Danîa 10:18 - Yálá laawoo hɛɓɛ (dc)

¹⁸ Ɲąąɓa, yii tii gɛ pələ ə kɛ ɲɛ nu, ə ɲee hee mą́ą́, ə gɛ, ŋą́ pənə ŋą́ hvaŋą hɔlɔɓo.

Yálá laawoo hɛɓɛ

¹⁸ Ɲąąɓa, yii tii gɛ pələ ə kɛ ɲɛ nu, ə ɲee hee mą́ą́, ə gɛ, ŋą́ pənə ŋą́ hvaŋą hɔlɔɓo.

Bible

¹⁸ È ǹyée lɛ̀ɣɛ ŋɔ́nɔ ḿâ ŋ́gonôi é kpanáŋ.

Danîa 10:18 ပူးပေါင်းရင်းမြစ်များ

Zôo 16:5

Kɛlaa, ŋį́ kɛ ka liilaa a nwóó, ŋį́ kɛi náálə́i tumo, yili yɛ ka hvaŋąlɔ.

Zôo 23:6

Ə li mɔ̨ɔ̨ pa tɔɔi ná a nwɔ huwalawala? Kɛlaa, kpaa! Nwɛi, a pɛli kpɛli kɛ nwəli tɔɔi nwóó ɓa.

Mąątɛ̨nɛ̨ 138:3

Ɲələi ŋį́ ə́ təli la, yɛ́ nwóó mu hon, ə́ váŋą ta pɛlɛ mą.

Danîa 10:10

Nąąlɔwai, nu ta ə ɲee too ɉú, ə múhəɠə, bɛlɛɛ nɔi ɓa yɛ nu a kɛi tala, mą́ą́ yɛ kpɛlin.

Danîa 10:16

Kɛlaa, ŋą́ hɛn da kpɛli kaa, gɛ pələ ə ɓo yɛ nu, ə pa, ə ɲee hee náá wulun ma, gɛ́ tɛɠa pɛli hvaai. Nui ŋɛ̨i kɛ tɔɔni ɲɛ̨i tɔwɔ, ŋą́ mo mą, gɛ́ mą: «Nwɔ́ mɛ̨nį Nąmu, gɛɛ ɲɛ̨i ŋą́ą́ gaa, aa gwə́i pili mą́ą́, hvaŋą hvo kpɛli lɛɛ li ɲə́i.

Danîa 8:15

Ɲą́ą́ Daniɛlə, ɉįi tii ŋą́ gaa, ŋą́ kɛ bɔ ŋą́ mukulaa kɔ́lɔn, ŋaaɓa, ŋą́ nu ta kaa tɔɔni nííla,

Danîa 8:18

Ɓɛlɔwai tii ə kɛi hvaa la bɔ́, ŋą́ kɛ pɛlɛ ni nɔi ɓa, gwə́i pilɛɛ mą́ą́. Nąąlɔwai, ə ɲee too ɉú, ə muhəɠə ə dɔɔ ɓɛi tii ŋą́ kɛ laa.

Lukə 22:32

Kɛlaa, ŋą́ą́ Yálá hvɛli yɛ́, əgɛ, ə́ wɔ kilitɔɔmąą hvo kulɔ ə́ yəi. Yɛ́n, yá pənə yá pai, ə́ ləɠəni hvaŋąlɔ.»

Lukə 22:43

Nąąlɔwai, Yálá ə nwɔ malaka ta tɔɔ, yɛ vaŋąlɔ.

Gɛlaɠaa 18:23

Ə yíi kuu ta wolo kɛ laa, yili pulu, ə tɛɛ yɛ li; ə tɛɛ kpɔ Galatə lɔi da Frizi lɔi hu, yɛ galan nɛa kəlee hvaŋąlɔ.

Ifisiɛŋ 3:16

Ŋą́ vɛli gɛ́: yɛ bələi nwɔ hɛn Nąmu laa kaa la mąąwiɛlaa hu, ə ka huwalawala, ə ka hvaŋąlɔ nwɔ Kilii háálai yai gaa ka hu.

Filipə 4:13

Kristə háálai, ŋą́ pɛli ŋį́ nííkpələ mɛ̨nįɠaai ti kəlee hu.

Kolosə 1:11

Ká hu yɛ pɛli walawalai la mɛ̨nį kəle hu, mąąɲįnɛ̨n vaŋą kɛnɛ̨ɛ̨ háálai, káá pɛli tɔɔi la a vaŋąlɔ da liikpələ, hukɔɔn mɛ̨nįɠaa kəlee hu. Kwəinɛ̨ɛ̨ hu,

Samuɛlə dɔlɔɔ 23:15

Davidə ə gbaɠala kaa, yɛ kɛ Saulə aa kɔ́ muhəɠə baa mɛ̨nį ɓa. Davidə ə kɛ Zifə nɔi pun ɉu Horesa daai.