Danîa 11:40 - Yálá laawoo hɛɓɛ (dc)

⁴⁰ «Ŋaakpɛɛi lɔwai, hɛɠɛɛ tɔɔmun mə pai kɛa nwɛlikpɛɛ maa laa həɠəi, kɛlaa, yanwuɔ̨ tɔɔmun gaa pai kɔ́ pɛlɛi ma, da nwɔ wotoloɠaai, da nwɔ hoo mɛ̨i hee ɓo nuą, da nwɔ ɓaton gbulu kɛnɛ̨; da nwɔ kɔlaɠai di kaa pai lɔi tamąą hu ɓɔi, di tɛɛ ɲɛn bələ tamąą ɓa, yɛ ya hvɛɛ.

Yálá laawoo hɛɓɛ

⁴⁰ «Ŋaakpɛɛi lɔwai, hɛɠɛɛ tɔɔmun mə pai kɛa nwɛlikpɛɛ maa laa həɠəi, kɛlaa, yanwuɔ̨ tɔɔmun gaa pai kɔ́ pɛlɛi ma, da nwɔ wotoloɠaai, da nwɔ hoo mɛ̨i hee ɓo nuą, da nwɔ ɓaton gbulu kɛnɛ̨; da nwɔ kɔlaɠai di kaa pai lɔi tamąą hu ɓɔi, di tɛɛ ɲɛn bələ tamąą ɓa, yɛ ya hvɛɛ.

Bible

⁴⁰ “Asiria Kaloŋ ŋɔtãi a kɛ̀ pâi kpɛɛ̂i, Ize kaloŋ a pâi kɔ́ pɛlɛ̂i m̀a. Asiria Kaloŋ ǹyaŋ a pâi pâi a ŋɔkɔ́ kɔ́-ƃelai kɔ́ kɔ́-keleŋ-ŋa su, soo-ŋa mɛi da tîma-ŋa dí kɔ́ bɔ́. Da pâi kɛ̂i pâi yɛ̂ɛ ya-fɛ̂ɛ, dí lɔii-ŋuŋ támaa síɣe.

Danîa 11:40 ပူးပေါင်းရင်းမြစ်များ

Azaya 21:1

Mɛ̨nį kponąąi di mo gboloyá kwɛlɛ lɔi pun naa mɛ̨i, ya ka: Bələi lɔ tulɔ hvaŋą a tɛɛ la Negɛvə lɔi hu, bələ lɔ ɓə kɔ́ kaa pai həɠəi la nɔi pun mąą ɲɔwuɔ hu pələ.

Azaya 5:28

Donwą ɓaɠaaɠaa, da gilɛnŋąą kəlee di hu yalaa ɓə, di wɔ hooɠaai kɔ́wɔ ɲą wala walaai yɛ kwɛni, di wɔ wotoloɠaai kɔ́wɔ ə ɓo yɛ hvaŋą.

Azaya 66:15

Mąąhɔlɔɓo, Yai-Laa kaa pai, Gaa pai nwɔ̨n ɉɛ̨ąi, nwɔ kɔ́ kɔ́ wotoloɠaai kaa yɛ hvąŋą tulɔ, gwələi di dɔɔ mą a líiholi, yɛ gulɔ a nwąną lɔ pələ, ɛlɛɛ, mąąɲɔwi di mo, yɛ gwələ kulɔ a nwɔ̨n nən.

Ɉeremi 4:13

Kaa ɲɛ̨i hee tai ku yowo ɓa! Gaa pai yɛ hvaŋą a hee tulɔ kpinįn ɉu; ku yowo nwɔ kɔ́ kɔ́ wotoloɠaai kaa yɛ tulɔ hvaŋą. Nwɔ hooɠaa mąąhulaa di tɛɛ kuwɔ ɓa. Ə́ kə néé! Ku nwun na piliɛ li-ee!

