Danîa 11:31 - Yálá laawoo hɛɓɛ (dc)

³¹ Yai tii, gaa pai kɔ́kulááɠaa tɔɔi, ə gɛ, di kɔ́ pɛlɛ Yálá nwɔ taai ŋɛ̨i mąątínɛ̨n ŋąą a hįi ma, di kaa pai mɛlɛkpɛɛ ma. Ɉaláái ŋɛ̨i da gulɔ Yálá ɓa a hvoló kəlee, di kaa pai tɔ́n dɔɔi yili ɓa, di ‹mɛ̨nį kɔ́hɔɓoɔ laa ɉaláá kulɔi.›

Yálá laawoo hɛɓɛ

³¹ Yai tii, gaa pai kɔ́kulááɠaa tɔɔi, ə gɛ, di kɔ́ pɛlɛ Yálá nwɔ taai ŋɛ̨i mąątínɛ̨n ŋąą a hįi ma, di kaa pai mɛlɛkpɛɛ ma. Ɉaláái ŋɛ̨i da gulɔ Yálá ɓa a hvoló kəlee, di kaa pai tɔ́n dɔɔi yili ɓa, di ‹mɛ̨nį kɔ́hɔɓoɔ laa ɉaláá kulɔi.›

Bible

³¹ Ŋɔkɔ kɔ́-ƃelai da pâi mɛni nyɔ́mɔɔ-ŋa kɛ̂i Ŋ̀âla-pɛrɛ Kɛ́tɛi mu. Da pâi ǹûai díɣele kélee sala kula mɛ̂ni-ŋai kperâi. Da pâi zɛŋ nyɔ́mɔɔ kɛ́tɛi seêi Ŋ̀âla-pɛrɛ Kɛ́tɛi mu.

Danîa 11:31 ပူးပေါင်းရင်းမြစ်များ

Ɉeremi 19:4

Yii daa lənə mą́ą́, diɛ gɛɛnąą ŋɛ̨i laa pu, a halááɠaa kulɔi di kaa moi haliɠaa diɛ, yá pa yaan, ɉaliɠaa tii ta hvo ta di ta mąą mɛ̨nį ɲɛ̨i kulɔ li, ə kɛ a di nąnni, ə kɛ a diɛ kpinįi, ə kɛ a Ɉuda tɔɔɓɛlaa; daa gɛɛnąą ŋɛ̨i laahvɛɛ a lɛapɛlɛɛi di hvo ta mɛ̨nį ɲɔ̨n gɛ li di ɲąmą.

Ɉeremi 7:30

Yai-Laa woo ka, yɛ diɛ: Ɉuda nuą daa di yee lɔ mɛ̨nį ɲɔ̨n ɉu, yii mɛlɛ hvo gwə́i. Daa nwɔ́ pɛlɛ́i kɔ́hɔɓo, daa lɔ laa a haliɠaa diɛ gɔ́.

Woolaa 1:10

Ɲowoɠaa daa ɲəi hɛn gɔw kəlee həɠə. Ɉerusalɛmə kpįnįi, ɲɛ̨i aa lɛɛ ɲowoɠaa diɛ, diɛ lɔ gɛɛnąą mąąhəɠɛɛ ɓa, ɓɛi ə́ tɔ́n dɔɔ mą nu takpɛliɠaa lɔ mɛ̨ni ɓa laa!

Woolaa 2:7

Yai-Laa nwɔ haláá kulɔi wɛli aa kpɛɛ mą aa gili kulɔ nwɔ pɛlɛ́ mąąhəɠɛɛ hu, aa dɔɔ pɛlɛ́ɠaa too ku yowoɠaa yee ŋą da di mąąkpɛ hįiɠaa. Kɔ́ mɛ̨i tomą woo kaa kulɔi Yai-Laa yəi bɛlɛ́n yɛ daa kɛi hɛli pu.

Izikiɛ 9:7

Yɛ diɛ: «'Ka Yálá hee pɛlɛ́ mu kala; ɛlɛɛ, 'ka ká wɔ lí ɓo! Di pɛlɛ kɛa nu paa ɓa, daa pɔ.»

