Azaya 9:7 - Yálá laawoo hɛɓɛ (dc)

⁷ Yálá ə haŋąi Ɉakɔbə nu huwu ɓa, nwoo aa həli Israɛlə nuą diɛ.

Yálá laawoo hɛɓɛ

⁷ Yálá ə haŋąi Ɉakɔbə nu huwu ɓa, nwoo aa həli Israɛlə nuą diɛ.

Bible

⁷ Ŋɔwála-walai kóyaŋ fé pâi wɔ́lɔ kɛ̂i ma. Lii-sêe a pâi wɔ́lɔ kɛ̂i nɔ́ ŋɔkâloŋ-laai su. Ǹyaa ƃé pâi kɛ̂i Gâloŋ Deeƃé pɔ́ɔ ŋá a kâloŋ. Wôya mɛni da kélee fé pâi kɛ̂i ŋɔkâloŋ-laai su wɔ́lɔ-wɔlɔ da wɔ́lɔ-wɔlɔ. Ǹyaŋ Ŋ̀wála-wâla Kélee Yâwɛɛ ƃé pâi m̀ɛni-ŋai ŋí kélee kɛ̂i dí kɛ́.

Azaya 9:7 ပူးပေါင်းရင်းမြစ်များ

Samia Veerɛi 7:16

Ə́ wɔ pɛlɛ́i da ə́ wɔ tɔɔlaai di kaa pai kɛi ɲɛ̨́i mu a yələ kəlee. Ə́ wɔ tɔɔ kpəlin a kɛ a ɉeɛ kpɔ a gbilin yələ kəlee mɛ̨nį.»

Tɔɔɓɛlaa veelɛ 19:31

Mąąhɔlɔɓo, nu kpəli wolo kaa pai lɛɛi Ɉerusalɛmə daai, nu kpəli ə lɛɛ yiiɠaa da kulɔ gɔ́ hu Siɔn yee ɓa. «Yai-Laa nwɔ tələnmolaa ɓə pai yili kɛi tii.

Mąątɛ̨nɛ̨ 2:8

Ɉu hvɛli mą́ą́, ŋą́ lɔi kəlee tɛɛ ə́ pɔ a ə́ kwɛlin, ŋą́ yɛnɛ̨ɛ̨ kəlee tɛɛ ə́ pɔ a ə́ wɔɔ.

Azaya 11:1

Ɉɛse nwɔ nwungbəi mąą kaa pai pooi, ɉamu kaa pai kpuwun ɉii.

Azaya 16:5

Wɛlikɛmąąlaa a dɔɔkpəlin hee gbilin, ɛlɛɛ, Davidə yəi bɛlɛ́n, kiti tee mun ɉaŋąą kaa pai heei laa, yɛ tɛ̨ą hu kpɛ, ɲee mąąhulaa mɛ̨nį ɲɛ̨i kulɔi.»

Azaya 2:4

Ya ɓə pai hį́i kəlee yee lɔi gee hu, ya ɓə pai nuą lɔwai mɛ̨nįɠaa hutɔɔi, di wɔ ɓɔwa kwɛaɠaai ɓə gaa pai bɛlɛi gee ɓa, di gɛ a kali, di wɔ kpalaɠaai ɓə di kaa pai gɛi a mɔ̨nun dee kɛlɛlɛ, lɔi ta hva kɛa kɔ́ pɛlɛ mɛlan ma, lɔi ta hva kɛa kɔ́ kɔ́ɔ mąą kwɛli.

Azaya 26:11

Yai-Laa, Yáá ə́ yee muhəɠə di hvo gaai, Kɛlaa, ə́ wɔ lɔi mąą liihɛlɛn tii Yɛ́, di kaa pai gaai, di ɲɛ̨i yɛ paa; nwɔ̨n tii ɉeɛ Ə́ yowoɠaa tɔwɔ, diɛ kələn ɉu.

Azaya 37:32

Mąąhɔlɔɓo, nu kpəli kaa pai hɔlɔɓoi Ɉerusalɛmə, nuą kaa pai kulɔi Siɔn yee nwuɔ̨. Mɛ̨nį Kəlee ŋą Hééɓomun Yai-Laa nwɔ wɛlikɛmąąlaa ɓə pai mɛ̨nįi tii kɛi.

Azaya 40:10

Ną́mu Yái-Laa ka! Gaa pai a hvaŋą, yeetɛɛmąą laa kaa ɲəi, nwɔ hvɛla kulɔ kɛ hɛn kaa ɲəi, nwɔ ɲąąkɛlɛ hɛn ə ɓo ɲəi.

Azaya 42:13

Yai-Laa kulɔ hiɛ ka tii, yɛ kɔ́kuláa, gaa yɛ kɔ́ kɔ́ mun, gaa nwɔ lii kələn gwəi ɲąątɛi, yɛ gɔ́ huu pili, yɛ tómą, yɛ li ɲowoɠaa pɔ pələ yɛ kpakolo.

