Danîa 12:4 - Yálá laawoo hɛɓɛ (dc)

⁴ Daniɛlə, nwɛlɛɛ ŋɛ̨i lɛɛ yɛ́ tɔ̨nɔ̨ ə́ kwəi; hvo ɉɛɓɛ́ ŋɛ̨i hu mɛ̨nį kulɔ pɔ̨nɔ̨ŋa, gɛɛ ŋaakpɛɛi lɔwai hvo kɛ ɉəlii. Nąąlɔwai a ɉəli nu tamąą da gɔlɔn, di wɔ mɛ̨nį kɔ́lɔn ŋąą ta a pɛlɛ ma kɛnɛ̨.

Yálá laawoo hɛɓɛ

⁴ Daniɛlə, nwɛlɛɛ ŋɛ̨i lɛɛ yɛ́ tɔ̨nɔ̨ ə́ kwəi; hvo ɉɛɓɛ́ ŋɛ̨i hu mɛ̨nį kulɔ pɔ̨nɔ̨ŋa, gɛɛ ŋaakpɛɛi lɔwai hvo kɛ ɉəlii. Nąąlɔwai a ɉəli nu tamąą da gɔlɔn, di wɔ mɛ̨nį kɔ́lɔn ŋąą ta a pɛlɛ ma kɛnɛ̨.

Bible

⁴ “Kɛ́lɛ yá Danîa, ífe niî m̀ɛnii ŋí duŋ tòo. Gɔlɔi lá-tɛ í zɔ̃ɔŋ tóo é lɛ́ɛ la zu maa tãi é seri. Núu támaa da pâi wɛ̂lii dí m̀ɛnii kɔ́lɔŋ kɛ̂i. Da pâi dítãi dámaa lánîi m̀ɛnii ŋí ma.”

Danîa 12:4 ပူးပေါင်းရင်းမြစ်များ

Azaya 11:9

Kɛɛ kala mɛ̨nį da mɛ̨nį ɲɔ̨n nɔpee hva kɛa kɛ, nwɔ́ yee mąąhəɠɛɛi nwuɔ̨, mąąhɔlɔɓo, nɔi laahvɛɛi a Yai-Laa kɔ́lɔn gili, yɛ bələi yaɠaa kəlee kaa la gboloyá mu, bɛlɛɛ di mɛ̨i.

Azaya 29:11

Mɛ̨nį hu pɔ̨nɔ̨ɔ̨ tii, hu kpinįɛi kaa ɲɛ̨i ɓa, yɛ hɛɓɛ́ laakpulɔɔ hu mɛ̨nį, yaai da dɛɛ hɛɓɛ́ kɔ́lɔnmun bɔ, diɛ mą: «ɉɛɓɛ́i ŋɛ̨i hu woo ɓo», yaan yɛ diɛ: «vá pɛli ɉu woo ɓoi mąąhɔlɔɓo, naa kpulɔɔi.»

Azaya 30:26

Ɲąnin gaa pai kɛi lən ɉi yɛ hvóló, hvóló lən yɛ kɛnɛ̨ geemɛ̨i mɛ̨ihveelɛ, yɛ kɛ yɛ hvóló mɛ̨ihveelɛ ŋą kɛɛ pɔ̨nɔ̨ a pɛlɛ gee ɓa, gaa pai kɛi tii a ɓɛlɔwai Yai-Laa kaa pai nwɔ nuąi di wɔ palaɠaai hali kɛi la, di haɠai di mo, yɛ bala hali kɛ.

Azaya 32:3

Gɛɛ kaa nuą ɲɛ̨i la hva kɛa kpulu, mɛ̨nį mɛ̨n nuą wəli a kɛ a dɔɔ a nɛlɛɛ.

Azaya 8:16

Ɉɛɓɛ́i ŋɛ̨i laa kpulu, mąąkwɛli wooi ŋɛ̨i loo ɲéépɔ nuą diɛ.

