Danîa 11:21 - Yálá laawoo hɛɓɛ (dc)

²¹ «Nui pai mąąhvalin ɉii, a kɛ a nui tɔɔlaa mąąwiɛ hvo mą. Ɉulɔnui tii, ɓɛlɔwai nɔi a kɛ la liilaa hu, nąąlɔwai ɓə a dɔɔlaa hɛɠɛ la a gbanalaa túwɔ́.

Yálá laawoo hɛɓɛ

²¹ «Nui pai mąąhvalin ɉii, a kɛ a nui tɔɔlaa mąąwiɛ hvo mą. Ɉulɔnui tii, ɓɛlɔwai nɔi a kɛ la liilaa hu, nąąlɔwai ɓə a dɔɔlaa hɛɠɛ la a gbanalaa túwɔ́.

Bible

²¹ Ŋ̀âla-taa-kelai è ŋɔ́nɔ mò ǹyɛɛi, “Ǹúui pâi lɛɛ̂i bɔ́ɔ ŋái, vé pa kɛ̂i a gâloŋ nuu-suui su-nuu da. A pâi kɛ̂i a zɔŋ nyɔ́mɔɔ. Tãi ǹûai kíli fé pâi kɛ̂i la mai, m̀aa tãi ƃé a pâi gâloŋ-laai siɣêi la a wôya-pere.

Danîa 11:21 ပူးပေါင်းရင်းမြစ်များ

Mąątɛ̨nɛ̨ 12:8

Gaa tii, Yai-Laa, Ə́ wɛi, Yá kulɔ Ə́ woo ɓa. Yá ku mąąkɔ̨nwɔ̨, a yələ kəlee, nu taaleei tii yəi.

Mąątɛ̨nɛ̨ 15:4

Ɲɛ̨i mu, mąąnɛ̨ɛ̨ di tɛɠɛɓo nɛ̨ŋɛ̨n ɉəɠəmun ɉu. Kɛlaa, nuąi da ɲɔw Yai-Laa ɓa, a di mąąwiɛ, ə mą kɛ, aa gwɛla a ɲee lɛɛ pələ ɉu, hva nwoo lɛɛ.

Mąątɛ̨nɛ̨ 55:21

Ɉulɔnui tii ə kɛi mɛlaa kɛlɛ, nwooi ə gwɛlɛ, ə yili mąą kala.

Azaya 32:5

Di hvo kɛa pai kilikpɛɛɲəimun gɛi a lɔi nąmu, di hva kɛ hvulumun mą nu kɛnɛ̨.

Danîa 11:20

Nui ŋɛ̨i pai mąąhvalin ɉii, yili a nu ta həɠə ə paa la, ə tɔɔi kɛnɛ̨ tɛɛ bɔ dɔɔlaa hu, ə dɔɔlaa hu hɛnŋaa tamąą həɠə a tɔɔ mɛ̨i. Kɛlaa, hva kpɛli Yələ tamąą kɛ, da dɔɔmun tii nwɔ tɔɔlaai hutaɠa, hva kɛ kɔ́ mɛ̨i, hva kɛ nwɔ̨nɔ̨ liiholi mɛ̨nį hu.

Danîa 11:32

Tɔɔmun gbinį nwɔ hu ɲąŋą kɛnɛ̨ laa mąą mɛ̨nį ɓa, gaa pai kɛi nuą diɛ, ka lənə Yálá nwɔ mįnɛ̨ həɠɛɛ ɓa. Kɛlaa, yiiɠaai da lɛɛ Yálá ɓa a woo tɔ̨nɔ̨ nąmįnąa, da tɔɔ kpaan di túwɔ́ pələ hu.

Danîa 11:34

Mələkpɛɛ mąą lɔwai tii hu, di hvo pai kpɔmąą kɛnɛ̨ hɔlɔɓoi nuą yəi. Mąąhɔlɔɓo, nuąi pai tooi di pɔ, di kaa pai gɛi lɔ a yələ kulɔ ɉu.

