Danîa 11:36 - Yálá laawoo hɛɓɛ (dc)

³⁶ «Yii lɔpee a nɛɛ tɔɔmun ma, ya ɓə gaa pai gɛi. Hu ɲąŋą kɛnɛ̨ kaa pai kɛi ɉu, yə gbɔwɔ kaa yɛ kɛ gɛnɛ̨ɛ dɛɛ alaɠaa diɛ, gaa pai kɛi mɛ̨nį ɓoi alaɠaa di wɔ Yálá ɓa, hva kpɛli ɲɔw. Gɛ mɛ̨nįɠaa kəlee hu kaa pai kɛi nɛɛi, ə lɛɛ la ɉu Yálá nwɔ líiɲąnwąnąi pa hvóló yɛ ɉəli. Nąąlɔwai, yii Yálá ə gbən dee, a naahvɛɛ.

Yálá laawoo hɛɓɛ

³⁶ «Yii lɔpee a nɛɛ tɔɔmun ma, ya ɓə gaa pai gɛi. Hu ɲąŋą kɛnɛ̨ kaa pai kɛi ɉu, yə gbɔwɔ kaa yɛ kɛ gɛnɛ̨ɛ dɛɛ alaɠaa diɛ, gaa pai kɛi mɛ̨nį ɓoi alaɠaa di wɔ Yálá ɓa, hva kpɛli ɲɔw. Gɛ mɛ̨nįɠaa kəlee hu kaa pai kɛi nɛɛi, ə lɛɛ la ɉu Yálá nwɔ líiɲąnwąnąi pa hvóló yɛ ɉəli. Nąąlɔwai, yii Yálá ə gbən dee, a naahvɛɛ.

Bible

³⁶ “Asiria Kaloŋ a pâi m̀ɛnii kɛ̂i a wɛ̂lii lai. A pâi gbîŋ ma tɛ̂i, gɛ́ yoŋka tèe ŋ̀âla-ŋai mɛi. A pâi mɛni nyɔ́mɔɔ-ŋa ƃôi é pîlaŋ ŋâla-ŋai kélee mɛi Ɣâlai ma. A pâi nyíŋi kɛ̂i é lɛ́ɛ la zu tãi Ɣâla è ǹɛi é seri. Kpɛ́ni fêi m̀ɛnii Ɣâla a gbɛ̀tɛ a gɛɛ é kɛ́i, fɛ̂ɛ é kɛ́.

Danîa 11:36 ပူးပေါင်းရင်းမြစ်များ

Mąątɛ̨nɛ̨ 136:2

'Ka yáláɠaa di wɔ Yálái laa tɛ, Mąąhɔlɔɓo, nwɔ wɛlikɛmąąlaa ɲɛ̨n deei hvo mą!

Mąątɛ̨nɛ̨ 33:10

Yai-Laa ə lɔiɠaa kwəi kiliɠaa hukala, mɛ̨nįɠaai nuą di mąąkili tee di kwəi, ə di lɛɛ a kpɛli.

Hanwon 19:21

Mɛ̨nį tamąą ka tii nu a mąą kili tee gwəi, Yai-Laa kwəi kili ɓə a nɛ̨ɛ̨ mą.

Azaya 10:23

Nɔi hukala mɛ̨nįi tii Nąmu Yai-Laa Mɛ̨nį Kəlee ŋą Hééɓomun aa mąą kili tee gwəi, gaa pai bɔ mɛ̨nį kɛi nɔi kəlee ɓa.

Azaya 10:25

Mąąhɔlɔɓo, ɉu hvo kɛa kwɛa li, nąą aa lɛɛ kpɔlɔɔ tiikpə, vá kɛa níí holi ka pɔ; Kɛlaa, gáá nwɔ́ liiholii ɲɛ̨i heei diɛ, di nwun na pili mɛ̨nį ɓa.

Azaya 10:5

Asiri nwun na ɲɔ̨nwɔ̨ɔ̨ ɓə, yai a nwą́ną́kulɔ gbɔn, ə ɓo ɲə́i ɲą, ŋį́ líiholii ka tii.

Azaya 14:13

Ə́ kɛi kɛ diɛ: «Gáá tɛi yələkwəi, gáá nwɔ́ tɔɔ kpəlin ɉeei Yálá nwɔ pɛmɛ̨lɛ̨n-gɔwɠaa mɛ̨i pələ, gáá lii ŋį́ hee yáláɠaa di wɔ ɲąąkpɔn ɲee nwuɔ̨, ŋį́ hee kpɔ ɲələkwəi leelee.

Azaya 14:14

Gáá pai tɛi tulɔ kpinįnŋąą mɛ̨i, gáá pai kɛi yɛ Hɛn Gəlee mɛ̨imun Yálá.»