Izikiɛ 38:4

gáá pai ə́ kulɔi ə́ kee la, gɛ́ kwɛli pili ə́ la, yɛ́ ká ə́ wɔ kɔlaɠai kəlee, Ɉooɠaa mąn ɉoo mɛ̨i nuą mąn, di mąąyilɛɛ a nɛlɛɛ, di ɓo a nu kpulu kɛnɛ̨ɛ, kɔ́ kɔ́ hɛnŋaa ə ɓo di yəi; gəlee di ɓo a kɔ́ kɔ́ ɓɔwa pili nuą.

Izikiɛ 38:9

Ə kaa pai lii, yɛ́ pənə yɛ́ pa, a ə́ hvąŋą kɛnɛ̨; ə́ kaa pai kɛi yɛ tulɔ kpinįn, a pɛlɛ lɔi mɛ̨i; yɛ́ ka ə́ wɔ kɔ́kuláá kpuluɠaai kəlee, ka nu huwu tamąąi tii pai kɛi ə́ pulu.

Danîa 11:10

«Ɲanwuɔ̨ pələ tɔɔmun lon ɉinąą, di kaa pai di kɛ pələ pɛli, di di ɲąąkpɔn da kɔlaɠa tamąą. Di tɔ̨nɔ̨ kaa pai nwɔ kɔlaɠai həɠəi di ɲɛn bələ maa teen yɛ ya hvɛɛ, a kɛi bulu pənə kɛa yɛ li bɔ lɔi, a kɔ́ pɛlɛ ɲowo nwɔ taa walawala ta ɓa.

Danîa 11:11

Ɉɛɠɛɛ pələ tɔɔmun lii a kələn gwəi, ə muhəɠə, yɛ li kɔ́ pɛlɛi yanwuɔ̨ tɔɔmun na, yili a kɔlaɠa kɛnɛ̨ həɠə, ə ɲąątɔɔ mą, kɛlaa, di yee hva lɔ.

Danîa 11:13

Yanwuɔ̨ tɔɔmun gaa pai pənəi ə kɔlaɠa nįnɛ̨ takpɛli kɛ pələ pɛli, gbulu hu kɛnɛ̨ɛ dɛɛ dɔlɔɔ ɓa. Kwɛlan da wolaa tɛɛ pulu, da nwɔ kɔlaɠa nįnɛ̨i tii da pa, kɔ́ kɔ́ kwɛli hɛnŋaa walaawala yɛ ɓo di yəi.

Danîa 11:22

Kɔ kpulu lɔpee ta yee hvo pai pɛlii ma. Gaa pai kɔlaɠa kəlee ɲąąwoloi, ə lɛɛ, nuąi ŋɛ̨i Yálá ə mįnɛ̨ həɠə diɛ, gaa pai di wɔ tɔɔmun dɔ̨nɔ̨ paai.

Danîa 11:25

«Gaa pai kɛi a nii kpəlɛɛ naa nwɔ huwalawala la, gaa pai kɔlaɠa kɛnɛ̨ həɠəi, ə li ə pɛlɛ la hɛɠɛɛ tɔɔmun ma. Yili yaan, gaa pai gɛ pələ pɛli, da kɔlaɠa kɛnɛ̨, yii ɲee walawala, ə gɛ, di gɔi tii kɔ́. Kɛlaa, di yee hvo pai lɔi, mąąhɔlɔɓo, gbanalaa ɲɔ̨nwɔ̨ɔ̨ ɓə di kaa pai gɛi la.

Danîa 11:35

Nwun gɛ ɉu nuąi tii, damaa da haa, di wɔ haai a nuą mąąhəɠə, ə di mąą waa, di kwələ, ə lɛɛ la ɉu, ŋaakpɛɛi lɔwai. Kɛlaa, yili hvo pai kɛi a ŋaakpɛɛi lɔwai.

