Danîa 12:1 - Yálá laawoo hɛɓɛ (dc)

¹ Malaka ə mo mą́ą́, yɛ mą: nąąlɔwai a pa həli, malaka Misɛlə yii gaa a ə́ huwuhu nuą mɛ̨i kaa mun, yɛ ɓo a malaka nwun nąmu, a pa. Nąąlɔwai, a kɛ a liihɛlɛn yii ɲɔ̨nwɔ̨mąn hvo ta kɛ li, ə həɠə yɛnɛ̨ɛ̨ pɛli hvóló ɓa, ə həli la yiihu ɓa. Nąąlɔwai ə́ huwuhu nuą yiiɠaai di laa pɛ̨ɛ̨ yɛnɛ̨ɛ̨ kpɛɛ hvo mą hɛɓɛ́ hu, di nwun maa a ɓo.

Yálá laawoo hɛɓɛ

¹ Malaka ə mo mą́ą́, yɛ mą: nąąlɔwai a pa həli, malaka Misɛlə yii gaa a ə́ huwuhu nuą mɛ̨i kaa mun, yɛ ɓo a malaka nwun nąmu, a pa. Nąąlɔwai, a kɛ a liihɛlɛn yii ɲɔ̨nwɔ̨mąn hvo ta kɛ li, ə həɠə yɛnɛ̨ɛ̨ pɛli hvóló ɓa, ə həli la yiihu ɓa. Nąąlɔwai ə́ huwuhu nuą yiiɠaai di laa pɛ̨ɛ̨ yɛnɛ̨ɛ̨ kpɛɛ hvo mą hɛɓɛ́ hu, di nwun maa a ɓo.

Bible

¹ Ŋ̀âla-taa-kelai kɛ̀ zĩ̂ai su-kulai Dania mai, è ŋɔ́nɔ mò m̀a ǹyɛɛi, “Tãi tí ma, Makɔɔ nyii gáa a Ŋ̀âla-taa kéla-ŋai láa túɛ-ƃelai dɔnɔi nyii a ínûai maa kɔ̃ɔi, a pâi pâi. À pà, mɛni kpânaŋ a pâi kulâi ǹûai dîa. A pâi kɛ̂i a mɛni kpânaŋ nyii da fé tá kɛ́ ní é síɣe ǹɔii-ŋûŋ-ŋai kɔ́ɔ pîlaŋ tãi mai. Kɛ́lɛ maa tãi tí ínûai nyii-ŋai dílaa pɔ̃yɛ̂i gɔlɔi sui da pâi ŋuŋ ma ƃô sɔlɔ ƃôi.

Danîa 12:1 ပူးပေါင်းရင်းမြစ်များ

Mąątɛ̨nɛ̨ 56:8

Mɛ̨nį ɲɔ̨n tii mąą mɛ̨nį ɓa, da mɔ̨ɔ̨ pɛli kulɔi ɉu? Yálá ə́ wɔ liiholi ə nuąi tii hukala tai.

Mąątɛ̨nɛ̨ 69:28

Di kɛ mɛ̨nį ɲɔ̨nŋaa pu gee mɛ̨i, di wɔɔ nąą hvo kɛa kɛ ə́ wɔ tələnmolaai hu.

Azaya 4:3

Nąąlɔwai, nuąi pai kulɔi ɉu, Siɔn daai nuąi kpəli woloi pai lɛɛi, Ɉerusalɛmə daai nuąi pai lɛɛi a di hvulú, di kaa pai di laa heei a: nu mąąhəɠɛɛɠaa, di kaa pai di kəlee di laa pɛ̨ɛ̨i Ɉerusalɛmə, diɛ pɛli lɛɛi yɛnɛ̨ɛ̨.

Azaya 9:7

Yálá ə haŋąi Ɉakɔbə nu huwu ɓa, nwoo aa həli Israɛlə nuą diɛ.

Ɉeremi 30:10

Yɛ́i a nwɔ́ tímun Ɉakɔbə, hvo ɲɔw Yai-Laa woo li. Ə́ líi hvo kulɔ yɛ́ Israɛlə, gáá pai ə́ kulɔi nwɛ̨ą lɔiɠaa hu, gɛ́ ə́ huwu kulɔ mąąkilɛ lɔi hu. Ɉakɔbə kaa pənəi ə pa liilaa hu, a nwəli pulu laɠiɛ, nu ta hva viikpɛɛ.

