Danîa 11:24 - Yálá laawoo hɛɓɛ (dc)

²⁴ Ɓɛlɔwai nɔi kaa pai kɛi la liilaa hu, nąąlɔwai, gaa pai kɛi lii goɓitaaɠaai ɲąąnɛ̨ɛ̨, ɉu, yii kpɔ galaɓɔlɔni di hvo gɛ li, yɛ gɛ. Gaa pai tooi nuą mɛ̨i, ə di yəi hɛnŋaa həɠə, yɛ ɲąą kwɛlɛ nwɔ nuą diɛ. Taaɠaai mąątínɛ̨n ŋąą a hįi, gaa pai kɛi diɛ: ə kɔ́ pɛlɛ diɛ. Kɛlaa, mɛ̨nįɠaai tii ɉu hvo pai kwɛai.

Yálá laawoo hɛɓɛ

²⁴ Ɓɛlɔwai nɔi kaa pai kɛi la liilaa hu, nąąlɔwai, gaa pai kɛi lii goɓitaaɠaai ɲąąnɛ̨ɛ̨, ɉu, yii kpɔ galaɓɔlɔni di hvo gɛ li, yɛ gɛ. Gaa pai tooi nuą mɛ̨i, ə di yəi hɛnŋaa həɠə, yɛ ɲąą kwɛlɛ nwɔ nuą diɛ. Taaɠaai mąątínɛ̨n ŋąą a hįi, gaa pai kɛi diɛ: ə kɔ́ pɛlɛ diɛ. Kɛlaa, mɛ̨nįɠaai tii ɉu hvo pai kwɛai.

Bible

²⁴ Ǹɔii m̀ɛi-ŋai tɔɔ-sãa támaa káa naai, a pâi nàa siɣêi ǹɔii ǹâmela tɛ̂i-pere. M̀ɛnii ǹâŋ kpaa máŋ ǹâŋ ŋɔ̀naŋ-ni dífe wɔ́lɔ gɛ́ níi, a pâi gɛ̂i. Zãâi a pâi zɔlɔ ƃôi kɔ́ sui, a pâi ŋ̀áa kɔlɛ̂i bôlu-ƃelai dîa. A pâi kɔ̂i a gɛɛ é taa-lee maa tínaŋɔɔ-ŋa sòŋ kɛ́lɛ ŋɔtãi su a pâi kɛ̂i a gbuaa.

Danîa 11:24 ပူးပေါင်းရင်းမြစ်များ

Nehemi 9:25

Di walawalaaɠaa hon, da lɔi lɛlɛɛɠaa, di pɛlɛ́ɠaa hɔlɔɓo a di wɔɔ, di laahvɛɛ a hɛn gɔw huwu lɔpee. Ya-lɔwa da viɲə yɛaɠaa. Olivə yeaɠaa, da ɓá wulu kpulu tamąą. Di di laa mįi, di koo haɠa ə laa di ŋą. Di wɔ yɛnɛ̨ɛ̨ kɛ di ɲąąnɛ̨ɛ̨ hu, ə́ wɔ mɛ̨nį lɛlɛ pələ ɓa.

Hanwon 17:8

Mɛ̨inɛ̨ɛ̨ kaa a nwun na nɛ̨ɛ̨ hali, pələi lɔpee a ɉon na, ɉu a nɛ̨ɛ̨ mą.

Hanwon 19:6

Nui ɲɛ̨itɔwɔlaa kaa mą, nu tamąą da dɛ̨nɛ̨ ɲɛ̨i ɓa, nui a mɛ̨inɛ̨ɛ̨ kɛ, gaa a nu kəlee mɛlan.

Hanwon 23:7

Mąąhɔlɔɓo, nwɔ kiliŋąhiɛ hu, a mɛ̨nįɠaa gwɛdɛn gulɔi, yɛ kɛ yɛ́: «Ə́ laa mįi, ə́ ə́ kpələ.» Kɛlaa, a tɛ̨ą, nwɔ kiliŋąhiɛ hva kɛ a nɛlɛɛ, yɛ hvilɛn na yɛ́.

Izikiɛ 34:14

Gáá pai ɲąąkɔn ɉii, kala tiliin ɉuwiaa mɛ̨i, naa mįi kala tilinn gaa pai hɔlɔɓoi, Israɛlə yeeɠaa nwuɔ̨; naa ɓə gaa pai kɛi pɛlɛi laa; kala tiliin ɉuwiaa mɛ̨i, yɛ kala tiliin nɛlɛɛ mįi, Israɛlə yeeɠaa nwuɔ̨.

Izikiɛ 38:10

Mɛ̨nįi Yai-Laa kaa moi, ya ka: a mąą yələi tii, ə́ kaa pai mɛ̨nį tamąą mąą kili ɲąhiɛ kɛi, ə́ kaa pai kóló ɲɔ̨ŋɔ̨ɔ̨ mąą kili təɠəi ə́ kwəi.

Danîa 11:23

Ɓɛlɔwai da nuą di kaa pai di yee lɔi la gee hu, gaa pai gbanalaa ta kɛi, ə huwalawala hɔlɔɓo, da nu kpulu logolo.

Danîa 7:25

Gaa pai kɛi woo ɲɔ̨n moi a Yálá Yii Gaa Hɛn Gəlee Nwun Mɛi naa, yɛ Yálái tii nwɔ nuą laanɔ̨nwɔ̨ɓo, gaa nwɔ kwəi a pɛli pai kɛi lɔwai mąąhvalin ɉii, da Yálá nwɔ tɔ́n. Ə lɛɛ, di kaa pai Yálá nwɔ nuą tɛɛi bɔ, di kwɛlan ɉaaɓa da gbulɔ kɛ ɲee mu.

Lonon mo 13:20

Ka nɔi kɛ pələ kaa, akɛ hihɛn a lɛlɛ mą, a wala kɛ tii hva lɛlɛ mą. Akɛ lɔwɔ lɔi li, a wala kɛ tii gbali lɔi li. Ka tɔɔ a ka nwąnąi, ka nɔi tii hu hɛn má ta həɠə.» Ɓɛlɔwai di kɛi di tɔɔ la pələi, ə kɛ a viɲə dɔɔ dɔwɔɠaa ɓá kulɔi lɔwai.

Maafîu 9:4

Yii kɛa Jesus ə di wɔ kiliŋąhiɛi tii kaa, ə mo diɛ, yɛ diɛ: «Lə mɛ̨nį ɓa ka káá ka kiliŋąhiɛi a ɲɔ̨nwɔ̨ɔ̨?

Nwun mąąɓo 9:4

Nuąi tii di nɛɛ mą, di wali kwələ pow mɛ̨ihveelɛ həɠə Baalə-Beritə pɛlɛ́ mu, di dɛɛ Abimelɛkə pɔ. Abimelɛkə ə nwalii tii ta tɛɛ nu kpoloonŋąą pɔ, da too nwun ma kulɔ nuą, di hvilɛn bulu.