Danîa 12:11

Ə həɠə volói ŋɛ̨i di hvo kɛa pai haláá kulɔi la Yálá ɓa a hvoló kəlee, ə həli volói di kaa pai mɛ̨nį kɔ́hɔɓoɔ kaai la ɉaláá kulɔi, hvóló waa tɔ̨nɔ̨ pulu nwun veelɛ yee mɛ̨inąąn (1290) ɓə pai kulɔi ɉu.

Danîa 8:24

Nwɔ huwalawala kaa pai kɛnɛ̨i, kɛlaa, ɉuwalawalai tii hva kulɔ gbɔwɔ kpinį hu. Gaa pai kɛi kɛɛ kalai, yii nuą kili hva kɛ mą. Yi lɔpee a ɲee too ɉu, a kɛ, gaa pai huwalawala nuą tamąą tooi, ə lɛɛ, ɲee ə tɛɛ Yálá nwɔ nuąi diɛ.

Danîa 8:26

Ɉįi tii ə́ gaa yɛ hvilɛn na yələ wuliiɠaa da yələwalaɠaa diɛ, yili kaa a tɛ̨ą. Ə́ wɛi, mąąnɛ̨ɛ̨ ə́ mɛ̨nįɠaai tii lɛɛ ə́ kwəi, mąąhɔlɔɓo, vilɛn ŋaai mɛ̨nį hu kwɛa ɓa, yii gaa pai kɛi.»

Danîa 9:27

Gwɛlan mɛ̨ihveelɛ lɔwai tii yee mu, da nu kpulu kɛnɛ̨ di kaa pai mįnɛ̨ walawala həɠəi. Kwɛlan ɉaaɓa da gbulɔ yee mu, gaa pai gɛi haláá kulɔ mɛ̨nį da Yálá kɔ́ mɛ̨nįɠaa hu. Gɛɛ kalamun gɛnɛ̨i tii kaa pai nwɔ mɛ̨nį ɲɔ̨nŋaai tii kɛi kpɔ a mąąhulaa, gɛɛ nɔwai ŋɛ̨i di ɲɛɠɛ ɉu hvo kɛ həlii ma.»

Osia 3:4

Bələ ɓə Israɛlə lonnii kaa pai lɛɛi la a ɉukwɛaa, tɔɔmun va kɛ di yəi, da di ɲɛ̨itɔwɔ mun, da haláá kulɔ mɛ̨nį, da haláá həɠə mɛ̨nį, ɛlɛɛ da haláá kulɔi, da Yálá mąąnikɛ hɛnŋąą.

Maafîu 24:15

«Yili ɓə gaa mą, ɓɛlɔwai ka káá pai nwun napili mɛ̨nį mąą ɲɔ̨wuɔ, kaai la tɔɔ ni ɓɛi da Yálá mąą mɛ̨nį ɓo laai, yɛ pələi Yálá kwəi mɛ̨nį hukulɔ mun Daniɛlə ə mo la. Nui gaa mɛ̨nįɠaa ŋɛ̨i kalan ɉii ə gbaɠala kaa a nəlɛɛ!

Markə 13:14

Nwoo ŋɛ̨i Jesus kaa moi, yɛ kɛ mą: «Ɓɛlɔwai ka káá pai Kristə ɲowo kaai la yɛ Yálá hee pɛlɛ́ kɔ́hɔɓo.» (Nui gaa Jesus wooi tii kalan ɉu, hvo kɛli ə gbaɠala kaa.) Jesus ə pənə, ə mo yɛ diɛ: «Nąąlɔwai, nuąi da kɛ Ɉude lɔi hu, hvo kɛli di pu di tɛ yeeɠaa ɓa.

Lukə 21:20

«Ɓɛlɔwai ka káá pai kɔlaɠa kaai la a Ɉerusalɛmə taa mąą tinɛ̨n, ka gɔlɔn kaa diɛ, daa woloi lɔwai aa həli.

M̀ɛni-lɛɛi 17:12

«Mįnɛ̨ powi tii ə́ gaa, tɔɔɓɛlaa pow li, yiiɠaai di hvo ni tɔɔlaa hɔlɔɓo li, kɛlaa, di kaa pai dɔɔlaa hvaŋą ɲąąkwɛlɛi da ɉuwɔi tii ni lɛɛlɛ tɔ̨nɔ̨ yee mu.