Azaya 26:20

Nwɔ́ nuą! 'Ka li, 'ka lɔ ka yəi bɛlɛ́n, 'Ka gbon gəlee hveelɛ laa kpulu kaa. 'Ka ka loo lɔ, ka nąą mąą kpɔn woloɓo, ə lɛɛ ɉu niiholi ə tɛɛ,

Azaya 30:33

Gbaɠa-nwɔ̨n a kɛ a dɔɔ nąą tɔwɔ, a kɛ lɔ nwɔ̨nɔ̨ a bɛliɛ tɔɔmun mąą mɛ̨nį ɓa. Gwɛi a kɛ a diąą gee mɛ̨i kpɔ kɛnɛ̨, kɛɛnąą kɛnɛ̨ ta ɓa, nwɔ̨n ɉee mɛ̨nį ɓa. Yai-Laa nɔ̨ɔ̨ ɓə pai nwɔ̨n dooi ɉu, yɛ gbąnąą hunwɔ̨.

Azaya 46:10

Mɛ̨nį ta kaa lɔ gbalatɔɔi, gɛ́ naa kulɔ pələ lɛ, ŋą́ mɛ̨nį lɛɛ kpɔ tɔwɔ, kwɛala, ŋį́ ɉu kulɔ. Gáá kpɔ kɛi kaa: «Mɛ̨nii gwə́i hva ɉəɠə mą, gaa mą a yələ kəlee, ɛlɛɛ, mɛ̨nįi a nɛ̨ɛ̨ mą́ą́, ya ɓə ŋą́ gɛ.»

Azaya 57:9

Ə́ kɛi li a gilɛ tɔɔmun bɔ pələ, wulɔ lɔɔ yɛ́, yɛ́ ə́ wɔ mąąti wulɔ kunnɛ̨ɛ̨ɠaa lɔ yɛ́ pɔlɔɔ pɔlɔɔ, yɛ́ nuą tɔɔ kpɔ kwɛala, bələ ɓə ə́ ə́ kpɔwɔ mąą yɛɛ la, kpɔ yɛ́ həli la ɲąmuą taa pələ.

Izikiɛ 28:2

«Hulɔnu lon, 'mo Tirə tɔɔmun ma, yɛ́ mą; Mɛ̨nį kəlee ŋą Hééɓomun Yálá woo ka, yɛ: Ə́ kpɔɔ ɲąąkɛnɛi yá mo, yɛ́ kɛ diɛ, gáá a yálá, ŋą́ ɓo heeni tɔɔ kpəlin mɛ̨i, yai gaa a yálá hee kpəlin gboloyá hąąi; ya pa nu lɔ ɓaa yɛ́, hvó a yálá. Ə́ kaa ə́ kpɔwɔ kaai yɛ Yálá pɛli.

Izikiɛ 35:13

Ka kɛi mą́ą́ mɛ̨nį ɓo a ɲɛ̨i tɛ, kaa pələɠaa ɓo a náá, a kpɔwɔ ɲąą kɛnɛ̨; kɛlaa, ŋą́ gəlee mɛ̨n.

Danîa 11:16

Gɔ too mun tii, yii a nɛɛ mą, ya ɓə gaa pai gɛi, mąąhɔlɔɓo, hɛn da hva kpəɲan dɔwɔ. A kpɛɛ kɛa a gɛɛ kɛnɛ̨ɛ tii kalaa, nɔi nɛlɛi kɛɛnąą ɓə a hee laa.

Danîa 11:3

Kɛlaa, kɔ́kuláá tɔ̨nɔ̨ kaa pai kɛi a Grɛkə tɔɔmun, gaa pai kɛi lɔi kɛnɛ̨ nwun na, yii a nɛɛ mą, yɛ ɠɛ.

Danîa 11:37

Tɔɔmun və pai ɓɛlɛ kɛi galaɓɔlɔni di wɔ yáláɠaai diɛ, ə mą kɛ ala yii nwɛli kaa nɛ̨ą diɛ. Gaa pai kɛi gbɔwɔ kaai yɛ ya ɓə a kɛ a dɛɛ alaɠaa kəlee diɛ, hvo pai ɓɛlɛ kɛi dɔ̨nɔ̨ kpɛli ɓa.

Danîa 12:7

Nui ŋɛ̨i ɉəɠə kwəlɛɛ ə kɛ mą, ə ɲee hveelɛi tɛ yələi, ŋą́ nwoo mɛ̨n yɛ kɛ diɛ: «Ŋą́ gwɛla a Yálái ŋɛ̨i gaa lɔ a vulú yələ kəlee naa hu, gɛ́ diɛ: Hvo kɛli kwɛlan ɉaaɓa da gbulɔ. Mɛ̨nįɠaa ŋɛ̨i kaa pai kpɛɛi a kɛ Yálá nwɔ nuąi di wɔ huwalawala a kala kpɔ tɛ̨ɛ̨tɛ̨ɛ̨.»

