛɛi la?»

Yálá laawoo hɛɓɛ

⁶ Ɉəɠə kwəlɛɛ namui ŋɛ̨i kɛ hɛlɛn ni ɲa mɛ̨i, nu hveelɛi tii dɔ̨nɔ̨ yɛ mą: «Mįnɛ̨ lɔwai ɓə gwəi pili mąą mɛ̨nįɠaa ŋɛ̨i kaa pai kpɛɛi la?»

Bible

⁶ Ŋ̀âla-taa-kelai nyii m̀aa è kɛ̀ a ŋ̀iriɛɛ a seɣe kôle nenɛ fɛfɛɛ gɛ́ ƃò tɔɔ̂ni ǹyái-ŋua perei, m̀arâŋ-nuui m̀arê kɛ̀ ǹyɛɛ mai, “Ɣele ɣɛɛlu ƃé a lɛɛ m̀ɛni kpɔ̂lu-ŋai ŋí kélee kpɛɛ-ŋa é lɛ́ɛ pâi serîi?”

Danîa 12:6 ပူးပေါင်းရင်းမြစ်များ

Mąątɛ̨nɛ̨ 74:9

Ku hvo kɛa ku kɔ́lɔn ɉɛnŋąą kaai, Yálá kwəi mɛ̨nį hu kulɔ mun da hvo kɛa laa, ə lɛɛ, ku ta hvo mɛ̨nįi ŋɛ̨i kpɛɛ yələ kɔ́lɔn.

Izikiɛ 9:2

Ə kɛ lɔ tii, hinąą mɛ̨ida di həɠə bɛlɛ́ laaləi yii ti kɛ ɲələi pələ, ɲɛ̨i həɛ ɲánwuɔ̨ pələ; di tɛi tɛi di wɔ nu hu kala hɛn ə ɓo di yee ɲą. Nu tɔ̨nɔ̨ ə kɛ di hamąi həɠə kwəlɛɛ ə ɓo gwąną; hɛɓɛ́ pɛ̨ɛ̨ mun ŋą hɛɓɛ́ kpɔwi ə ɓo nwɔ hɛ̨ą yili kɔ́lɔi ɓa. Di pa di tɔɔ gwɛli kpɔlu haláá kulɔi lííla.

Danîa 12:5

Ɓɛlɔwai ɲą́ą́ Daniɛlə ŋą́ kɛi ɉįi tii kaa la, ŋą́ nu hveelɛ kaa, dɔ̨nɔ̨ tɔɔ ɲalee pulu ɓɛ pələ, dɔ̨nɔ̨ yɛ ɓo ɓɛli pələ.

Danîa 12:8

Ɲą́ą́ Daniɛlə, ŋą́ nwooɠaa tii mɛ̨n, kɛlaa, və́ mukulaa kɔ́lɔn. Yili ɓə gɛ, ŋą́ mąąnin gɛ kɛ, gɛ́ mą: «Nwɔ́ mɛ̨nį Nąmu, mɛ̨nįɠaa tii ŋąą kaa pai kpɛɛi ləi?»

Danîa 8:13

Ŋą́ malaka ta woo mɛ̨n, malaka yii ŋɛ̨i kɛi mɛ̨nį ɓo, yɛ yili ɓa: «Ɉaláá ŋɛ̨i da kɛi gulɔi a yələ kəlee da ɉaláá kulɔi, ɓɛi kɛɛ kalamun nwɔ nwąnąlɔ aa hee naa mɛ̨i, da Yálá nwɔ nu kpului ŋɛ̨i tooni nɔi ɓa diɛ bɔlɔn mɛ̨i, mįnɛ̨ lɔwai ɓə yili kaa pai kpɛlai la ma?»

Danîa 8:16

ŋą́ nu ta woo mɛ̨n ɲa lee kɛnɛ̨i tii da kɛ mą Ulai ɉamai yɛ tomą, yɛ kɛ mą: «Gabriɛlə ɉįi tii hukulɔ nui tii ɓa.»

Maafîu 24:3

Jesus ə tɛ ə hee Olivə yee tona, nwɔ kalan nɛai di hee gwɛlɛ di tɔ̨nɔ̨ kɛɛnąą. Di mąąlən gɛ diɛ mą: «Akɛti, mįnɛ lɔwai ɓə kwɛni hvo pai lɛɛ la kwɛni mɛ̨i? Ɛlɛɛ, ə́ pai lɔwai da yɛnɛ̨ɛ̨ ŋɛ̨ɛ̨ kpɛɛi lɔwai kɔ́lɔn ɉɛn lə kɛɛɠaa ɓə ku kaa pai gɔlɔn ɉii la.»

Markə 13:4

«Mįnɛ̨ lɔwai ɓə mɛ̨nįɠaa ŋɛ̨i kaa pai kɛi la? Ɛlɛɛ, lə mɛ̨nįɠaa ɓə kwa gaa kuɔ diɛ mɛ̨nįɠaa tii kɛi lɔwai aa ɉəli?»

Ifisiɛŋ 3:10

Bələ ɓə, ə həɠəla yiihu ɓa, ɲąąwooɓo laa da huwalawala laai yələkɔlɔn ɉu pələ, Yálá ŋą kpɔn háálai ɓə, da Yálá ŋą kilikɛɲəi tamąąi tii gbaɠa la gɔlɔn naa.

Piɛrə dɔlɔɔ 1:12

Di nɛ diɛ, diɛ mą, di wɔɔ hvəli kɛ, kɛlaa ká mąą mɛ̨nį ɓə, di kɛli nwɛlɛɛ tii laa həli la, a yai yiihu kɛa, nwɛlɛɛ lɛlɛɛ laa həli nuą da kɛ ká mąąkwɛlii mą, Kili-Mąąhəɠɛɛ yee kɔnma, yai di dɔɔ yɛ həɠə yələi nwɛlɛɛ lɛlɛɛ tii ɓə, malakaɠaa kaa kɛ bɔ, di di ɲɛ̨i tɔɔ ɉu.

M̀ɛni-lɛɛi 15:6

ɛlɛɛ, malaka mɛ̨ihveelɛi tii mɔ̨nɔ̨ mɛ̨ihveelɛi ə kɛ di yəi, di kulɔ Yálá hee pɛlɛ́ mu; di mąą həɠə yɛ kwələ kpɔ pə-pə, yɛ lən, di hąą yiliɛ a hɛni.

M̀ɛni-lɛɛi 19:14

Gɔlaɠaɠaai yələkɔlɔn ɉu, di hvilɛnŋąą bulu, di heɛ hoo kwɛlɛɛɠaa mɛ̨i, həɠə kwɛlɛɛ pə-pə ə ɓo diɛ.

M̀ɛni-lɛɛi 6:10

Di kɛli tomą a di woo kɛnɛ̨, diɛ kɛ mą: «Ku Nąmu mąąhəɠɛɛ, yɛ́i a Tɛ̨ą, mįnɛ̨ lɔwai ɓə, ə́ kaa pai giti teei la, ɛlɛɛ, ə́ ku ɲąmą kwələ kulɔ lɔi mɛ̨i heeɓo nuą diɛ?»