Danîa 11:37 - Yálá laawoo hɛɓɛ (dc)

³⁷ Tɔɔmun və pai ɓɛlɛ kɛi galaɓɔlɔni di wɔ yáláɠaai diɛ, ə mą kɛ ala yii nwɛli kaa nɛ̨ą diɛ. Gaa pai kɛi gbɔwɔ kaai yɛ ya ɓə a kɛ a dɛɛ alaɠaa kəlee diɛ, hvo pai ɓɛlɛ kɛi dɔ̨nɔ̨ kpɛli ɓa.

Yálá laawoo hɛɓɛ

³⁷ Tɔɔmun və pai ɓɛlɛ kɛi galaɓɔlɔni di wɔ yáláɠaai diɛ, ə mą kɛ ala yii nwɛli kaa nɛ̨ą diɛ. Gaa pai kɛi gbɔwɔ kaai yɛ ya ɓə a kɛ a dɛɛ alaɠaa kəlee diɛ, hvo pai ɓɛlɛ kɛi dɔ̨nɔ̨ kpɛli ɓa.

Bible

³⁷ Vé pâi ŋumɛ mâa tɛɛ̂i ǹâŋ-ni díɣâlai pɔ́ kpaa máŋ ŋ̀âlai ǹɛyâai díwɛ̂li-ni lai, kpaa máŋ ɣâla da kélee. A pâi gbîŋ kɛ̂i a díkelee dímɛi kâloŋ.

Danîa 11:37 ပူးပေါင်းရင်းမြစ်များ

Zɛnɛse 3:16

Yai-Laa yɛ nwɔ̨nɔ̨ nɛ̨ɛ̨nu ɓa: «Ya mɔ̨nɔ̨ mį́i koonɛ̨ą lɔwai, ə́ ə́ laanɔ̨nwɔ̨ ɓo ə́ wɔ kwəinwąną kɛi lɔwai, ə́ liiɓa mɛ̨nį kəlee nwun maa pai kɛi a ə́ hilɛ, ɛlɛɛ, yili kaa pai heei ə́ mɛ̨i.»

Zɛnɛse 3:5

Kɛlaa, Yálá kili kaa ɉu, yɛ diɛ: Yələi ka da mį́i la, ka mɛ̨nį kəlee mąąkpɛɛ a nɛlɛɛ, ɛlɛɛ, ka kɛ yɛ yaa, kaa pɛli mɛ̨nį lɛlɛɛ da mɛ̨nį ɲɔ̨nwɔ̨ɔ̨ di kulɔ nɔwai kɔ́lɔn ɉi.»

Wɛli 7:10

Ə́ woo ə ɉón yɛ lɔɔ nɛ̨ɛ̨! A tɛ̨ą, gɛ́ nɔɔ nɛ̨ɛ̨ ti ɉəɛ nwɛ́likɛmąąmun dɔwɔ, ə yíi nuą laawulun ɉu yɔwɔ.

Azaya 14:13

Ə́ kɛi kɛ diɛ: «Gáá tɛi yələkwəi, gáá nwɔ́ tɔɔ kpəlin ɉeei Yálá nwɔ pɛmɛ̨lɛ̨n-gɔwɠaa mɛ̨i pələ, gáá lii ŋį́ hee yáláɠaa di wɔ ɲąąkpɔn ɲee nwuɔ̨, ŋį́ hee kpɔ ɲələkwəi leelee.

Azaya 14:14

Gáá pai tɛi tulɔ kpinįnŋąą mɛ̨i, gáá pai kɛi yɛ Hɛn Gəlee mɛ̨imun Yálá.»

Izikiɛ 24:16

«Hulɔnu lon, gáá pai ə́ ɲɛ̨i kɔ́w kwəinɛ̨ɛ̨ hɛn gulɔi ə́ yəi a wea. Hvó túwɔ yɛ haa a too yɛ́, hvó pai ə́ woo laai, hvó pai wɔlɔi.

