Danîa 11:33 - Yálá laawoo hɛɓɛ (dc)

³³ Nuąɠaai tii lɔwai, yiiɠaai di nwun gaa di hu, da di ɓɛlaa liɛwoo kɛ, kɛlaa, lɔwai tawolo tɛɛ pulu, di kaa pai daɠaa pai, di daɠaa kələn, di daɠaa yəi hɛnŋaa kulɔ di yəi, di di too gaho ŋą.

Yálá laawoo hɛɓɛ

³³ Nuąɠaai tii lɔwai, yiiɠaai di nwun gaa di hu, da di ɓɛlaa liɛwoo kɛ, kɛlaa, lɔwai tawolo tɛɛ pulu, di kaa pai daɠaa pai, di daɠaa kələn, di daɠaa yəi hɛnŋaa kulɔ di yəi, di di too gaho ŋą.

Bible

³³ Ǹúu láa túɛ-ƃela táreɛ-ŋai da pâi dítarei lɛ̂i núu támaa ma. Kɛ́lɛ da pâi da-ŋa paâi a ƃóa-sɔ̂kpɔ kpaa máŋ dí díkereŋ. Da pâi sãa kulâi da-ŋa yêei a wála-wâla-laa dí dípili kpini-pɔrɔŋ.

Danîa 11:33 ပူးပေါင်းရင်းမြစ်များ

Danîa 12:10

Ŋaatɛ mɛ̨nį ɓə pai nu tamąą mąąhəɠəi ə di waa, di kwələ. Nuą yiiɠaai di túwɔ́ pələ ɲɔ̨nwɔ̨ɔ̨, di kaa pai kɛi túwɔ́i lɔ a ɲɔ̨nwɔ̨ɔ̨, di hvo pai pɛli ŋąą kaai. Kɛlaa, nuąi a nwun gɛ ɉu nuą diɛ ɓə pai mɛ̨nįɠaai tii ŋąą kaai.

Malasi 2:7

A tɛ̨ą, haláá laa həli mun gɛ kólo ɓaa, ə nuą mąąkwɛli a Yálá kɔ́lɔn mɛ̨nį, yaa tii ɓə nuą da pa bɔ, diɛ mąąnįn kɛ a kpaaləi mąąnɛ̨ɛ̨ di hiɛ la. Mąąhɔlɔɓo, ya ɓə gaa a Yai-Laa Mɛ̨nį Kəlee ŋą Hééɓomun laawoo laa həli mun nuą diɛ.

Maafîu 10:21

«Nuą kaa pai kɛi di kpɔ-kpɔɔ ləɠəni paai, nu taɠaa diɛ yili ɲɔ̨nwɔ̨mąn gɛ a di lonnii. Lon yɛ pɛlɛ gaamun ma, baa mɛ̨nį ɓa.

Maafîu 13:11

Jesus ə di woo ŋąąpənə yɛ diɛ: «Ka wɛi, Yálá-taa tɔɔlaa hu mɛ̨nį kɔ́lɔnŋąąɠaa, yiiɠaai noɔ, kaa gɔlɔn, da kaa ɉɔlɔɓo, kɛlaa di wɛi di hvo nii ɉɔlɔɓo li.

Maafîu 20:23

Diɛ mą: «Kwa pɛli ku mįi!» Jesus yɛ diɛ: «Yii ɓaa mɔ̨nɔ̨ nwɛi, ka káá pai miii, kɛlaa, yii ɓaa nu tɔ̨nɔ̨ hee mɛ̨nį mamįiyee hu, da gɔɓɛyee hu, ɲą́ą́ hvei yili kaa ná. Nuąi Ną́n Yálá ə gɛɛnąąɠaa tii pɛli a di wɔɔ, diɛ ɓə nąą kaa a di wɔɔ.»

Maafîu 24:9

«Yili pulu, nuą kaa pai kɛi ka hon ɉi diɛ ka kɛlɛ, diɛ ka taɠaa paa. Ka wɛli kaa pai kpɛɛi nu kəlee ɓa, ɲą́ą́ náá mąą mɛ̨nį ɓa.

Maafîu 28:20

Yiiɠaai ŋį́ ka tí la, ka nuą mąąkwɛli mą a ɉon bələ. Gáá ka pɔ a yələ kəlee, ə lɛɛ ɉu yɛnɛ̨ɛ̨ ɲąą ə kpɛɛ la.»

Ɉaan 16:2

Di kaa pai kɛi ka kpɛi Yálá hvɛli pɛlɛ́ɠaa mu; yələ ta kaa pai ɉəlii, nui a ka ta paa, yɛ kɛ gaa Yálá mąąwiɛi ka tii.

