Danîa 11:34 - Yálá laawoo hɛɓɛ (dc)

³⁴ Mələkpɛɛ mąą lɔwai tii hu, di hvo pai kpɔmąą kɛnɛ̨ hɔlɔɓoi nuą yəi. Mąąhɔlɔɓo, nuąi pai tooi di pɔ, di kaa pai gɛi lɔ a yələ kulɔ ɉu.

Yálá laawoo hɛɓɛ

³⁴ Mələkpɛɛ mąą lɔwai tii hu, di hvo pai kpɔmąą kɛnɛ̨ hɔlɔɓoi nuą yəi. Mąąhɔlɔɓo, nuąi pai tooi di pɔ, di kaa pai gɛi lɔ a yələ kulɔ ɉu.

Bible

³⁴ Da kɛ̀ dípaâi, Ɣâla ŋɔnûai da pâi kpɔŋ mâa loŋ sɔlɔ ƃôi. Núu támaa da pâi pâi dípɔnaa-pere berei máŋ teniŋ ƃô-laa fé la díyêei.

Danîa 11:34 ပူးပေါင်းရင်းမြစ်များ

Danîa 11:21

«Nui pai mąąhvalin ɉii, a kɛ a nui tɔɔlaa mąąwiɛ hvo mą. Ɉulɔnui tii, ɓɛlɔwai nɔi a kɛ la liilaa hu, nąąlɔwai ɓə a dɔɔlaa hɛɠɛ la a gbanalaa túwɔ́.

Danîa 11:32

Tɔɔmun gbinį nwɔ hu ɲąŋą kɛnɛ̨ laa mąą mɛ̨nį ɓa, gaa pai kɛi nuą diɛ, ka lənə Yálá nwɔ mįnɛ̨ həɠɛɛ ɓa. Kɛlaa, yiiɠaai da lɛɛ Yálá ɓa a woo tɔ̨nɔ̨ nąmįnąa, da tɔɔ kpaan di túwɔ́ pələ hu.

Maafîu 7:15

«'Ka ka kpɔɔ mɛ̨i kaa, nuąi da di kpɔɔ kɛ a Yálá kwəi mɛ̨nį hukulɔ nuą di mąą mɛ̨nį ɓa. Mąąhɔlɔɓo, da lɔ ɓɛlaa kɔ́lɔ hu, diɛ pa ka pɔ. Kaa di kaa yɛ ɓɛlaaɠaa, a mɛ̨nį gɛ kwɛ́li hvulúɠaa li.

Lomaŋ 16:18

Mąąhɔlɔɓo, nu huwuɠaai ti di hvo tíi gu Ną́mu Kristə ɓa, kɛlɛɛ di kaa tíi di koolon ma. Da kɛ nuą ɓowoi diɛ di mąątɛ̨nɛ̨ a woo nɛɛ-nɛɛɠaa.

Galatə 2:4

bələi mąn nɛɛ kalan nɛa tii di kɛ la bɔ. Di pa ku lɔwai yɛ nɛ̨nɛ̨ɛ̨n-naa kɛ nuą; di kɛ bɔ di gaa, bələi ku kaa ku wɔɔ lɛɛgbɔwɔ ɓa laa hon ɉii la, a yai həɠə Jesus Kristə pɔ pələ, ə gɛ, di ku lɔ di yee mu.

Timote veelɛ 4:3

Mąąhɔlɔɓo, yələ ta kaa pai ɉəli, nuą wəli kaa pai walawalai, di hva kɛa di wəli tɔɔ tɛ̨ą woo hu həɠəənŋąą ɓa. Kɛlaa, di kaa pai hvilɛn ɉii di kpɔwɔ liiɓa mɛ̨nįɠaa pulu, di wəlii yɛ di təɠən, diɛ di liiɓa mąąkwɛli kɛ nuą tamąą həɠə di bu di kwɛlɛ.

Taitɔ 1:11

'Hvo kɛli, ə́ di laa kpulu. Da kɛ pɛlɛ́ tamąą mu kɛi wulu-wulwu, diɛ nuą mąąkwɛli, əgɛ, di hvulu hɛn ɉɔlɔɓo, yili yaan mąą hvo nɛ̨ɛ̨li.

Zɔ̂ŋ Maa-ŋuŋ 4:1

Nwɛ́likɛmąą nuą, 'ká hvo laa mąąkwɛli kɛ nuą kəlee woo la, kɛlaa, 'ká di mąąkpɛɛ, ə gɛ, ká gaa, akɛ ə həɠə Yálá pɔ; mąąhɔlɔɓo, lɛɛ nuą tamąą daa di kpɔwɔ kɛ a Yálá kwəi mɛ̨nį hukulɔ nuą daa taɠa-taɠa yɛnɛ̨ɛ̨ nąą kəlee.

Zɔ̂ŋ Maa-ŋuŋ 4:5

Di wɛi, di kaa a yɛnɛ̨ɛ̨ nwɔɔ, bələ lɔ ɓə da yɛnɛ̨ɛ̨ woo ɓo la, ɛlɛɛ, yɛnɛ̨ɛ̨ yɛ nwəli tɔɔ di woo ɓa.

Zɔ̂ŋ Veerɛi 1:7

Mąąhɔlɔɓo, nu ɲąąhɛn nuą tamąą daa taɠa-taɠa yɛnɛ̨ɛ̨, Di hvo laa li Jesus Kristə kɛ mɛ̨nį a nu, na. Ya ka tii, a ɲąąhɛn kɛmun tii, a Kristə ɲowoi tii!

Zûu 1:4

Mąąhɔlɔɓo, nu ɲɔ̨nwɔ̨ɔ̨ tamąą daa lɔ ka lɔwai, diɛ guɔ Yálá nwɔ mɛ̨inɛ̨ɛ̨ woo ŋɛ̨i mąą pənə a di kpɔɔ liiɓa. Ə gɛ, di di wɔ túwɔ́ pələ ɲɔ̨nŋaai lɛ yɛ tɛ̨ą mɛ̨nį. Diɛ lənə Jesus Kristə ɓa, yai gaa a gu mąąkwɛlimun tanɔ̨n gbən da gu Námui. Yálá lawoo a wɔlɔ nuą tii di nwun napili mąą mɛ̨nį ɓo ɉu aa kwɛa.

M̀ɛni-lɛɛi 12:13

Yii kɛa mąąɲɔw-hɛn tii kili ə pu ɉu yɛ daa bili lɔi mɛ̨i, ə hvilɛn gɛa nɛ̨ɛ̨nui tii naayɛɛ a lon ɉulɔnu, bulu yɛ gbɛ.

M̀ɛni-lɛɛi 2:20

Kɛlaa, ə́ hɔn da kaa laa, ya ɓaa, yá kɛ Ɉezabɛlə mąąwɛli kaai, a nɛ̨ɛ̨nui tii a kɛ gbɔwɔ kɛi a Yálá kwəi mɛ̨nį hukulɔ mun, ɛlɛɛ, yɛ nwɔ́ tínuą nwun ɉu lan, yɛ di mąąkwɛli a wɛlikɛɛ, ɛlɛɛ, da haláá huwu mįi.