Danîa 1:2 - Yálá laawoo hɛɓɛ (dc)

² Ną́mu Yálá ə hvaa mą, Babilonə tɔɔmun, Nabukodonosorə ɲee ə tɛɛ Yoyakimə ɓa, yai kɛ a Ɉuda tɔɔmun. Yili pulu, ɉɛnŋaai ŋɛ̨i kɛ Yálá hee pɛlɛ́ mu, ə bələ tɔ̨nɔ̨ həɠə, ə li a diɛ Sinearə lɔi hu, ə di pu nwɔ haliɠaai yəi bɛlɛ́n, ə ɉɛnŋaai tii pu nwɔ haliɠaai di wɔ hɛn gɔw kɛɛnąą.

Yálá laawoo hɛɓɛ

² Ną́mu Yálá ə hvaa mą, Babilonə tɔɔmun, Nabukodonosorə ɲee ə tɛɛ Yoyakimə ɓa, yai kɛ a Ɉuda tɔɔmun. Yili pulu, ɉɛnŋaai ŋɛ̨i kɛ Yálá hee pɛlɛ́ mu, ə bələ tɔ̨nɔ̨ həɠə, ə li a diɛ Sinearə lɔi hu, ə di pu nwɔ haliɠaai yəi bɛlɛ́n, ə ɉɛnŋaai tii pu nwɔ haliɠaai di wɔ hɛn gɔw kɛɛnąą.

Bible

² Kúnuu-namui Ɣâla è gɛ̀ é Zɛoakiŋ soŋ é Ŋ̀âla-pɛrɛ Kɛ́tɛi mu sãai da-ŋa sìɣe. E zãai ŋí sìɣe é lí a dia Babelɔŋ ŋɔɣâla-pɛrɛi mu. È dí pù ƃɛ́i ma a kâa ŋɔɣâla-pɛrɛ kɛ́tɛi mu-sãai pûi kɛ̀ naai.

Danîa 1:2 ပူးပေါင်းရင်းမြစ်များ

Zɛnɛse 10:10

Nɛmrodə nwɔ taa tɔlɔɔɠaai ə dɔɔ, diɛ ɓaa kɛ: Babɛlə, Erɛkə, Akadə da Kalne, Sinearə lɔi hu ɓə ə daaɠaai tii pu laa.

Zɛnɛse 11:2

Ɓɛlɔwai di kɛi li la voló həɠəi pələ, di nɛ̨ŋɛ̨ hu ta kaa Sinearə lɔi hu, di hee laa.

Tɔɔɓɛlaa veelɛ 24:1

Nąąlɔwai tii hu, Babilonə tɔɔmun Nabukodonosorə ə Ɉuda lɔi hon a kɔ́. Yoyakimə ə lɛɛ ɲee mu, kwɛlan ɉaaɓa yee mu. Gwɛlan ɉaaɓa kpɛɛi lɔwai, Yoyakimə ə pənə ə Babilonə tɔɔmun yee mɛ̨i yali.

Kɔlɔnikɔ Veerɛi 36:5

Yoyakimə kaa kwɛlan ə kɛ a kwɛlan bow hveelɛ gɔw lɔɔli yɛ dɔɔlaa hɔlɔɓo, ə tɔɔlaa kɛ a kwɛlan bow gow tanɔ̨n Ɉerusalɛmə daai. Yoyakimə ə túwɔ́ a ɲɔ̨nwɔ̨ɔ̨ nwɔ Yálái Yai-Laa ɲɛ̨i ɓa.

Kɔlɔnikɔ Veerɛi 36:7

Nabukodonosorə ə Yai-Laa ŋą pɛlɛ́i mu hɛnŋąą tamąą həɠə, ə li la ə ɉee nwɔ tɔɔ pɛlɛ́i mu Babilonə.

Ɛsdrasə 1:7

Ɉɛnŋąą kpɔ wɔlɔ tɔɔmun Nabukodonosorə ə ɉəɠə Yai-Laa hee pɛlɛ́ mu Ɉerusalɛmə daai, ə paa la nwɔ haliɠaai hee pɛlɛ́ mu, tɔɔmun Sirusə ə yili kəlee kulɔ laa, ə dɛɛ di pɔ.

Azaya 11:11

Ɲələi tii a həli, Yálá kaa pai nwɔ̨nɔ̨ mɛ̨nį ta kɛi, nwɔ nu kpəli wolaai da lɛɛ ɲɛnɛ̨ɛ̨, a di nwun mąąɓo a nwɔ huwalawalai, ə di kulɔ Asiri da Eziptə, ə di kulɔ Patrɔsə, da Kusə, da Elamə, ə mą kɛ, Sinearə da Hamatə; ə di kulɔ gboloyá hąąi lɔiɠaa hu.

Azaya 42:24

Gbɛɛ ɓə Ɉakɔbə kwɛlɛ diɛ ɉukala? Yɛ Israɛlə tɛɛ toomɛ̨i kɛ nuą pɔ? A kɛ tii Yai-Laa hvəi, a yai tii gu nɛ̨ŋɛ̨n ɉəɠə mąi! A yai tii gu hvo gɛ gu hvo hvilɛn nwɔ pələi mɛ̨i! Ɛlɛɛ, gu hvo gɛ gu hvo gu wəli tɔɔ nwɔ tɔ́n nwooi ɓai?