Ɉeremi 5:1

Ka tɛɛ Ɉerusalɛmə gwəliɠaa pɔ, ka naa mąąkpɛɛ, ka gaa, ka ka ɲɛ̨i laa gwəli lɔwaiɠaa ɓa, akɛ ka káá pai nu tɔ̨nɔ̨ kpɛli kaai, a nu tɔ̨nɔ̨ kpɛli, yii ɲee hvo túwɔ́ pələ ɲɔ̨n ɉu; dələnmoɔ, yɛ tɛ̨ą kwɛli; akɛ tii ŋį́ daa ŋɛ̨i mąą hvaalɛɛ.

Danîa 10:1

Pɛrsə mun ŋɛ̨i ka kɛ mą Sirusə, yai kɛ a nɔi nwun nąmu, nwɔ tɔɔlaa gwɛlan ɉaaɓa lɔwai, Yálá nwɔ wɛlɛɛ ɓomun da ə wɛlɛɛ ta ɓo Daniɛlə ɓa, yaai naa mɛ̨i hee ɓaa Bɛltsasarə. Nwɛlɛɛi tii ə kɛ a wɛlɛɛ yii mąąnɛ̨ɛ̨ nu ə laa na, mąąhɔlɔɓo, gaa kɔ́ kpɔluɔ mąą mɛ̨nį ɓoi. Daniɛlə ə giliŋąhiɛ, ə ɉįi tii mukulaa kaa.

Danîa 10:14

Yii hu kɛa, ŋą́ pa, ə gɛ, mɛ̨nį pai həlii ə́ huwu ɓa, ŋą́ ɉukulɔ yɛ́, mąąhɔlɔɓo, ɉįi ŋɛ̨i yaa gaa, vilɛn ŋąą nɔwai tii mąą mɛ̨nį ɓa.»

Danîa 10:21

Kɛlaa, yii bɛ̨ɛ̨ tɛ̨ą hɛɓɛ́ hui, ya ɓə gáá naa həlii yɛ́, nui lɔpee ta hvo pai kpɔmąą tɛɛ bɔ́ kwa malakaɠaai tii ku wɔ kɔ́i hu, hvo kɛli Misɛlə yii gaa a Israɛlə nu huwu mɛ̨i kaa malaka.»

Danîa 11:33

Nuąɠaai tii lɔwai, yiiɠaai di nwun gaa di hu, da di ɓɛlaa liɛwoo kɛ, kɛlaa, lɔwai tawolo tɛɛ pulu, di kaa pai daɠaa pai, di daɠaa kələn, di daɠaa yəi hɛnŋaa kulɔ di yəi, di di too gaho ŋą.

Danîa 11:40

«Ŋaakpɛɛi lɔwai, hɛɠɛɛ tɔɔmun mə pai kɛa nwɛlikpɛɛ maa laa həɠəi, kɛlaa, yanwuɔ̨ tɔɔmun gaa pai kɔ́ pɛlɛi ma, da nwɔ wotoloɠaai, da nwɔ hoo mɛ̨i hee ɓo nuą, da nwɔ ɓaton gbulu kɛnɛ̨; da nwɔ kɔlaɠai di kaa pai lɔi tamąą hu ɓɔi, di tɛɛ ɲɛn bələ tamąą ɓa, yɛ ya hvɛɛ.

Danîa 12:13

Daniɛlə, ə́ wɛi! Ə́ hvaŋąlɔ, ə lɛɛ la ɉu, ə́ həli ŋaakpɛɛi, ə ɠɛ, vəla kulɔi ŋɛ̨i ə́ ə́ wɔ naa hɔlɔɓo ɉu yɛnɛ̨ɛ̨ ŋaakpɛɛi lɔwai.»

Danîa 12:5

Ɓɛlɔwai ɲą́ą́ Daniɛlə ŋą́ kɛi ɉįi tii kaa la, ŋą́ nu hveelɛ kaa, dɔ̨nɔ̨ tɔɔ ɲalee pulu ɓɛ pələ, dɔ̨nɔ̨ yɛ ɓo ɓɛli pələ.