Danîa 11:39

Gaa pai kɛi kɔ́ pɛlɛi taa huwalawala takpɛliɠaa diɛ nwɔ ala takpɛli tii haalai. Nuąi pai di yee heei nwɔ yálái mu, gaa pai ɓɛlɛ kɛi diɛ, mąą nuąi tii ɓə gaa pai di kɛi a nwɔ tɔɔlaai hu nu kpɛa-kpɛa, yɛ lɔi tee mą, yɛ di hvɛla kulɔ la.

Danîa 11:7

Di yəi bɛlɛ́n mun da kaa pai nąn dɔɔi həɠəi, a pa kpɔ ə hvaa tee ɲanwuɔ̨ tɔɔmun bɔ taai. Gaa pai kɔ́ pɛlɛi ɲanwuɔ̨ tɔɔmun tii nwɔ hvólóhahiɠaa diɛ, ɲee ə tɛɛ diɛ.

Danîa 12:4

Daniɛlə, nwɛlɛɛ ŋɛ̨i lɛɛ yɛ́ tɔ̨nɔ̨ ə́ kwəi; hvo ɉɛɓɛ́ ŋɛ̨i hu mɛ̨nį kulɔ pɔ̨nɔ̨ŋa, gɛɛ ŋaakpɛɛi lɔwai hvo kɛ ɉəlii. Nąąlɔwai a ɉəli nu tamąą da gɔlɔn, di wɔ mɛ̨nį kɔ́lɔn ŋąą ta a pɛlɛ ma kɛnɛ̨.

Danîa 12:9

Ə mo mą́ą́, yɛ mą: «Daniɛlə, yili hvo ə́ liihɛlɛn, nwɛlɛɛ tii mąąnɛ̨ɛ̨ kpɔ ə lɛɛ a noɔ ə lɛɛ la ɉu, ŋaakpɛɛi lɔwai.

Danîa 8:17

Gabriɛlə ə lɛɠɛ mą́ą́, ɓɛlɔwai ə kɛi mąą lɛɠɛ la mą́ą́, ŋą́ ɲɔw kpɔ kɛnɛ̨, ŋą́ pɛlɛ nɔi ɓa gɔwɔ mu. Yɛ mą́ą́: «Daniɛlə, pələi mąn kaa la a nu, mąąnɛ̨ɛ̨ ə́ gbaɠala kaa yɛ́ diɛ, yɛnɛ̨ɛ̨ ɲąąkpɛɛi lɔwai mɛ̨nį ka ŋɛ̨i ə́ gaa.»

Habakukə 3:14

Ya ku yowoɠaa di kpɔkpɔɔ mɛ̨ɛ̨kɔw həɠə, ə́ mɔ di nwun ɉu. Ku yowoɠaa da kpuluun, diɛ pa ku hu taɠai; di pa pələ a kɛ yɛ tulɔ hvaŋą, diɛ tómą a kwəinɛ̨ɛ̨. Di kɛ pələ pɛliɛ, diɛ pa nu paai loo hu.

Zakari 9:14

Yai-Laa kaa pai kɛi di nwun mɛ̨i, nwɔ mɛ̨ɛ̨kɔwi kaa pai kɛi lii, yɛ yələgbąnąą a kɛi yɛlɛ. Nąmu Yai-Laa, yɛ túlú hvɛɛ gɔ́ ɓa, yɛ həɠə ɉɛɠɛɛ pələ tulɔ hvaŋą hu yɛ pa.

M̀ɛni-lɛɛi 16:12

Malaka mɛ̨idanąą ə nwɛi hu ɓo Eufratə ɲálee ɲą: Ɲá ə kpala, ə kɛ a pələ dɔɔɓɛlaai həɠəi vóló kulɔi pələ di tɔwɔ.

M̀ɛni-lɛɛi 9:16

Ɉoo mɛ̨i nuą lononŋąą ə kɛ a nu waa nwun gwala-kpala heei hveelɛ. Di lonoi di mo, yili ɓə ŋį́ mɛ̨n.