Danîa 2:47

Yili pulu, tɔɔmun ə mo Daniɛlə ɓa yɛ mą: «A tɛ̨ą, ka wɔ Yálái ɓə gaa a yáláɠaa kəlee di wɔ Yálá, yɛ ɓo a tɔɔbəlaaɠaa kəlee di nwun nąmu. Yaa ɓə a loo mɛ̨nį kulɔ pɔ̨nɔ̨ŋa, mąąhɔlɔɓo, aa noo mɛ̨nį tii lɛ yɛ́.»

Danîa 5:19

Gɛnɛ̨ laai tii Yálá ə dɛɛ bɔ mąą mɛ̨nį ɓa hįi kəlee, nu huwu lɔpee gəlee, hįi woo lɔpee gəlee ɓo nuą, di kɛi ɲɔw ma. Nui kɛ a kɛ bɔ ə baa, a baa, nui a kɛ bɔ ə nɛɛ a vulú, ə nɛɛ a vulú. Nui a kɛ bɔ a tɔɔi tɛɛ bɔ, akɛ nwɔ̨nɔ̨ bɔ ə daɠaa mąąyɛɛ.

Danîa 5:20

Kɛlaa, ɉu mɛ̨nį ə kɛnɛ̨, yɛ gbɔwɔ ɲąą kɛnɛ̨, gili walawalaa, yili ɓə gɛ, Yálá ə gulɔ dɔɔ kpəlin ɉu, ə mąąyɛɛ.

Danîa 7:8

Ɲɛ̨́i ə lɛɛ lɔ ɉuwɔi tii mįnɛ̨ɠaa diɛ, nogolo ta yɛ tɔɔ di lɔwai. Ɓɛlɔwai nogoloi tii ə kɛi tɛ la, ɉuwɔi tii mįnɛ̨ haaɓa ə kulɔ ɉu. Ɉuwɔ mįnɛ̨ logoloi ŋɛ̨i tɛ a nįnɛ̨, ɲɛ̨ikɔw ə kɛ mą yɛ nu, naaləi yɛ ɓo mą, yɛ mɛ̨nį kpɛa-kpɛa ɓo.

Danîa 8:19

Yili pulu, yɛ mą́ą́: «Mɛ̨nii pai kɛi ɓɛlɔwai Yálá nwɔ líiɲąnwąną kaa pai kpɛɛi la, gáá nɛi yɛ́.

Danîa 8:4

Ŋą́ mɛlaa hilɛi tii kaa, yɛ nwun bili voló tooi pələ, ɲələi pələ da ɉɛɠɛɛ pələ, huwɔ lɔpee ta hva kɛ pɛli tɔɔi dɔwɔ, nui lɔpee ta hvo kɛi pɛli hɛn da kulɔi ɲəi. Yii a nɛɛ mą, ya ɓə a gɛ, ə lɛɛ, yɛ kɛnɛ̨.

Zakari 11:16

Mąąhɔlɔɓo, gáá pai taatɛlɛɛ pulumun da heei nɔi ŋɛ̨i hu, ɓɛlaa ta ə mą pili, yili nii hɛlɛn və pai kɛi mą, da ə mą lan, hvo pai gwɛlii, da mąą ə mą nwąną, hvo pai ɉali kɛi, yiiɠaa di kɔ́lɔi pɔ̨nɔ̨ɔ̨, hvo pai di laa hɔn moi. Yiiɠaai da wulɔ, gaa pai di mįi, yɛ di kɔ́wɔ ɲąnin ɉu ɓɛla.»

Ɉaan 5:30

Vá pɛli mɛ̨nį ta kɛi gbɔ́ɔ́ ɓa, yii ŋį́ mąn Ną́n na, ya ɓə ŋą kiti tee la, ɛlɛɛ, nwɔ́ kiti haŋąąi. Mąąhɔlɔɓo, vá nííɓa kwɛli, kɛlaa nui dɔ́ɔ́ nííɓa ɓə ŋą gwɛli.

Ɉaan 6:38

Mąąhɔlɔɓo, Və́ həɠə li yələi və́ pa nííɓa kɛ mɛ̨nį ɓa, kɛlaa nui dɔ́ɔ́ niiɓa kɛ mɛ̨nį ɓə.

Gɛlaɠaa 4:28

Yii kpɔ wɔlɔ ə́ mąą kili tee ə́ kwəi, ya ka tii daa bɔ mɛ̨nį ə kɛ.