Ɉeremi 30:7

Lə mąąwɛli mɛ̨nį ɓəi! A tɛ̨ą hvóló kɛnɛ̨ ka, yii hvo kɔ́ɔn ni yələ ta ɓa. Liihɛlɛn ɲələ li Ɉakɔbə ɓa, kɛlaa, gaa pai kulɔi ɉu.

Izikiɛ 13:9

Ɲéé kaa pai həlii nɛɛ kɛɛ kaa nuąi tii diɛ, a diɛi tii da nuą ɓowo wo ɓoi; di hvo pai kɛi nwɔ́ lɔi nwɔ nwun dɔɔ hu, di laa hvo pai pɛ̨ɛ̨i Israɛlə pɛlɛ́ nwɔ hɛɓɛ́i hu. Di hvo pai lɔi Israɛlə lɔi hu, bələ ɓə ka gili kɔ́lɔn na káá kɛ, ɲą́ą́ ɓə gáá a Mɛ̨nį kəlee ŋą Hééɓomun Yálá.

Izikiɛ 34:24

Ɲą́ą́ Yai-Laa, ŋą́ kɛ a di wɔ Yálá, nwɔ́ tí mun Davidə yaan, ə ɓo a di nwun nąmu, ə ɓo di lɔwai. Ɲą́ą́ Yai-Laa nwóó li.

Izikiɛ 5:9

Yɛ́ tuwɔ pələ ɲɔ̨nŋaa kəlee mąą mɛ̨nį ɓa, gáá pai mɛ̨nį ta lai yɛ́, vɛ́ ta ɲɔ̨nwɔ̨mąn ta kɛ li, a mɛ̨nį yii vá kɛa pənə və́ da kpɛli kɛ.

Danîa 10:13

Kɛlaa, Pɛrsə lɔi mąąkpɛ malaka ə kpəɲan mɛ̨nį tii hu hvóló pow hveelɛ gɔw tɔ̨nɔ̨ kuu mu, hvo kɛli Misɛlə yii gaa a malakaɠaa nwun nąmu tɔ̨nɔ̨, ə pa ə kpɔmąą tɛɛ bɔ́. Ŋą́ lɛɛ heeni Pɛrsə lɔi nwun nąmįnąa kwɛlɛ.

Danîa 10:21

Kɛlaa, yii bɛ̨ɛ̨ tɛ̨ą hɛɓɛ́ hui, ya ɓə gáá naa həlii yɛ́, nui lɔpee ta hvo pai kpɔmąą tɛɛ bɔ́ kwa malakaɠaai tii ku wɔ kɔ́i hu, hvo kɛli Misɛlə yii gaa a Israɛlə nu huwu mɛ̨i kaa malaka.»

Danîa 11:45

Gaa pai nwɔ tɔɔ həɠə pəlɛɠaai tɔɔi gboloyá da ɲee mąąhəɠɛɛ yii gaa nɔi lɛlɛɛ hu, di lɔwai, naa ɓə haa kaa pai həlii laa ma, nui lɔpee ta hva kpɔmąą tɛɛ bɔ.»

Danîa 7:10

Nwɔ̨n ə kɛi kulɔ nííla, yɛ tɛɛ yɛ, ya lee, nwɔ kɛlaɠaa di kɛ a nu waa nwun damaa, nu waa nwun damaa diɛ ɓo gwɛlɛ, kiti tee nuą di pa di hee, hɛɓɛ́ɠaa laa ə ɓo.

Danîa 9:12

Mɛ̨nį ŋɛ̨i wɔlɔ ə́ mo yɛ hvilɛn kuɔ da ku nwun nąmįnąa yiiɠaai di kaa ku ŋɛ̨itɔwɔ, yaa naahvɛɛ. Ya ɓaa: Kpalo tamąą aa ɓɛla kuɔ Ɉerusalɛmə daai, yii ɲɔ̨nwɔ̨mąn və ta kɛ li lɔi mɛ̨i.

Zooɛ 2:2

Volói tii kaa a tɛɛhilɛ kpinį yɛ ɓo a tulɔ kpinį. Gaa a yələ yɛɛ hvóló, a tulɔ kpinįn ŋį hvóló. Gaa yɛ tulɔ kpinį a pɛlɛ ɲeeɠaa diɛ, Beeləɠaai ka! Di kpulu hu kɛnɛ̨, hɛn da hva tɔɔ di la. Ku hvo ta yili ɲɔ̨nwɔ̨mąn gaa li; Ku hvo nwɔ̨nɔ̨ pai ɲɔ̨nwɔ̨mąn gaai.

