Danîa 1:7 - Yálá laawoo hɛɓɛ (dc)

⁷ Gbɛtɛgbuwuluɠaa nwun nąmu, ə laaɠaa hee diɛ, yɛ Daniɛlə ɓa: Bɛltsasarə. Yɛ Hanania nwɛi ɓa: Sadrakə. Yɛ Misaɛlə nwɛi ɓa: Mesakə. Yɛ Azaria nwɛi ɓa: Abɛdə-Nego.

Yálá laawoo hɛɓɛ

⁷ Gbɛtɛgbuwuluɠaa nwun nąmu, ə laaɠaa hee diɛ, yɛ Daniɛlə ɓa: Bɛltsasarə. Yɛ Hanania nwɛi ɓa: Sadrakə. Yɛ Misaɛlə nwɛi ɓa: Mesakə. Yɛ Azaria nwɛi ɓa: Abɛdə-Nego.

Bible

⁷ Asipena è dílaa maa fâleŋ. È Danîa tòli a Bɛtesaza, é Anania tóli a Sadura, é Misãŋ tóli a Meesa, é Azaria tóli a Abɛnigo.

Danîa 1:7 ပူးပေါင်းရင်းမြစ်များ

Zɛnɛse 41:45

Tɔɔmun ə Eziptə laa ta hee Ɉosɛfə ɓa, diɛ kɛ mą: Safnatə-Panea. Yili pulu, ə On daai haláá laa həli mun Potifera lon nɛ̨ɛ̨nu Asenatə tɛɛ Ɉosɛfə pɔ a nɛ̨ą. Ə həɠə kɛa ɲələi tii ɓa, Ɉosɛfə ə kɛi kɛa tɛɛ Eziptə lɔi hu nąą kəlee.

Tɔɔɓɛlaa veelɛ 23:34

Yili pulu, Eziptə tɔɔmun Neko ə Ɉosiasə lon Ɛliakimə hee a tɔɔmun a nąn mąąhvalin. Eziptə tɔɔmun Neko ə Ɛliakimə laa mąąhvalin a: Yoyakimə. Yii ɓaa Yoakazə nwɛi, aa kɛ doo gaho ŋą, ə lɛɛ gaho ŋą ə dɛɛ Eziptə lɔi hu, nąą ɓə ə haa laa.

Tɔɔɓɛlaa veelɛ 24:17

Babilonə tɔɔmun ə Yoyakin kulɔ dɔɔlaa hu, ə mąąhvalin a Yoyakin galá Matania, yii di nąą mąąhvalin a Sedesiasə.

Danîa 1:19

Tɔɔmun ə di kəlee di mąąkpɛɛ, nu kpului tii lɔwai, nui lɔpee ta hvo hɔlɔɓo ɉu hvo kɛ yɛ: Daniɛlə, Hanania, Misaɛlə da Azaria. Nu nąąn tii ɓə tɔɔmun ə di yɛɠɛ ɉu, ə di hee gwɛlɛ.

Danîa 1:3

Tɔɔmun Nabukodonosorə ə mo nwɔ gbɛtɛgbuwuluɠaa nwun nąmu Aspenazə ɓa, yɛ mą: Hilɛlea həɠə Israɛlə nu huwu lɔwai, diɛi di kaa a tɔɔ-pɛlɛ́ mu nuą, diɛ ɓo a nu walawalaɠaa lonnii.

Danîa 10:1

Pɛrsə mun ŋɛ̨i ka kɛ mą Sirusə, yai kɛ a nɔi nwun nąmu, nwɔ tɔɔlaa gwɛlan ɉaaɓa lɔwai, Yálá nwɔ wɛlɛɛ ɓomun da ə wɛlɛɛ ta ɓo Daniɛlə ɓa, yaai naa mɛ̨i hee ɓaa Bɛltsasarə. Nwɛlɛɛi tii ə kɛ a wɛlɛɛ yii mąąnɛ̨ɛ̨ nu ə laa na, mąąhɔlɔɓo, gaa kɔ́ kpɔluɔ mąą mɛ̨nį ɓoi. Daniɛlə ə giliŋąhiɛ, ə ɉįi tii mukulaa kaa.

Danîa 2:26

Tɔɔmun ə nɛɛmą, ə mo Daniɛlə ɓa, yaa ŋɛ̨i naa mɛ̨i hee ɓa kɛ a Bɛltsasarə, yɛ mą: «Ɉiin ŋɛ̨i ŋą́ gaa, ya pɛli ə́ mo mą́ą́, ə́ bɛlɛ mukulaa ɓa?»

Danîa 2:49

Daniɛlə ə nɛ̨ɛ̨mąą hvə tɔɔmun ma, ə gɛ, di Babilonə lɔi ɲąąwooɓoɔ ɲɛ̨i tɔwɔ laa tɛɛ mɛlaa: Sadrakə, Mesakə da Abɛdə-Nego di pɔ. Yii ɓaa Daniɛlə nwɛi, ya ɓə kɛ a tɔɔmun niɛwoo kɛ mun.

Danîa 4:5

Hvo kɛli kɛa pulu ɓa, Daniɛlə yii ŋą́ nwɔ́ yálái Bɛltsasarə laa hee mą, a naa mɛ̨i hee, yaai tii ɓə Yálá Hulú Nii kaa mɛ̨i, yaai tii ɓə ŋą́ nwɔ́ hįi mąą mɛ̨nį ɓo mą.

Danîa 4:8

Nwului tii kɛnɛ̨ɛ kɛ, nwalawalaa. Dón yɛ kɛ ə həli yələkɔlɔn ma. Lɔi mɛ̨i nuą kəlee diɛ pɛli gaai.

Danîa 5:12

Daniɛlə ŋɛ̨i tɔɔmu ə naa mɛ̨i hee a Bɛltsasarə, gili kɛnɛ̨ mɛ̨nį kɔ́lɔn ŋąą hu, nwun ɲɛ ɓo ɉu, a pɛli hiinɠaa hukulɔi, a pɛli hanwonŋaa hukulɔi, mɛ̨nį yii nwalawalaa, a ɉon bələ kpaɠala lɛ. Ka Daniɛlə tii təli, a pɛli mą ə mɛ̨nį ta ɓo mɛ̨nį ŋɛ̨i hu.»