Gɛlaɠaa 11:26

Ɓɛlɔwai ə gaa la, ə ɉəɠə da yaa di pa Antiɔsə. Da yaa di kwɛlan dɔ̨nɔ̨ kɛ laa, di gbɔn ti mąąkwɛli kpɔ kpaan a Yálá mɛ̨nį. Antiɔsə daai ɓə di kalan nɛa laa hee laa tɔlɔɔ, a: Kristalɛa.

Gɛlaɠaa 14:21

Polə da Barnabasə di nwəlɛɛ lɛlɛɛ laa həli Dɛrbe, di kalan nɛa tamąą hɔlɔɓo laa. Di yali di pulu, di tɛɛ a Listrə pələ, Ikoniumə da Antiɔsə.

Korɛntə dɔlɔɔ 4:9

Gbala ə tɔɔ, gíliŋąhiɛ pələ, Yálá aa ku too nuą kanŋaa ɲɛ̨i ɓa, a kuɔi ŋɛ̨i a ŋą tínuą, aa ku lɛɛ a nu gbəli, yɛ nuąi da di kiti tee, a di paa mɛ̨nį. Aa ku kɛ a yɛlɛkulɔ ɉu hɛn, yɛnɛ̨ɛ̨ ɲɛ̨i ɓa, malakaɠaa ɲɛ̨i ɓa da nu kanŋaa.

Timote veelɛ 1:12

Yili mąą mɛ̨nį ɓa ɓə, gáá mɔ̨nɔ̨ɠaa ŋɛ̨i mįi la, a liikpələ laa. Kɛlaa, yili ŋą nwumɛ̨ hvo mą́ą́, mąąhɔlɔɓo, nui ŋį́ gílítɔɔ mą, ŋį́ gɔlɔn, ɛlɛɛ, náái na, gɛ́, mɛ̨nį ŋɛ̨i ə galihvaɓo mą́ą́, a pɛli ə ɲee kąnąn mą, ə lɛɛ la ɉu, ɲələi tii ə ɉəli.

Timote veelɛ 4:6

Yii ɲą́ą́ nwɛ́i, daa náákwɛlanmo a haláá hɛn, ɛlɛɛ, ní yələ aa həli.

Hebreu 11:34

diɛ nwɔ̨n gbɔluɠaa luwun, diɛ kulɔ ɓɔwa kwɛaaɠaa yee mu, diɛ kulɔ ɲɔ̨n nwalawalaɠaa hu, diɛ kuláálaa kɛ kɔ́ hu, di yee yɛ tɛɛ kɔlaɠaɠaa diɛ.

M̀ɛni-lɛɛi 1:9

Ɲą́ą́, ká nąn non Ɉaan, yai ká diɛni ká kaa ká kee pɔ mɔ̨nɔ̨ tanɔ̨n ɉu, dɔɔlaa hu, ɛlɛɛ, da dɔɔa nwąnąi laa hu Jesus hu, ŋą́ kɛ Patmɔsə tín ɉu, Yálá laa woo mąą mɛ̨nį ɓa, ɛlɛɛ da Jesus mąą kɛla hvaa ɓo mɛ̨nį ɓa.

M̀ɛni-lɛɛi 17:6

Ŋą́ nɛ̨ɛ̨nui tii kaa, mąąhəɠə nuą da Jesus ŋą kɛlaɠaa di ɲąmą aa ɉon yɛ lɔɔ. Gaai ŋį́ mo, gwə́i ə pili kpɔ mą́ą́ kɛnɛ̨.

M̀ɛni-lɛɛi 2:13

Ɓɛi ə́ heɛ kaa laa, ŋį́ nąą kɔlɔn, nąą lɔ ɓə ɓilihi nwɔ tɔɔkpəlin gaa laa. Kɛlaa, yáá ə́ yee kąną náá ɓa, ɛlɛɛ, hvó lənə li nwɔ́ pələi ɓa, ə mą kɛ, a vólóɠaai di kɛli nwɔ́ kɛla tələnmoɔ Antipasə paa la, ká pɔɔli, ɓɛi ɓilihi aa ɉeei kulɔ laa.

M̀ɛni-lɛɛi 6:9

Ɓɛlɔwai ə gɔlɔn ɉɛn nɔɔlinąą holoon na. Ŋą́ nįiɠaa kaa ɉaláá kulɔi kɔwɔ mu, di kɛ a nuąi daa di kulɔ a haláá, Yálá laa woo mąą mɛ̨nį ɓa, ɛlɛɛ, da gɛla hvaai di mo mąą mɛ̨nį.

M̀ɛni-lɛɛi 7:14

Ŋą́ nwoo ŋąąpənə, gɛ́ mą: «Ną́mu, yɛ́ lɔ ɓə gbaɠala kɔ́lɔn!» Yɛ mą́ą́: «Di kulɔ mɔ̨nɔ̨ kɛnɛ̨i tii hu. Daa di wɔ həɠəɠaai waa Mɛlaa lon ɲąmą hu, daa gwələ.