Ɉeremi 25:1

Mɛ̨nįi di mo Ɉeremi ɓa, Ɉuda nuą kəlee laa mɛ̨i, Yoyakimə lon Ɉosiasə nwɔ tɔɔlaa gwɛlan nąąn nɔwai Ɉuda lɔi nwun na; nąąlɔwai Babilonə tɔɔmun Nabukodonosorə nwɔ tɔɔlaa gwɛlan dɔlɔɔ li kɛ, ya ka:

Ɉeremi 27:16

Gáá moi ɉaláá laa həli nuą diɛ da nɔi lonnii, Yai-Laa woo ka, yɛ: «Yálá kwəi mɛ̨nį hukulɔ nuąi mɛ̨nį ɓoi kaa a náá, diɛ kɛ di kaa pai həɠəi a ɉu kpua Babilonə, a Yai-Laa nwɔ pɛlɛ́i mu hɛnŋaa, diɛ pənə diɛ pa a diɛ, ka hvo ka wəli tɔɔ di woo ɓa. Lɛɛ woo ka tii di kaa moi a náá.

Ɉeremi 28:3

gɛɛ kwɛlan veelɛ hvo tɛɛ kpɔlɔ ɲąąɓa. Yai-Laa nwɔ pɛlɛ́i mu hɛnŋaai Babilonə tɔɔmun ə di həɠə gɛɛnąąi ŋɛ̨i ɓa, yɛ li a diɛ Babilonə, ŋą pənə ŋą pa a gəlee,

Ɉeremi 35:11

Ɓɛlɔwai Babilonə tɔɔmun Nabukodonosorə ə pili la nɔi hu, ya ɓə ku kɛ la diɛ, ka gu lɔ Ɉerusalɛmə daai, ka gu pu Kalde kɔ́kulááɠaa da Aramə kɔ́kulááɠaa tɔwɔ. Yili ɓə gɛ kuɔ hee la Ɉerusalɛmə daai.»

Ɉeremi 50:2

'Ka mo lɔiɠaa hu, 'Ká nolo ɓo, 'ka ɉukulɔ, 'Ká mo, ká hvo ɲɔw, 'ka kɛ diɛ: Daa Babilonə hon, daa Bɛlə nwumɛ̨, Mardukə aa too, daa nwɔ haliɠaai ɓɛlɛkpɛɛ diɛ. Daa nwɔ halii mąąnįnįnŋaa hukala.

Ɉeremi 51:44

Babilonə halii tii a Bɛlə, gáá hee ɉu, ɉɛn ə mį́i, gáá gulɔi gwəi. Yɛnɛ̨ɛ̨ nuą di hva kɛa pa bɔ a di kpulu, Babilonə mąąkpɛ hįį kəlee kaa pui.

Danîa 5:13

Nąąlɔwai, di Daniɛlə təli ə pa tɔɔmun nííla, tɔɔmun ə mo mą, yɛ mą: «Yɛ́ ɓə da kɛ ə́ laa ɓaa Daniɛlə, nuąi ŋɛ̨i ną́n ə di həɠə Ɉuda lɔi hu, yɛ pa a diɛ, da ɓaa yɛ́?

Danîa 5:18

Oo tɔɔmun, Yálá yii gaa hɛn gəlee nwun mɛ̨i, ə tɔɔlaa, kɛnɛ̨ laa, ɓɛlɛ kɛ maa da mąąwiɛ tɛɛ ə́ nąn Nabukodonosorə pɔ.

Habakukə 1:16

Da kɛ haláá kulɔi di wɔ ya tuluun dumɔ̨ɠaai diɛ, diɛ lansan kələn diɛ. Mąąhɔlɔɓo, ɲa tuluun dumɔ̨ɠaa tii haalai ɓə da kɔ̨nɔ̨n ɉɔlɔɓo la, a kɔ̨nɔ̨n gɛnɛ̨, nɛ̨ɛ̨.

Zakari 5:11

Ə nwóó pulu pənə, yɛ mą́ą́: «Di kaa lííla Sinearə lɔi hu, nąą ɓə di kaa lii mąąwiɛ pɛlɛ́ tɔɔi laa. Di kaa lii vilɛn ɉii laa, di gąnąn naa kpan-kpan.»

Dutɛrɔnome 32:30

Nu tɔ̨nɔ̨ gbən a pɛli kɔ́kuláá waa tɔ̨nɔ̨ kpɛ pələ kɛi ləi? Nu hveelɛ da kɔ́ kɔ́kuláá waa pow kpɛ pələ kɛ ləi? Akɛ ɲą́ą́i a Israɛlə mɛ̨i kaa kwɛni və́ vaŋą tɛɛ li di pɔ, Akɛ ɲą́ą́i Yai-Laa və́ di lɔ di yee ŋą.

Nwun mąąɓo 2:14

Yai-Laa ə níiɲąnwąną Israɛlə lonnii diɛ. Ə di tɛɛ di yowoɠaa pɔ, yiliɠaai di di hon. Ə di lɔwɔ́tɔɔ di yowoɠaa kɛ di kwɛlɛ diɛ, di hvo pɛli tɔɔi di yowoɠaa la.

Nwun mąąɓo 3:8

Yai-Laa lii ə holi Israɛlə nuą pɔ, ə di kwɛlɛ Kusan-Riseataimə ɓa, yai kɛ a Aramə yá leeɠaa kwɛlɛ tɔɔmun, di kwɛlan mɛ̨ihaaɓa kɛ yili yəi luwɔlaa hu.

Nwun mąąɓo 4:2

Yai-Laa ə di too Kanaan tɔɔmun Yavimə yəi ŋą, yili ə kɛ heeni Hasɔrə. Nwɔ kɔlaɠa nwun nąmu ɓa kɛ a Sisera, kɛlaa, yili ə kɛ heeni Harosɛtə-Goimə.

Samuɛlə dɔlɔɔ 5:2

Də li di nɔ di wɔ halii Dagɔn nwɔ pɛlɛ́i mu, di gəhi hee Dagɔn kwɛlɛ.