Malasi 3:16

A kɛ tii, nuą da di kpɔwɔ mąą yɛɛ Yai-Laa yee mu, diɛ kpɛli, da da ɓo di kee lɔwai. Yai-Laa a nwəli tɔɔ, ə di woo mɛ̨n. Di mɛ̨nįi tii pɛ̨ɛ̨ ɉɛɓɛ́ hu, ɓɛi nuąi da ɲɔw Yálá ɓa, diɛ mąąwiɛ di laa kaa laa.

Maafîu 24:21

Mąąhɔlɔɓo, mɛ̨nį nwąnąą kpɛa-kpɛaɠaa da kɛ a volói tii, yii ɲɔ̨nwɔ̨man hvo ta kɛ li ə həɠə yɛnɛ̨ɛ̨ kɔ́wɔ tɔɔi lɔwai ɓa, ə həli la ma yələi tii ɓa. Ɛlɛɛ da hvo nwɔ̨nɔ̨ pai kɛi kɛa yili pulu.

Markə 13:19

Ə həɠə yɛnɛ̨ɛ̨ pɛli hvóló ɓa ə həli la volói tii ɓa, nuą da mɔ̨nɔ̨ mį́i a nɔwai tii, yii ɲɔ̨nwɔ̨mą hvo ta kɛ li, əlɛɛ, ɲɔ̨nwɔ̨mą hvo pai kɛa kɛi.

Lukə 10:20

Kɛlaa, ka hvo ka kwəinɛ̨ɛ̨ mąąhɔlɔɓo, ɲįnɛ̨nŋąa daa ka woo hon, ka ka kwəinɛ̨ɛ̨, mąąhɔlɔɓo, ka laa kaa Yálá nwɔ nu kpului laa pɔ yələkɔlɔn ɉu.»

Lomaŋ 11:15

Yaan, akɛ di mąą tɛi ŋɛ̨i di mo pulu, yili ɓə gɛ Yálá da yɛnɛ̨ɛ̨ nuą di yee yɛ lɔ gee hui, akɛ da pənə da di mąą lɛɠɛ Yálá ɓa, lə ɓə kɛa a kɛ? Yii a kɛ kɛa ya ɓaa: Nuąi kɛ mąąnɛ̨ɛ̨ di haa, da yɛnɛ̨ɛ̨ hɔlɔɓo.

Lomaŋ 11:26

Bələ ɓə Israɛlə lonni kəlee nwun mąą kaa pai ɓoi la, yɛ pələi Yálá laa woo ə mo la yɛ kɛ: «Nwun mąąɓomun kaa pai kulɔi Siɔn daa, ə gɛ, Ɉakɔbə huwu hu nuą yiiɠaai kulɔ nwoo mu laa kɛ, di kulɔ laa.

Ifisiɛŋ 1:21

Ɲąąwooɓo laa, Huwalawalalaa, Hvaŋą laa, Hééɓolaa, ɛlɛɛ, da laa huwui lɔpee, ɉeɛi kpɔ gəlee mɛ̨i; hvo lɔ a ɲɛnɛ̨ɛ̨ ŋɛ̨i hu mɛ̨nį, kɛlaa, ə mą kɛ, ɲɛnɛ̨ɛ̨ yii pai, ɉu.

Filipə 4:3

Yɛi ɓaa mɛ́lan, gɛ́ ə́ kpɔnmąą tɛɛ di pɔ ə di yee lɔ gee hu, mąąhɔlɔɓo, nɛ̨ąąi ti, kwa diɛni ku wɛlɛɛ lɛlɛɛ mąąkɔ̨nwɔ̨, ə mą kɛ, Kleman da mɛlaa yiiɠaai kwa diɛni ku kɛi kólo kɛ gee ɓa, diɛi di laa kaa yɛnɛ̨ɛ̨ kpɛɛ hvo mą hɛɓɛ́ hu.