Danîa 12:9

Ə mo mą́ą́, yɛ mą: «Daniɛlə, yili hvo ə́ liihɛlɛn, nwɛlɛɛ tii mąąnɛ̨ɛ̨ kpɔ ə lɛɛ a noɔ ə lɛɛ la ɉu, ŋaakpɛɛi lɔwai.

Danîa 8:17

Gabriɛlə ə lɛɠɛ mą́ą́, ɓɛlɔwai ə kɛi mąą lɛɠɛ la mą́ą́, ŋą́ ɲɔw kpɔ kɛnɛ̨, ŋą́ pɛlɛ nɔi ɓa gɔwɔ mu. Yɛ mą́ą́: «Daniɛlə, pələi mąn kaa la a nu, mąąnɛ̨ɛ̨ ə́ gbaɠala kaa yɛ́ diɛ, yɛnɛ̨ɛ̨ ɲąąkpɛɛi lɔwai mɛ̨nį ka ŋɛ̨i ə́ gaa.»

Danîa 8:19

Yili pulu, yɛ mą́ą́: «Mɛ̨nii pai kɛi ɓɛlɔwai Yálá nwɔ líiɲąnwąną kaa pai kpɛɛi la, gáá nɛi yɛ́.

Danîa 8:26

Ɉįi tii ə́ gaa yɛ hvilɛn na yələ wuliiɠaa da yələwalaɠaa diɛ, yili kaa a tɛ̨ą. Ə́ wɛi, mąąnɛ̨ɛ̨ ə́ mɛ̨nįɠaai tii lɛɛ ə́ kwəi, mąąhɔlɔɓo, vilɛn ŋaai mɛ̨nį hu kwɛa ɓa, yii gaa pai kɛi.»

Maafîu 24:14

Yálá-taa tɔɔlaa yii gaa pai, hvo kɛ li mąą wəlɛɛ lɛlɛɛ laa ə həli yɛnɛ̨ɛ̨ nu kəlee ɓa, ə gɛ, yili ə kɛ a kɛla hvaa nu kəlee ɓa. Yili pulu, yɛnɛ̨ɛ̨ ŋąą yɛ kɛa kpɛɛ.»

Lomaŋ 10:18

Akɛti nuąi di hvo laa na, di hvo mɔ̨ɔ̨ nwɛlɛɛ lɛlɛɛi ti mɛ̨n? Kɛlaa di mɛ̨n gbɔ! Yɛ bələi Yálá lawoo hɛɓɛ́ kaa moi la yɛ diɛ: Di woo ə həli yɛnɛ̨ɛ̨ nąą kəlee, di wɔ kalan gɛ woo ə həli lɔi kpɛlai.

M̀ɛni-lɛɛi 10:4

Yii kɛa tii ɲələgbąnąąɠaa woo ə tɔɔ, ŋą́ kɛ bɔ ŋą́ bɛ̨ɛ̨, ŋį́ woo ta mɛ̨n ɲələi, yɛ kɛ mą́ą́: Nwɛlɛɛi ɲələgbaąnąą mɛ̨ihveelɛi di mo, nɛɛ ə́ kwəi a loo mɛ̨nį, 'hvó bɛ̨ɛ̨.

M̀ɛni-lɛɛi 22:10

Yili pulu, yɛ mą́ą́: «Yálá kwəi mɛ̨nį hu wooɠaai ɉɛɓɛ́i ŋɛ̨i hu, 'hvó noo, mąąhɔlɔɓo, ɲələ aa lɛɠɛ.

M̀ɛni-lɛɛi 5:1

Ɛlɛɛ, nui tii kɛ heeni dɔɔkpəlin ɉu, ŋą́ hɛɓɛ́ ta kaa mamįiyee ɲą, gbinįn gɛɛ, a hɛɓɛ́i ɉu pələ pɛ̨ɛ̨, ɛlɛɛ, gɔlɔ ɓa pələ pɛ̨ɛ̨, kɔ́lɔn ɉɛn mɛ̨ihveelɛ ə ɓo mą.