Dutɛrɔnome 10:17

Mąąhɔlɔɓo, Yai-Laa ka wɔ Yálái ɓə gaa a yáláɠaa di wɔ Yálá; a tɔɔɓɛlaa di wɔ Tɔɔmun; Yálá yii gɛnɛ̨, vaŋą kɛnɛ̨ mąą ɲɔuwɔ, ɉaŋąą, di hva lɔ gwəi.

Tɛsalonikə veelɛ 2:3

Nu ta hvo kɛ gaa ká ɲąahɛn ɉii a pələi lɔpee gəlee; hvo kɛli ni nuą di lənə laa na pələ ɓa, ɛlɛɛ, hvo kɛli Yálá mɛ̨nį Mɛlɛtoomun, ə gbɛa gbɔwɔ lɛ, yai a nwun na pili-lon,

Tɛsalonikə veelɛ 2:4

yai a tɔɔ, hɛn kpɔ da kɛ mą: yálá gəlee la, yɛ kɔ pɛlɛ kwɛli hvilɛn mɛ̨nį kəlee ɓa, yaa kpinįi, yɛ li kpɔ yɛ hee Yálá ŋą pɛlɛ́i mu, yɛ gbɔwɔ kɛ a Yálá.

Tɛsalonikə veelɛ 2:8

nąąlɔwai ɓə mɛlɛtoomun tii a kulɔ la pono ŋą, ɛlɛɛ, gu Ną́mu Jesus ə nwun napili a naa-hvaŋą, ə ɉu kala, a nwɔ kɛɛ ponoi gaa pai la, ɉu.

Zasua 22:22

«Yáláɠaa di wɔ Yálá, yii gaa a Hɛn gəlee Nąmu Yálá, gbaɠala kaa mą, ɛlɛɛ, mąąnɛ̨ɛ̨ Israɛlə nuą kəlee di gbaɠala kaa, akɛ kwɛli tee laa ɓə ŋɛ̨i ku ka gulɔi, awala kɛ tii, akɛ ku kulɔ mɛ̨nį Yai-Laa pɔ ɓə ku yii kɛ la; ku nwun və kulɔ ɉu háákələi.

M̀ɛni-lɛɛi 10:7

Kɛlaa, ɓɛlɔwai malaka mɛ̨ihveelɛnąą kaa pai nwɔ tului hvɛɛi la, a pa gɔwɔ tɔɔi yɛ nwɔ tului hvɛɛ, nąąlɔwai ɓə Yálá ŋą mɛ̨nį looŋąą pɔ mɛ̨nį a kɛ la, yɛ bələ ə wɔlɔ mo la ŋą tínuąi a gwəi mɛ̨nį hukulɔ nuą di laaləi.

M̀ɛni-lɛɛi 12:14

Di Kúwɔ koon gbɛa-kpɛaa hveelɛ tɛɛ nɛ̨ɛ̨nui tii pɔ, ə gɛ, ə koon, ə li nɔi pun ɉu, ɓɛi tii di naa pɛli mąą mɛ̨nį ɓa, diɛ gɔ̨nɔ̨n gɛ laa, mąą ə kwɛaa gaaləi tii ɓa, ə lɛɛ ɉu kwɛlan ɉaaɓa da gbulɔ.

M̀ɛni-lɛɛi 13:1

Yili pulu, ŋą́ huwɔ ta kaa yɛ kulɔ gboloyá hu, mįnɛ̨ ə ɓo nwuɔ̨ pow, nwun ganįn ə ɓo mɛ̨ihveelɛ, mįnɛ̨ɠaa tii, tɔɔɓɔlɔ pow ə ɓo di nwuɔ̨, ɛlɛɛ, laa pɛ̨ɛ̨ nwun ganįnŋaa tii diɛ, a Yálá lalan naaɠaa.

M̀ɛni-lɛɛi 17:17

Mąąhɔlɔɓo, Yálá aa ɉuwɔi tii kwəi kili pɔ mɛ̨nį kɛɛ too di lii hu, a gwəi kili tanɔ̨n, ya ɓaa, di di hvaŋą da di wɔɔ huwalawalalaa lɔ ɉuwɔi tii ŋą tíɓo hu, ə lɛɛ ɉu, Yálá laa woo pɔ mɛ̨nį ə kɛ.

M̀ɛni-lɛɛi 17:3

Ya ɓə Kili ə gbə́ŋə́, ə li a ɲą́ą́ nɔi pun ɉu. Ɛlɛɛ, ŋą́ nɛ̨ɛ̨nu ta kaa, ɉeɛ huwɔ kpɔluɔ gbələtətə ta mɛ̨i, Yálá lalan naaɠaa pɛ̨ɛ̨ nąą kəlee, ɛlɛɛ, nwu ganįn ə ɓo mɛ̨ihveelɛ, mįnɛ̨ ə ɓo pow.