Ɉeremi 23:5

Yai-Laa woo ka, yɛ diɛ: «Yələ ta kaa pai həlii, gáá pai Davidə mąąpoo tɔɔi mą, yɛ pɛli nɔi ɲąąwooɓoi a tələnmolaa, yɛ tələnmolaa da tɛ̨ą di mąąkɔ̨nwɔ̨.

Danîa 2:35

Nąąlɔwai, gwɛli da nəɠipɔlɔ, mala kwɛli da nwali kwɛli, ə lɛɛ, da ɉɛni tii, di taɠa-taɠa di kee ɓa yɛ hvóló laa ɓoɔ hvana a hee mɔ̨nun gala hu. Hvaŋą ə li a ɉɛn tii kəlee, pɔɔ tɔ̨nɔ̨ kpɛli hvo lɛɛ laa. Kɛlaa, gwɛnii tii kɛlɛ mąąnįnįn ɉaɠaa hu, ə mąą pənə a yee kɛnɛ̨, ə lɔi mɛ̨i kəlee laahvɛɛ.

Danîa 2:44

Dɔɔɓɛlaaɠaai tii di wɔ lɔwai hu, Yálá kaa pai tɔɔ ta heei yii hva taɠa, ə lɛɛ, dɔɔlaai tii hva tɛɛ hįi takpɛli pɔ. Dɔɔlaai tii ɓə pai dɔɔlaagaai tii kəlee ŋąą yɛɛi, yaa kpinįi leelei tii, a lɛɛ kɛa laa a yələ kəlee.

Danîa 7:14

Di yeetɛɛmąą kɛnɛ̨ laa, da tɔɔlaa tɛɛ bɔ. Híín lɔpee gəlee, hįi wooi lɔpee gəlee ɓo nuą, di kɛ a nwɔ kóló kɛ nuą. Nwɔ heeɓo laa ə kɛ a yii kpɛɛ hvo mą, yii hva tɛɛ, nwɔ tɔɔlaai kala hvo mą a yələ kəlee da nwɔɔ.

Danîa 7:27

Tɔɔlaa, heeɓolaa, kɛnɛ̨ laa, da tɔɔlaaɠaai kpɔ di kaa lɔi mɛ̨i, di kaa pai gəlee tɛɛi Yálá Yii Gaa Hɛn Gəlee Nwun Mɛi nwɔ nuą pɔ. Dɔɔlaai tii kaa pai kɛi a tɔɔlaa yii kpɛɛ hvo mą. Huwalawala hɛnŋaa kəlee kaa pai kɛi nwoo mu.»

Egaa 2:9

Ɲą́ą́ Yai-Laa Mɛ̨nį Kəlee ŋą Hééɓomun ɉéé pɛlɛ́ nįnɛ̨i ŋɛ̨i, nwɔ mąąwiɛ kaa pai kɛnɛ̨i ə tɛɛ la dɔlɔɔ ɓa. Ɲą́ą́ Yai-Laa Mɛ̨nį Kəlee ŋą Hééɓomun, ɲą́ą́ ɓə mįnɛ̨ həɠə kaa, gɛ́ kaa: Gɛɛnąą ŋɛ̨i ɓa ɓə, ka káá pai liilaa hɔlɔɓoi laa.»

Maafîu 1:23

Ə mo yɛ: «Nɛ̨ɛ̨gbəla ta yii hvo hulɔnu mɛ̨nį hu kɔ́lɔn, gaa pai koo həɠəi, ə lon ɉulɔnu hɔlɔɓo, di naa hee a Ɛmanuɛlə (mukulaa ɓaa: Yálá kaa gu pɔ).»

Ɉaan 12:34

Nuą tii kəlee di nwoo pulu pənə diɛ mą: «Ku mɛ̨n dɔ́n ɉɛɓɛ́ hu, diɛ kɛ: Nwun mąąɓomun Yálá ə naakwɛlanmo haa hvo mą. Gɛ pələ kaa ləi yaai, ə́ kaa kɛi diɛ: di kaa pai Nu Lon dɛi yələi? Akɛti, gbɛɛ ɓə a Nu Lon tii?»

Hebreu 1:8

Kɛlaa, yii ɓaa a Non nwɛi, Yaa kpinįi ə mo, yɛ: «Ə́ wɔɔ tɔɔkpəlin, oo Yálá, gaa lɔ heeni ɉeei a yələ kəlee mɛ̨nį, ɛlɛɛ, tələnmolaa ɓə ya ə́ wɔ tɔɔlai kɛ ɉu.

Hebreu 7:24

Kɛlaa, Jesus nwɛi tii, yɛ bələi haa hvo la mą, gaa a ɉaláá laa həli mun a yələ kəlee mɛ̨nį, nu ta hva mąąhvalin.

M̀ɛni-lɛɛi 19:11

Yili pulu, ŋį́ yələkɔlɔn gaa naa ɓoɔ, hoo kwɛlɛɛ ta ə kulɔ laa, nui kɛ heeni mɛ̨i, naa ɓaa a: Tələnmo, da Tɛ̨ą. A kiti tee, ɛlɛɛ, yɛ kɔ́ kɔ́ a ɉaŋąą.