Danîa 11:28 - Yálá laawoo hɛɓɛ (dc)

²⁸ Ɲanwuɔ̨ tɔɔmun a hɛn gɔw kɛnɛ̨ həɠə, ə pənə yɛ li la bɔ taai. Ɓɛlɔwai a kɛ lííla, pɛlɛi tii ə giliŋąhiɛ la, yɛ hvilɛn na nuąi ŋɛ̨i Yálá ə mįnɛ̨ həɠə diɛ di mąą mɛ̨nį ɓa, a bɔ mɛ̨nį kɛ, yili pulu, ə li bɔ lɔi.

Yálá laawoo hɛɓɛ

²⁸ Ɲanwuɔ̨ tɔɔmun a hɛn gɔw kɛnɛ̨ həɠə, ə pənə yɛ li la bɔ taai. Ɓɛlɔwai a kɛ lííla, pɛlɛi tii ə giliŋąhiɛ la, yɛ hvilɛn na nuąi ŋɛ̨i Yálá ə mįnɛ̨ həɠə diɛ di mąą mɛ̨nį ɓa, a bɔ mɛ̨nį kɛ, yili pulu, ə li bɔ lɔi.

Bible

²⁸ Zãai Asiria Kaloŋ è gula yêei kɛ̀ gɔ́i sui, a pâi tɔɔ̂i zu. A pâi liî a gélee bɔ́-taai. A pâi Ɣâla ŋɔnûai díɣâla mɛni kɛ́-perei kperâi. M̀ɛnii kélee a pâi wɛ̂lii é gɛ̂i, a pâi gɛ̂i. Ǹaa a kɛ̀ tí é lène pôlu bɔ́-taai.

Danîa 11:28 ပူးပေါင်းရင်းမြစ်များ

Danîa 11:22

Kɔ kpulu lɔpee ta yee hvo pai pɛlii ma. Gaa pai kɔlaɠa kəlee ɲąąwoloi, ə lɛɛ, nuąi ŋɛ̨i Yálá ə mįnɛ̨ həɠə diɛ, gaa pai di wɔ tɔɔmun dɔ̨nɔ̨ paai.

Danîa 11:27

Dɔɔɓɛlaa hveelɛi tii di kaa pai di kee kaai kɛɛnąą tɔ̨nɔ̨, ə gɛ, di pɛli mɛ̨nį tɔ̨nɔ̨ hu, kɛlaa, yɛ pələi nwąnąlɔ kiliŋąhiɛ lɔ ɓə kɛ la diɛ, di kaa pai kɛi lɔ lɛɛ kɛi di kee ɓa, di wɔ ŋąąkpɔn tii nwun va kɛ mą, mąąhɔlɔɓo, yili hva kɛ a ŋaakpɛɛi lɔwai.

Danîa 11:29

«Lɔwai ta a həli, ɲanwuɔ̨ tɔɔmun gaa pai muhəɠəi ə li ɉɛɠɛɛ tɔɔmun bɔɔli, kɛlaa, hva kɛ yɛ pələ dɔlɔɔ tii ə kɛ la.

Danîa 8:12

Yálá nwɔ nu kpului tii da ɉaláái ŋɛ̨i di kɛi gulɔ a hvoló kəlee, di lɛɛ mįnɛ̨i tii yee mu, nwąnąlɔi tii ə kɛi gulɔ mąą mɛ̨nį ɓa. Mįnɛ̨i tii ə tɛ̨ą too lɔi ɓa, ə yeetɛɛmąą hɔlɔɓo gɛ mɛ̨nįɠaa hu.

Danîa 8:24

Nwɔ huwalawala kaa pai kɛnɛ̨i, kɛlaa, ɉuwalawalai tii hva kulɔ gbɔwɔ kpinį hu. Gaa pai kɛi kɛɛ kalai, yii nuą kili hva kɛ mą. Yi lɔpee a ɲee too ɉu, a kɛ, gaa pai huwalawala nuą tamąą tooi, ə lɛɛ, ɲee ə tɛɛ Yálá nwɔ nuąi diɛ.

Gɛlaɠaa 3:25

Ka káá a Yálá kwəi mɛ̨nį hukulɔ nuą lonnii, da mįnɛ̨i Yálá da ka nąnni di ɉəɠə ɉu lonnii. A ɲələi ə kɛ la Abrahamə ɓa: ‹Yɛnɛ̨ɛ̨ nu huwu kəlee kaa pai lúwɔ́ hɔlɔɓoi ə́ huwu háálai.›