Izikiɛ 28:2

«Hulɔnu lon, 'mo Tirə tɔɔmun ma, yɛ́ mą; Mɛ̨nį kəlee ŋą Hééɓomun Yálá woo ka, yɛ: Ə́ kpɔɔ ɲąąkɛnɛi yá mo, yɛ́ kɛ diɛ, gáá a yálá, ŋą́ ɓo heeni tɔɔ kpəlin mɛ̨i, yai gaa a yálá hee kpəlin gboloyá hąąi; ya pa nu lɔ ɓaa yɛ́, hvó a yálá. Ə́ kaa ə́ kpɔwɔ kaai yɛ Yálá pɛli.

Danîa 11:36

«Yii lɔpee a nɛɛ tɔɔmun ma, ya ɓə gaa pai gɛi. Hu ɲąŋą kɛnɛ̨ kaa pai kɛi ɉu, yə gbɔwɔ kaa yɛ kɛ gɛnɛ̨ɛ dɛɛ alaɠaa diɛ, gaa pai kɛi mɛ̨nį ɓoi alaɠaa di wɔ Yálá ɓa, hva kpɛli ɲɔw. Gɛ mɛ̨nįɠaa kəlee hu kaa pai kɛi nɛɛi, ə lɛɛ la ɉu Yálá nwɔ líiɲąnwąnąi pa hvóló yɛ ɉəli. Nąąlɔwai, yii Yálá ə gbən dee, a naahvɛɛ.

Danîa 11:38

A ɲalaɠaai tii mąąhvalin a niin la yálá, yii galaɓɔlɔni di hvo kɛ gɔlɔn. Gaa pai kɛi hɛni, wali kwɛli, da kwɛni kwəlɛɛɠaa, ə mą kɛ hɛn dakpɛliɠaa yiiɠaai mɛlɛ kaa mą, gaa pai kɛ gulɔi nwɔ yálái ɓa a haláá.

Danîa 8:11

Mįnɛ̨ logoloi tii, ə tɛ kpɔ ə həli yələkɔlɔn ɉu hɛnŋaa nwun nąmu ɓa. Ə lɛɛ, ɉaláá hɛn ŋɛ̨i da naa həli a hvoló kəlee, mįnɛ̨i lon tii ə yili naa həɠə, ə Yálá hee pɛlɛ́i ŋɛ̨i gaa ɓɛ lɔi mɛ̨i, ə muhəɠə naa ɓa.

Dutɛrɔnome 21:11

Ka nɛ̨ɛ̨non nɛlɛɛ ta kaa gɔ́ luwɔɠaa lɔwai, nwɛli a too kaa, kaa kɛ ka ɉəɠə a ka nɛ̨ą;

Dutɛrɔnome 5:21

«'Hvó ə́ ɲɛ̨i kulɔ ə́ ɓɛlan gaalon nɛ̨ą pɔ, hvó ə́ ɲɛ̨i kulɔ nwɔ pɛ́lɛ́i pɔ, da nwɔ tíiɠaai, nwɔ luwɔ hinąą, da nwɔ luwɔ nɛ̨ąą, da nwɔ nįŋɛ̨ɠaa, a wala kɛ tii nwɔ hoohvaalənŋąą, da ɲəi hɛn lɔpee ta.»

Tɛsalonikə veelɛ 2:4

yai a tɔɔ, hɛn kpɔ da kɛ mą: yálá gəlee la, yɛ kɔ pɛlɛ kwɛli hvilɛn mɛ̨nį kəlee ɓa, yaa kpinįi, yɛ li kpɔ yɛ hee Yálá ŋą pɛlɛ́i mu, yɛ gbɔwɔ kɛ a Yálá.

Timote dɔlɔɔ 4:3

Di pai tɔn dɔɔi hilɛtai mɛ̨nį ɓa, diɛ tɔn dɔɔ kɔ̨nɔ̨n daɠaa diɛ, ya pa, Yálá ə di pɛli, laa na nuąi álá kɔlɔn a neelee, da kɛli mįi, diɛ Yálá mąmąɓo.