Zûu 1:9

Bələi mąn kpɛli malakaɠaa nwun nąmu Mikaɛlə kaa la, hvo kɛ woo ɲɔ̨n mo li nąnį ɓa, ɓɛlɔwai da yaa di kɛi hɛa too la Moisə powa mɛ̨i. Hvo kɛ nalan ni, kɛlaa, ə kɛ mą: «Námu Yálá ɓə pai ə́ hutɔɔi.»

M̀ɛni-lɛɛi 1:5

ɛlɛɛ, yɛ həɠə Jesus Kristə yəi, yai a kɛlai a kulɔ nwoo ɓa, yai a nu dɔlɔɔi nwun yɛ kulɔ haa nuą lɔwai, ɛlɛɛ, lɔi mɛ̨i hééɓolaa kəlee di wɔɔ Hééɓomun. A nui gu wɛli kaa mą, yai gu kulɔ gu wɔ nɛ̨ŋɛ̨nŋaa yəi a ɲąmą,

M̀ɛni-lɛɛi 12:7

Ya ɓə, kɔ́ kɛnɛ̨ ə muhəɠə yələ kwəi, Mikaɛlə ɛlɛɛ, da nwɔ malakaɠaai di kɔ́ pɛlɛ mąąɲɔw-hɛn tii ɓa. Ɛlɛɛ, mąąɲɔw-hɛn yaan ə pɛlɛ diɛ da ɲee pɔɠaa,

M̀ɛni-lɛɛi 13:8

Lɔi mɛ̨i heeɓonuą kəlee diɛ kwɛli hvilɛn mą, diɛi kpɔ tii di laa hvo kɛ pɛ̨ɛ̨ li mɛlaa lon di gulɔ a haláá, ŋą yɛnɛ̨ɛ̨ kɛ hɛɓɛ́i hu, ə həɠə kpɔ yɛnɛ̨ɛ̨ kɔwɔ tɔɔ yələ ɓa.

M̀ɛni-lɛɛi 17:14

Di kaa pai kɔ́ pɛlɛi Mɛlaa Lon ma, ɛlɛɛ, Mɛlaa Lon ɲee kaa pai tɛɛi diɛ, mąąhɔlɔɓo, ya ɓə gaa a nąmuɠaa kəlee di Nąmu, hééɓoɠaa di wɔ Hééɓomun, ɛlɛɛ, yaa, da nuą ə di təli, ə di həɠə ɉu, ɛlɛɛ, tələnmo nuą, da diɛni di yee kaa pai tɛɛi mą.»

M̀ɛni-lɛɛi 20:12

Yili pulu, ŋį́ haa nuą kaa, nu kpɛa-kpɛaa da lɛapɛlɛɛ, di ɓo tɔɔni dɔɔkpəlin niila, ɛlɛɛ, di hɛɓɛ́ɠaa laaɓo. Di hɛɓɛ́ takpɛli laa ɓo, yai a yɛnɛ̨ɛ̨ hva kpɛɛ hɛɓɛ́, ɛlɛɛ, di haa nuą kiti tee yɛ bələ di tuwɔ la, kpɔlɔɔ yɛ bələi ə kɛ la ɉɛɓɛ́ɠaa hu.

M̀ɛni-lɛɛi 20:15

Ɛlɛɛ, nuąi kpɔ di laa hvo kɛ pɛ̨ɛ̨ li ɲɛnɛ̨ɛ̨ hɛɓɛ́ hu, di gəlee pili nwɔ̨n balayá hu.

M̀ɛni-lɛɛi 3:5

«Bələ ɓə, nui ɲee a tɛɛ mɛ̨nįɠaa tii ɓa, gaa pai həɠə kwɛlɛɛɠaa tooi la gwąną, ɛlɛɛ, vá naa waa yɛnɛ̨ɛ̨ hva kpɛɛ hɛɓɛ́ hu, ɛlɛɛ, ŋą́ naa ɓo Ną́n ɲɛ̨i ɓa da nwɔ malakaɠaai ɲɛ̨i ɓa.

M̀ɛni-lɛɛi 7:14

Ŋą́ nwoo ŋąąpənə, gɛ́ mą: «Ną́mu, yɛ́ lɔ ɓə gbaɠala kɔ́lɔn!» Yɛ mą́ą́: «Di kulɔ mɔ̨nɔ̨ kɛnɛ̨i tii hu. Daa di wɔ həɠəɠaai waa Mɛlaa lon ɲąmą hu, daa gwələ.