Danîa 11:7

Di yəi bɛlɛ́n mun da kaa pai nąn dɔɔi həɠəi, a pa kpɔ ə hvaa tee ɲanwuɔ̨ tɔɔmun bɔ taai. Gaa pai kɔ́ pɛlɛi ɲanwuɔ̨ tɔɔmun tii nwɔ hvólóhahiɠaa diɛ, ɲee ə tɛɛ diɛ.

Danîa 4:17

Nwului tii ə́ gaa, yaai tii kɛ gɛnɛ̨i, nwalawalaa, gweaa yɛ tɛ yələkɔlɔn ma, yaai yɛnɛ̨ɛ̨ naakəlee nuą da pɛli kɛ gaai;

Danîa 7:8

Ɲɛ̨́i ə lɛɛ lɔ ɉuwɔi tii mįnɛ̨ɠaa diɛ, nogolo ta yɛ tɔɔ di lɔwai. Ɓɛlɔwai nogoloi tii ə kɛi tɛ la, ɉuwɔi tii mįnɛ̨ haaɓa ə kulɔ ɉu. Ɉuwɔ mįnɛ̨ logoloi ŋɛ̨i tɛ a nįnɛ̨, ɲɛ̨ikɔw ə kɛ mą yɛ nu, naaləi yɛ ɓo mą, yɛ mɛ̨nį kpɛa-kpɛa ɓo.

Danîa 8:23

Mįnɛ̨ nąąn tii di wɔ tɔɔlaai kpɛɛi lɔwai ɓə, nɛ̨ŋɛ̨n ɉəɠə nuą da di kɛ nɛ̨ŋɛ̨n naahvɛɛ la. Nąąlɔwai, tɔɔmun da a muhəɠə, ɉuɲąŋą kənə nwəlɛɛ nuą ɓowoi.

Danîa 8:25

Gaa pai kɛi a ɲɛlɛɛ mɛ̨nįɠaa kɛi, yɛ pɛli mą da kpɛliɠaa ɓowoi. Nwɔ huɲąŋą kɛnɛ̨ laa hu, gaa pai nu tamąą paai, diɛi gaa di wɔ kwəi di mąą kwənąn ŋaai, yili pulu, gaa pai kɔ́ pɛlɛi tɔɔɓɛlaa di wɔ Tɔɔmun ma. Nąąlɔwai ɓə gaa pai tooi la, nui lɔpee ta laa hva kɛ ɉu.

Danîa 8:9

Mįnɛ̨ nąąn tii, dɔ̨nɔ̨ maapoo ə tɔɔ mą a mįnɛ̨ logolo, mįnɛ̨ lon tii ə kɛnɛ̨ yɛ yɛɛ ɉɛɠɛɛ pələ, yɛ li voló həɠəi pələ, ə lɛɛ yɛ li nɔi lɛlɛɛ hu pələ.

Nahumə 1:14

Mɛ̨nįi Yai-Laa ka moi yɛ hvilɛn yɛ́ ya ka, yɛ: Ə́ laa hvo pai lɛɛi huwui lɔpee da ɓa, ə́ wɔ yáláɠaai hvɛli pɛlɛ́ mu, ɉaliɠaai di kaa laa a wulu mąą haɠaa, da yiiɠaai di di yɔw, gáá pai gəlee kpɛɛi laa; gáá ə́ kámą pɛlii, mąąhɔlɔɓo ə́ mu hvo wiɛ li.

Samuɛlə dɔlɔɔ 3:13

Ŋą́ mo mą, gɛ́ mą: Nwɔ pɛlɛ́i kiti tee hiɛ li, nwun na ə pili a yələ kəlee; dúwɔ́ hɔn mąą mɛ̨nį ɓa. Mąąhɔlɔɓo, gili ə kɛ ɉu yɛ kɛ non ɉinąą kaa Yálá ɓɛlɛ too mɛ̨nį kɛi, yaan hvo di hutɔɔ.